معليش تعطوني دقايق من وقتكم نحكيلكم قصتي بصح اوعدوني تلقاولي حل

[شمعة]

شوفي ندبرك كذبة بصح على رقبتك اوكي ؟؟؟
​

ههههههههههههه اوكي على رقبتي ماتخافش
قول برك

 

[فؤاد الورقلي]

سلام
اممممممممم
كانش ماتعرفي واحد من جيرانك او ابن عمك وعرفيه به وارميه فيها وقولي راه شاففني وسال عن ولد عمي او ابن الجيران
وعجبتوا وجا على سنة الله ورسوله

وبالتوفيق
وربي يجيب الخير

شكرا​

 

[شمعة]

والله غير قستوني بزاف كي قلتولي كذبة وماتكذبيش
انا جامي خدعت والديا ولاكذبت عليهم بصح حابة يكون عندي مبرر باش نقنعهم
لانو كيما راكم عارفين صعيب بزاف في مجتمعنا يتقبلوا فكرة التعرف عن طريق النت
ومهما حاولت ماهمش رايحين يتفهموني
وفي الاخير غير ربي سبحانو لي عالم بالنيات وواش تخبيه القلوب
شكرا لكم

 

[شمعة]

سلام
اممممممممم
كانش ماتعرفي واحد من جيرانك او ابن عمك وعرفيه به وارميه فيها وقولي راه شاففني وسال عن ولد عمي او ابن الجيران
وعجبتوا وجا على سنة الله ورسوله

وبالتوفيق
وربي يجيب الخير

شكرا​

شكرا اخي على الفكرة
هوا ثاني جاتو فكرة كيما هاذي بصح حاب يتعرف على خويا
المشكل مالقاش طريقة توصلو ليه:blink:

 

[جيهان السوفية]

مرحبا يا أختي
الصراحة هي الي تنجيك قولي الحق لأهلك وهومة راح يفهمو الوضع ويقدرو حبكم
ربي يوفقك نتمنالك حياة سعيدة مع الشخص الي تحبيه

 

[شمعة]

مرحبا يا أختي
الصراحة هي الي تنجيك قولي الحق لأهلك وهومة راح يفهمو الوضع ويقدرو حبكم
ربي يوفقك نتمنالك حياة سعيدة مع الشخص الي تحبيه

للاسف ماشكيتش بلي كاين لي يقدر الحب في هذا الوقت
شكرا اختي على الرد والدعاء

 

[kojak]

اختي نقلك فرد حاجة ردي بالك من ذئاب النت
ونوصيك حاجة اخري ياسر بنات جرتلهم هذي القصة تاعك وفي لخر ظهر السيد تاع النت متزوج
مذابيك تتاكدي منو
واكدي على الزواج علىسنة الله ورسوله
وربي يجيب الخير
​

 

[Moha le sage]

سلام يا شمعة

مشكورة على صراحتك

النت هي وسيلة تاع تعارف و هاذا رايي الشخصي ..

كانت تكون طريقة ساهلة للتعارف بهدف الزواج ..بصح الله غالب كثرت الناس لي مالعبتش في صغرها

عندي موضوع قديم حكيت فيه على هاذ العفسة


يا ذراري ظلمتو بزاف بنات النت .. ارواحو معايا نحللكم عينيكم






قصتك راهي تحصل يوميا في جميع المنتديات و نأكدلك هاذا


نجي ذرك للنقطة الحساسة تاع الموضوع ( طفل من النت )

و الله صعيبة على الاهل باش يامنو هاذ القصص والاصعب انهم راح يواجهو حقيقة ( ان بنتهم تعرفت بالنت على واحد ) و هاذا شي مش ساهل خصوصا اذا مشات الهدرة

يعني القضية يدخل فيها عوامل بزاف منها ان الوالدين مش رايحين يديرو كونفيونص في هاذ السيد وزيد بزيادة عيب الحاجة هاذي في مجتمعنا ..الخ

صار انا و راني زعما راجل و مسؤول على روحي .. كي نجي نحكي ليما و لا لعايلتي مثلا ( من باب الحكاية ) نقلهم هاذي طفلة صرالها هكذا ولا هاذي طفلة مليحة .. يعني بمجرد اني نحكي و نبين بلي راني مصدق ناس في النت .. يلوموني .. و مزالو دايرين في بالهم ان الناس الصافيين نتلاقاو بيهم برا برك ..

