خلاوني صايم....

[وطني]

سلام عليكم...واش راكم يا جماعة قولو الحمد لله علاخاطرش علابالي بلي فطرتو و شبعتو بصحتكم ماشي بحالي.....
ليوم جا واحد صاحبي هاذي الصباح على 13.30 مورا صلاة الظهر..قالي يا فلان راك معروض للفطور اوكي.... يما حبت دير صدقة على بابا الله يرحمو...الور مادابيك جي مع الاذان قدقد واذا طلعلك جيبلنا معاك خبز الدار نشتيه بزاف و مادرناهش اليوم.....:scared:
قتلو ماعليش ماشي خسارة.....
قبل المغرب بنص ساعة ستيكيت روحي و وجدت وحدة خبز الدار كيما وصاني و جيت رايح....
وصلت مع الاذان قدقد ...قعدت ندقدق فالباب ..وين راه هاذا....
قاعد ندقدق و ندقدق وندقدق مي ما كاين والو....ياو وين راه..قلت بالاك راح يصلي المغرب فالجامع نستناه...
حتى نلقى تاع الجامع خارجين.....مازال ماجاش....
راهي 8.00 وانا نستنى ....ناس صحاب الشمة و الدخان فطرت و راها تخرج...
ايا نطق واحد واش راك دقدق خويا...قتلو نحوس على فلان...
قلي نتا راك صايم تاع الصح ياك بدلو لادراس:scared::scared::scared:
واش راني ندير...ياك صح بدلو لادراس...راني مازال ماكليش و نطيح على هاديك خبز الدار ناكل و نمشي حتى لحقت لدارنا ...نزقي على ختى يا انسة حطيلنا نفطرو....
قاتلي الفطور...مابقاوالو:scared::scared:....يا خاه
واش ندير الفطور بالكاشير و الفورماج....و خرجت ايا لقيت هاداك فلان تعرفو واش قالي قلي وراه خبز الدار ياك وصيتك خسارة عليك...خبزة عزيتها فيا...:scared::scared:
عمبالو ما حبيش نعطيه خبز الدار:tears:
ديركت جيت للمة العزيزة و حكيتلكم واش لي صار...حقا يا جماعة لي تزايدلو لحم الحلو يتصل بالحصة ياك مازالني صايم:tears: