انا رومنسي وعاشق قلبي معمر بالحب . . .

أبو عاتكة

فُـ,ـريڊ أبـٌـٌٌـٌٌٌـٌٌـٌوُفُـ,ـيصُـ,ـلُـِـِِـِِِـِِـِـ
طاقم الإدارة
إنضم
1 أوت 2008
المشاركات
8,539
الحلول
4
نقاط التفاعل
13,907
النقاط
2,156
الجنس
ذكر
لما تمشي في الشارع في دزاير 2010 تبقى توحد في ربي للحالة اللي وصلت ليها الشبيبة نتاعنا .
images


في شعرو راسم قلب وقي ذراعو قلب وفي التريكو قلب ولابس سلسلة فيها قلب وخلفية البورتابل قلب ودارني غنية اُه ياقلبي . . . .
images
ويدخل لمنتدى مثل اللمة تصيب الصورة الرمزية قلب والتوقيع قلب والمواضيع تشكي على القلب . ..

حتى يجيك مرض القلب اللهم احفظنا .
images


الشاب عاطفي ورومنسي
images
يحب عندو قلب رهيف واحساس خفيف وشعور هفيف حساس وكلمة صغيرة تجرحو ..
images


شوفو مستوى العاطفة والحب عندو .

images
ينوض الصباح عالعشرة يتكسل باباه المسكين ديجا راه خرج صرف المصروف وجابو فوق ضهرو والعرف يتصصب عليه ورجليه يصطرو عليه يمشي ويطيح .
صاحبنا حساس وقلبو رهيف بصح مع باباه
images


images
يلقى الوالدة ربي يحفظها في شغل الدار شقيانة موجدة الفطور يتكسل في صاحبنا في الكرسي ولا الفوتوي

يماااا اعطيني نفطر جيبيلي القهوة
اعطيني الما زيدي هاذيك حطي ارفعي يلقى القهوة بلا سكر يبدى يشنف ويعيط تقول هو اللي جابها
يخبط الطابلة وينوض يسب ويعيط ويكفر بالنعمة
images


images
صاحبنا حساس وقلبو رهيف بصح مع يماه
images


images
اختو مايصبح عليها تقول جان في الدار ميسقسيهاش واش تحتاجي واش يخصك اختي ميهدر معاها ميضحك معاها بورتو منين كان صغير كانت ديما هازاتو تلعب بيه وتضحك فيه
واذا كانت صغيرة في السن منحكوش هذاك معطاها سعدها الكفرانيات والضرب والعباط بلا سبة
خوها طول وعرض بصح دكتاتور وفرعون الهدرة معاه مستحيل . . .وبلا مانكمل لانو راح ندخلو في موضوع اخر .

images
صاحبنا حساس وقلبو رهيف بصح مع اختو
images


images
يفتح باب الدار وموراه يخبطو حتى تتزعزع يلقى جارو يخدم في حاجة وحاصل ومحتاج اللي يعاونو يشوفو من بعيد يحط الكيتمان في وذنيه لعراض
images
ويبقى ماشي صباح الخير ميقولهاش شغل عمى مشافوش .
images


images
صاحبنا حساس وقلبو رهيف بصح مع جارو
images


images
يفوت على فقير ولا متسول وهو عندو مصروف الجيب الصداقة متخرجش من جيبو عالعام مي الدخان والقهاوي والفليكسي وكل شيء يخرجو الصوارط بلا حساب
يشوف ولد صغير حفيان ولا شيخ يطلب في الخبزة ولا عجوز واقفة عند البولونجي ولا مسكين حاير في ماكلة ولا دواء لولادو بصح هو فايت نورمال

images
صاحبنا حساس وقلبو رهيف بصح مع الزوالي
images


مايعرف يهني اقارب مايعرف يعظم الاجر في ميت ما يعرف يوقف في الشدة ما يعرف وين صادة القبلة ميعرف قداش في المغرب من ركعة .مايعرف يذكر ربي ما يعرف يصلي على النبي .
ما يقادر كبير ما يعطف على صغير ما ينحي حجرة من طريق ما يبدع منكر ما يصلح ما يرحم ما يخلي رحمة ربي تنزل .ما يعاون جار ما يحمل حمل على عجوز ولا شيخ ما يرفق بزوالي ما يصدق على فقير ما يخفف على مسكين .
مايعاون باباه ما يداويه في مرضو ما يوقف معاه في عجزو ما يصبح على امو ما يحبها على راسها كي تلقالو يحسب الرعدة ضربت ولا الزلزلة رجت .
مايقضي ما يصرف ما يدخل للدار خبزة ما يخرج من الدار معروف .


يدحل للسيبار ويفتح منتدى اللمة
images
ويكتب اول موضوع
images


انا عاطفي
images
انا حساس انا نحب
images
وقلبي رهيف انا مجروح
images
وقلبي ميحملش

images
.

