activer البلوتوث تاعك نعقبلك وحد الفيديو روعة تاع .......

M

Moha le sage

:: عضو بارز ::
أوفياء اللمة

السلام عليكم




وحد الحاجة خطيرة نديروها كامل و مش علابالنا بالاثم اللي فيها


تتلاقا نتا و صحابك في قهوة ولا في حانوت و لا في الجامعة .. راكم تحكو من بعد يجبد واحد فيكم برطابلو

bien sur راني نحكي على البرطابلات multimedia

شوفو شوفو هاذ الكليب ولا مقطع فيديو تاع وحدة فاضحة روحها سواء فيلم جنسي او لقطة في فيلم او كليب .. المهم فيديو فيه عرى ومحارم

كامل يجبدو برطابلاتهم و يقلولك عقبلنا هاذ الفيديو الروعة ..

نتا تبان بطل و تولي الجماعة كامل تحاول فيك باش تبعث لهذا لول قبل هذا ..
و بلاك وليت نتا هو اللي كل مرة تجيبلهم الجديد تاع المقاطع الخليعة و درت الـ succes ووليت مشهور

تلقى la carte memoire تاعك 1 giga مليانا الكثير بيهم مع شوي تصاور( فنانات متعريات طبعا ) تصاور طوموبيلات و موطوات و تاع سلاح و غنى من كل نوع ..


وللاسف ولا حتى سورة من سور القران .. نتى لي تسمى روحك مسلم

وكل مرة تاكتيفي البلوتوث ولا تعطي الكارت ميموار لواحد يهز كامل واش عندك .. و تهز نتا عليه ذنوبو


1 giga تاع ذنوب


قبل ما تاكتيفي البلوتوث تاعك وتحاول تعقب الفيديوات هاذو نقلك

stop

اقراو معايا هاذ الحديث

يقول الرسول الكريم
Sala-allah.png
:

((من سن في الإسلام سنة حسنة كان له أجرها وأجر من عمل بها من بعده لا ينقص ذلك من أجورهم شيئا،
ومن سن في الإسلام سنة سيئة كان عليه وزرها ووزر من عمل بها من بعده لا ينقص ذلك من أوزارهم شيئا ))

اخرجه مسلم في صحيحه.


يعني ببساطة ماكفاش الشيطان سيطر عليكم و خلاكم تدو ذنب مشاهدة المحرمات ... فوق هذا رايحين تتحاسبو كل مرة يشوف واحد هاذ المقطع


تخيلو معايا :


جبت نتا فيديو في برطابلك عقبتو :

لسمير و مراد و وليد

سميرعقبو:

لانور ووحيد و كمال

مراد عقبو :
لمحمد و صالح و عبد الرؤوف

و ليد عقبو :
لفاتح و هشام و مجدي

.....
...

راح تولي متتالية حسابية تكبر و يكبرو عدد ذنوبك معاها


في نهار واحد راح ينتشر الفيديو هذا لعشرين واحد
في النهار الثاني لربعين واحد
في النهار الثالث لثمانين


تخيل تموت

تخيل تموت والموت حق و الفيديو هذا مزال يمشي من بعدك ومزالك تدي في ذنبو ...

الناس تخمم في عمل صالح تديرو باش يخدم عليها نهار تموت زعما يساهمو في بناء مسجد و لا يديرو عين تاع ما قدام الطريق

ونتا خليت فيديوات مزالو يغرقو فيك بالذنوب ليوم القيامة


نفرضو جاتك صحوة


نفرضو جاتك صحوة و حبيت توب لربي من فعلتك هاذي و تقول للي عقبو الفيدويات ينحوهم .. نسقسيك تقدر تحوس على كامل الفيديوات ووين مشاو ؟؟؟؟؟ قادر تلقاهم في البرطابلات ؟؟؟؟ بلاك الفيديوات هذو واحد اداهم للصحرا و نشرهم و لاخر اداهم لدزاير و راكم تعرفو الناس كامل ولى عندها برطابل فيه كاميرا و يقرا الفيديو


اتقو الله قبل فوات الاوان ننصحكم وننصح روحي معاكم خطراش منيش امير مؤمنين راني كيفكم نغلط



ان شاء الله تفيد نصيحتي



أخوكم محمد
​



​
 
آخر تعديل:
توقيع Moha le sage
وعليكم السلام أخي محمد
طرح في مكانه
موضوعك هايل
وعبرة
وأقول لك

جوال الكاميرا تقنية حديثة، والناس تلهث وراء كل جديد بغض النظر عن حاجتهم إليه.. مجرد تقليد ومباهاة وتفاخر.. ونحن لا نرفض التطوير والتجديد، وديننا حثنا على العلم والتعلم، ولكن حذرنا من التقليد الأعمى ومن إساءة الاستخدام والخوض في الأعراض والانحطاط الجنسي والإيذاء للآخرين والابتزاز لدرجة الوقوع في المحرم.



