راني من هنا نهدر لكل البشر
للي راح يذوقوا الجنة و راح يذوقوا السقر
من بداية ما هبط آدم لنهاية الدهر
من وقت اللي تولد جدي الأول ليوم ما رح ينزلو آخر الأحفاد للقبر
نحب نتكلم و ربي عليا شاهد
ماكرهت حتى واحد في حياتي غير الصهاينة و اللي تبعو المريكان القائد
مانيش نتحدث بعصبية و لا انفعالية بشهادة رب البرية الواحد
يوم ما قالوا الكل باللي راحت على العرب
و باللي راهم عادوا غير عبيد في الحرب
يوم ما رجع الكولونيل و حط رجلو على قبر صلاح الدين الأيوبي و زاد فوّت اللهب
قالوا ها قد عدنا يا صلاح الدين و رح نمحوكم و الرب
و شوف العرب بواش راهم لاتيين
بهاذيكا ترقص و هاذيكا تغني و هاذاك يلعب و عن دينهم مبعدين
يقلك لا راني نعرف ديني يكذب و هوا الأول اللي راهو مهمل الدين
يجي قدام الناس يعمل روحوا يصلي و يسجد و هو في النار مسكين
روح من عندي نا نقلك سكين
ربي يهديك و يخفف عليك يوم ما يجمع كل العالمين
روح الله ينتقم منك و من كل ابالسة المسلمين
اللي راهم في وسطنا متخبيين
روحوا قولوا للغناء و البترول ينفعنا كي يفرغ و ما يبقالنا غير عملنا و مش رح تفيدنا لا المال و لا البنين
كلنا كيف بعضانا متشابهين
لا هذاكا و لا هذاكا فايق للجماعة اللي راهم لإقراضنا عازمين
و كل العرب يوم ما يقول ربي يا عبادي الصالحين
هيا نستنو سي الحاكم و سي الريس باش يشفعولنا و حنا عارفين باللي راهو لجهنم محشورين
مليون و نصف مليون في غزة مشردين
لا واحد لاتي بيهم و لا حاطلهم حتى غرام حسبة ما بين اليدين
ربي يسامحنا و نقولوله فوتنا للجنة بدعوة كل عباد من عبادك المقربين
و دعوة كل غزة تدعي علينا بحق اللي داروه فيهم المصهينين
الله غالب هذا اللي في الايد وسط ناس لا تسمع و لا تشوف شغل ميتين
و ترحمو على العرب و قولوهم بكلمة و لاكلمتين
هاهي ليكم الدنيا و شوفو كيفاش تشوفو ربكم رب الثقلين
بقلمــــــي
آخر تعديل:
