قلب اللوز بالتفصيل الممل من مطبخي ناجح 100%

اميرة الساحل

:: عضو مُتميز ::
إنضم
4 جويلية 2010
المشاركات
687
نقاط التفاعل
164
النقاط
19
السلام عليكم ان شاء الله الكل راه بخير


بمناسبة قدوم شهر رمضان المبارك نتمنى ان يتقبل الله صيامنا و يغفر لنا ذنوبنا و يجعلنا من اهل الجنة


طبعا في هذا الشهر الكريم يكثر اقبال الناس على شراء الحلويات المعسلة مثل الزلابية و قلب اللوز و قريوش ......الخ


لذا اليوم حبيت نمدلكم طريقة عمل القلب اللوز و هي ناجحة 100 بالمئة


فتحضير قلب اللوز ليس صعب لكن فيه تقنيات في طريقة العمل لازم نتبعها خطوة بخطوة


بدون اطالة نبدا على بركة الله

المقادير :
-1/ للعجينة :
- 1 كلغ سميد حرش
- 500 غ سكر مغربل
- 200 غ زبدة ذائبة او سمن و تكون باردة شوية اي دافئة ( انا استعملت السمن)
-1/2 كاس ماء زهر
- تقريبا كاس ماء بارد
- رشة قرفة بودرة
للشاربات :
-500 غ سكر عادي
- 1 ل ماء
- فنجان ماء زهر
الحشو :
-3 كيسان كاوكاو مطحون او لوز
التحضير :
- اول خطوة لازم نحضر الشاربات ندي كسرونة ندير فيها سكر + ماء و نوضعها فوق نار متوسطة و نحرك شوية باش سكر يذوب و مايلسقش
- من بعد كي نشوف بلي سيرو بدا يغلي نحسب 15 د من بداية الغليان و نطفي عليه و نخليه في مكان عادي حتى يبرد شوية اي يدفا
- من بعد نضيف ليه فنجان نتاع الماء زهر و نخليه على جنب
- ثاني خطوة نروح لتحضير العجينة ندي قصعة متوسطة ندير فيها سميد + سكر و نخلط الكل مدة 5 دقائق باش سكر يدخل في سميد و مايوليش يبان
- من بعد 5 د نبدا نضيف في زبدة ولا سمن بالتدريج و نخلط مانعجنش كي شغل رانا نحضرو في كسكس و نخلط مدة 5 الى 10د باش ينسجم الخليط مليح
- نخليها ترتاح مدة 20 دقيقة
- بعد هذه المدة نرشها بالماء الزهر بالشوية حتى تتخلط العجينة
- نبيتها ليلة كاملة اونخليها في الثلاجة مدة ساعه كاملة طبعا نغطي العجينة
- في اليوم الموالي نخلط العجينة بيدينا نلقاوها نشفت شوية من سطح نخلطها و نذكر دايما لازم مانعجنش لازم العجينة تكون مثل الرمل اي مثل الكسكس
- نرشها بالماء البارد حتى تصبح العجينة طرية( مانكثرش الماء حتى تتعجن رش الماء يكون بالتدريج و نتحسس من العجينة)
- نضيف القرفة الى الخليط و نخلط ¼ مغرف قهوة
Photos-0001.jpg

Photos-0003.jpg

- ندي سنيوة قطرها 36 الى 40 سم تكون مدهونة مليح بالزبدة و نقسم الخليط الى 2 نفرغ الاول مانضغطش عليه ندير الكاوكاو او اللوز و نزيد نضيف الخليط 2 بلا مانضغط على العجينة
Photos-0002.jpg
- ناخذ سكين نقطع العجينة على الطول و لكن على العرض نرسم المربعات مانقطعهاش
Photos-0004.jpg

Photos-0005.jpg


Photos-0007.jpg
- نزين بحبات لوز او الكاوكاو و نتركها ترتاح مدة 10 د قبل ماندخلها الفرن
- الفرن يكون سخن 20 د من قبل ندخل القلب اللوز على نار هادئةبلا ماندهن السطح
- كي نشوف بلي بدا ياخذ اللون الوردي مع الجوانب الصينية نخرجوه من الفرن و مباشرة ندهن وجهه بالسمن او زبدة ذائبة
- نعاود ندخلوه للفرن و نخليه يكسب اللون ذهبي
- كي يجهز نطفي الفرن و نخرجومن بعد مباشرة نسقيه بالشاربات اللي كنت حضرتها من قبل لكن مانسقيهاش كلها نخلي كاس منها
- نعاود ندخلو الفرن يكون مطفي و نخليه يشرب السيرو ديالو مدة 10 د من بعد نعاود نخرجو ونسقيه بالكمية متبقية و نعاود نخليه في الفرن مدة 10د
Photos-0008.jpg
Photos-0009.jpg
- بعد هذه المدة نخرجوه من الفرن و نخليه في مكان عادي
- يقدم مع الشاي

- بالصحة و الهنا عليكم و شهر رمضان مبارك للجميع


Photos-0011.jpg
Photos-0013.jpg
ملاحظة :يمكن الاستغناء عن الحشو ليس ضروري:smile:
 
يعطيك الصحة إنشاء الله نجربها
 
يعطيك الصحة
76288048vj7.png
 


يعطيك الصحة
ظرك كي نجربها نبعثلك

 

وصفه رآئعه ..
عظيم شكري لكَ ..


:
rose.gif
 
مشكوووورين جميعا على المرور و الرد الجميل تحياتي لكم
 
لف الف الف شكر ..... الوصفة جاءت في وقتها .....يعطيك الصحة
 
مرسي اختي ...يعطيك ا لصحة
 
مشووورة اختاه
 
شكرا حنونة
 
الف شكر اختي وبانتظار المزيد من المشاركات
 
جربتو خطرة ما صلحليش
انت جاك هايل يعطيك الصحة
 
السكر المغربل عادي او رطب
 
جربتو خطرة ما صلحليش
انت جاك هايل يعطيك الصحة

ان شاء الله جربيه المرة الثانية على هذه الطريقة و اكيد راكي رايحة تنجحي.........شكرا لك
 
السكر المغربل عادي او رطب
مرحبا اختي نسمة شكرا على مرورك
السكر عادي اي سكر حرش وليس رطب لكن عند استعمالو في العجينة من الاحسن غربليه باش يمتزج مليح مع مكونات
 
شكرا للجميع على المرور و الرد الكريم اي استفسار انا في الخدمة:ax_flw:
 
يعطيك الصحة
يشهي بزاااف
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top