نردح و نقردح.. شاراحلي فالناس..!?

[حلمي النسيان]

هادا الموضوع حساس عند بابا
وين يجي الصيف غير يكره حياتو ما يقدرش يرقد و أنا نرقد نورمال
و ديما يدعي على اللي يستعملوه هههههههههه

ههههههههههههه

مام انا مانقدرش نرقد تم تم

بصح الحاجة المليحة توجور ينوضوني معاهم نصلي الفجر ههههههه

على خاطر نفطن مع الوقت اللي يطفا فيه


​

 

[47yassin]

اوكي انا عجوز مي اوموان عندي احترام للناس

و نقدر اوضاوعهم

على كل شكرا لردك

​

ايههههههههههه ذيك الكارثة الى درتها والله ماتولهت غلطت في الكتابة قصدي العجوز ماما
اسمحيلي والله ماتولهت
اسف جدا جدا
ارجو تقبل الاعتذار
​

 

[حلمي النسيان]

السلام عليكم

والله عندك الحق في هذا الموضوع والظاهرة
انا اساندك الرأي
لانه الديسك هذا يعتبر ازعاج وللجار حق على الجار
لحاب يدير عرس يدير
لكن علاش رفع الصوت لاخر درجة سمع قد الدار وصايي
والله مش مليح
كيما قلت
كاين المرض
كاين لحاب يريفيزي
وكاين لحب الهدوء
وزيد اكثر
والله عندنا هكذا مرات الاذان ياذن والديسك معاه ومعلابلهم بوالو المهم الزهو والشطيح والرديح ​

الله يهدي ويعافي
احنا في الدار زعما كي تزوجت اختي لا ديسك ولا هم يحزنون
حاجة صغيرة وتسمع قد الدار تكفي
ومش حابين دعاوي الشيوخ تلحقنا ​

شكرا اختي
موضوع في المستوى
ربي يوفقك ويجازيك ​

السلام عليكم​

و عليكم السلام
ماعندي مانزيد على كلامك خويا فؤاد

على خاطر راك كفيت و وفيت

و كيما قلت ماخصناش دعاوي الشيوخ تلحقنا
الواحد يدير حاجة ترضي جميع الاطراف

هكذا واحد مايخرج زعفان

:wink:
​

 

[حلمي النسيان]

ايههههههههههه ذيك الكارثة الى درتها والله ماتولهت غلطت في الكتابة قصدي العجوز ماما

اسمحيلي والله ماتولهت
اسف جدا جدا
ارجو تقبل الاعتذار​

ok c pas grave
​

 

[zaki85]

الاخ يقصد العجوز امه و ليس عليكي انتي
نتي مازالك صغيرة و شابة الله يبارك

 

[حلمي النسيان]

الاخ يقصد العجوز امه و ليس عليكي انتي
نتي مازالك صغيرة و شابة الله يبارك

هههههههههههههههههههه :laugh:

و الله غير جبتلي ضحكة تاع الصح

هو سيبون فهمني و قتله معليش

مي اللي ضحكتني بزاااااف تاع : نتي مازالك صغيرة و شابة الله يبارك

مرسي خوياعلى التوضيح



​

 

[وسام الزرقاء]

الديجي الناس يديروه باش يطوع خاصة كي يكون الغاشي واش تسمعي الهدرة تاع الناس ولا الموسيقى .
شكراااااااااااااا.

 

[حلمي النسيان]

الديجي الناس يديروه باش يطوع خاصة كي يكون الغاشي واش تسمعي الهدرة تاع الناس ولا الموسيقى .
شكراااااااااااااا.

