ادخلو واعطوني رايكم

[khalil hip hop]

ههههههههه

يعطيك الصحة خويا وشكرا على ردك الجميل

لا شكر على واجب اختي الفاضلة ربي يتقبل الصيام والصلاة

قولي امين اجمعين سلامـــــــــ
​

 

[الرومنسي الجاد]

أحنا مكانش عندنا الشيىء هذا . .
جابلي ربي رانا ف 2010 . . !!!!
​

 

[** غزال الصحراء **]

اه وي ما تفكرينيش برك , عدنا جيرانا هنا مهبلينا , كل يوم تبعث ولادها الصغار هازيـــن كيسان ,, ديرو فيهم الزيت , ديري فيهم شويا طوماطيش

مالgري عارفينهم باللي لاباس عليهم , و كيما قلتي الطلبة تمشي في الدم // .

 

[** غزال الصحراء **]

أحنا مكانش عندنا الشيىء هذا . .
جابلي ربي رانا ف 2010 . . !!!!
​

وشيه الهدرة هاذي ؟ بالعكس الشي هاذا راهو يكثر كل ما قدم الزمان //

 

[zahira92]

هههههههههه انا نكره عقلية البروفيتاج بصح هذي الظاهرة منتشرة بكثرة.الحل هو النشعة والgaشعة.

 

[abidou 20081]

أولا صحا فطورك وربي يتقبل منا ومنك إن شاء الله

نقولك ختي عندك الحق في هذا الطبيعة لي تصرى في كل مكان ماشي غير عندكم ولا عندنا
ولو تقريبا رانا من نفسالمنطقة لكن واش تحبي تديري كي نقولو بزاف وقليل والمشكلة لكبيرة
أنهم تلقاي ناس عندهم وماخصهمش لكن طبيعة برك فيهم ويحبو ينافيقو على العباد شوية ملح مع شوية بطاطا
وزيد معاها شوية طوماطيش وهي دارت فيها مرميطة بلا مصروف وتخيلي ختي وصلنا لواحد السقاطة ماعندها
حتى تفسير ولي هي قالتلك يما إذا عندك شوية لحم أبعتيلها ههههههههههههههه
قلنا الملح ممكن قلنا الزيت ممكن قلنا الطوماطيش ممكن بصح اللحم يعني هذو فاتو الوقاحة من لهيه
ونقولك بلي لي يكسبوه يعلم بيه ربي ماعليش نفوتو على هذي ونقولك العفسة لمليحة ثاني ولي هي
تجيك أنت إذا عندك شوية طوماطيش وتبعت لجيران أخرين إذا عندك شوية زيت ومن جار لجار هكذا
يعني هذو حبو يديرو فيها عفسة كل يوم قدرة على ظهر الجيران وفي عقلهم بلي يقتصدو ويديرو حاجا
أخرى بدراهمهم لكن ماعلابالهمش بلي لي يزير منا يجيبلو ربي باش يخرج من لهيه مافيها شك
والطريقة لمليحة حتى الدراري والفو بهذا الطبيعة وولاو يستناو الواحد عند باب دارو ويعسو واش راه جايب
في قفتو يامحاينك تجيب السميد مازال ماتريبحش شوية حتى يطبطبو عليك قالت يما إذا عندك شوية سميد أبعتيلها
درك خدمة الدراري ولات سكانير عند الباب لازم يعرفو واش راك جايب وثاني كاين الله يبارك الدراري
لمتربيين يبعتوهم يطلبو ويرمو لازم عينهم واش راه عندهم فالدار يجيك على طوماطيش ومنين تدخل باش تجيبلو
يجي معاك متبعك حتى لفريجيدار خلاص من الطلبة درك ولاو شركة معاك ههههههههههههههههه
ربي يجيب الخير وربي ينورك ويحفظك على الموضوع القيم​

 

[13matmour]

كاين الي يطلب الشامبوا

 

[manal_39]

هههههههههههههههههههههه
والله اختي ظاهرة اكبيرة هادي ظاهرة الطلبة
فكرتيني في جارتنا ماريحنا منها غير كغيرت دارها ههههههههههههههه:yahoo:
على صباحك ياربي تبداى في الطلبة اعطوها القهوة اعطوها لحليب
حتى واحد النهار واقيلة جوها ضياف جاتنا اعطوها الصحان بش تحطهم لضياف انا موت اعليها بالضحك وقوتلها كون كملتي جبتي ضيافك نتلهو بيه احنا خير
لكن ريحنا كتحولت
اما احنا توا غير على حاجة ضرورية ادا مالقيناش في الحانووت نبعث لجيران وادا كانت حاجة غالية مانبعثوش اصلا اعليها
وعندنا جارتنا احنا وياها نورمال حتى عندها الشيء منه اشوي نقسموه بالنص لكن مش ديما نطلبوا
مشكورة اختي على الموضوع
موضوعك فور
​

 

[أميرة المنتدى]

حنا عندنا هذي الظاهرة فوق اللازم اذا مديتيهم يوم يعودوا يجو كل يوم

 

[somiasahraoia]

هي ماشي مليحا ادا كانت ديما
العبد يكره

 

[**khadidja**]

شكراااااااااااااااااااا

 

[leila lyly]

لالا حنا معندناش جارة كيما هكذا
الحمد لله مريحين مي منحبش هاد العقلية يبروفيتو في الناس كي يشوفو لواحد بخير عليه يدير معاه علاقة مصلحة ( مصلحجي ) غير تاع صوالحهم لوكان انت تقوليلي مدلي ميمدلكش يقولك ماكاش مام عندو
ربي يهديهم
و صحا فطوركم