هااااي اضرب دورة هنا عاوننا شوية

[شموخ انسان]

السلام عليكم خاوتي

كيراكم وكي راها احوالكم

واش راكم معا السخانة شوية

ان شاء الله تكونو لباس

المهم ديراكت في الموضوع


ايا انا راني غير كيما دخلت للمة

جابني ليها واحدة حبيبتي من هواة الانترنات

قالتلي اللمة راهي شابة

قلت انا مانحكم حتان تشوف عيني

ايا سجلت وبديت نحوس في الاقسام

الحقيقة المظهر صح شابة

ايا بديت ندور نشوف في الغاشي

نفهمو العقلية والناس واش تحب و واش ما تحبش

احسن كلمة عجبتني هي في منتدي الترحيب

الناس قاع تخدم بيها هي

نتمنى ان تفيد و تستفيد

هادي الكلمة قريتها بزاف

ايا قلت راني لقيت راحتي هنا

الغاشي قاع حاب يستفيد من بعضهم البعض

حاجة شابة ونادرة

ايا بديت نكتب في مواضيعي

كتبت زوج ولا ثلاثة

ومن بعد طفيت الميكرو ورحت

ايا كي وليت شعلت الميكرو

ورحت لمواضيعي نشوف الناس

واش ردو عليا


حقيقة كي شفت الردود

كانت صدمة

موضوع ساعة وانتا تكتب فيه

ومن بعد يجيك واحد يقلك شكرا

شكرا اذا قدمتلك خدمة

المفروض انك عندما تقر كتابة

تقدم رايك

حتي ولو كان نقد

المهم انك تعبر عن وجهة نظرك

وزيد حاجة اخرى

الردود بالمعريفة والمجاملة

ولا العضو حاط موضوع يطلب المساعدة

ويجي عضو يقولو بارك الله فيك على الموضوع القيم:scared::scared:

ومكلاه نحكيو على التقيم راهي ما تفراش

هذاك راه ولا يا بالمعريفة ولا بالتحلال نتاع العضو


يا خوتي انا حبيت نقوللكم


خليو عندنا ثقافة نتاع ردود

ماشي باه نطلعو المشاركات برك

باه نربحو صحاب وحباب


وما ننساوش تاثير الكلمة

راهي تقوي المحبة بين الناس

وتقبلو تحياتي ومودتي
​

 

[سمكة البحر]

شراكي باغية يديرولك عدا الحمد لله ردوا عليك

 

[يسرى 2008]

والله عندك الحق اختي
انا عندي فامي هنا وصحاباتي
وساعات منردش عليهم بزاف
على قد ما نرد للغرباء
ومتهمنيش المشاركات تهمني نعطي راي
والناس تفهم راي ونفيد ونستفيد
مشكورة على موضوعك

 

[N@riM@N]

اااااااااابه والله راكي تشوفي فيا تقريب ندي تقاعد من اللمه وراني نقاسي فردو

ولا التقيمات اسكتب بركـ,,,,,اصدمي ختي برك ماتعبري حتا عربي​

 

[°~Kenza_02~°]

هههه انا نقلك الي يبغي اللمة يصبر عليهاااااا هاذي هي
​

 

[عبد الرؤوف3]

شراكي باغية يديرولك عدا الحمد لله ردوا عليك

 

[القلب الابيض]

ختي ادا كان الموضوع طلب المساعدة او حاجة كيماهك صح لازم يعطو رايهم بصح ادا كان الموضوع عبارة عن خواطر ولا نورمال يقولولك شكرا و هاد الكلمة تعني ان الموضوع عجبهم انشاء الله تكوني فهمتيني وشكرا على الموضوع هههه

 

[تسنيم الهناء]

صبرا جميلا و بالله المستعان

حبيبتي هذا غير شوي توالفي باللمة و يوالفو بيك, و زيد ننصحك من عندي كي تكتبي موضوع اجتهدي فيه و اكتبيه خالص لوجه الله سواء نصيحة او تنشري في فكر او........ و ما تخممي لا في ردود و لا تقييم
المهم هو انو الواحد يكون فاعل و يحاول يقدم الافضل و مع الوقت تتبدل الامور و لا يصح الا الصحيح

بالتوفيق باذن الله
​

 

[chamse121919]

توجهوا لقسم الشريعة الاسلامية هناك مواضيع تستحق الت(فاعل و الله حرام علينا رانا مسلمين مكانش خلاص ردود و كل المواضيع راهي بدون قراءة هناك مواضيع قيمة ربي يعيشكم استغلوا فرضة شهر التوبة و الغفران اعذروني على دخول المواضيع بهاد الطريقة بصح ................ لازم علي

 

[mima.oumaima]

مشكوورة








ههههههههه
أني غير نتمسخر اختي mais والله عندك الحق هكا صراتلي مع موضوعي الأخير حطيــــــت كلش بالسيف المقدمــــة مادرتها حتان عييت والموضوع مكتبتو حتان حفييت على الأخيــــــر لقيــــت غير فرد رد يحمل الجدية و مناقشة صريحة ، أما الباقي كي العادة : (شكرا، merciii ، موضوع رائع......... أو هي ماشية ) رانا نعيشوا معاها وخلاص وش راح النديروا مدام العقلية حتى إذا هدرتي وعاودتي متتبدلش

bravo علـــــى الصراحة

Et Bonne chance​

 

[دعاء19]

انا متافقة معاك اختي فكلشي لي قلتي في بعض الاحيان العضو كيحط موضوع مفيد بزاف مكيلقاش تفاعل او على الاقل الرد فيه راي او تشجيع كاين لي مقراش حتى الموضوع وكيقول شكرا او حاجة اخرى لا علاقة بالموضوع مثلا ا ذا كان الموضوع فيه استفسار
شكرا بزاف على الموضوع الذي يحكي عما يدورو بالمنتديات بارك الله فيك

 

[بيكهام]

مساء الخير ختي سهام واش راكي صافا
والله كيما قلتي كلامك راه صحيح
مي واش ديرى حنونة الله غالب
تحياتي ليك شابة
تشاو​

 

[sam11]

عندك الحق كل كلمة راهي صحيحة انا نحير كي واحد عندو

مثلا 50موضوع ونقاط التقيم تاعة اكثر م واحد عندو الف موضوع

ما نعرفش كيفاه يقيمو ولا موضوع تلق فيه الف رد ولاخر تقلا فيه رد او اثنين على الاغلب

رغم انو الكل عملو مجهود وكتبو مواضيع وحطوها

 

[douhq]

صح لازم يكون رد على الموضوع لي يستاهل ولازم نعطيوه حقو من الردود التي تساعد على تكملة الموضوع ومعرفة رأي الأعضاء فيه حتى نستطيع فهم بعضنا البعض ونشجع صاحب الموضوع على الكتابة
ولكن ه>ا عكس ما يحدث في كثير من أحيان

 

[بيكهام]

يسعدني بل يشرفني أن أكون في موضوعك رائع القيم
برك الله فيك دمت متميزا ومبدعا
ودمت ان شاء الله في سماء المنتدى
بيكــــــــهام
تشاوتشاو​

https://www.4algeria.com/forum/t/258400

 

[Mafia-beo16]

صح والله كاين بزاف الي يديرو هكا
ياو حتى الردود ولاو بالبسطو والمعريفة
هدي هيا البلاد كيما يقولو عيش تشوف
مرسي ختي عى الموضوع الدي يستحق الردود
bravo علـــــى صراحتك

 

[* أميرة الأحلام *]

والله عندك الحق في هدرتك اختي الفاضلة
كما اصبحنا نرى في المواضيع القيمة نقص في الردود وتجد عدد القراء بنسبة جيدة اما في مواضيع الحب تجد اقبال كبير للردود
اما بالنسبة لبعض الردود تحسي انه الرد خارج عن صلب الموضوع وهدا دليل على عدم قراءته او انه قرأ في البداية ولم يصل الى نهاية الموضوع
ان شاء الله من خلال موضوعك يتفهموا ​

 

[Toufik.dz]

السلام عليكم
هاو خويا شموخ لازم تعرف بلي المواضيع ماشي
كامل كيف كيف كاين المواضيع نتاع النقاش وهاذي كيما قلت
انتا لازملها شويا تفاعل وتاني لازم صاحب الموضوع يكون
حاضر للنقاش ويرد على لي ردوعليه بصح لمصايب الفوق قالك
لا لا حط موضوع وروح على روحك وخلي الحالة مخلطة
ولا تسمى دردشة ولا مانيش عارف عليهم ربي يهديهم
وكاين المواضيع نتاع المعلومات يعني واحد يفيدك بمعلومة
ولا حاجة جديدة عليك هنا ماعندك غير تشكرو وتقلو
بارك الله فيك واذا بغيت زينها بشويا نوار باش ما توليش صامطة
وانا نشوف في الردود بدات تتريgل شويا في المدة لخرة

ايا واقيلا طولت عليك مارسي ليك وربي يعاونك



في لامان
​

 

[نسيم الربيع]

شراكي باغية يديرولك عدا الحمد لله ردوا عليك

عندك الحق
نورمال ختي هذي حالة العضو الجديد وعندك الحق في كامل واش قلتي بصح هذي راهي عضريه فمنتدى والناس راهي غير تجري باه تزيد مشاركاتها تقول راهم حسنات ياو المهم تلقى صح فايده من واش راك دير ماش غير طيش فوقتك مارسي عليك ختي ... سلالام

 

[شموخ انسان]

مشكورين اخوتي على تفاعلكم

مع موضوعي

انشاء الله الغاشي

يفهم المقصود برك

ويعملو بيه

تقبلو تحياتي وسلامي​