وش راكم ؟؟
ان شا الله الكل لاباس ؟
والي مش لاباس ربي يفرج كربو ان شا الله ويولي لاباس
ايا درك ندخل في الموضوع
دي فوا نحبو نتناقشو في امور دينية ، سياسية، اجتماعية ، ....... الخ
هاذ المناقشة قادرة تعلمك حوايج جدد ماكنتش تعرفهم
قلت نفتح هاد الموضوع ،يكون شغل مسلسل نحطو فيه اي شي يخطر على بالنا حابين نسقسيو عليه، نتناقشو واكيد لازمنا نحترمو اراء بعضانا (رأيي صواب يحتمل الصواب
اسأل الله ان تجدوا معي جو المناقشة الهادفة و الراقية ان شاء الله
ولا تنسوا دائما راقبوا الله في كل ارائكم و ردودكم فأن لم يكن احد يراكم فإن الله يراكم ولو كنتم لا ترونه
|█| على وجه ربي اسكتو| |█|
ايه اسكتو ماني حابة تا واحد يحكي
مليت من كذباتكم، اتهماتكم بتشويه سمعتي كون اوموان كان صحيح الكلام الي حكيتوه عليا
كذبتو صدقتو كذبتكم
نسيتو بلي الشي الي سمعتوه قادر يكون كذبة
وبديتو تنشرو فالكذبة
خسارة عليكم ماعلابالكمش بلي قادرين تكونو تنشرو في كذبة
مي انتوما هكذا ليسونسيال تسمعو حاجة ليه ليه تصدقوها وتجرو تحطوها فكل بلاصة
مي ربي كاين
وكما تدين تدااان
بزااااااااااااف حوايج يصراو في حياتنا
عباد يمنشرو فيك، ينشرو عليك حوايج ويلعبوها نية قدامك
عباد يحقدو عليك بلا ماتفيق ..لسانهم يقطر عسل مي وراك العسل يولي سسممممممم
درك نحكيلكم حكاية صراتلي وبعدها نسقسيكم وجاوبوني
واحد النهار كنا قاعدين
انا واخواتي وبنات اخوتي في الصالون الكبير
جا ولد خويا هارون قاللنا اجماعة ارواحو تشوفو جارتنا ..... الي نحسبو فيها ناس ملاح ،تصاورها راهم يطايشو في بورطابلات الغاشي:scared:
ياو انا تشوكيت
مخي حبس
شفت الفوطو ، صح هي وفي دارهم :tears:
وهاد لي فوطو شفتهم عندها من قبل
وهي ناس ملاح ومستحيل تعطيهم للغاشي ؟؟؟
قلتلو طير من هنا وماتزيدش تحكي على بنات الناس هكا
قعدنا كامل مشوكيين
وفي نفس اليوم
جا هارون العشية قاللنا اني ظلمت الطفلة
راهي خرجت صاحبتها الي غايرة منها،سرقتلها لي فوطو من موبيلها واعطاتهم لواحد الله لاتربحو نشر تصاور المسكينة الي دات طريحة من خوها وهي مظلووووووووووووووومة:tears:
راكم تشوفو حالة مجتمعنا كيفاه ولا
ضرك حابة نسقسيكم انا
1 ـ انتوما من النوع الي يصدّق كون يشوف حاجة كيما هذي،؟؟:fish:
2 ـ وكون تصدق الحاجة هذي قادر تزيد تنشرها انت ثاني
3 ـ قادرين تحطو رواحكم في مكان الطفلة هذي الي تظلمت كون جيتي انتي في بلاصتها وش حتكون ردة فعلك كي يجي خوك ،يطرشك بكف وبلا مايقولك علاش
4 ـ لنفترض انك حكيت (ي) على عبد بنية صافية
ماكان منا حتى عبد كامل ،وكل واحد فينا قادر يغلط، يطيح ، يدير حوايج مش ملاح ، ويندم ،مي ..لازمنا نصححو طريقنا ولازمنا نعرفو طريق الحق..
المهم :عــــــــــامل النـــــــــــاس كمــــــــا تحــــــــــب ان تعــــــامل
سامحوني طولت عليكم
يسعدني سماع آرائكم
مع محبتي للجميع
******
تفضلوا معايا
