بوقالات رمضان و السهرة مع لحباب

amina-02

:: عضو مُتميز ::
إنضم
21 جوان 2008
المشاركات
819
نقاط التفاعل
0
النقاط
36
صح فطوركم يا ولاد اللمة ليوم راكم معروضين عندي للسهرة

شربو لاتاي
tea%20mint.jpg



هاهي زلابية
mishba10.jpg



علابالي تحبو البقلاوة
39310.png



أنوو و عقدو يا لبنات

حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود .





02 نزلت لقاع البحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها هيا .





03 يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .





04 النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .





05 جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق .





06 الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك و نرد وجهك مرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معايا .





07 اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .





08 لو كان السعود ينغرسو نغرس ميات عود و عود في طية وحدي لكن السعود في يدك يا معبود يا سقام السعود سقم لي سعدي الناس الكل بحبيبهم وأنا غريب في هذا الدنيا وحدي .





09 فاطمة يا فطوم وين ما تكوني نرسلك مرسول إذا سكنتي البحر نرسلك عوامة وإذا سكنتي السماء نرسلك حمامة و إذا سكنتي القبر يحاسبك مولانا .





10 علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .





11 أعلميني يا لالا نهار تروحي لحمامك نرفدلك السلة و نمشي قدامك ندور على يمينك و نزيد على شمالك و نبقى لك خديم و طايع على طول زمانك .





12 السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها .





13 يا لشمس الضوايا يا العالية في سماك لو كان صبتك مرايا و نشوف وجهي بضواك يعود ربحي و غنايا و يقسم سعدي ذاك .





14 في الساقية الماء يجري و الحشيش نابت متخالف بالشوك مليت حجري من هذاك الراي التالف كي غبت و غاب زهري و لا اللي يجيني خايف .





15 أقعدت تحت النخلة قالولي دقلة نور جات أدور أطلعت فوق النخلة و بالعسل رشيت الصور معاه المعيشة تحلى حبيبي الساكن في القصور .





16 جيت ساميت البحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردت ضي النجوم .





17 شجرة ياسمين نايضة في وسط الغرفة عروقها سكنجبير و أغصانها قرفة والله ما ننساك يا زينة الوقفة .





18 ما نكلش القارص لو يشهيني و ما نخذش الشيخ لو كان يغنيني ناخذ شاب صغير قده يواتيني .





19 دارنا في الجبل مقبلة مكة و فراشها حرير طبقة على طبقة و مصباح الفضة يشعل ما يطفى .





20 غرست ياسمينه في وسط الدار عروقها سكنجبير و أطرافها نوار يما يا يما محلى عشق الجار العين تخز في العين و القلب شاعلة فيه النار .





21 أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح .





22 يا مولاة القلب الكبير ربي يعطيك و يوسع عليك ما عندك لا ذهب و لا حرير و أنت دايما زاهية و ربي مسهلك ما دريت من حيلة ندير باش نكون مثلك .





23 التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة .





24 يا لتفاح الجربى يا مكر بع محلاك نهديك أنا لحبيبي و بيه نرفع اشناك كي حن عليا ربي أرافقو أنا وياك .





25 يا لساكنة في الخيمة و الريح جاني قبلي ردي أوراقك ديمة لا يولي الريح غربي .





26 في الدار صندوق مخبي في وسطو ذهب و جوهر مرجان و روبا قظيفة قالولي اماليا لمن مخبيه قلتلهم لهذيك مولاة الشان مولاة المشية الظريفة .







هات العود يا ولد
auood001.jpg





و بهذا نأتي إلى نهاية هذه القعدة و صح رمضانكم
ماتنساوش الردود;
 
وين راكم ماعجبتكمش العرضة
 
saha ftorak et merci bcq
 
بـــــــــــارك الله فيـــك
 
23 التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة .امممممممممم بالصح شكون هو تعيس الحظ هههههه
مرسي اختي على البوقالات
صح فطورك
 
05 جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق
هههه عجبتني هادي
صحا فطوركم
نهز كعبة زلابية ممممممم عجبتني
صحيتي اختي تسلمين على العرضة
غدوة نزيد نجي هههه
وجهي صحيح ههه
تحياتي

 
saha ftorak et merci bcq

2غ1


شكرا لك و جزاك الله خيرا
صح فطوركم

بلا مزية


بـــــــــــارك الله فيـــك

الله يسلمك


23 التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة .امممممممممم بالصح شكون هو تعيس الحظ هههههه
مرسي اختي على البوقالات
صح فطورك


مليح دوزي غير بالتمر و الحليب
 
حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود
صحا فطوركم
يعطيك الصحة امونة على هاد القعدة الحلوة
ربي يزين قعدتكم
تحياتي حبيبتي
سلام
 
05 جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق
هههه عجبتني هادي
صحا فطوركم
نهز كعبة زلابية ممممممم عجبتني
صحيتي اختي تسلمين على العرضة
غدوة نزيد نجي هههه
وجهي صحيح ههه
تحياتي


مرحبا بيك أختي في كل وقت
 
صحيتي اختي تسلمين على العرضة
 
04 النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .

:luve_1::luve_1:​
 
21 أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح .
ان شاء الله​
 
صحا فطورك وشكرا على الموضوع الرائع وعلى الضيافة انا نحب غير شاي برك
26 في الدار صندوق مخبي في وسطو ذهب و جوهر مرجان و روبا قظيفة قالولي اماليا لمن مخبيه قلتلهم لهذيك مولاة الشان مولاة المشية الظريفة .
ههههههههه
ولله مليحة
شكرا
 
يعيط الصحة على البوقالات الشابين
وعلى العرضة الزينة
 
يعطيــــك الصــحة
 
07 اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .
 
ينقل : لايسمح الا للسكاتشات الرمضانية << نكهة رمضانية >>
 
الله يحفظك على هاد العرضة والله يلا فرحت بزاف
بارك الله فيك
صح فطورك
 
08لو كان السعود ينغرسو نغرس ميات عود و عود في طية وحدي لكن السعود في يدك يا معبود يا سقام السعود سقم لي سعدي الناس الكل بحبيبهم وأنا غريب في هذا الدنيا وحدي .
شكرا
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top