و الله عندنا مجتمع العيب فيه يندار قدام ربي و عبادو ..اللي خابط خابط و الي تخرج و تركب في الطوموبيلات و اللي يكفر على ربي و يسفه قدام الغاشي و اللي تفتن في صحاباتها و في جيرانهم و اللي يضل من الحخبس للحبس و الكاشيات و لادروق ... كلش يندار في بلادنا و يقلك عادي ... بصح كون تقولي و لا واحد يقول تعلقت مع وحدة من النت يقلك عيب و حرام و يجوك شيوخ الازهر و تعتبر العايلة هاذي فضيحة .. و تلقاي حتى عايلات خرى تهدر في هاذ الامر ( ان بنت العايلة الفلانية تعرفت مع واحد من النت ) و المشكل تلقاي العايلة ذيك بنتهم عنهم شهرين ما شافوهاش و معرف وينهي .. و عندهم نورمال

و الله يوجعني قلبي بزاف من هاذ المجتمع ..اللي ضال نتبعو في بعضانا فيه و جامي لا نديرو حاجة تصلح ..


حبيت نحل قوس هنا ونحكي على حب المنتديات ..

المنتديات راهي كيما ستار اكاديمي ..كيما الحصص اللي يعقبوها و اللي يسموها real-tv واللي تنتمي ليهم جميع الحصص تاع ستار اكاديمي و بوب ستار ..الخ

الشبه بينهم هو تواجد تاع الذراري و البنات في منتدى واحد هاذا يدير موضوع و لخرى رد ..هاذي تدير تصويرة و لاخر تعليق .. و من بعد يولي اعجاب و تكبر الحكاية و تطور لحب ..انه هذاك العضو يولي يكونيكتي و يحوس على العضوة ذيك .. والعكس صحيح

تلقاو بزاف مقالات انه الذراري ذئاب مفترسة .. و الجنس اللطيف ضحية .. ولا احيانا العكس ..ان الطفلة هذيك لعبت بشحال من واحد .. و انا نقلك انو الديفو الاول و الاخير هو كي يتلاقاو الجنسين في زوج في النت ... يعني سواء في منتدى او في سكايب او شي اخر

ربي خلق في الذكور الغريزة انهم يميلو للاناث و يحاولو يغريهم .. تماما مثل الحيوانات يسموها la séduction .. و حنا نسموها الغزل و الدراقاج .. وكل واحد كيفاش يسميها .. والاناث ثاني عندهم طريقة معينة يبينو فيها قابليتهم لهاذ الشي ...

نفس الشي يتطبق على المنتديات اللي هي امتداد لحياتنا اليومية .. غزل في مواضيع و كلمات جميلة و ردودة منتقية و صور تأثر في النفس ..كامل هدفها واحد : التأثير في الجنس الاخر

أنا هنا منيش نفتي ولا نحلل و لا نحرم .. ولكن نحكي في الواقع كيما راني نشوف فيه



نولي لقضيتك ذرك و اسمحيلي كي خرجت على النقطة هاذي و حكيت على البدية تاع هاذ الشي ... لاني حبيت نبين ان معضم الامور تحدث بعفوية و قد ما يحكم الانسان في روحو .. راح يطيح ..

في نظري انا احكي مع يماك وما تكذبيش عليها و احكيلها كلش خطراش تلقاي عندها الحنانة و متفهمة ...و هي تتصرف .. وربما تختلق قصة ... و صدقيني مهيش كذبة .. لان الامر متعلق بزواج و كل القضية راحخ تفسد اذا عرفو و هاذا احتمال كبير

شكون الاهم ؟ الزواج تاعك ولا كي يعرفو القضية ؟؟ انا في رايي خلي نهار تتزوجي و تروحي لدار راجلك و راه يجي الوقت ان شاء الله و يسمعو ..نهارها يكونو اكثر قابلية باش يقبلو وش صرا و ميكون معندهم ميديرو

الغاية هي حاجة نبيلة واللي هي الزواج ..و اكثر من هذا راكي تقولي بلي تحبو بعضاكم ..يا ختي انا نشوف بلي يدير اي حاجة يتقرب منها بيك ..قال يتعرف بواحد من جيرانكم و لا في المحيط تاعك يدير بيه المعرفة حتى تخرج القضية من النت للواقع ... و راني قتلك ماشي شرط يعرفو كيفاش تعرفتي بيه ...الشرط يكون راجل صالح و يسترك و ما يلعبش بيك و يكون قد كلمتو ... و يكون من عايلة محترمة مش راح يكونو فيها مشاكل بعد الزواج