واه هوما يديروه على جال باش يطوعوا

مي الناس اللي ماخصهاش تسمع شادير

العفو اختي

​

 

[iméne09]

ياختي انا نحب الزهو وعرس بلا ديجي ولا شونتور ماهو عرس ومام كي ينقصولو ناس تروح غير تقصر مالا مايسنمعش gاع حنا الحمد الله عراسنا قاع في لي صال نكريوهم تروا جور نجوزو فيهم عرسنا فور بلا مانديرونجيو الجيران
يعطيك الصحة خيتو ​

 

[♥SaMoù Là MoDèsTe♥]

صح العرس بلـآ موسيقى يكون نآقص
هنــآ رآنــي نهدر عـــلىآ موسيقــىآ في حدود المعقولـ
(بــآش يخلوت النــآس يسمعوا بعضهم غــآية
ويخلولهم مســآحة للتقرعــ~~يج والـتمنــشــير)


بصح مآشي لدرجة الـdj وازعـآج النآس
صح هو يدير الزهو

لكن عندو بديل

واللي يدير الـdj في دآرو هذآ الوقت

رآح يكسب غير دعــآوي الشـر تـآع العبآد



​

 

[حلمي النسيان]

ياختي انا نحب الزهو وعرس بلا ديجي ولا شونتور ماهو عرس ومام كي ينقصولو ناس تروح غير تقصر مالا مايسنمعش gاع حنا الحمد الله عراسنا قاع في لي صال نكريوهم تروا جور نجوزو فيهم عرسنا فور بلا مانديرونجيو الجيران


يعطيك الصحة خيتو ​

الله يسلمك اختي

هكذا خير واحد يفوته في لاصال بلا ما يديرونجي الناس

و يزها على روحه

​

 

[حلمي النسيان]

صح العرس بلـآ موسيقى يكون نآقص

هنــآ رآنــي نهدر عـــلىآ موسيقــىآ في حدود المعقولـ
(بــآش يخلوت النــآس يسمعوا بعضهم غــآية
ويخلولهم مســآحة للتقرعــ~~يج والـتمنــشــير)​

بصح مآشي لدرجة الـdj وازعـآج النآس
صح هو يدير الزهو ​

لكن عندو بديل ​

واللي يدير الـdj في دآرو هذآ الوقت​

رآح يكسب غير دعــآوي الشـر تـآع العبآد​

سيفري بلا موسيقى مايتسماش عرس

بصح موسيقى في حدود المعقول ماشي الغنا المنحط تاع هذا الوقت

و راني معاك كاين اكثر من بديل ليه

مي مانعرف علاش الناس يبغوه غير هو

مانعرف سكارة مانعرف كيفاش يخمموا

و زيد يدوا دعاوي الشر من الفوق

ياخي حالة

مرسي بزاف اختي تسنيم على تفاعلك مع الموضوع


​

 

[فؤاد الورقلي]

و عليكم السلام
ماعندي مانزيد على كلامك خويا فؤاد

على خاطر راك كفيت و وفيت

و كيما قلت ماخصناش دعاوي الشيوخ تلحقنا
الواحد يدير حاجة ترضي جميع الاطراف

هكذا واحد مايخرج زعفان

:wink:
​

سلام
ايه
مي دروك وين راه ليفهم الا من رحم الله
الله يعافينا ويهدينا
سلام
​

 

[nassim007]

" الشطيح و الرديح ولي نقولولو طيح يطيح "

 

[القلب الابيض]

لازم مايديروش dj في صالة جاية في بلاصة فيها بزاف السكان و مايخليوهش شاعل حتى الفجر شكرا على الموضوع

 

[amouna.dz]

انا نوافقك الرأي ...الديسك جوكي مصدر ازعاج صح صح والله يقلق ويطلع السكر و يهبل العقول + ما يخلي حتى واحد يدير خدمتو براحتو وظرك المشكل نتاع الناس هاذو عادو ما يهمهمش ظروف الجار كاين اللي مريض كاين اللي يقرا ويريفيزي وكاين حتى اللي عندو موت لا سمح الله وهوما يحوسو غير على الغنا و الشطيح والرديح ولامبيانس
شكرا على الموضوع الرائع يعطيك الصحة اختي
​

 

[azoula]

انا نحبو ونحب الزهو وكيما تقولو جداتي الجوقي ههههههه

 

[Mr mino]

السلام عليكم يا جماعة الخير
:wink:

وعليكم السلام

خير وعافية


كيراكم دايرين؟ان شاء الله بخير
اممممم ،نورمالمون تكون لاباس
:thumb_up1:

الحمد لله

كيما علابالكم كامل الصيف دخل،و كيما نعرفوا كامل الصيف فيه الاعراس،الزهو،الشطيح و الرديح..!?

انا الزهو عندي مام في الشتاء

لبعض الناس طبعا ، كاين منكم اللي يبغوا يعرسوا،كاين اللي يفوتها تبحار ،كاين و كاين...........​

ضروك تشوفي شا يديرولك حس عليها هذي

يقلولك اختي ماشي الناس كامل كيف كيف

قارعي تشوفي


و كيما تعرفوا كامل كاين حاجة سموها ال dj و لا كيما تقوله جدتي الـ djidji :laugh: و هو اللي بغيت نحكيلكم عليه.

انا نبغيه نموووووووت عليه
​

علابالي بلي la plupart منكم يفوتوا اعراسهم بالــ dj

ماشي شرط عرس بلا عرس الديجي كاين ​

انا وحدة من الناس مانبغيش الــdj ،و اذا رحت لعرس فيه نكره حياتي،على خاطر يبانلي ازعاج:angry: آو قمة الازعاج،كاين اللي يوافقني الراي و كاين اللي لا.

نموت تاني على الراي

هههههههه
​

يعني بكل بساطة علاه اللي يكون عنده عرس مايديرش لاشان على حسابه :crying:، علاه يهبل عباد ربي و يخرجهم من عقولهم_o:.​

اللا اللي يسمع نورمالمو يراعي شويا لجوارينو ها

ماشي غاية نديرولهم الديرونجاج

ههههههههه
​

مثلا السبت اللي فات قاعدة نريفيزي زعمة نفوت فـ les exam ، ايا ماشي الجوارين عندهم عرس :sneaky2: واو يال المصادفة.....:sad:

معليش تجيك في الصبر

تنجحي وتنساي
​

ماعييت كيندير ماقديتش نكونسونطري :crying_1: حسيته يضرب في راسي تقول حليت ديسكو تاك.

آآآ صح والله ماتنجمي تكونسونتري ​

زعمة علاه عليهم هاذ الشي،مايعرفوا واحد مريض :bored:،مايعرفوا واحد يقرا،واحد باغي يرقد،واحد باغي يموت :no_1:............​

الله غالب كاينة ناس لازمها ريبارتار
​

المهم هذا اول موضوع ليا في قسم واش راك تهدر

مرحبا بيك او زيدي ديري مواضيع عندك تحبسي عند هذا

ورانا نقارعو مواضيعك الجايين

​

راني نستنى في آرائكم ، آسكو يبانللكم ال dj ازعاج؟ و اذا كنتوا دايرينه آسكوا تخمموا فالناس؟​

ولا المهم تفوتوا عرسكم توب :yahoo:.​

لا لا لازم نخمو في الناس شويا هو صح عورس مي لازم شويا ​

peace

احي نندب مانعرف واش قالت

طرجمي يا جدك ​

​

ميرسي ليك حلمي ويعطيك الصحة والله موضوع هو

تحياتي ليك

​

 

[انتصار*]

موضوعك الاول شباب فيه ضحكة وفرجة ........وفي عرسكم ياخي فيها الديسك جوكي ..لوكان مديروهش الناس متشطحش وكي ميشطحوش يبقو يدومندو غير في الماكلة ......شطحوهم مليح 5 يهبطوهم لسبيطار 8 يتقيو قلوبهم يبقو ليكم 12 ماتخسرو عليهم والو ...كيلو لحمة ومرتينازة تاع الشيح .ههههههههههههه نرشق عليك بتقييم ​

 

[A-MIRA]

الحمد لله هدي الظاهرة خفت عندنا بزاف عادو يجيبو امام يدير خطبة روعة قمة الروعة