خلوني نهدر انا كرهت كرهت

[406_nassim]

السلام عليكم
واش راكم اكيد ملاح واللي مش مليح ربي معاه
جيت حبيت نهدر شوي راني مديقوتي ومقلق
حبيت نفرغ شوي ومالقيتش وين نفرغ
البلاصة اللي نروح نفرغ فيها نلقاها معمرة
ولا ماتكفيش ماعلاباليش علاش
المهم هنا نقدر نفرغ وخلاص
حاب نحكي على الصداقة شوي وقولولي راني غالط ولا راني صح
ادير صديق تأتمنو على اسرارك تحكيلو كل شيء
وتكون معاه كي يحتاجك تحاول بكل الطرق
باش تخفف عليه ولا تفرحو مانقولش تنجح
لكن تحاول باش تنجح المهم تخفف عليه ولو
القليل تعمل كل شيء علاجالو
ومن بعد يجي وحداخر يهد واش بنيت
وكون حبس هنا برك بل يقول فيك كلام
وكلام ويعمر صديقك حتى يتخلى عليك
لو عرفت الكلام تقدر تصحح واش قيل فيك
لكن حتى صاحبك مايقولكش ويروح يصدق
هذاك النمام
والله مانيعارف واش نقول نبدل الموضوع
كاين ناس تضحو على جالهم نتبهدلوا عللاجالهم
نديروا وحد الحاوايج علاجالهم ممكن صعيبة جدا
نقولوا ماعليش يستاهلو
لكن في الاخير ......
ولو يحبسو هنا ماعليش
المشكل يزيدوا يسمعوك كلام ويخرجوا اسرارك...
خلوني ياجماعة نحكي
ولا خلاص مانفسدش
نحبس هنا برك وكي تنفح نكمل
المهم ماديروش عليا كلامي راه باين مولاه
واسمحولي يالعزاز​

 

[ريمة 82]

الصداقة كنز لايفنى صحيح
لكن إلي دار وتبدل عليك بلا سبة ولا خرب بيناتكم
وكل عليه ربي
وتفرج
ربي راه يسلك في الدنيا
وقول قالت أختي
راهي تصفا إنشاء الله​

 

[omaima]

الصداقة كالعين واليد واذا نجرحت اليد بكت العين واذا بكت العين مسحت دمعتها اليد
اخي يفرجها ربي وقول حسبنا الله ونعم الوكيل لي خرب مابناتكم

 

[406_nassim]

شكرا ليكم خواتي

 

[AGENT007]

يا خويا واش نقولك
لازم فيها لي يفسد
واش يجي بين الظفر...................؟؟حاشاكم

 

[406_nassim]

يا خويا واش نقولك
لازم فيها لي يفسد
واش يجي بين الظفر...................؟؟حاشاكم

ايه صح عندك الحق وش رك تقول خويا مي لزم نوسعو خطرنا

 

[الجندية]

والله ياخويا العزيز راها تبانلي انا وياك رانا في نفس المشاكل حتى انا غير ميزامي مهبليني
اللي نحبهم ونعزهم ... يديرو فيا العجب في لافين نوكل ربي عليهم برك

​

 

[406_nassim]

والله ياخويا العزيز راها تبانلي انا وياك رانا في نفس المشاكل حتى انا غير ميزامي مهبليني

اللي نحبهم ونعزهم ... يديرو فيا العجب في لافين نوكل ربي عليهم برك ​

ايه وش نديرو الاخت نرمال كاين ربي

 

[chiva.]

يا نسيم خويا صاحبك هو جيبك مبقاتش صداقة في زمن الخيانة

 

[loca]

اخاه نندب عليه هاد شير اي هدا مش دايرك كيما صاحبك لوكان يسمع من طرفين وتاني كيفاه يامن واحد نمام ميعرفهش ويكذب صاحبه تاع سنين اي مديرش في بالك لوكان يعرف قيمة الصحبة صح مايروح ويخليك ولي بدلك بفول بدله بقشورو وزدا راك تعلمت ومنا وليام لي باقيين مادير ثقة على خاطر مش اهل لصداقة وبلا زعاف خيي.

 

[الخيزران]

ما أكثر الأصحاب حين تعدهم , و لكنّهم في النائبات قليلُ
شوف صديقي راك تتاثر من الصدمة الاولى ومن بعد يرجع عندك اونتي شوك
مسالة وقت ,لكن لا يجب رد الاساءة بالاساءة

 

[norجزائرية]

هاذ المشاكل راها في كل بلاصة نفس المشكل اخي + هاذ المواقف هي لي تخليك تعرف صحبك من عدوك
...............شكرا

 

[مسامعية]

كاين ناس وناس ماشي بالضرورة صداقة اليوم كامل هكدا
ربي يهدي الناس النمامة ولي دير مابين االاحباب
وحقيقة الصديق لي يصدق لي جى وما يحاولش يعرف الصح من الخرطي ماكلاه بيه
ربي يسقم لحوال

 

[DARINE05]

حاجة صعيبة باه تلقا صاحب يقبقى معاك على المليحة ول حايرة

 

[noumira]

خويا العزيز ما بقاتش صحبة في هدا الوقت الصحبة راحت بكري وصاحبك جيبك

 

[406_nassim]

خويا العزيز ما بقاتش صحبة في هدا الوقت الصحبة راحت بكري وصاحبك جيبك

والله صح وش قلتي مي الله غالب