قعدة مرحة وشرحة مع اعضاء والمشرفين المحبوبين في اللمة

[ماكانش]

عمو ماكانش​

مرحبا بيك

أهلا بيك سيسينا الله يحفظك

المهم راهي ضيفاتك الاخت راجية الجنة تسما انا نسقسي برك
نبداو
باسم الله

تفضلي خوذي راحتك

انت منينك " من اي ولاية "؟؟؟

ولاية باتنة 05؟

واش رايك في اهل اللمة ؟؟؟؟؟

كامل ملاح وكامل طيبين، نؤخرا دخلو خرين جدد بنية خبيثة ...

شكون هو العضو لي تعجبك مواضيعو بزاااااف ؟؟؟؟؟

بزاف أعضاء
راجية الجنة
شرطية اللمة
معاك يا الخضرة
ووووو
راني سميتهم قبيل
وكل المواضيع تعجبني ...

كيفاش تعرفت على منتدى اللمة الجزائرية ؟؟؟؟؟

عن طريق قوقل كثر خيرو ههههههه
*
*
*
*
واش رايك في هذا الوقت او الجيل " الموضة و الحركات و الهدات " ؟؟؟؟؟؟

جيل يخلع
النثى مولاتش انثة والذكر مولاش ذكر ...

من اي انواع الذكور انت " تاع قراية ولا تاع زهو ولا تاع الحركات "؟؟؟؟؟؟؟؟

ولا نوع من هذه الأنواع
انا تاع روحي وتاع رجولة ومانيش ذراري وخفيف ...

واش حوالك مع لقراية و شحال كانو المعدلات تاوعك هذا العام " اذا كنت تقرا "؟؟؟؟؟؟؟؟

ديما معدلاتي تتراوح بين 10 و11 و9
لأنها خدمتي
ولقرايا حبستها عندي 3 سنوات ...

واش رايك في sissina gilina " تقدر ما تجاوبش "؟؟؟؟؟؟؟؟

ههههههه
تبدو عضوة نشطة وذات اخلاق
تبان فكاهية ماشي صامطة
قلبها أبيض ...

راني عييت من لكتيبة ههههه

اسمحينا في تعبك ههههههه​

لي عودة

مرحبا بيك مرة اخرى نورتيني ​

​

الحقيقة ماكنتش دايرتك كامل قاري​

ههههه
علابالي راكم حاقريني ههههههه​

 

[ماكانش]

ايـــــــــه فرحة كبيرة كي جبتولنا ما كنش هنا
ربي يحفظك سالي
الفرحة بيكم

ايا مليح لواحد يتعرف عليه كثر
مرسي اختي
انا رح نسقسيه سؤال واحد برك

سؤال واحد برك، ايا ماعليهش هههههه

واسمك صح سفيان ولا آها ؟

اسمي الحقيقي مكون من اسمين
محمد سفيان
ولكن هذاك محمد زادوه برك هههههه
يعني يعيطولي سفيان ملي كنت
وواحد مايعرف بلي اسمي محمد حتى من المقربين ليا ههههههه
هاني قلتلك اسمي الحقيقي ...​

يعطيك الصحة سالي ...

 

[chemssou007]

السلام عليكم
أنا ممتنـ جدا لاستضافة الأخ ماكانش الذيـ أعتبره من دون رياء و نفاق من أحب الأعضاء و أقربهم الى قلبي
و انا اعتذر للمرة المليون للمناوشة التي حدثت بيننا في بداية تعارفنا هههههههه
المهم ليس لديـ أسئلة كثيرة لكن اريدك ان تعرف أنني أقدرك و أحبك في الله
+
سؤالينـ فقط ستوضح لي شخصيتك أكثر
بين الموتـ حرقا و غرقا ماذا تختار و لماذا ؟؟؟ يا لطيفـ
ماذا تختار أنـ أشتريـ لك كهدية حمار أو كبشـ ؟؟؟​

 

[ماكانش]

مرحبا بيك خويا نورت القعدة ، عندي أسئلة نتمنى يكونو خفاف عليك
أهلا بيك ياسمين
كلشي مبروك النجاح
مرحبا بيك انت من نور القعدة ...