ويبدا يفستي ويزوخ علينا
images
وهو فوت نهارو كيما راني حكيتلكم .


اذا كان قلبك هاكذا ربي يجيبلو وقفة ونتهناو وتتهنى من العذاب اللي هلكتنا بيه .
images


ولما تتعلم تحب ربي والرسول و امك وابوك واختك وخوك وجارك
احكي على الحب وعلى العواطف

يقلك اللي ما ضاق الحب عمرو ولا يحب واللي ماضاق حب هاذو كامل اللي فاتو عمرو ولا يعرف الحب ولا معناه .

وتستاهل هاذي من عندي

LOu02774.jpg



moz-screenshot-5.png
 
كاينــــــــــــــــــــــــة
عندهم العواطف والمشاعر من منظور و مفهوم واحد و نساو او تنساو الصح و الاهم
عقلية dz مازالت ماتكونتش
 
هههههههههههههههه شكرا على الموضوع
 
يعطيك الصحة اللي يحب و قلبو حساس يسبق يحس بلي اولى ماشي قلبو رهيف في حاجات و ميت على والديه
 
ربي يهدي
هاذ واش نقول
و كلهـ من سوء التسيير و التوعية و الفراغ العاطفي
 
يقولك خيركم خيركم لاهله و لي مافيهش الخير مع دارهم ماشكيتش يدير الخير في الناس..
 
هههه موضوع مميز وطرح اكتر تميرز
ولك مني تقييم :cool:
 
عندك الحق كلامك صواب نورمالمون قلبو رهيف وحساس ع الناس لي يستاهلو والاقرب منو ماشي في حوايج تافهين لي مايدو مايجيبو كفاش راح يحب وهو اصلا مارحمش في اهلو ربي يهديهم
يعطيك الصحة خويا موضوع في القمة
 
خويا فريد ديما نقولهالك دائما فريد في اختيار مواضيعك وطرحها
ان شالله يحبسو القلوب نتاع التفياس كامل
والله غير ربي يهدي
 
اذا كان قلبك هاكذا ربي يجيبلو وقفة ونتهناو وتتهنى من العذاب اللي هلكتنا بيه .
images


ولما تتعلم تحب ربي والرسول و امك وابوك واختك وخوك وجارك
احكي على الحب وعلى العواطف

بارك الله فيك
هههههه والله موضوع في بلاصتوا
 
مع هذا كامل و ما نقولوش باللي الحب ما كانش في حياتنا
بصح لي ما حبش والديه عمرو لا يعرف يحب عندك الحق
موضوع قمة
شكرا
 
ههههههههه غي نت لي فهم احساسو مسكين
 
السلام عليكم
القلوب على أشكالها تقع
 
ههههههههههههههههههههههههههههه والله يا فريد جبتها سواسوا كي تهدر معاه يقلك القلب لحمة ههههههههههههه :glare:جياحة ياو فاقو يجي نهار لي تفيق نتا تحبها يجو صحاح يدوها اقعد تلوى كي لحنش :sleep:
:sneaky2: لبنات تاني ربي يهديهم يلعبو بمشاعر دراري سيرتو لي طايح على راسو
 
آخر تعديل:
يعطيك الصحة على الموضوع
لي رزين رزين حتى في عواطفو خويا
تلقاه عندوامو وخواتاتو بالدنيا
وحتى كي يحب يعرف كيفاه يحب
ماشي تمسخير نتاع مسلسلات
وان شاء الله ربي يجيبلهم الشفاء
 
آخر تعديل:
يعطيك الصحة خويا فريد
شباب مراهقين هادو على الرغم من انو كبر ولازم يتحمل المسؤولية لكن هيهات
 
LOu02774.jpg




ههههههههههههههههه

منا لغدوة و انا نضحك

يعطيك الصحة فريد


 
هههههههه موضوع راائع شكراااااااا
 
شكرا أخي على الطرح

حقيقة كاين بزاف ناس كيما راك تحكي

و لكن هذا لا يعني اننا نعمم هذه الظاهرة على شباب "الدزاير "

فمازالت الدنيا بخير و مازال كاين الرجال

ولا راني غالطة؟

بصراحة أنا الحي اللي ساكنة فيه ما فيهش كامل هذه النوعية

بصح فعلا رجال و الله

و عندي ملاحظة: مادام كاين ناس وصلوا للحالة اللي ذكرتها فالموضوع
وين راهوا الدور التربوي لوالديهم

ما عساني الا أن أقول :

الحمد لله على نعمة العقل و الاسلام
 
والله كلامك هو الواقع المر لي رانا فيه
معليهش الولد يحب بالصح أولويات
تلقو واحد مشتاق ياكل حاجة ولا يلبس حاجة
....ويروح يفليكسي باش يعيط لحبيبتو كيما راهي تبالو....مش نعاير في الفقير بالعكس
ربي يجيب الخير حتى الوالدين يلعبوا دور في الجياخة نتاع لولاد
والله بخسوا بينا
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top