الكاليتي أنتاع ليجون ,,,,

ziassia

:: عضو بارز ::
أحباب اللمة
إنضم
30 سبتمبر 2008
المشاركات
2,555
نقاط التفاعل
1,882
النقاط
111
سلام واش راكم خاوتي صافا
حبيت نحكي اليوم شويا على ليجون و عفايسهم العيانيين و مام احنا و مراناش قلال
يعني هدوا ليجون عندهم عقليات فري كيما تجيهوم يجوك
كااين صوالح بزاااف ميعجبوش و كثروا السلبيات
حاجة متعجبهومش و زيد وزيد وزيد
المهم رانا جايين غير بيشوي
و العلة الكبيرة هي التوقاف عند الليسيات
راحا نحكيلكم واش صرالي و شوفوا ليجوون المربيين تاوعنا
انا خطرة راني راحا للدار و نمشي مع حبيبتي و كانوا جماعة انتاع ليجون يتمشاو مورانا ممبعد بدا واحد يخلط و يقول مولات الماروا أرواحي راني حاب نهدر معاه و هو راهو يهدر و محسبتوش كامل ولا خزرت فيه
ممبعد واش يدير يقولي حمااارة درت خزرت فيه خزرت فيه ممبعد رحت مصبت واش نقولوا
ولا الشابة كاااامل
خاطرا راني طالعا لليسي كانت قريب 2 باش ندخلوا نقراو
والطريق فارغة شويا ممبعد يجي ليا واحد احكملي الموس و حطو عند رقبتي قالي اجبديلي واش عندك في الصاك
والله معرفت كاامل واش نهدر قعدت غير نخزر فيه مخلوووعة ممبعد حتى كان جايز واحد بعد الموس و قالي كنت نتمسخر علبالك بريزاني مصبت واش ندير

هدا جزء بسيط من الموضوع راهو مزال طويل
واش رايكم !!!!!

 
عايشين فيها نووووووووووورمال موالفين ليزاقريسيو سوى للبنات ولا الذكورة
عااااااااااااادي في بلااااااااااااااااادي
ماشي قراف هاذو شوفي لي راهم يدخلو للدار كيما لي عندنا العام لي فات عايلة راحت بالساطور على جال الدراهم
مشكوووووووورة
 
الحكاية اللولة , الغلطة تاعك من المفروض تحكي معاه ماشي توصلي روحك للعيب
U must Be Cool لازم تلعبي رقم 10 في الميليو ..

الحكاية الثانية , أنتي باين دمك ثقيل واحد يلعب معاك بموس واش فيها ؟ عادي جدا


بالطبع راني نقصر , صح ديفوا تشوف عفايس من ليجان تبقى بلا راص , زعما طوايشية و حاجة مريضة , مي هوما راهم شفاية لقاع الناس

حاسب الناس يضحكو معاه و هوما يضحكو عليه تحسب حديدوان , و قوليلو ماكانش حمار قدك يا مونغول تظلم بنت الناس وكي ما تقيمكش تقلبها سبان

Wiw .
 
بالنسبة للحكاية الاولى انا لكان في بلاستك نعطيه 2 كلايم ميزيدش يدور خلاص بالبنات انا من النوع لما يسكتش
اما لحكاية الثانية انا واحد يديرلي موس في رقبتي في مكاني نسقط ههههه ولاد نتاع اخر زمن هكا دايرين معندك مديري
 
عايشين فيها نووووووووووورمال موالفين ليزاقريسيو سوى للبنات ولا الذكورة
عااااااااااااادي في بلااااااااااااااااادي
ماشي قراف هاذو شوفي لي راهم يدخلو للدار كيما لي عندنا العام لي فات عايلة راحت بالساطور على جال الدراهم
مشكوووووووورة


ههههههههههههههه
علمتك وحلت فيك
_______________________
الحمد لله والله أحنا في الوادي مكانش خلاص أمور كيما هك
مكان لا تحباس لا معاكسات لا يديك لا يجيبك
انتوما صح بنات التل الله يحسن عونكم :tears:


ربي يحفظك يا مولاة الموضوع
 
عـادي في بلاديـ
ضك ولو الذراريـ فارغين شغلـ يبيكي شعرو يهبط السروالـ و يروحـ يدراgـي
و البنـات ضرك و راني نهدر على الفئة مش على الكلـ نلبس الميني و تمشي واحد المشيا و الماكياج و الهدرا مع الذر و كي يقدملها واحد هو لي غالط،،،
فيـ زوجـ رانا عوج و حابسينـ،،،
الراجلـ ما هو راجلـ
و المرا ماهي مرا،،،
و راحتـ هذيك اللعبة تاع المرا راهي ضحية،،،
المرا شريكة في الجريمة و الانحطاط كيفها كيف الراجلـ،،،
و زيد يا ربيـ سلط عليا وش تحبـ و ما تسلطشـ عليا نسا من النوع هذاك،،،
 
مواقف تضرا
و اصبحت عادية في المجتمع
مع انا مش عادية

شكرا مولات لمارو
 
الحكاية اللولة , الغلطة تاعك من المفروض تحكي معاه ماشي توصلي روحك للعيب
U must Be Cool لازم تلعبي رقم 10 في الميليو ..