أيا نبداو بسم الله :



1 - كيفاش تعرفت على اللمة ؟

عن طريق قوقل ...

2 - واش هما البلدان و الولايات اللي زرتهم من قبل ؟

البلدان جامي خرجت من الجزاير ولكن ان شاء الله راح نزور المغرب
الولايات زرت القالة، القل، الطارف، قسنطينة، سطيف، بجاية ، جيجل، العاصمة، وهران، خنشلة، تبسة، بسكرة، برج بوعريريج، ميلة ن ونسيت هههههه

3 - كي تكون فارغ شغل وين تروح ولا واش دير ؟

كي نكون فارغ شغل ندخل للأنترنت ولا نخرج ولا نقرا كتاب ...
4 - واش هما أغلب المواضيع لي تحب تحكي فيهم ؟

المواضيع الإجتماعية والدينية ...

5 - شكون تحبو أكثر الوالد ولا الوالدة ؟

في زوج والدين ولكن لقريب ليها هيا الوالدة ...

6 - واش تعنيلك الحياة ؟

الحياة محطة للآخرة ...

7 - شكون هو العضو لي تحكي معاه بزاف في اللمة ؟

والله مانحكي بزاف مع الأعضاء في اللمة ...​

8 - كي تكوناكتي في اللمة واش هي أول حاجة ديرها ؟

نشوف الرسائل اذا كاين و لا هههههه
من بعد نروح لمنتدى واش راك تهدر

9 - كي تتفكر الطفولة تاعك تحب ترجع ليها ولا لالا ؟ مع التعليل

طبعا نحب نرجع ليامات ليها
لأني فوتها لعب مع ولاد الكارطي
فوتناها حلوة بزاف

10 - شحال من منتدى مسجل فيه ؟

2​

مممم ، خلاصو الأسئلة و كاشما نتفكر راني نولي ، أيا سلآم ​

ههههههههههههه
اهلا بيك ياسمين في كل وقت
ربي يحفظك

 

[ماكانش]

فكرة جميلة................

مرحبا بيك ...​

السلام عليكم
وعليكم السلام
اهلا بيك خويا لعزيز شمسو ...

أنا ممتنـ جدا لاستضافة الأخ ماكانش الذيـ أعتبره من دون رياء و نفاق من أحب الأعضاء و أقربهم الى قلبي

الله يحفضك يا غالي
والله العلي العظيم وانا كذلك أعتبرك من أحب الأعضاء لقلبي
وإني والله أراك مثال للشاب الواعي المثقف ...

و انا اعتذر للمرة المليون للمناوشة التي حدثت بيننا في بداية تعارفنا هههههههه

ههههههههه
بل وانا اعتذر مليونين ههههه
لم تكن مناوشات بل مناقشات نزغ الشيطان بيني وبين أخي ...

المهم ليس لديـ أسئلة كثيرة لكن اريدك ان تعرف أنني أقدرك و أحبك في الله
+
سؤالينـ فقط ستوضح لي شخصيتك أكثر

سؤالين فلسفيين تقدر تقرا شخصيتي منهم هههههه
ياخويا تستاهل ليسونس علم النفس ههههه

بين الموتـ حرقا و غرقا ماذا تختار و لماذا ؟؟؟ يا لطيفـ

والله يا شمسو في زوج واعرين
وان خيرت فسأختار غرقا، لن الحرق يسطر ههههههه


ماذا تختار أنـ أشتريـ لك كهدية حمار أو كبشـ ؟؟؟

كبش هههههه​

ربي يحفظك شمسو
ايه اعطيني النتيجة هههههههه

 

[هآجر]

الله يحفظك راجية الجنة
وربي وفقك
هذا شرف ليا ...

بلا مزية مكانش انت تشرف القعدة الزينة

ممممم الله يسلمك والله في وقتو زيديلي واحد هههههه

بلا طمع يا مكانش : ) راني زواليةانا ثاني

أنا سفيان من وسط ولاية باتنة، درست ككل الجزائريين الإيتدائي ثم المتوسط ثم الثانوي، تحصلت على شهادت البكلوريا بفضل الله سبحانه وتعالى عام 2005
التحقت بكلية ... وتخرجت منها عام 2009 بشهادة ليسانس
عملت أستاذ مستخلف عام 2010 في ولاية سطيف في الثانوي لمدة 3 اشهر
ثم عملت اعمال حرة وانا الأن أصارع مرارة البطالة والفقر
اعمل مرة واتوقف تارة ...