هاكي سمعتي رايي ... راني شايف و عايف .. ومجرب حتى الزمان قسم ظهري و طيب قلبي .. و تلاثين سنة من عمري ..راحت تخمام في هاذ العالم اللي جامي حسيت روحي ننتمي ليه ...غير من عاداتو و من ناس يسموهم بشر ... و الحيوانات ارأف منهم و أضرف منهم و أأنس منهم ...حاشا القليل

ربي يعطيك قد نيتك ان شاء الله



خوك موح

​

 

[Moha le sage]

هذا الموضوع اللي دافعت فيه على فكرتي ان في النت نلقاو بنات صالحات و نقدرو منلقاوهمش لبرا


يا ذراري ظلمتو بزاف بنات النت .. ارواحو معايا نحللكم عينيكم






لو ندخل في هاذ الفكرة ما نخرجش منها تاع حب النت ...تالمون عندي بزاف حوايج نقولها


هاذي هدرة ميساج لبعض الذراري اللي ما يامنوش بحب النت و حاطين في راسهم افكار و يتبعو فيها .. بلاما يخممو .. استناو الموضوع الجاي راني بردت قلبي فيه مليح ( عباد القاراقوز ) هدرت على الناس اللي يصوقو فيهم حوايج بزاف منها النظريات و الفرضيات اللي يضالو يعاودو فيها بلاما يكون عندهم هوما قرار يديروه

كي تكون نتا راجل وفحل ومش طفل صفير يعقب في الوقت .. كي تتعرف بوحدة في النت راك لازم تجيب الصح و تشوفها في سكيب ولا لي فوطو تاعها و من بعد ربي يصلح الامور

نزيدك حاجة في النت ساهلة تهدر مع وحدة مش كيما برا .. تقدر تفهم عقليتها و تفهم عقليتك ..قادر تتعلق بيها وتتعلق بيك و كي تتلاقاو برا تكونو ديجا متفاهمين على حوايج بزاف

نزيدك حاجة خرى واش هو حب النت : هي طفلة عندها ميكرو في الدار تعرفت نتا عليها في منتدى معين ولا بلاصة خرى وقادر تكبر الحكاية و تخرجو من النت للتلفون وتشوفوالعقلية و تتلاقاو برا ديفوا
نزيدك حاجة هاذي لي راك تشوف فيها برا مش هي اللي راها تكونيكتي في الدار ؟؟ ولا طفلة معندها ش ميكرو


علاش حاطين بنات تاع برا ملايكة واللي داخل الدار شواطن فهموهالي هاذي ؟ ياسيدي تخيل نتا تلاقيت بوحدة وعجباتك وهي داتها حياتها كامل تشاتي ؟
ياو مكان حتى مقياس تقيس بيه الطفلة .. حاجة وحدة برك اذا كانت صريحة معاك وحكاتلك على قصصها لي فاتو اذا كانو عندها ..باقيها واحد ما يعرف واش كاين في قلب اي طفلة


نزيدك حاجة نتا كي تتزوج تقليدي .نتا ظامن عقلية الطفلة هذيك ؟ بلاك صامطة رهج وهي شابة وزينة ..علاش راح نتا ديرها gارنيتير ولا vase ؟ تزين بيه الدار ولا الشومبرة

نزيدك حاجة اخرى نتا تقول عليها طفلة تاع نت ونتا ثاني راط طفل تاع نت و هي دايرة فيك كونفيونص
نزيدك حاجة .. وين تظمن نتا اللي راها برا ماعندهاش passé ومشات مع فلان وفلتان ولا تحب واحد اخر و شفتها نتا عجباتك ورايح تخطب وجايبها للدار وهي راها نار تحت تبن

نزيدك حاجة الطفلة بطينتها .. كي تعحبو بعضاكم وتصارحو بعضاكم وتحكيلك هي قصصها و ترضى نتا و هي كلش نورمال ..بصح لازم تشوفها فلربما راك تعشق في عرف تاع شجرة ونتا مش علابالك .. يعني كي تلحق وحد الدرجة من ورا لي ارتبطتو بالتلفون ..لازم تشوفو بعضاكم و تشوف وجها وكي تعجبك تقدرو تكملو هاذ القصة

ماشي مليح نتخباو بنظريات ..انا خارجها عيني عينك اخرجها لربي عريان يكسيك .. نحوس على وحدة من جرنان ولا من سكايب ولا من اللمة ولا من الشروق ولا من البوست من اي حاجة ..الشرط هو الصراحة والنية في لول ..ومن بعد نحوس على شروطي اللي هوما لحنانة والقلب الكبير والتريبة والاخلاق والدين ..علابالي راك تقول مكانش منها في النت ..ونا نقلك النت هو ميكرو مربوط بشبكة تخدم بيه وحدة تقدر تكون متربية خير من الفين وحدة تسركل برا ..

بلا ما نطيحو في الفخخ تاع المنافقات واللي يعقبو في الوقت ونا نعترف بلي كنت ضحية تاع تلاعب تاع بنات حطيتهم نسا و هوما تعينو ما لعبوش في صغرهم

يا خويا نورمالمون نديرو ركن طلبات التعارف بهدف الزواج هنا في اللمة كي وليتو تفهمو اوموان نربحو اجر الناس هاذي بصح علابالي بالي الكثير مهمش صافيين في نيتهم كيما انا و حمة وعبيدو و ... ماشي بزاف

اللي تقلو حبيت وحدة في النت يقلك نتا جايح و معندكش عقل ومعرف واش .. شكون فيكم عندو الجرأة يديرها ..خايفين اكل.. خايفين من بعضاكم .. لا يقولو لعبت بيه فلانة ولا طيحاتو ..علاش هي معندهاش القلب ..هي روبو ..اي طفلة تلقى واحد راجل في عقليتو و فحل اكيد راح يعجبها .. و ربما فوت الاعجاب الى التعلق بذاك الشخص

حاجة اخيرة ..قبل ما تحوسو على الصفا والتربية وكامل الصفاة في البنت .. صقسيتو رواحكم اذا نتوما يقدرو يقولو عليكم رجال ؟ اذا كان فيكم اصلا الصفات هاذو ؟ ولا تحوسو على حور العين ونتوما الموبقات السبعة فيكم ...جاوبوني ؟

​

 

[Moha le sage]

هذا الرد الثاني تاعي فيه ..




راني معاك في هدرتك ..وراكي قلتي الحقيقة اللي لازم تتقال .. المجتمع تاعنا رجولي .. يعني حنا نديرو واش نحبو و في اي وقت نحبو ولبنات كون يديرو عفسة صغيرة يروحو فيها ..حتى بعد الزواج .. الراجل منين يظال سكران في البار ..منين يدير واش يدير هو حر .. والمرا كون تغلط بشعرة صغيرة يطلقها ..مالا تسكت وترضى بالطحين

انا واحد من الناس عندي قناعة بالي مكانش لي ما تعرفتش بواحد ولا حبت واحد .. نفرضو سن الزواج عند وحدة وتكون جامعية كيما نحوس عليها زعما انا هو 22 سنة مثلا .. شكون لي يضمن انها من لي عرفت صلاحها من لي كان في عمرها 16 ولا 17 ما حبت واحد ما هدرت مع واحد لا بالتلفون لا برا لا في الثانوية لا في الجامعة لا جارهم ... شكون يضمن هاذ الشئ مكانش ..يقوللك نصقسو على الطفلة ..والله ما يجيبو لخبر ... شكون لي طال عليها حتى واحد مالا منقدروش نقولو هذيك جامي مشات ولا هدرة ..

كيما قلتي مدام حنا نهدرو فاكيد يكونو هادرين معانا .. الفايدة البنت هذيك تكون مادارتش امور كبيرة هذا هو الصح ..زعما الخرجات للبلايص المشبوهة الخ .. باقيها انا واحد من الناس نحوس الصراحة هذا مكان واللي فات مات ..ونقولها وميهمنيش في العالم كامل .. انا لي راح نتزوج مش وحداخر .. بصح الشرط الكبير هو القعدة بيني وبين الانسانة ذيك ..كي تصارحني بكلش ونا نميز في راسي بلي مدارتش حوايج كبار ..ونلقى فيها الاخلاق والصفات لي نحوس عليهم نورمال

