موضوع صامط وديمودي الناس راهي في القمر وانت تحكي على ...

موضوع رائع يا خويا والله ماقدرت كيفاه نوصفو
و نزيد نقللك بللي في هاذ اليوم في اعوام فاتو المجتمع نتاعنا نقللك 90 % منو ما احتفلش بهاذ اليوم ما عرفش قيمة هاذ اليوم ( مانبرأش روحي انا وحدة من الناس هادو)
بصح بعد وش صرالنا في الشهر اللي فاتو عرفنا قيمة بلادنا وتاريخنا وشهدائنا الابرار اللي ضحوا بارواحهم على جال باش نعيشو احنا
وهاذا هو الجزائري يرفض الذل يرفض العدو ما يحبش يعيش ذيل لاي واحد و يرفض اللي يسبو ولا يتهم شرفو واخلاقو
ربي يحفظلنا بلادنا من الشر ومن وجوه الشر وربي يحفظلنا اولاد بلادنا اللي في وقت الشدة يبانو رجال وابطال
شكرا خويا بارك الله فيك موضوع قمة قمة قمة يعطيك الصحة
 
موضوع راقي اخي الكريم ....بارك الله فيك +1
 
رحم الله كل شهيد و شهيدة ضحو بأرواحهم من أجل ان تحيا الجزائر حرة مستقلة
بارك الله فيك يا معلم







 
وعليكم السلام.
اولا انهنيك على هاذ الموضوع الممييز، ولو انك خسرت الرهان كي قلت (10 ردود).
لانو تقريبا وعلى حسب رأيي، مايدخل اللمة غير اللي يحب ولاد الجزائر، واللي عندو حرارة في قلبو، وغيرة كبيرة على بلادنا لعزيزة Ok؟
اما على الظروف وفلسطين، للأسف وبنسبة كبيرة ورغم كل التضحيات، رانا انعانيو من مشاكل تشبه المشاكل اللي راها في فلسطين، مي حنا مشكلتنا ف الداخل، والتحفيزات من الخارج،،، الفقر كاين والجوع غير هو والامية بلا ماتسقسي، والانفجارات، والجرائم، المهم ضعضعة كبيرة، من السلطة، حتى للبواب، والعساس،،، كاين الابطال اللي رانا نفتخرو بالدزاير بفضلهم،،، وتقريبا هوما فخرنا الوحيد،،، مي كاين ذرك اللي راهم امخلطين الحالة وقلبو المفاهيم، وزرعو أفكار ف ولادنا الصغار، واعطاوهم نظرة سوداء على دزايرنا لحبيبة،،، والجيل الاوسط، راه يروح لسردينيا، وشعارهم يكلنا الحوت وماياكلناش الدود،،، لازم نبحثو ف الاسباب، اللي اتخلي الشاب اللي يتمنى يستـgـور يوقف والدموع في عينيه والمنتخب تاعو رابح المباراة،،، يعني تناقض، وكأنو راه يقول نحرg واللي ف القلب ف القلب،،،، .
اما الناس اللي تفتي فأنا انقوللهم، احنا الدين ماقريناهش ف لكتووب، حنا الدين ورثناه، من عند اماليه الاصليين، يعني اب عن جد، انا مايجينيش أي واحد ويفتيلي في حاجة متربي اعليها، لأن مصدرها أصلي،،، وللطرافة فقط هاذاك النهار جاني واحد وقاللي بيع الماء حرام، قلتلو مانيش مستغرب كي راك اتحرم حتى ف التجارة، راني سمعت واحد من قبلك يحرم في إحدى الصلوات وقاللو واحد ماهوش قاري مسكين " باركانا من اتمسخير تاعكم حتى الصلاة ولات حرام ".
هاذي هي ربي يصلح لبلاد، وانقولو على ولادها " ذاك الشبل من ذلك الأسد "،،، وانا انقول ان شاء الله انولو gــاع العربي بن لمهيدي.
شكرا.
 
السلام عليكم
عندك الحق اخي الكريم
صح بلادنا كبيرة و كبيرة
الجزائر ضحاو عليها ولادها اللي يعرفو قيمة الوطن
ناس تعرف معنى التضحية من اجل الوطن و تحريرها
ناس كان همهم الوحيد تستقل البلاد وترجع حرة وعلامها يرفرف في العلالي
كانو يموتو ليل ونهار ماياكلوش ومايشربوش ويقلك ماعليش على جال البلاد كلش يهون
لازم نفتخرو بيكم كل وقت ولولاكم بالاك ماراناش عايشين
الله يحفظ بلادنا ويرحم شهدائنا
بارك الله فيك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top