متشرفين
ديتي الباك من وراك انا
ربي يرزقك خدمة زينة

هوايتي المفضلة جمع الكتب، والسياحة والسفر ...

حاجة مليحة تجمع الكتب يعني تجمع لقديمة والجديدة مثقفة اللهم بارك

أحب مادة دراسية عندي الرياضيات، واكرهها الأنجليزية ههههه

حتى انا نموت على الرياضيات وانجليزية نحبها حلوة
​

مانتفكرش ...

براحتك : )

الأخضر ...

لون الجنة : )

التيتلي، ويسمى لسان العصفور ...

غدوة نطيبوهلوك ونبعتهولك عبر البريد : ) هههههههههه

ههههه
لعضام، والطمينة والتاي ههههه

ياه نورمالمواانحيه السؤال هذا او خاص للبنات برك سهوا مني خليتوا سامجني حطيتك في موقف محرج

أتمنى يرزقني ربي بزوجة تشتيني وتقادرني وكيما نحب
واتمنى عمل متواضع وشريف وبيت ومكتبة كبيرة
قلتلكم نحب لكتابات هههه
وكامل مازال ماتحقوش هههههه

ربي يتحققلك وش تتمنى : )

أهدافي نعيش راجل ومستغني عن كل الناس
تحقق طبعا بالرجولة والنيف ...

هدوهما الشاوية الرجلة والنيف : )

احتقار الناس ...
وربي يغفرنا

يا ه مكانش يحتقر الناس عجب ؟؟؟؟؟؟؟؟

مرة خرجت من صلاة العشاء ووجدت طفلة صغيرة حاوزوها من بيوت التكفل لما بلغت سن 19 سنة وهيا هاملة مع زوج رجال مالقاوش وين يديوها ومالقاتش وين تروح خليتهم راح يديوها للشرطة
موقف قطعلي قلبي بزاف تمنيت لوكان عندي المال او كان هناك رجال بحق ...

موقف نتع الصح مؤلم ربي يحفظنا : )

نقو واش بيك تغير ...

ربي يهديه

اظن لا والله اعلم
بالعكس كل الناس تشتيني ...

حوحو يشكر في روحوا يا مزعج : )

بزاف أعضاء
أنتي
شرطية اللمة
معاك يا الخضرة
نور السكسكدية الباغبي
شمسو
وصفصوفة التبسية ...
وبزاف اعضاء

مرسي اخي ربي يحفظك كام اسرة وحدة في المنتدى لولا تدخل الغرباء : )

واش راك تهدر

باينة خلاه : )

هو ان كل الأعضاء يعرفو بعضاهم، واننا نحكيو بالدارجة بيناتنا ...

وي صح

مؤخرا وبعد عودة اللمة كثرت العضويات وكثرو ألي حابين يفسدو اللمة
ولكن يأبى الله ذلك
وأيضا عدم احترام الصغير للكبير فيها ...

هدي راني نعاني منهاانا ثاني وكاش نهار نكسرهم الكل : (

أظن 5 او 6 مرات هههههه

تجيك في الصبر ههههههههه

يسير بلا رجلين ولا يدخل الا بالاذنين؟

الكلام

صح

ماهو الشئ الذي لاتحب ان تلبسه وان لبسته لاتراه؟



مانعرف ...
الكفن

ماهو الشئ الذي ينبض بلا قلب؟


مانعرف

الساعة

ههههههههههههه
يشبه لأستاذ قراني ههههههههه

هههههههههههههه صح يشبه لكاش دكتور ولا استاذ : ) نتع فيزيا ولا رياضيات : )

ربي بارك فيك راجية على الضيافة
وهذا شرف ليا اني اكون معكم ...

بلا مزية
الشرف لينا لما قبلتي الدعوة نتعنا وزدنا تعرفناعليك اكثر فاكثر
اتمنى لك قعدة مليحة مع بقية الاعضاء : )
وعليكم السلام ​

 

[ماكانش]

ربي يحفظك راجية الجنة
احتقار الناس ماشي كيما فهمتيه
ولكن هكذا مانقيمش بعض الناس ...

 

[هآجر]

ربي يحفظك راجية الجنة
احتقار الناس ماشي كيما فهمتيه
ولكن هكذا مانقيمش بعض الناس ...

اهلين
ايه فهمتها حاجةاخرى واستغربت الامر​

 

[loca]

اها مكانش هدا انت والله مكنت عارفة عمي ااهوا هنا انا نبغي نسقسي وحدي يا نجي لولة يا تالية كي يكملو قاع غادي نجي انا هكا ميعاندونيش في اسئلة هههههههه لا نضحك خيوووو بصح خليهم يتفركتو عليك و ادا كان فيها قاطو ولا تتهلى فيا وتخليلي بقلاوة ههه ​

 

[ماكانش]

اها مكانش هدا انت والله مكنت عارفة عمي ااهوا هنا انا نبغي نسقسي وحدي يا نجي لولة يا تالية كي يكملو قاع غادي نجي انا هكا ميعاندونيش في اسئلة هههههههه لا نضحك خيوووو بصح خليهم يتفركتو عليك و ادا كان فيها قاطو ولا تتهلى فيا وتخليلي بقلاوة ههه ​

ههههههههههه
أهلا بيك جيجي
مرحبا بيك في كل وقت
وغير الباقلاوة ألي مادوريش بيا فيها هههه
ماتخمميش نخليلك هههه
ربي يحفظك​

 

[loca]

صــــــبـــآح النــــــــــــــور
راني عارفة مغاديش نتفاهمو هههه قتلك بقلاوة ايا انت نشعتني :tears:من بدية وقتلي لالالا
يتسمى من نسقسي متقوليش علاش هكا هههه سموني نسقسي منفهمش انا ههه
نـــــــــبـــدآو
1/علاش سميت روحك مكانش ؟ مع انو انت كاين وحاضر بقوة تحسب قاع باتنة راها هنا ههه .
2/انت مخلوع على بقلاوة لهاد درجة ؟ يتسمى وكان نجيكم ضيفة تخبيها عليا ؟ :um_sh:
3/ في هاد يمات توالا شفتك تحكي على زواج ومنا بيناتنا غي قول صح شا حاجة لي خلاتك تحكي هك ؟
:tongue_3:)
4/واش هو هدف تاعك في حياة ؟ متقوليش زواج هههه :cursing:
5/علاش مزلت حتى لدروك سيلي باير ههه؟ :shay:متزعفش مني رانا نضحكو برك زعما بنات مكاش ولا راك خايف تبغي صح ويكدبو عليك ؟
6/سؤال مهم ولي يطرحو نفسو باطيمات لي تسكن فيها تبان فيها سكان كاش زين فيها ولا ناشفة ؟:luve_1:
علق على هاد جملة وكان تعليقك يكون في محلو + تقييم هههه نشوف تركيزك ههه
7/شفتهم سرقولك طريقة وحتى توقيع في منتدى في ميزك علاش ؟ راني عارفة علاش غي بغيت نزيد نعرف برك هههه
8/اسمك ســـفيــآن عاشت اسامي خويا هيا قولي شكون سماك باباك ولا يماك ؟
9/مش قاع بصح كاين من ناس الشرق لي يكرهو تيارت زعما انت منهم ؟ وبكل صراحة ههههه
10/سبب حذف عضويتك ؟ ادا مبغيتش تجاوب معليش
11/كي يفهموك ناس بطريقة خاطئة شا دير انت ؟
12/ واحد من يبغي ينقص الوزن تاعو يجري قدام وكان يجري العكس زعما يزيد الوزن تاعو ؟ :tongue_3:
مــــــــزآلو أســـــــئلــــــة كــي تبـــــغـــي
تـــروح نــــــــرجــــــــــع :yahoo:​

 

[ماكانش]

صــــــبـــآح النــــــــــــــور

صباح النور خديجة
اهلا​

راني عارفة مغاديش نتفاهمو هههه قتلك بقلاوة ايا انت نشعتني :tears:من بدية وقتلي لالالا

ههههه
ياه قتلك نخليلك هههه
يتسمى من نسقسي متقوليش علاش هكا هههه سموني نسقسي منفهمش انا ههه

ربي خليك غير بلعقل برك هههه
نـــــــــبـــدآو
1/علاش سميت روحك مكانش ؟ مع انو انت كاين وحاضر بقوة تحسب قاع باتنة راها هنا ههه .