ما نامنش بيه الزواج نتاع نروح نشوف طفلة طول .. نورمالمون كاين فترة الخطوبة هاذيك بصح ذرك الكثير اللي نحاوها يقلك كي تخطب حط دراهم الشرط ( المهر ) اذا قدرت ..معناها الخطوبة = زواج

المهم راني نهدر واش نخمم علاتبالي اللي يجو يقراو موضوعي هذا كل واحد وش يقول ..واحد يقلك راه يهدر هكذا قدام الناس باش يقولو هذا انسان مثالي ..واحد يقلك ها مهبول ..واحد يقلك هذا تعرف على وحدة وراه يدافع عليها ...انا نقلكم والله معلابالي بحتى واحد .. تلبسو اكحل نلبس ابيض في المنتدى ولا برا ..ورايي ديما لي يمشي ..واللي يتبع هدرة الناس ضعيف شخصية



​

 

[سماح4]

ممكن جدا يكون حب صادق ربي يوفقك أختي نضن المشكل مش في طريقة التعارف المشكل في صدق القلوب ونواياها ، ممكن تتعرفي بإنسان فالواقع وممكن حتى يكون قريبك أو جارك ويعرف أخلاقك بصح ما يكونش صادق معاك ،وممكن إنسان يكون بعيد عليك وتشوفيه مرة فالزمان ويكون يحبك بكل جوارحو ....اختي أنا ننصحك تصارحي امك وأنتي ادرى بأمك قوليلها كيفاش تعرفتي بيه وهي تساعدك ...الأم مهما كان دايما تحس ببنتها وتتفهمها ، بصح إذا عرفتي بلي الأمر صعب وممكن ماتتفهمش أنا نقلك راكي جامعية وتخرجي وممكن خدامة يعني تقدري تتفاهمي مع هذا الشخص .وكأنو احد زملائك فالجامعة او فالعمل دل هذا السيد عليك وهو زميلو أو صديقو بحكم أن السيد الجلفاوي يحوس على زوجة محترمة وهو شافك فالجامعة او العمل وعجبتيه....وهذا نشوف فيه شيء عادي ...الكثير من الناس يدلوهم صحابهم برك .
ولا شوفي أختو إذا كانت واعية قولي بلي تعرفيها يعني صحبتك ولا صحبت صاحبتك وتحوس لخوها على وحدة ....ماننصحكش باش تقولي تعرفت بالنت لانو مجتمعنا صعب جدا ...بالتوفيـــــــــــــــــــــــــــق.

 

[شمعة]

اخي كوجاك شكرا على الرد والتنبيه
عندك الحق في كلامك بصح انا الحمد لله هاذي الحاجة راني متأكدة منها مليون في المية
وراني دايما نحمد ربي انو من بين ملايين الذئاب بعثلي ربي انسان مليح نيتو صافية كيما نيتي
شكرا اخي

اخي موح يعطيك الصحة
واش رايحة نقلك والله غير تأثرت بزاف بكلامك
ونقلك الله يبارك على العقل اللي تملكو وشخصيتك القوية
أعجبني فيك انك تدافع على رأيك وتمسك فيك
وكلامك خلاني نرتاح رغم انو الشي اللي درتو يرفضو المجتمع نتاعنا
بصح ان شاء الله ربي يسهلي اموري ويعطيني على حساب نيتي
لي رجعة باش نقرا موضوعك
بارك الله فيك وربي يعطيك ماتتمنى

اختي سماح ربي يحفظك
كلامك الطيب وتفهمك للوضع طمني بزاف
شكرا على النصائح وان شاء الله مايكون غير الخير
تحياتي

 

[sami19280]

ربي يعطيكم على حساب نيتكم.
​

 

[fatou_usto]

سلام أختي..قصتك فكرتني بقصة صرات لصحبتي..تعرفت على واحد في النت و كان ناوي يخطبها...المهم تفاهمو بللي يقولو لماليهم بللي تعرفو عن طريق وحدة..و كي جا خطبها كلش فات نورمال بصح باباه ما قبلش و قال له ما تزوجش مع وحدة ما نعرفوش ماليها..و هوما ثاني كل واحد من ولاية.

أنا ننصحك أختي..صلي صلاة استخارة و ادا ارتحت للموضوع... خليه يجي للدار بلا ما تقوليلهم عليه..كي شغل ما تعرفيهش...و هو يقول لهم بللي نعتوني ليكم..انت ما ديري والو...خلي كل شئ يتمشى لوحدو و هاكا ما تكوني كذبتي ما والو..بصح هو شوالا رايو...لازم هو تاني يخمم معاك.

 

[nanadoublecanon]

شوفي اختي انا تاني وحدة من العائلة تاعي صرالها هاكا
والي كانت حابة تتزوج بيه اصلا ماشي جزائري وجامي جا للجزائر يعني لا مجال للنقاش اصلا
وعائلتها كانت متشددة لكن لجأت لواحد من العائلة الي تعرفو متفهم ويعرف كيفاش يهدر ويقنع الطرف الاخر
هدر معاهم والحمد لله تزوجت وراحت عندها عام وراهي بوليدها ضرك

الحل انك اذا راكي تشوفي روحك ماتقدريش تقنعيهم بالحقيقة ولا ماعندكش الشجاعة الكاملة باش تقوليلهم
الجئي إلى واحد ولا اثنين من العائلة الي يتفهمو الوضع ويساعدوك
واذا مالقيتيش
تحلي بالشجاعة و اذا كنتي صح تحبيه ديري كلش باش تكوني حلالو
بالمفاهمة يصرى قاع واش راكي حابة

 

[نسيم الربيع]

وعليكم السلام ورحمة الله تعالى وبركاته شوفي ختي مام الحق مليح بصح كيما قلتي كون يعرفو طريقة التعارف تاعكم ماهمش حايقبلو سيرتو باباك انتي اذا كنتي مداصره يماك وتقدري تحكيلها احكيلها ليها وقوليلها دبر عليك لانها هي اكثر شخص يعرف باباك واكثر واحد يقدر يقنعو هي راح تلقالك جواب اما اذا ماكنتيش مداصرتها قوليلهم انو جا لصاحبو وشافك ولا قوليلهم كان عندهم عرس فالبليده جاو ليه وتلاقاتك يماه عند الحفافه عجبتيها سقساو عليك وراهم حابين يتقدمولك ربي يكملك على خير ختي وان شاء الله نكون قدرت نفيدك وربي يجيب اللي فيه الخير تقبلي مروري ... سلالام

 

[شمعة]

ربي يعطيكم على حساب نيتكم.
​

امييييييين اخي ربي يخليك

سلام أختي..قصتك فكرتني بقصة صرات لصحبتي..تعرفت على واحد في النت و كان ناوي يخطبها...المهم تفاهمو بللي يقولو لماليهم بللي تعرفو عن طريق وحدة..و كي جا خطبها كلش فات نورمال بصح باباه ما قبلش و قال له ما تزوجش مع وحدة ما نعرفوش ماليها..و هوما ثاني كل واحد من ولاية.

أنا ننصحك أختي..صلي صلاة استخارة و ادا ارتحت للموضوع... خليه يجي للدار بلا ما تقوليلهم عليه..كي شغل ما تعرفيهش...و هو يقول لهم بللي نعتوني ليكم..انت ما ديري والو...خلي كل شئ يتمشى لوحدو و هاكا ما تكوني كذبتي ما والو..بصح هو شوالا رايو...لازم هو تاني يخمم معاك.

قصة صحبتك محزنة وخوفتني شوية
هوا ثاني راهو يخمم معايا بيان سور وبالاك اكثر مني
فكرتك مليحة بصح خايفة يرفضوه بهاذي الطريقة يقولو مانعرفو عليه والو
ربي يسهلنا وان شاء الله نلقاو حل
شكرا ليك اختي على الرد بارك الله فيك

شوفي اختي انا تاني وحدة من العائلة تاعي صرالها هاكا
والي كانت حابة تتزوج بيه اصلا ماشي جزائري وجامي جا للجزائر يعني لا مجال للنقاش اصلا
وعائلتها كانت متشددة لكن لجأت لواحد من العائلة الي تعرفو متفهم ويعرف كيفاش يهدر ويقنع الطرف الاخر
هدر معاهم والحمد لله تزوجت وراحت عندها عام وراهي بوليدها ضرك

الحل انك اذا راكي تشوفي روحك ماتقدريش تقنعيهم بالحقيقة ولا ماعندكش الشجاعة الكاملة باش تقوليلهم
الجئي إلى واحد ولا اثنين من العائلة الي يتفهمو الوضع ويساعدوك
واذا مالقيتيش
تحلي بالشجاعة و اذا كنتي صح تحبيه ديري كلش باش تكوني حلالو
بالمفاهمة يصرى قاع واش راكي حابة

