موضوع صامط وديمودي الناس راهي في القمر وانت تحكي على ...

فريد أبوفيصل

:: نجم اللمة::
إنضم
1 أوت 2008
المشاركات
6,400
النقاط
2,651
الجنس
ذكر
السلام على الاهل الكرام .

مساء/صباح الخير .

الحاضر حيوه والنايم غطوه والغايب تفكروه ولا تنسوه

الموضوع صامط لا حب لا عوم في البحر لا واش تلبس ولا واش تشتي تاكل ....الدنيا ماهيش غير ماكلة وشراب ولبسة
عالعام هكذا ...؟
على بالي الردود متكونش فوق 10 رقم قياسي .لماذا ؟
معليش مانيش نلم في الردود ونعاود بيهم السوق ولكن التبليغ مهم .

كلما يجي وقت المناسبات الكبيرة المصيرية نتاع البلاد 1 نوفمبر و 5 جويلية كمثال .

لما تجي تذكر بيهم الناس وتتفكر الهوية نتاعك والشهداء ربي يرحمهم .يخرجلك ناس من تحت الحجر العام كامل متسمعوش
حجرة ميرفدهاش من الطريق ولا يكنس قدام باب دارو ولا يقضي حاجة فقير ولا محتاج ولا يتبسم في وجه خاوتو وفي هاذ الاوقات يطلعلو قرون ويبدى يتفلسف ويدخلها شعبان في رمضان .

كيفاش تحتفل وكيفاش تقول الثورة والاستقلال ...الخ يا اما هذا حرام ومكانش في الشرع ويبدى يفتيلك من راسو الصغير المبلوكي يا اما قديم وانت ديمودي احكيلنا على الراب والديسكجوكي والتسريحة نتاع شعر فلان وفلان .يا اما كاره حياتو كاره دزاير بلي فيها ميطيقش يسمع حتى حاجة عليها .

بصح خاوتي شفتو نهار كاليفينا للمونديال بعد ام درمان شفتو خاوتي الفرحة كيفاش لما حكيت مع عجوز قدامي في الشارع قاتلي تفكرت نهار الاستقلال والله كثر منو ...

شفتو ذيك الفرحة هاذا لعبة كرة قدم وشفتو كيفاش فمابالك باستقلال ...

ونهار اللي سبونا خاوتنا واتهمونا شفتو بواش افتخرنا وباش رفعنا روسنا ارفعناهم بارواح الشهداء والثورة والتاريخ ....

واليوم تقلي علاش تحتفل ولا على واش راك تحكي ....

هاذي الامور ماهيش لعبة ولا تخلاط هاذ الامور هوية انتاع شعب اصل وفصل العنصر الجزائري

منحكوش على اللي يستغلو الثورة لاشباع رغباتهم وينهبو ويسرقو في الشعب وبلادو لانو حسابهم ثقيييييييل عند ربي ..

صح رانا نعانو والشباب دارو فيه الباطل كلاونا هبلونا خرجونا من جلودنا نهبونا سرقونا ولكن وكيلهم ربي .
دزاير حاشاها بلادي حاشاها الشهداء حاشاهم المجاهدين الاحرار اللي بقاو على العهد حاشاهم الرجال نتاع النيف حاشاهم العلم نتاع البلاد حاشاه منحرقوش في الليسي ولا المدرسة منسبش دزاير بلادي نسب اللي يسبها ويشتمها وياكل عرق الشعب ويقهرو .
خلونا من هاذو وارواحو نتفكرو الرجال نتاع الصح لو لاهم راك عايش مثل خاتونا الفلسطينيين وتعاني ولا واحد يسمعلك .

بصح الحمد الله الجزائر ديما في وقت الشد يخرجو الابطال من كل حدب وصوب ..
مي اليوم راح نهنيكم بمناسبة عيد الاستقلال والتحرير .

وتحيا الجزائر وربي يرحم الشهداء .

وتفكرو واش صار فينا الاشهر الاخيرة وتعرف بلي دزاير في قلبك ومتقدرش تفصلها عليك .

