لحظات حرجة مع شوشو ونور.عمر راسك

[kojak]

موضوع مزوق ياسر شوشو
هايل واصلي
:shiny:في التزواق:shiny:
​

 

[NICHA03]

ههههههههههههه والله يا شوشو و نوور تقتلو بالضحك
انا صرالي خطرة وحد الموقف يااااااااااااااااااااااااااااااو وليت مضحكة في هاذاك البيس اكي علابالك ا شوشو لي بيس تاع قالمة ا يما يما مالا غير طلعت انا مزلت مقلتش بسم الله و حطيت رجلي و يدماري بياااااااااااااااااااااا هههههههههههههه سترني ربي مزيا كنت شادة فالحديدة و الغاشي شابع عليا ضحك طلعت و ملقيتش بلاصة قلت و الله غير نبقى واقفة ايا ملا مشى و انا كنت فالخر فرينى نجي نضرب نلقى روحي غير قدام الباب لول خذيت وحد الخبطة الله يستر و الناس شي سلامات و شي hihihihihi السخانة عادت خارجة من وجهي هاذي النشعة راهي متتنساش و مزال اني جاية نزيد نكمل حياتي كل بهادل

 

[NICHA03]

و خطرة زعمااااااا ثاني حنان لاعبتها فايقة من لكبااااااااااااااااااااااااااااااااااااااااااااااااااااااااااااااااااااااااااااااار فالحصة تاع sport و كنا نلعبو فالهوند و الغاشي او يلعب و انا اني قاعدة نطول في لساني مفقتش مع روحي نلقى غير فالبالون كي جاتني على فمي و عاد الدم يسيل و الغاشي يضحك علياااااااااااااااااااااااااااااااااااااااااااااااااااا م ثم حلفت على السبور و جهي ولا بلاكة stop وحد التبهديلة

 

[Jagwar]

و الله يا شوشو و الافكار الجهنمية تاعك
يعنى مصممة تفضحينا بالمواضيع تاعك i-o:

أوكى نحكيلك انا على موقف كان يتكرر تقريبا كل يوم كيف كنت نقرى فى الابتدائى

بون انا نسكن فى حي Valmascort و كنت نقرى فى مدرسة بنى محافر (مختلطة)
و كنت غاوى مشاكل بصراحة :sneaky2: يعنى كنت نقرى مليح و فى نفس الوقت مشاكس :sly:
و كنت على العام نتعارك مع الولاد لى يسكنو فى الحي هذاك (بنى محافر) بصح كنت نتعارك معاهم فى الجامع داخل ، و كى نخرج برا يتحامو فيا باسكو فى كرطيهم و كنت نعطيها بجرية من الجامع حتان الدار و توجور نمنع من الطوموبيلات كى نجى نقطع الطرق
يسمى كنت كل يوم نعمل سبور و نعطيها بجرية و نشفى تانى نهار حكمونى برا تحامو فيا و عطونى طريحة تاع الشعف بصح هكذاك و كملت الهواية تاعى و قعدت نحقر فيهم فى الجامع حتان كملت قرايتى تم :like_1:

شششت ما تقولى حتى لواحد تبقى بيناتنا i-o:



​

 

[همس الوُرود]

هههههه والله موضوع في منتهى القمة

 

[zahya]

واش راكي شوشو واش راكي نونو. توحشتكم بزاف بزاف .....وتوحشت طوايشكم والف مبروك التخرج ومرحبا بيك في عالمنا عالم البطالين بيناتنا هذا العالم الحاجة الزينة فيه تتهني من الفوضى نتاع الطرنسبور في الصباح.
المهم عودة الى الموضوع ... انا احرج موقف يسرالي مع الطرنسبور.... يكون يستنى وكي نقرب عندو ونجري باش نلحق لو هو يقلع ويخليني والكل يشوف فيا نحشم بزاف وجهي يحمار

 

[mer10]

hata na sratli walit namchi fatrik bla sabat :shay:wanas takhzor fiya :scared:wach kach makayan :um_sh:win jit nawsal ladar hata chadatni lafiblas :music_whistling::lol:

 

[iman la brune]

