^_^...يا نحبــو كيما هومــا يا نحرمــو الحــبــ هــذا...^_^

[amouna.dz]

الله اكبر فاتتني الزردة يخاه كون غير عيطتولي واحد ما تفكرني :busted_red:
ماعليش
وش جيت رح نقللك آه الموضوع على الحب يعطيك الصحة حنونة على هاذ الموضوع بصراحة كنت حابة نعطي رايي في الموضوع اللي عجبني بزاف بصح انا ماعنديش تجربة مع الحب هذا صح مريت بمراحل اعجاب بصح الحب نبعد عليه قد ما نقدر باسكو كل مانسقسي نسمع الناس كامل يقولو الحب يدير لي بروبلام الحب يفسد الطفلة الحب خيانة للوالدين الحب الحب الحب فيه كامل السلبيات اللي خلقها ربي سي بور صا نحاول نبعد روحي عليه ولحد الآن صدقيني يا اختي مانيش عارفة وين راه الصح ووين الخطأ كل واحد كيفاه يهدرلي على الحب برأيو يولي راسي يوجعني و مباعد نقول خلاص انا وش دارهالي نبعد عليه وخلاص
ميرسي على الموضوع الراااااااااااائع و ربي يدوم المحبة على الاحباب وربي يعينك
عندي سؤال برك وين راه ميسي بومب ؟ كنت حابة نشوف ردو
شفتي راح عمر كرشو ونسى الدعوة شفتي الشبعة واش دير
هههههههههه شكرا يعطيك الصحة
​

 

[الخيزران]

شفتي ياك..حنا صح نغيضووو...:tears::tears::tears:
يااو وين راح نوصلو للأتراك حنا...( شتّانا بين الثرى و الثرية..:music_whistling
مانحلموش قاع نعيشو كيفهم..:wink:..اييييييييه بصحتهم
ميرسي بزااف على ردك حنونة​

السلام عليكم :
ماكانش لي يعرف يحب كيما أولاد بلادي ’واش تقصدي شتان بين الثرى والثريا؟مافهمتش كيفاش تجرات يا صاحبة الطرح وانت تقولي الجزائريون ثرى والاتراك العلمانيين ثريا يعني احنا تراب يداس بالاقدام وهم نجوم تتلألأ في السماء ما تحشميش اذا انت ثرى فكل الجزائريين كواكب ومصابيح
والحب حنا لي صنعناه, الى الجحيم الاتراك لي ماخلاولكمش العقل, الى الجحيم au diable
انا احتج وبشدة على عبارة شتان بين الثرى والثريا والموضع لي تحطت فيه
الله يهدينا

 

[zimou-girl]

[نظرة الجزائريين للحب و رأيهم فيه]
"مانعرفولـــــوش"

كيما واحد داخل لبحـــر هايج و هو مايعرفش يعــــــــــوم
Alors, لازم نتعلمو نعومو اولا.

1_ نجــــربو العومة في قصعة اولا.
2_ بعدها نتعلمو نعومو في الـــــواد.
3_ عاديكا نجربو العومة في البحــــر.

على هاته الخطوات نورمال الواحد فينا يعوم فالبحر يدفق وين ماحب
4_ ولي حاب يزيد يبعّـــــــد يجرّب العومة في المحيــــــــط
l'ocean
_الجزائريين تاعنا يحبو العوم ياسر في المحيطات_
و الفاهم يفهم
​

 

[the zenda bomb]

ههههههههههههههه يا اختي لحبيبة راكي a fond راكي max هههههههه معليش ربي معاك وبالتوفيق

وعلى الموضوع انا نقلك مهما كان حنا مجتمعنا مجتمع محافظ...و تربطو العادات والتقاليد ...وماشي غريب اذا ماتقبلوش فكرة الحب ....مازال ما وصلناش لهاذيك الدرجة من التفتح.........وفي الحق هكذا خير.........باش كل واحد يعرف حدودو .............سلااااااااااام​

مي هاد العقلية نتج عليها دي بروبلام كبار
باريقزومبل كي تكون الطفلو واعية وعارفة روحت واش راهي تدير علاه نحبسو عليها الانفاس بالتزيار والتشدد
باسكو هاد الشي يخليها تعاند دارهم وتدير
غير الحوايج اللي ماشي ملاح
ياك
يقولك خير الأمور أوسطها
يعني ماشي نخليو الطفلة تدير واش تحب وتتصرف بهمجية
مي نخليولها مجال للحرية في حياتها ونراقبوها بلا ما تحس ونهار تغلط
نفهموها ماشي نذبحوها ولا ولا

المهم مشكووورة حبيبتي عالميضوع
وصح فطوركم​

 

[Dr.CrAzY]

كي تكون الطفلة بنت فاميليا و واعية بيان و تعرف الحرام من الحلال
هاذي علاش مايتقبلوش فكرة أنها تحب واحد..


لاباس ؟؟؟
سبحان الله ..........ولينا طول ندعو الى الباطل عيني عينك...
مشني حاب نكثر الهدرة خير...
لفيديو يلخص كلت شيء


http://www.youtube.com/watch?v=4nIYYl-6Dp0&feature=related​

 

[shahrazad]

شفتي ياك..حنا صح نغيضووو...:tears::tears::tears:​

يااو وين راح نوصلو للأتراك حنا...( شتّانا بين الثرى و الثرية..:music_whistling
مانحلموش قاع نعيشو كيفهم..:wink:..اييييييييه بصحتهم​

c bon !مقدرتش نزيد تغميت
***
الدين تاعنا ماخبا والو
كلشي راه باين وماتقوليش واش بيهم هادو يفتيو ويدخلو فالدين ..
سبحان الله كلشي في حياتنا نستمدوه من ديننا
وزيد في عوض نروحو نشوفو الاتراك كيفاه عايشيين
ماعليش نحوسو وندققو ونعرفو دينا واش راه يقول مليح؟
قاع نغلطو ورانا جاهلين
بصح الصح نصلحو رواحنا وافكارنا
ونفهمو دينا واش راه يقوول
اسمحولي على الازعاج
سلام




​