تفكر نهار كنت تجري في الشارع بالعلم وتقول فيفا لالجيري .

تعرف بلي بلادك كبيرة وتستاهل منك وقفة تحية وتذكر للي ماتو من اجلك واجلها .

راح نضيف صور للرجال نتاع الثورة الاحرار في الموضوع باه نتذكرو الابطال .

اللي لما ضاقت علينا افتاخرنا بيهم ورفعنا راسنا بيهم قدام العالم .البارحة واليوم وغدا ....





لما نشوف الصورة نتاع هذا البطل انا نقول عليه اب الجزائريين



شوف الرجل راح يموت بعد قليل ويتبسم لانو عارف بلي عمل اللي عليه وراح يلقى مولاه راض مرضي .

يجي طفل حليب امو بين سنيه يقلي حرام وحلال ودزاير فيها وفيها ويبدى يفتي .

والله ماتسوى شعرة من راس هذا البطل اللي سلخولو جبهتو قبل قتلو .ربي يرحمو ويرحم الشهداء كامل .

شوف كيفاش عاشو



في الهانة والاذلال وشوف روحك الان كيفاش عايش ومتنساش الفلسطينين مازالو كيما راك تشوف .

شوف الخشوع نتاع الصح ماشي تصلي وقلبك في الطابلة نتاع العطر والسواك.


 

406_nassim

:: عضو متألق ::
إنضم
11 جوان 2009
المشاركات
3,012
النقاط
157
العمر
30
محل الإقامة
Blida
الجنس
ذكر
نحن بلد مليون ونصف مليون شهيد انا احب الجزائر شكرا ليكط علي موضوع فيصل
 

DARINE05

:: عضو متألق ::
إنضم
11 أفريل 2010
المشاركات
4,776
النقاط
157
تحيا الجزائر ويحياو ولاد بلادي
 

فؤاد الورقلي

:: عضو متألق ::
إنضم
8 جويلية 2009
المشاركات
3,814
النقاط
317
العمر
32
سلام
ايه الناس ولات حابة غير ديفلي وخلاص
وين كاين الزهو والشطيح هذاك هو الفائدة
وربي يهدي العباد
ويصلح البلاد
ويرحم الشهداء والمجاهدين

شكرا اخي فريد
ربي يوفقك ويجازيك

السلام عليكم
 

أماني2

:: عضو مُتميز ::
إنضم
14 أوت 2009
المشاركات
1,466
النقاط
37
يعطيك الصحة
هذا هو الكلام اللي لازم ينقال

الشهداء والمجاهدين فضلهم كبير علينا وعلى بلادنا وكامل رانا عارفين

ربي يرحمهم ان شاء الله

وأهنئ جميع الشعب الجزائري بمناسبة عيد الإستقلال والتحرير




 

القلب الابيض

:: عضو مُتميز ::
إنضم
23 جوان 2010
المشاركات
913
النقاط
17
الله يرحم الشهادا المجاهدين وكل من فدى بدمو في خاطر الجزائر شكرا اخي على الموضوع الرائع و تحيا الجزائر
 

وردة رمال الصحرا

:: عضو مُتميز ::
إنضم
18 فيفري 2009
المشاركات
1,476
النقاط
37
ايه خويا يعطيك الصحة
بصح رارك تشوف درك بواش يحتفلو ...يجو هذوك الفنانين و سفلة الناس "الله يعلي شانكم" و يهدروا على الشهداء لي دمهم مسك و مكانهم وين يدير المسك
نقولك حاجة اخي الكريم ...الشعب تاع الدزاير ينوض بالانفعالات علاه نكذبوا على ارواحنا ..و غير هكذا لي يلعب يلعب و لي لاهي بمشاكل الدراهم و الرشوة و الواسطة و ..... إلا من رحم ربي
ماناش قاطعين الأمل و ماناش متشاءمين بصح حابين حاجة اسمها روح وطنية حقيقية مش في الكورة برك
و ارواح تشوف هنا السفارات تاوعنا ... زعما كي يتفكروا يوم استقلال و لا يوم ثورة يعزموا الغاشي و تولي حفلة تع gور و مساخة "الله يكرمك" ... اييييييييه واش نقول و واش نخلي
ماناش ناسيين سوؤتو حنا لي برا الدزاير .... و يعطيك الصحة على الموضوع المميز
 

معاك يا الخضراء

:: عضو متألق ::
إنضم
27 نوفمبر 2009
المشاركات
3,034
النقاط
157
بلادي بلاد عزة و كرامة :tears::tears:
ان شالله نخرجو و نحتتفلو و نهزو لعلام :yahoo::yahoo:
هدرتك تقيس خويا فريد عندك الحق في كل كلمة:closedeyes:
لكن كن اكيد انو الجزائر في قلب كل واحد فينا
 

روز

:: عضو شرفي ::
إنضم
9 نوفمبر 2008
المشاركات
7,098
النقاط
351
ونهار اللي سبونا خاوتنا واتهمونا شفتو بواش افتخرنا وباش رفعنا روسنا ارفعناهم بارواح الشهداء والثورة والتاريخ ....كلامك فور يا أخي بارك الله فيك ويتوشي صح القلب نقلك حاجة غايبة عليك الناس لي سبونا وسبو شهدائنا تم برك عرفت بلي الشهداء هادي حاجة مقدسة عند الجزائريين باختلاف طبقاتهم سواء الزوالي ..الجاهل ..الصغير ..الكل تحركت فيه الجزائرية نتاعو الكل غار الكل غضب الكل رفض الاعتذار هادي حاجة تبرهن الشهداء هم عقيدة بعد الاسلام بالنسبة لكل الجزائريين لما تشوف طفل صغير يبكي لانو سمع تافه يسب في الشهداء تم تعرف بلي الجزائريين مش يفتخروفقط بالشهداء ولكن الشهداء دمائهم لازالت تلطخ أجسادنا وثيابنا وستظل للابد وافضل دليل كي نافو الجزائرين كلهم بدون استثناء على هذاك الكلام الشيء الوحيد الي استفدنا منها من الازمة لي فاتت انهم أيقضوا فينا ذاك الانتماء الرائع لي واحد مايقدر يشعر بيه ولا يحس بيه غيرالجزائري ارفع قبعتي لهكذا مواضيع تستحق التميز أخي
 
آخر تعديل:

Houda Chaouienne DZ

*طبيبة*
إنضم
4 جويلية 2010
المشاركات
5,103
النقاط
323
الجنس
أنثى
أولا هذا الموضوع ماهوش صامط و ماهوش ديمودي و جامي يكون هكا
ثانيا دزاير فالقلب و فيف لالجيري
حنا صح ما حضرناش الاستقلال
مي كي يحكيولي على الثورة و واش سوفراو يتشوك لحمي
مارسي على السuجي الباهي
و ما تنساوش أمثال هذا
 

كاميلية

:: عضو منتسِب ::
إنضم
14 سبتمبر 2008
المشاركات
99
النقاط
6
***والله عندك الحق الله يرحم شهدائنا و شكرا على الموضوع اللي فكرنا بالثورة
موضوع رائع
 

Voyage dans un rêve

:: عضو مُتميز ::
إنضم
8 أفريل 2009
المشاركات
760
النقاط
17
السلام عليكم

اللي يقول مانحبش دزاير ظااااااااااااالم

تحيا الجزائر

و المجد و الخلود لشهداءنا الابرار
 

ايمان العلمية

:: عضو مُتميز ::
إنضم
2 أفريل 2010
المشاركات
543
النقاط
17
بلادي نحبها ونحب اللي يحبها ....ومنقبل حتى واحد يسبها .....بلادي ماتو عليها رجال مليون ونصف مليون شهيد في 7 سنوات باه استرجعناها .........نمووووووووووووووووووووت على الجزائر نمووووووووووووووت
 

فريد أبوفيصل

:: نجم اللمة::
إنضم
1 أوت 2008
المشاركات
6,400
النقاط
2,651
الجنس
ذكر
يعطيكم الصحة كامل اللي قال كلمة في هذا الموضوع الصامط .

واللي معجبوش يسمحلي وجعتلو قلبو .

واللي عمل مثقال ذرة نتاع شر في هاذ البلاد حسابو ماشي عندنا كاين رب يحاسب عالصغيرة والكبيرة .واللي راه حاكم منصب وياكل في الشعب واموال الشعب متخافش راك تعمر في كرشك بالجمر وتربي في ولادك بالحرام .
واللي كلى عرق الزوالي كتخافش عرق القيامة راح يقمك لفمك .
واللي سب شهيد او سب دزاير متخافش كل كلمة قلتها راهي مدونة في كتابك .
واللي راه يخرب في البلاد ويقتل في الشعب القليل والعسكر المساكن متخافش جهنم راهي تستنى في امثالك والدم راهو يستنى فيك .
واللي ظلم مضلوم ولا هانو ولا كلى حقو متخافش كاين رب اسمو الحق هو اللي ياخذ حق الفقير والمسكين منك .

والسلام عليكم .
 

Voyage dans un rêve

:: عضو مُتميز ::
إنضم
8 أفريل 2009
المشاركات
760
النقاط
17
الناس اللي يجيهم موضوع ديمودي كما قلت عندهم الحق يجيهم ديمودي باسكو نزادو في الهنا و راحة البال و ماعاشوش المعاناة اللي عاشوها اجدادنا ..البارح كنت نسمع في واحد البروقرام في الراديو عن نفس الموضوع قالهم متصل كلام في الصميم، قالهم: مرة تلاقيت بطبيب قتلو بفضل من راك طبيب ؟ قالو هاداك الطبيب: بابا اللي قراني هاداك المتصل قالوا: حبس ..باباك شحال يخلص باش قراك؟ قالو ماتزيدش تعاود دزاير لي قراتك بفضل الشهداء اللي ماتو رانا عايشين في الهنا و ماشي حامدين ربي لوكان ماشي بن مهيدي و صحابو عمرك ماتقرا باطل.. بالعكس يخلصونا باش نقراو و الدزاير ماشي مليحة، تداوي باطل و الدزاير ماشي مليحة، ماتخدمش و تخلص و الدزاير ماشي مليحة ....الخ
و الله غير اللي مايحبش دزاير ظالم و رانا مقصرين بزاف في حق شهدائنا الابرار هوما نهار خرجو بالثورة الى الشارع ماكانش يفكر في لا سونري الجديدة لي خرجت و لا مودال التيليفون اللخر الي خرج . كان يفكر في الحرية و الاستقلال للبلاد باش يضمن عيشة اولادو في المستقبل و هوما مرفوعين الراس دون ذل و لا اهانة و لا استدمار.............


 

Mr mino

:: عضو شرفي ::
إنضم
20 ديسمبر 2007
المشاركات
4,789
النقاط
351
رانا في وقت ولا 5 جويلية ميش عيد الاستقلال ولا مجرد نهار تخرج فيه نتائج الباك
 

nissa m620

:: عضو منتسِب ::
إنضم
28 جوان 2010
المشاركات
29
النقاط
2
يعطيك الصحة خويا و الله بردتلي على قلبي بهذا الموضوع بلادنا تبقى بلادنا والحمد لله نفتخرو رانا جزائريين رغم كل شيئ راه صاري صح الواحد خطرات تضيق بيه ويكره بالصح في وقت الرسمي رانا ديما حاضرين كبير وصغير في الداخل والا في الخارج​
 

سماح4

:: عضو متألق ::
إنضم
16 أوت 2009
المشاركات
3,189
النقاط
659
العمر
38
محل الإقامة
الجلفة.
الجنس
أنثى
بارك الله فيك على الموضوع الرائع ...ربي يرحم شهداء الجزائر لي رانا بفضلهم بعد ربي سبحانو رانا نتمتعوا بالحرية والاستقلال ... ومهما قلنا مانقدروش نعبرو عن حبنا لهذا الوطن الرائع الي قدملنا الكثير....بارك الله فيك وربي يكثر من امثالك ....موضوعك محلاه على قلوبنا وأرواحنا....
 
Top