ههههه
الله يحفظك
كنت مسجل بإسم ماكانش في منتدى آخر، وكي حبيت نسجل في اللمة قلت نسجل بيه وخلاص ههههه
2/انت مخلوع على بقلاوة لهاد درجة ؟ يتسمى وكان نجيكم ضيفة تخبيها عليا ؟ :um_sh:
ههههه
لالا حاشا
نخبيها على الناس كامل غير نتي هههههه
مرحبا بيك نديرولك بقلاوة تاع اللوز والجوز ...
3/ في هاد يمات توالا شفتك تحكي على زواج ومنا بيناتنا غي قول صح شا حاجة لي خلاتك تحكي هك ؟
:tongue_3:)

هههه
اي باينة يا جيجي
حاب زوج هذا ماكان هههه

4/واش هو هدف تاعك في حياة؟ متقوليش زواج هههه :cursing:
هههههههه
هدفي في الحياة نعيش راجل ومانحتاج لأي واحد وواحد مايشير عليا بالأصابع ...

5/علاش مزلت حتى لدروك سيلي باير ههه؟ :shay:متزعفش مني رانا نضحكو برك زعما بنات مكاش ولا راك خايف تبغي صح ويكدبو عليك ؟

هههههههه
بزاف حوايج جيجي
حقا راني مازلت صغير مانيش باير هههههه
ايه اولا ماكانش الخدمة المستقرة الباهية
وزيدي ماكانش الطفلة ألي تعمر العين من كل الجوانب
لالا كاين ولكن كامل مدايرين حالة ...
ربي جيب الخير
6/سؤال مهم ولي يطرحو نفسو باطيمات لي تسكن فيها تبان فيها سكان كاش زين فيها ولا ناشفة ؟:luve_1:

هههههههه
والله لازين لاوالو غير لعجايز هههههه
عندنا جارتنا 45 سنة وماهيش مزوجة ...
عندنا زوج صغيرات بصح مدايرين حالة ...
علق على هاد جملة وكان تعليقك يكون في محلو + تقييم هههه نشوف تركيزك ههه

تقييم م مافهمتش مليح ...
7/شفتهم سرقولك طريقة وحتى توقيع في منتدى في ميزك علاش ؟ راني عارفة علاش غي بغيت نزيد نعرف برك هههه

ههههههه
لأنو حنا شعب نحبو نعاندو بزااااااف
ولأني قاوي ههههه
حوحو يشكر في روحو
كيما يقولو يعاندو ومايحسدوش
بصح نحير فلي يعاند صحا صحا
انا نحشم نعاند ...
8/اسمك ســـفيــآن عاشت اسامي خويا هيا قولي شكون سماك باباك ولا يماك ؟

واقيلا يما ومانعرف
نسيت ههههه
9/مش قاع بصح كاين من ناس الشرق لي يكرهو تيارت زعما انت منهم ؟ وبكل صراحة ههههه

هههه
والله جامي سمعت من واحد من الشرق يكره تيارت
بلاك يقولو الغرب اما تيارت لا
ووالله غير عندي يومين كنت نشكر في تيارت بزااااااف
فت عليها عجبتني ومام جماعة الغرب يحبوها ...
10/سبب حذف عضويتك ؟ ادا مبغيتش تجاوب معليش

عاندو عليا
كتبت في توقيعي ماتعاندوش علينا وكتبت بلي حطيت صورة الباطيما تاعنا حط واحد صورة الليسي الي قرا فيه
قلتلهم اف تعاندو في كلش
ايا قالولي تصرفات صبيانية
قلقوني صح ونويت مانوليش للمة ولكن وجوهكم عزيز وراني مع لعزاز وفقط ...
11/كي يفهموك ناس بطريقة خاطئة شا دير انت ؟

نتقلق هههه
12/ واحد من يبغي ينقص الوزن تاعو يجري قدام وكان يجري العكس زعما يزيد الوزن تاعو ؟ :tongue_3:

هههههههه
يزيد وزن دماغو لاخاطر راح يطيح ويتنفخ راسو ههههههه
مــــــــزآلو أســـــــئلــــــة كــي تبـــــغـــي ​

تـــروح نــــــــرجــــــــــع :yahoo:​

أهلا بيك جيجي
الله يحفظك بزااااااف على الأسئلة الباهية

 

[ياسمين عنابة]

السلام عليكم

جبتونا هنا اخونا الغالي سفيان
مرحبا بك
قلت انك
جربت الاستخلاف في التعليم في سطيف
ياترى كيف كانت تجربتك مع التعليم؟؟؟؟

واش ببه الجيل تاع دركا ؟؟؟؟

علاه تحب منتدى واش راك تهدر؟؟؟؟

ماسر اسمك مكانش واش الي مكانش بالضبط؟؟؟
يوم سعيد ومبارك على الجميع وخاصة زوار هذه القعدة

 

[ماكانش]

السلام عليكم

وعليكم السلام


جبتونا هنا اخونا الغالي سفيان
مرحبا بك

اهلا بالفاضلة الطيبة ياسمين
مرحبا بيك نورتي لنا القعدة وتشرفت بمرورك الطيب

قلت انك
جربت الاستخلاف في التعليم في سطيف
ياترى كيف كانت تجربتك مع التعليم؟؟؟؟

نعم بفضل الله عز وجل استخلفت في مدينة سطيف في الثانوي ثانوية عمر حرايق ولاد براهم الميل كاتورز سطيف
وكانت اول تجربة لي في مجال التعليم
المجال الذي لا يفلح فيه إلا ذوي اللامبالاة بالتلاميذ ....
أقول كانت بفضل الله ناجحة ، وربما يحكم علي غيري ممن درس عني
ولكن بفضل الله كانت ايام رائعة
دخلت وانا شاب واعرف عقلية المراهقين والثانويين
لما دخلت دخلت بشدة عظيمة واحد مايتنفس ه
قلتلهم وقت الجد جد ووقت التقصار والضحك رانا نضحكو
ايا كانت الحصة تفوت رائعة جدا ضجك وفواءد وجد وكلش
يعني قدرت نتحكم في الوضع لأبعد الحدود
يخافوني ويقادروني ثم يقصرو معايا ويضحكو معايا
لأني أستعمل الفكاهة كثيرا ههههه
دخلت قلوب التلاميذ منذ الأسبوع الثاني لي لأني كنت اعاملهم كأخي الصغير
بل أقول لهم ان اخي الصغير اكبر منهم ...
أعاملهم معاملة أستاذ معاملة أخ معاملة صديق
أستغل الفرص لأقدم النصائح
أحياننا اتكلم عن امور تفصيلية يعجب منها التلاميذ
مرة قالت لي تلميذة ياه الأستاذ يعرف هذ لحوايج هههههههههه
المهم كانت تجربة رائعة كل التلاميذ يحبوني ولله الحمد
ولحد الأن لازل البعض يتصل بي ...
قالت لي تلميذة والله يا أستاذ تغيرت نظرتي ل... منك
كامل قالولي نديرو عليك اضراب لوكان ماترجعش العام الجاي تقرينا
ولكن شاءت الأقدار اني مارجعتش ...
تمنيت نحط لكم صوري مع التلاميذ هههههه​

واش ببه الجيل تاع دركا ؟؟؟؟

الجيل تاع ذركا بإختصار جيل بلا هوية
مسلمين باللسان فقط
ضرونا بالحضارة والتكنولوجيا بزااااااف يا ياسمين ...

علاه تحب منتدى واش راك تهدر؟؟؟؟

لأنه ليس لي علاقة بلا لا احب السياسة ولا الخواطكر ولا اي شيء
منتدى واش راك تهدر احبه لنك فيه تهدر ه
واحب ايضا منتدى فرغ واش كاين في قلبك ...​

ماسر اسمك مكانش واش الي مكانش بالضبط؟؟؟

طبعا ماكانش زوجة ههههه
اسم ماكانش كنت مسجل به منذ مدجة في احد المنتديات، ولما اردت التسجيل هنا سجلت به وعرفت بيه ...
​

يوم سعيد ومبارك على الجميع وخاصة زوار هذه القعدة

الله يحفظك ياسمين
أسال الله العلي العظيم ان يوفقك لكل خير وان يرضيك...