الحكاية الثانية , أنتي باين دمك ثقيل واحد يلعب معاك بموس واش فيها ؟ عادي جدا


بالطبع راني نقصر , صح ديفوا تشوف عفايس من ليجان تبقى بلا راص , زعما طوايشية و حاجة مريضة , مي هوما راهم شفاية لقاع الناس

حاسب الناس يضحكو معاه و هوما يضحكو عليه تحسب حديدوان , و قوليلو ماكانش حمار قدك يا مونغول تظلم بنت الناس وكي ما تقيمكش تقلبها سبان

Wiw .
والله صح اللي ماتركبش ف الطوموبيلات ماهيش متربية واللي ما اتقيمش كلاب الشوارع يسمى حمارة وغيرها وغيرها، pffffffff استغفر الله العظيم،،، يخي رجلة عايية،،، ومحسوبين على الدزاير 75 % شباب،،، ربي يهديهم، وربي يصون اللي حابة تتصان.
شكرا
 
مشكورة اختي على الموضوع
 
يا جماعة الخير كرهنا من هاد لحكايات انتم وين عايشين ؟؟؟؟؟؟؟؟؟؟؟؟؟؟؟؟؟؟؟
الكل يعرف بلي عايشين في أكبر مدرسة للإجرام في العالم و اللي اسمها الجزائر نعرفو بلي الحكومة تاعنا تضرب هذا بهاذا باه نلتاو في بعضنا و هما يضمنو مستقبل ولادهم وواحد ما يقلقهم و زيد أحنا الكل عاجبنا الحال كي لولاد كي لبنات روحي للجامعة تتأكدي من كلامي الطلبة اللي من المفروض هي أكبر فئة مؤثرة في المجتمع نلقاوهم كل واحد قاعد يعوم في بحرو هذا طايح على هاذي و لخرى تنصب لهاذاك و الله ما يعلمو الدنيا وش صاري فيها لبلاد خلات و هي تجي تشكي من واحد قالها حمارة يا أختي أنا هو لحمار و من بعد وش صرا؟؟؟؟؟؟؟؟؟؟؟؟؟
و زيد ليام اللي فاتو الشرطة في سيدي سالم بعنابة حكمت 84 شاب بريء تهمتهم بحرق العلم الوطني و لحكاية الكل سمعتو بيها البارح حاكموهم و عطاوهم 8 سنين سجن ثمانية سنوات ما عطاوهاش لإرهابي ما عطاوهاش للي قتل للي سرق للي بذر المال العام للي أخذ رشوة عطاوها للي ما عمل والو وهذي هي جزائر العزة و الكرامة و نسيت نحلف و الله العظيم لم يحرق العلم الجزائري اشاعة خرجها والي عنابة بدون دليل و لا شاهد لإرهاب الشعب و انتي يا أخت غاضاتك كي واحد حطلك موس في رقبتك تعرفي كون قتلك يحكمو عليه ب 4 سنين حبس يخرج بعد عامين بعفو و هادي هي قيمة حياتك في الجزائر اختي لازم نتعلمو نتعايشو مع هاذ الوضع المخزي و لا زم نكونو كيفهم ولا ياكلونا وهادي تابعة لسياسة استحمار الشعب لازم تكون حمار باش تعيش مع الحمير اكرمكم الله
نتمنى ما تاخديش كلامي على انو تهكم او استهزاء بموضوعك أختي المشكل فيا أنا قلبي معمر و ما لقيشت حل لروحي
بصح كاين ربي سبحانو فاللهم اضرب الظالمين بالظالمين اللهم اضرب الظالمين بالظالمين اللهم اضرب الظالمين بالظالمين
سلام
 
آخر تعديل:
احمدي ربي على هكدا....كن تشوفي وش راه صاير في بعض البلدان الرضيع يشيب
لازم الوحدة تعرف وين تمشي وكفاش تمشي ربي يهدي شبابنا وشاباتنا
 
والله غير عندك الحق
وين ماتروحي تلقاي الآلاف من هذو الاولاد
ولاو مايحشموش
مع احترام تتسمى وقاحة هذي
 
هاذا هو حال الغاشي الراشي لاخدمة لاقدمة ولا مستقبل قاعدين غير يميتروا في طرق
 
لاه رانا في لاص فيقاص

ماكانش منها نتاع الموس

ههههههههههههههههههههههههه

يخي ىولاو يجبدو السيف

ههههههههههههههه
 
هاذي هيا بلادنا
وهذا هو وقتنا
ومازال الخير والخمير للقدام ...

وأنا نشوف بلي كلا الطرفين يأثرو
مثلا إذا كانت البنت دايرة رايها برة

واش من لبسات واش من مشيات واش وواش ....
أكيد ماراحش يطلقوها بحالها
هي جابت البلا لروحها

وغير كلمة حمارة وحاشى الجميع تسوى الدنيا ومافيها....
وانتي غلطتي لوكان كي قال هكاك ماتدوريش ليه على خاطر يهدر مع روحو وراهو على نفسو

وقصة الموس هاذاك ماعندك ماتديري أكيد راح تخافي على روحك وماتقدري تتصرفي والو
اللهم ربي وكيلهم وراح يلقاوها

الحمد لله ياربي ولهلا يبلينا بهكاك مواقف

إن شاء الله ربي يجيب اللي فيه الخير
ونمرو بسلام في هاذي الدنيا الغدارة


تحيتي ليك
شكرا على الموضوع
 
ربي يحفظك و يحفظ لبنات كامل
 
هاذا هو الحال في دزاير
عيش تشوف عيش تسمع
ربي يحفظنا ويسترنا يا اختي هاذا ماكان
شكرا على الموضوع
سلام
 
والله عييينا يا اختي شفتي ولا كلش عادي
ربي يسترنا برك
 
هههههههه والله فكرتيني في النوع هذا تاع لولاد
كيما واحد يجيب ساعة و هو وراك و يرحي كي ما تقيميهش
يقولك روحي ماكيش زينة ههههههههه
ربي يهديهم
 
واحد منهيه يدير موضووع ع لبنااااااات يطيح يمنشر بيهم
لخرى تجبد موضوع تقطع فدراري
والله غير كرهناااااااا من جد هاد المواضيع
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top