واش عطينا لبلادنا وعلاش نستخسرو فيها؟

jazayria

:: عضو منتسِب ::
إنضم
6 أوت 2010
المشاركات
6
النقاط
2
نقلكم حاجة راني حابة نخدم بلادي و شعبي دايما ندعي ربي يخلي بلادنا امنة ويهدينا و يهدي شعبنا و يخليني نشوف نهار بلادي تتقدم و تزدهر وشعبها يولي مهني يجري ليها و عليها ماشي يهرب منها ويقدرني نكون وحدة ملي يلحقوها لتم


بصح نحس بلي غير انا راني نقول هكدا وكي نهدر هكدا يقولولي راكي نية و مازالكي صغيرة
مانيش حابة نفشل و تروحلي هاد الحرقة والغيرة على بلادي

علاه ما نسعاوش كامل لهاد الشي قادرين
الفنيانين يحبسو ما يقولو ماكاش لخدمة علابالنا مكاش
و الخدامين يقولو الخدمة ماشي مليحة علابالنا بهاد الشي
ولي يقراو يخرج يقولك نبزنس خير نختصر الوقت
ولي يقرا فالجامعة يجيبها تمسخير مود تحواس يخرج العام 10.00 ويقلك ماقراوناش مليح و المعارف ووو علابالنا
والي والي والي.......

علابالنا بكلش ماشي ماليوم ورانا غاع في ساشية وحدة كيما يقولو
بصح مخنا وش رانا نديرو بيه يخي يقولو الحاجة ام الاختراع وعلى حسابنا ماكاش لي محتاج كتر منا ايمالا نورمالمو رانا مخاخ كل دقيقي نصنعو حاجة
لازم نربيو روحنا يا خاوتي
نبداو من منطلق
العائق الاول ماكاش حرية؟ ربي خلقنا حرار وحرية الانسان كي يكون مقتنع بيها هو يفرضها بلا ما ياكل حق خوه
ماكاش خدمة حوس حتى تلقا ماشي هي تحوس عليك واصبر عندك ماتحوس ماكاش غاع دير صنعة تاعك باسمك مخك وش هاو يدير ناس زمان ياما صنعو مالعدم وتراثنا و صناعتنا التقليدية خير دليل اصنع ابتكر ربي عطاك عقل كيما تاع قاع الناس وماشي غير لي قرا لي يصنع واللي خلق مايضيع رزقك هاو عند ربي حتى واحد ما ينحيهولك انت اعرف تجيبو
وسورتو كن متواضع ماتحقرش الخدمة لي محتاج مايخيرش انا نشوف لي تسموهم زبالين هم نقايين الزبال لي يوسخ دي جون دي بوقوس ويجيبو رزقهم بالحلال هادوك ماشي عباد فاليابان يسموهم مهندسي النظافة ودايرينلهم قدر كبير لاهميتهم
المجتمع ما يرحمش علاه ماتكونش عامل نظافة و تفرض احترامك وتولي مهندس نظافة قول برك انا انسان من حقي تحترموني وكي نقي ما نحبش الناس توسخلي

الخدمة ماشي مليحة ? دا ما بدلتهاش نتا ما تتبدلش واعطي كتر اعطي الجديد قبل ما تطلب كتر
طور المجال تاعك ماتسناش التطور يجي من سيادنا تاع الفوق

ما قراوكش مليح راك شايف بلي لي قرا مادار والو بقرايتو اعتبر قرايتك عبادة كي تسعى ليها راك في سبيل اللله يلى مت وانت فيها راك تموت شهيد خيرما تموت حيطيست ولا سراق ولا حراق ولا بلادروق خير طريقك
انا راني نقرا ميدسين السنة التالتة وعمري و 70 فالمية مقرايتي فالليسي ولا فلا فاك ماشي مالشيخ
الاساتدة ليوم لحقو وين مايقروش واحدة زوج تخلصيه فالقازاج باش يحفضلك التمارين بصح مالحقوش وين يقولك ماتبحثش ابحث ليوم كاين التاويل و قد مابحثت قول مازال
ويلا حبيت يقريك مليح ماتروحش ليه القاراج هادا هو الحل


خاوتي المهم ما نحقروش روحنا وما نربطوش روحنا بالحدود ونتكلو على ربي ومانرضاوش الدل
نخدمو بقلبنا عاجال نحبو بلادنا
ونقدسو واش نديرو نخدمو باخلاص و اتقان عاجال العلم جهاد والعمل عبادة
هكدا رزقنا يكون حلال واطيح البركة على بلادنا و يرضى علينا ربي
ونقتنعو باش نخدمو للبلادبدون انانية حتى تقدر بلادنا توكل فاع شعبها هكدا مانخافوش مالعقوبة ومالفقر نخلو عقوبتنا بلادنا و خاوتنا نكسبوهم باش نلقاوهم

هدي وجهة نظري ربما ما تقبلوهاش واغلبكم عندو طرق احسن شاركونا بيها المهم الهدف يكون واحد
نبقيكم بخير وصح رمضانكم
رجعولي الله يجازيكم
 

FØùfà Bïô

:: عضو مُتميز ::
إنضم
6 أفريل 2010
المشاركات
1,328
النقاط
43
والله معـــآإكـ الحق ..~

والله غير تفكيري كيفكـ ..

حآبآآ كآش نهآر نلقآ تزآير تخدم في الحوآيج .. وتصدرهآ ..

مآشي كلشي نستوردوووه من برآآ :tears:و تحبس هآدي الرشوهـ والمعريفهـ يلي رآهي معمرهـ لبلآد

وربي يخلي بلآدنآ

مرسي أختي على الطرح
 

دعاء 1993

:: عضو مُتميز ::
إنضم
9 أفريل 2010
المشاركات
622
النقاط
17
العمر
27
عندك الصح اختي مشكورة على الموضوع​
 

المرفقات

SALSABILE10

:: عضو مُشارك ::
إنضم
6 أوت 2010
المشاركات
118
النقاط
6
و الله ما غلطت في هدرتك و أنا راني معاك في هذا الراي شكرا على الموضوع
 

nerhan

:: عضو مُشارك ::
إنضم
4 أوت 2010
المشاركات
266
النقاط
7
عندك الحق يعطيك الف عافية
 

ديالى

:: عضو فعّال ::
إنضم
12 أكتوبر 2007
المشاركات
1,845
النقاط
37
بارك الله فيك اختي المهم النية الصافية
في كل شيء سواء دراسة او عمل لانها كلها
نخدموا بيها بلادنا وليس من اجل المظاهر بل من اجل التقدم​
 

nazif kalam

:: عضو منتسِب ::
إنضم
6 أوت 2010
المشاركات
45
النقاط
2
كلامك هو ما يسمى في حقوق وواجبات المواطنة
فكل مواطن له حقوق وعليه واجبات للأسف نحن دائما نطالب بحقوقنا وننسى ما علينا من واجبات
فلو أن كل واحد منا قام بواجباته فسوف يتحصل على حقوقه
 
Top