عندي بزاف نشعات نبدالكم من السنة الرابعة وخللي اللي من قبلها

المهم اسيدي كانت عندي ليبة وغسلتها ماما وانا كنت حابة نلبسها وفي هذاك الوقت شتا وملقيتش

كيفاش نيبسها مالا واش درت حطيتها فوق الفورنو ومبعد يبست ولبستها ورحت نقرى كي دخلنا لكلاصة

وبعد زمن خرجتني المعلمة نكتب وهي خرجت

مالا رحت وهزيت طبشور وجيت نكتب ومبعد نلقا ليقراو

معايا يضحكو درت لقيتهم يشيرو لليبة ودرت نشوف لليبة لقيتها محروقة حرقا عويصا على شكل مربعات تاع الفورنو وانا مفقتلهاش وحد

الاحراج عدت نكره نخرج للسبورة من ذاك الوقت
​

 

[حالمة بالجنة]

الله على الموضوع الشباب
والمزوق هههه
والله المواقف لا تعد ولا تحصى هههههه
مرة نعقل رحنا لتلمسان
وانا في وحد البارك عندهم كانت وحد الطونوبيل مقارية والزجاج تاعها فومي
ايا انا قاعدة نسقم في خيماري
وعادي كي الناس نشوف في الزجاج وونسقم فيه
ههههه وامبعدا كي جيت فايتة خرجلي واحد راسو ومد يدو...قالي ما تخلصيش ههههه
كان واحد داخل الطونوبيل وانا ما علاباليش ههههه حماريت حبيت نتطرطق ههه
.......
ومرة في البوس كنت واقفة ووحد العجوزة قدامي لاصقة فيا مسكينة ما لقاتش البلاص وهي جايبة روووحها ماشاء الله
ايا في وحد الطلعة ما شدتش مليح وركزت عليا
وانا خلاص قلت رح نطيييييح خلاااص واحماريت وقاااعدة شااادة حدي في الحديدة ..يدي حسيتها رح تروح
ويفريني هههه ونولي عليها اووف مزيا ما طحتش هههه
وامبعدا قاتلي اسمحيلي بنتي غبنتك هههه
وصلت مهدودة للدار تقولي درت السبور ههه =)
....
شكراآآآ على الموضوع الرائع راني نكتب ونضحك =)
​

 

[الورد الأحمر]

الله على الموضوع الشباب
والمزوق هههه
والله المواقف لا تعد ولا تحصى هههههه
مرة نعقل رحنا لتلمسان
وانا في وحد البارك عندهم كانت وحد الطونوبيل مقارية والزجاج تاعها فومي
ايا انا قاعدة نسقم في خيماري
وعادي كي الناس نشوف في الزجاج وونسقم فيه
ههههه وامبعدا كي جيت فايتة خرجلي واحد راسو ومد يدو...قالي ما تخلصيش ههههه
كان واحد داخل الطونوبيل وانا ما علاباليش ههههه حماريت حبيت نتطرطق ههه
.......
ومرة في البوس كنت واقفة ووحد العجوزة قدامي لاصقة فيا مسكينة ما لقاتش البلاص وهي جايبة روووحها ماشاء الله
ايا في وحد الطلعة ما شدتش مليح وركزت عليا
وانا خلاص قلت رح نطيييييح خلاااص واحماريت وقاااعدة شااادة حدي في الحديدة ..يدي حسيتها رح تروح
ويفريني هههه ونولي عليها اووف مزيا ما طحتش هههه
وامبعدا قاتلي اسمحيلي بنتي غبنتك هههه
وصلت مهدودة للدار تقولي درت السبور ههه =)
....
شكراآآآ على الموضوع الرائع راني نكتب ونضحك =)
​

ههههههه عجبتني العفسة تاع الطوموبيل لي زجاجها فيمي خخخخ
ديك الطوشة والله ضحكتيني كي قريتها ههه ... اما لعجايز ديما معاهم
لومبيونص والله ربي يحفظهملنا منين يكونو تكون لومبيونص
والله يا انتي ضحكتيني اختي وطلعتي الموضوع من الأرشيف ههه
جبدتيه من توقيعي على ما أظن ... ههه مغسي اختي ربي يخليك
سلامو
​

 

[Mafia-beo16]

هههههه فوووور بزآآاف واش صرالكم سيرتو نووووووغ
أنا خطرا صراتلي عفسة
كنت في الكلاسة نقرا العلوم وهذاك النهار كانت الشتا تصب تشمخت كامل وزعمة جاتني الشطارة نحيت خماري ينشف(نقرا بنات في بنات)
الأستاذة عطاتنا تمرين وجاتني زعمة الفهامة أنا جيت نطلع لسبورة حتى وين نشوف روحي في الارض طايحة البنات كامل يضحكو وأنا مافريتها نضحك ولى نبكي
وجهي ولا حمر صفر زرق كحل توت لي كولور ههههههههه​

 

[بنـ MaPa ـت]

وعليكم السلآم

ههههههههههههههههه
خخخخخخخخخخخخخخخخ
وحدة ليك وحدة لنونو ههه
والله ضحكتوني بزاف يا ريت كنت حاضرة نقهقه حتى ضرسة العقل تبان هههه

بالنسبة ليا بزاااف لحضات صراولي لا تعد ولا تحصى :shiny:

لي رجعة بعد تخميمة نجي نحكيلكم بصح شدو فامكم برك راني نزعف ههه

:re_gards:
​

 

[Melia azedarach]

هههههه
صارتلي الصيف يلي فات وأول مرة نركب طرونسبور ..
يك ركبت لقيته معمّر ..من زهري المعوج
وقفت وحدي في الرواق حتى ماهو معايا واحد
كي ديمارا عمّو ..جيت طايحة قدام الشّعب كامل ..مكسلة يعجبك ههههههه
ومن هذاك اليوم لازمني رفقة باه نروح ولازم نشوف البيس آسكو شارجي ولا ..
ههه مننساش ذاك اليوم ..
هههههههههههه
ومزالها تبهديلات ميتنساوش
هاهاهاهاهاه
مارسي

 

[الحق سلاحي]

ههههههههههههههههههههههههه مانحبش gاع نهدر على التبهديلات اللي صراولي مي في خاطركم نهدر
مرة كنت نمشي انا وصحبتي وعجبوني ذراري صغار همالا قربتلهم و قلت لصحبتي ايووو شوفي ماحلاهم ذراري صغار يهبلوا....
ومانعرف وش اللي طق في راسهم طارو ورايا بالحجر وانا نجري وهم يجروا ورايا لمزية مكان حتى واحد ......غير صحبتي قعدت تضحك عليا
=)

 

[la_safa]

تفكرت حآجة طبعآ شبعت عليها تبهديل ههههـ

ايا وحد الخطرة مرضتـــ و رحت للطبيب يا سيدي الكابيني تاعو من برآ زجآج
لي من دآخل يشوف و لي من برآ لالا
و انا حكمي لهبآل بالاك باه نعيط لبابا رآيحة من ورآ الزجآج وو نعيطلو بيدي
قريب نص سآعة و انا بيدي و نهدر وحدي نقول آآآآو لهاذي الدرجة انا مانبآنش
حتى يجي واحد من بعيد يقولي سامحيني ختي مع من تهدري ؟؟
قتلو انا نعيط لبابا و نتا علاه تحوس
ايا قالي حبيت برك نقلك بلي هاذا الزجاج مايبينش من برآ و حاسة بلي فمو قريب
يتفلق من الضحك عليا جبدت روحي و قعدت ولا الغآشي يضحك يآآآآآآه ذآك النهاار
هههههههههههههه
​

 

[اعيش راضية]

السلام عليكم
مشكورين على الموضوع المميز
اما عليا فأنا تاريخي حافل بالنشعات و المواقف المحرجة
غير هاد المرة الاستاذة تمدح فيا كي عجبني لحال و طحت من الكرسي قسم كامل طايح بالضحك ماكملناش لكور ههههههههههههههههههههههههه
انا حماريت و ماقدرتش نحبس بالضحك
موقف و لا في الاحلام
شكرا يا المنغوليات
ان شاء الله ديما ناجحين و منورين​

 

[الجزائري05]

موضوع مميز
يخي حالة راكم فيها

في انتظار عودتي
​