نحن نعتز بعقيدتنا ونلتزم بها ولنا قيمنا وتقاليدنا وأخلاقنا الفاضلة، التي تعلمناها من ديننا الحنيف، وقد حثنا ديننا على التمسك

الله يهدينا
مشكور على هده المحاظرة الرائعة لواقعنا الحالي
​
 
توقيع barca.moha
والله يخويا محمد عندك الحق وماشي غير السباب لي يديرو هذو الحوايج او البنات يا لطيف كاين فئة يعني ربي يهديهم تلقاها لامة جماعة وتنعتلهم وهذي تبعث لهذي واش تحب الغرب يخترعو وحنا نستعملو غير في الفساد
ربي يهدي ماخلق
 
وعليكم السلام
مشكور خويا محمد على هاد الطرح الرائع والمفيد
وربي يهدينا لام فيه الخير للبلاد والعباد
 
موضوع رائع وطرح ممتاز خويا
بالطبع هاد الظاهرة راهي شايعة بزاااف هنا ونقدر نقول بلي راهي عند لولاد اكتر من لي راهي عند لبنات
ندعوا ربي باش يهدينا هاد مكان ​
9LL9-8d10e7c7fe.gif
 
موح الموضوع هاذا درتو أنت خطرة قبل ولا راني نتخيل ؟
 
madou3 rai3 w3andek sah khoya nichen
 
وعليكم السلام خو يعطيك الصحة على هذا الموضوع
تقبل مروري​
 
بارك الله فيك اخي ........شكرا
 
يعطيك الصحة خويا محمد على الموضوع الرائغ

وتحير تاني كي تلقا طفلة تبعث للغاشي في لي فيديو وتصاور هاذو

جاو يقلدو الغرب معرفوش
يقلدوهم غير في الحوايج لي تردنا روطار

وربي يهديهم
 
يطيك الصحة خويا محمد موضوع في الصميم نشالله توصل رسالتك لكل الشباب لي كيما هادو........جعلها الله في ميزان حسناتك وبارك الله فيك..​
 
قال ** غزال الصحراء **:
موح الموضوع هاذا درتو أنت خطرة قبل ولا راني نتخيل ؟
إضغط للتوسيع...


راح كي راحت اللمة يا هشام ... و لقيتو في منتدى اخر البارح .. مالا تفكرت بلي مكانش في اللمة ونا كنت ناسيه .. وعاودتو جبتو
 
توقيع Moha le sage
يعطيك الصحة خويا
و الله راني حابة نعرف واش هي الفايدة مين يديرو كيما هاد ليفيديو
الله يهديهم
 

السلام عليكم ورحمة الله تعالى وبركاته

بارك الله فيك خويا محمد
موضوع في محله وفائدة قيمة
جزاك الله خيـرا عما قدمت
هناك طرق أخرى ايضا غير البلوتوث
كرفع الأغاني والمقاطع الاباحية والصور للفنانات وغيرها
على الانترنيت ومواقع الرفع وعلى اليوتيب
ومن ثم يراها الآلاف عبر العالم ان لم يكن حملها الملايين !


ياصاحب الجوال اذا خلوت بريبة بظلمة
والنفس داعية الى العصيان فأستحي من نظر الله
وقل لها ان الذي خلق الظلام يرانـي ...

قال الله تعالـى :
( يَسْتَخْفُونَ مِنَ النَّاسِ وَلاَ يَسْتَخْفُونَ مِنَ اللّهِ وَهُوَ مَعَهُمْ
إِذْ يُبَيِّتُونَ مَا لاَ يَرْضَى مِنَ الْقَوْلِ وَكَانَ اللّهُ بِمَا يَعْمَلُونَ مُحِيطًا )

أرجوا من الجميع تحميل هاته المادة
للأستفادة من هذا المقطع القصير
حفظكم الله ورعاكمـ
ووفقكم الى الطريق الحق
وأنار لكم درب الهدى والصلاح
ربي يعافي جميع المسلمين من هاته الآفات



​
 
وعليكم السلام،،،
والله يا أخي أنا جاني وحد البورتابل مولاه زعمة متحفظ شوية ، فيه وحد المشكل فريد من نوعو،،، البورتابل هاذا فيه فيروس واش يدير يبعث وحد الفيديو Love.rm بالبلوتوث وحدو؟؟؟ انعم البورتابل يبعث في فيديو خليع وحدو، وكي اتحوس على الفيديو في الميموار ماتلقاهش، وياويحك ودي Ok تلقى الفيروس اتنقل لعندك وبدا يواصل في المهمة اتاعو واللي هي نشر الفساد،،، يعني شوفو هوما وين حبو يوصلونا، واحنا فرحنين، بالتكنولوجيا، واتباع الاهواء والشهوات،،،، والله عار اعلينا، ويا ويحنا من ربي ويا حشمتنا نهار القيامة، بواش راح انقابلو مولانا،،،،
انا شخصيا الكارت ميموار تاعي فيها برامج ولي كراك تاع اونكا تتزاgى على الميكرو تاعي والا انكون ابعيد واحتجتهم في خدمة تاع كاش ميكرو، والا ساعات انصور بيها يما والا وليد اختي الصغير، مي سرعان ما نفاسي لي فوتو، انا حتى الموسيقى تاع الاستقبال ماعنديش،،،، ربي يهدي ماخلق،،، وانا راني نحير كي نلقى واحد يشو في كاش فيديو ومنبهر ف البورتابل، الناس اتحوس على تقنيات الساتيليت، والGPRS والخ من التكنولوجيات الحديثة واحنا، ارواح اتشوف، آكتيفي.
شكرا جزيلا على الموضوع الراقي.
 
بآرك الله فيك
و هكذا دواليك بالنسبة لكل المحرمات تكبر بهذه الطريقة
​
 
وي و عندك الحق يا موحا
هادي وليت نشوفها ياااسر
سيرتو فالكلاسة نتاعنا
ياا جدك دايرين اليي ما يدارش بهادو البورطابلات

و ربي يهديهم .... و يعطيك الصحة على النصائح
​
 
وعليكم السلام
ظاهرة خطيرة منتشرة بين اوساط المجتمع وخاصة عند الشباب
كما قلت اخي محمد من ساهم في نشر مثل هده الدنائة سيعقاب عند الله تعالى.
فنطلب الهداية والتوبة لجميع المخطئين والناشرين لمثل هده الفيديوات المنحطة.
تقبل مروري.
 
توقيع السلطانة
مارسي ربي يعيشك على الدرس
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom