Les yoyos
المقادير:
العجينـة :
- 500 غ فرينة
- 100 غ سكر عادي
- 50 غ مرقارين ذائبة
- 04 حبات بيض صغيرة الحجم
- 01 كيس ليفور –خمارة كميائية-
- 01 ملعقة صغيرة لفاني
- 01 ملعقة أكل حليب بودرة –لحضة-
- مبشور 01 حبة ليمون
- 01 كأس شاي ماء زهر
- 01 قرصة ملح
- 01 ملعقة صغيرة بيكابونات
لتزيــــن :
- 01 كيلو من عسيلة من الأحسن عسيلة نونورس
- 01 كأس شاي ماء زهر
100 غ من الفواكه المجففة محمصة و مرحية خشين سواء لوز أو فستق pistaches أو الجوز.
التحضيـــر :
نخلط البيض، السكر لفاني ماء الزهر نضيف المرقارين ملح، البيكاربونات، مع بودرة الحليب و مبشور ليمون و الفرينة ممزوج بها ليفور.
نخلط كل شيئ مع بعض حتى نتحصل على عجينة ملساء، نحل العجينة و بواسطة كأس أو مول صغير دائري الشكل نقطع دوائر و بواسطة غطاء قارورات الماء المعدني نقطع دوائر صغيرة في وسط كل حبة، نتحصل على دوائر متقوبة في الوسط.
نغطيها و نتركها ترتاح 30 دقيقة.
نضع الزيت في المقلاة و عندما يسخن نقلي الحلوى من الجانبين و نتركها تقطر.
نسخن العسيلة و نضيف لها ماء الزهر و ندخل فيها الحلوى لدقائق ثم ننزعها و نرش عليها الفواكه المجففة التي ترغبين.
و بصحتكمممم