مانيش مليحة خلااااااااص

[وردة رمال الصحرا]

السلام عليكم
والله حابة نفرغ لي في قلبي بزاف بزاااااااااااااااااااااااااااااااااااااااااااااااااااف
بصح مانقدرش لبزاف أسباب ... ما نيش ملييييييييييحة ...حايرة ..متشتتة .... نحكي لشكون و شكون لي يفهمني؟؟؟
الحمد لله على كل شيء ...
آسفة ...كتبت هذو الكلمتين باش نخفف
جزاكم الله خيرا​

 

[نهلة21]

اختى فرغى قلبك لى انا مستعدة نسمعك ونساعدك ادا حبيت وما تفكريش بلى راكى وحدك

 

[قَطٌر❀ الٌنَـدَى]

والله مام انا طول مضايقة معلاباليش وعلاااااش ربي يفرج علي كل مهموم

 

[شمعة]

احكي اختي رانا كامل هنا نسمعوك واذا قدرنا نعاونوك ولو بنصيحة

 

[همسة الجزائر]

اختي ربي يفرج على همك



نقدر الشعور تاعك بصح الوقت اللي حبيتي تحكي فيه رانا هنا نسمعوك


وادا قدرنا نساعدوك نظن ماكانش اللي يقصر



وننصحك بالدعاء والصلاة وكثرة السجود



وقبل ماتفرغي همك للناس فرغيه لربي وسلمي امك ليه



ورح تشوفي وشحال رايحة ترتاحي



واحان هنا تجمعنا باش نعاونو بعض



ربي معك​

 

[sam11]

ربي يكون في العون وتخرجي من الحيرة هادي

ولكان تحتاجي اي حاجة رانا الكل خواتك هنا

 

[salma2010]

كلنا اخواتاتك هنا حبيبتى احكى فضفضى

 

[هند العصفورة]

السلام عليكم
ربي يكون في العون إن شاء الله وترتاحي من همك وحيرتك هذي
وإذا سحقيتي أي حاجة نظن مكاش فينا لي رايح يقصر
كثري من الصلاة والدعاء كيما قالت أختي همسة الجزائر
تهلاي في روحك
سلام​

 

[فؤاد الورقلي]

سلام
اهلا اختي
اممممممم مالك غير الخير ان شاء الله
وموالفينك قوية وتتحملي كل شي
ان شاء الله غير الخير
وكل شي يفوت
ولحابها ربي تجي ان شاء الله
والصبر مفتاح كل شي
وربي يفرج ان شاء الله
ربي يوفقك وينجحك يا اختي
سلام
​

 

[Ŝĥåĥĭйëž Ïķřăмơǖ]

ya khti ga3 rana kif kif ana kassti kassa
ana ali nebghihe fi hyati w fawet m3ah lehlewa welmora lyouma 3arsseh aya mchi nektol rohi beh nethana mais makanch ghir howa fhad denia alf wahed yetmanani
yakhti khodi denia bibassata beh mataghalbekch ​

 

[برق الضلام]

اختي ورده السلام عليكم ورحمة الله وبركاته
الشي الي في نفسك ماهو فيك وحدك اكيد بس نايا نقولك اذا منتي قادره تقوليه لحد وهامك كثير
فيه واحدنسيتيه وانا متاكد راح يفهمك وفاهمك مليح هو
الله الواحد الرحمن الرحيم
اطلبي منه الراحه وصلي

 

[وردة رمال الصحرا]

خاوتي :نهلة21 وLa Rose.Dz وشمعة و همسة الجزائر و sam11 و salma2010 و هند العصفورة و أخي فؤاد الورقلي و shahinez و اخي برق الظلام
والله ما قصرتوا كلكم ... علابالي ماكمش فامين واش راه صاري معايا .. دعواتكم برك تكفي وتوفي و بزاف..يعطيكم الصحة و صدقوني بلا مبالغة ريحت شوي كي كتبت هذوك زوج كلمات و كي شفت ردودكم ..الله يخليكم و يجزيكم كل خير

 

[mir@cle]

جربي أحكي مشكلتك وشوفي كيفاش نرجعوها تافهة وممكن نضحكوك عليها هههههه

ربي يوفقك ويفرج همك ان شاء الله
​

 

[Ŝĥåĥĭйëž Ïķřăмơǖ]

ya okhti rana hanya jarbi ahki wach fi galbek
wrana hnaya rai ana weyak meme age
en+ ana nakra psiko nafahmek​

 

[وردة رمال الصحرا]

جربي أحكي مشكلتك وشوفي كيفاش نرجعوها تافهة وممكن نضحكوك عليها هههههه

ربي يوفقك ويفرج همك ان شاء الله
​

آمين يا رب...يا ريت اضحكم و تتضحكني ..مرسي خويا الله يجزيك الخير

ya okhti rana hanya jarbi ahki wach fi galbek
wrana hnaya rai ana weyak meme age
en+ ana nakra psiko nafahmek​

شكرا لليك ختي ..ربي يخليك ، بارك الله فيك

 

[وردة رمال الصحرا]

راني مدمر ولي دمري الي حبيتوا في يوم راني كاره كاره كاره

الله يكون ف عونك خويا ، الحمد لله كاين حاجة اسمها نسيان
كلش بالمكتوب و لي قدروا ربي مرحبا بيه و ما تنساش أمر المسلم كلو خير
راك هدرت في بلاصتي اخي
شكرا

 

[عمو أحمد]

اعيدي هاته الجملة ثلاث مرات شرط انك تحسي بالكلمات فعلا و تكون من قلبك :

قلبي حديقة ورود . و الله احب كل الناس


​

 

[ربي اغفرلي]

===°·.¸.•°°·.¸¸.•°°·.¸.•°===

أبعد الله عنك شر النفوس ..
وحفظك باسمه السلام القدوس ..
وجعل رزقك مباركا غير محبوس ..
وجعل منزلتك عنده جنة الفردوس ..

===°·.¸.•°°·.¸¸.•°°·.¸.•°===

 

[وردة رمال الصحرا]

اعيدي هاته الجملة ثلاث مرات شرط انك تحسي بالكلمات فعلا و تكون من قلبك :

قلبي حديقة ورود . و الله احب كل الناس

عاودتها 3 مرات و 4 و 5 و .......
الحمد لله على كل شيء لي كتبها ربي قع فيها الخير ان شاء الله
شكرا ليك عمو ..كلامك بلسم
شكرااااا

 

[وردة رمال الصحرا]

===°·.¸.•°°·.¸¸.•°°·.¸.•°===

أبعد الله عنك شر النفوس ..
وحفظك باسمه السلام القدوس ..
وجعل رزقك مباركا غير محبوس ..
وجعل منزلتك عنده جنة الفردوس ..

===°·.¸.•°°·.¸¸.•°°·.¸.•°===

اللهم آمين
اللهم آمين
دعائك أثلجلي صدري
و نور لي الظلمة لي في قلبي
الله يجزيك كل خير اختي