تحلية باردة وسريعة وشهية من مطبخي

الحالة
مغلق ولا يسمح بالمزيد من الردود.

أم مهدي

:: عضو مُشارك ::
إنضم
4 أفريل 2010
المشاركات
201
نقاط التفاعل
0
النقاط
6

أخواتي

الصيف راهو دخل علينا والسخانة راهي حرقتنا

واليوم راني جبتلكم تحلية سهلة وسريعة وبنينة وتبرد القلب


المقادير :

1- علبة بسكويت سادة من النوع الذي ترغبين ( أنا استعملت بيمو )

2- كوب قهوة باردة .

3- 1/2 لتر حليب .

4- 5ملاعق كبيرة سكر .

5- 2 ملعقة كبيرة مايزينة .

6- 2 ملعقة كبيرة كاكاو .

7- مكسرات مهشمة على حسب الرغبة والمتوفر لديك .


الطـــــــــــريــــقة :

في كسرونة حطي الحليب والسكر وغربلي عليهم المايزينة والكاكاو وخلطيهم مليح وحطيهم على النار مع التحريك المستمر حتى تصل درجة الغليان وتثقل الكريمة
أول ما تصل درجة الغليان نحيها من على النار ولازم ما يكونش فيها تكتلات

في وعاء التقديم كيما تاع الغراتان ولا اذا حبيتي خطرات نديرهم في سكريات صغار هادوك تاع الفلان
المهم دهنيه بشوية زبدة وخذي حبة بسكويت غمسيها في القهوة الباردة ورصيهم في الطبق حتى تشكلي طبقة

اسكبي عليها شوية كريمة حتى تغطيها كامل ورشي عليهم المكسرات المهشمة ( أنا استعملت شوية لوز وكاوكاو وكاجو ) ممكن تستعملي نوع واحد برك
وتعاودي العملية حتى ديري 3 طبقات
في الطبقة الاخيرة رشيلها كمية مليحة من المكسرات انا كان عندي شوية لوز منسل حمصته ودرته فوق الطبق
وممكن ترشيه بشوية كاكاو غبرة

غطيه بالبلاستيك وحطيه بالثلاجة لدمة 3 ساعات على الاقل

وتاكليه مع عايلتك بالصحة والهنا

سامحوني اخواتي الصور ما حبتش تطلع
الخطرة الجاية نديرلكم الصور
 
يعطيك الصحة تجي مليحة في رمضان خاصة راه على الابواب
شكرا
 
شكراااااااااااااا بارك الله فيك
 

شكرا على مروركم وكلامكم المشجع
راح نحاول مرة اخرى ننزل الصور وان شاء الله تنزل
 
والله رائعة مشكووووورة كثيرااااااااااااااا على الوصفة
 

أم ايناس

اياصوفيا


راكم نورتوني بوجودكم
يعطيكم الصحة
الا جربتوها قولولي رايكم
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top