والله يا اختي هاذي القصة اللي حكيتيها خلاتني نتفاءل
ياريت نقدر نلقا واحد من العايلة يساعدني
المشكل نتاعي انو انا خجولة ومانحكيش بزاف ومانداصرش
وتجيني صعيبة بزاف نحكي مع كاش واحد في موضوع كيما هذا
ادعيلي اختي نلقا شخص يساعدني وتسهل اموري
شكرا على الرد بارك الله فيك

وعليكم السلام ورحمة الله تعالى وبركاته شوفي ختي مام الحق مليح بصح كيما قلتي كون يعرفو طريقة التعارف تاعكم ماهمش حايقبلو سيرتو باباك انتي اذا كنتي مداصره يماك وتقدري تحكيلها احكيلها ليها وقوليلها دبر عليك لانها هي اكثر شخص يعرف باباك واكثر واحد يقدر يقنعو هي راح تلقالك جواب اما اذا ماكنتيش مداصرتها قوليلهم انو جا لصاحبو وشافك ولا قوليلهم كان عندهم عرس فالبليده جاو ليه وتلاقاتك يماه عند الحفافه عجبتيها سقساو عليك وراهم حابين يتقدمولك ربي يكملك على خير ختي وان شاء الله نكون قدرت نفيدك وربي يجيب اللي فيه الخير تقبلي مروري ... سلالام

للاسف يما مانيش مداصرتها لهاذيك الدرجة وزيد هي ماهيش من النوع اللي يتفهم وماتخبي على بابا والو ماشكيتش تقدر تساعدني
يعطيك الصحة اختي على الاقتراحات بارك الله فيك

 

[الظل الطويل]

اولا اختي علاقات الانترنت انتشرت و في وقتنا الحاضر ولات من اكبر الوسائل المسهلة للزواج بغض النظر على مشروعية هدي الوسيلة وان كانت الغايات هي تبرر هدي الوسيلة الا انو فيها خطورات وانعكاسات على الطرفين

انتي اختي على حسب ماقريت نيتك صافية وكيما نقولو ان شاء الله صديقك هدا تكون نيتو صافية باش تكون الغاية هدي تشفع للطريقة
انا شخصيا مشي منأمنش بيها الا اني نخافها بركــ

المهم الخلاصة انك تحوسي على حل لهدي المشكلة
كيما راكي تعرفي الاخت بلي والديك راح يحبولك غير الخير ومتلقايش اكثر منهم لي يحوسولك السعادة
و من ددون ادنى شك ننصحكــ ادا كان مستعدة باش ترتبطي بهدا السيد غير صارحي والديكــ لكن بشرط ادا كنتي تعرفي ردة فعل والديك ومدى مقدار حكمهم لمثل هدي المواضيع
يعني ادا كنتي عارفة بلي راح تكون ردة فعل غير محمودة ننصحك متزيديش الطين بلة واصبري شويا
وفي الاخير ننصحك ترزني روحكــ مليح خطاش هدو الحوايج مافيهمش اللعب

والي فيه الخير ربي يجيبو و ربي يسمعنا عليك اخبار الخير ,,,
​

 

[محمد الوهراني]

رددددددددددددد

السلام انا حبيت نقولك من الممكن ان تكدب على داركم لان ما تقدريش تحكيلهم من الحشما وهادي حاجة شابة الكدب كيما هاكا ماعليهش المفيد ادا كان هو ناوي ياخدك من عند داركم انا نظن بلي تكون حاجة مليح اما كيفاش تلاقيتوا ف انا نقولك حل ربما يصلح قولي لداركم بلي عرفاتك بيه حبيبتك وهوا يعرفها وتعرفوا وربي ما فيه غير الخير وكي تتزوج ما تنسايش اللي ساعدوك صوريلنا غير التورتا وخلينا ندوقوها غير بعينينا باي

 

[ايناسو]

قولي الحق ولاكان ما قدرتيش قوليلهم راني تعرفت عليه في التيليفون
يعني تقوليلهم مرة غلط في النومرو و النومرو الي عيطلي هو نتاعي
ومبعد ولينا نهضرو مع بعضانا حتى مرة قالي نجي نخطبك
وربي يجمعكم و يهنيكم