 

[Nina's]

اخي ماكانش
اجوبتك كانت غاية في الروعة و التعليقات ولا اجمل
بوركت
و ربي يجيبلك بنت لحلال نشاله
قولو آآآآآآآآآآمين​

 

[beso&7ano]

السلام عليكم و رحمة الله و بركاته ..
عندي سؤال بسيط جدا ..
علاه سميت روحك مكانش و السبب !!!!

 

[la_safa]

جيت جيت بعدو من الطريق
شكون هنا ؟؟
ايا بيان خونا ماكانش مي راني نشوف فيك حاضر :shiny: هههه

ايا مانطولوش و نفوتو للاسئلة راني نشوف فيهم قتلوك ربي يصبرك برك هههه

1- قالك الصين تحتفل بافتتاح اطول جسر بحري في العالم :sheer:
واش تقولهم i-o: ؟ ووعلاه ماش حنا في بلاصتها :sad: ؟

2- حبيت نعرف علاه سميت روحك ماكانش مي سرقتو مني هاديك المزعوقة
مالا نقلك كيفاه جا في خاطرك اسم ماكانش :scared: و ماجاش مثلا اسم ديما هنا :showoff: ؟

3- واش رأيك في هادو لحوايج :

الام :shay:
البحر :shiny:
القذافي :cra_zy:
النجوم :re_gards:
كوكب المريخ

4- كي يزعف خونا ماكانش وين يحب يروح :cra_zy: ؟

5- واش قريت :re_gards: ؟ وواش هو المستوى الدراسي تاعك i-o: ؟

6- اقل نقطة تحصلت عليها كي كنت تقرى ؟

7- شكون هو قدوتك العليا :sheer: ؟

8- واش هي اهدافك في الحياة :shay: ؟

اعتراف خطير تقولهولنا ؟

و اخيرا و ليس آ خرا واش رايك في العضوة la_safa

هيا بزايد عليك

​

 

[أمينة16]

سلام عليكم
اممممم مليح خيريتي سفيان رااجية
ايه بسم الله نبداو شوية تقرعيج
اولا وشراه خويا سفيان لاباس و الصحة بيان ان شاء الله
1*كيفاش راهو خويا مع الدنيا؟؟
2*تقييم سفيان لنفسووو؟؟
3*واش رايك في شباب اليوم الجنسين؟؟
4*و كيفاش راك تشوف في حال الامة الاسلامية؟؟وعلاش راهو صاري هدا كامل؟؟
5*مواصفات الاساسية اللي يقيم بيها سفيان الناس؟؟واللي تقيم بها زوجة المستقبل؟؟
6*نصحة سفيان لأعضاء اللمة عاامة؟؟ و لي خااصة؟؟
7*كلمة شكر لمنـــــــ؟و كلمة آآسف؟و كلمة ستندم؟
الله يحفظك خويا و ينور دربك و يكفيك و ييسر امورك
و يسعدك في الدارين و يجعل الجنة داررك
يارب
و كل التقدير لك
و آآسفة للاطاالة
​

 

[ماكانش]

اخي ماكانش

اجوبتك كانت غاية في الروعة و التعليقات ولا اجمل
بوركت
و ربي يجيبلك بنت لحلال نشاله

قولو آآآآآآآآآآمين​

آميييييييييييييييييييين
الله يحفظك سيسينا
وأسئلتك ومرورك كان أروع
ويجيبلك ولد لحلال هههههه​

السلام عليكم و رحمة الله و بركاته ..
عندي سؤال بسيط جدا ..
علاه سميت روحك مكانش و السبب !!!!

وعليكم السلام ورحمة الله وبركاته
أهلا بيك اختي الكريمة
وتفضلي اسألي واش تحبي
سميت روحي ماكانش لأني كنت مسميه في منتدى من قبل ولما حبيت نسجل هنا قلت نسجل بيه وخلاص
هذاك الوقت جاني ماكانش في بالي
رغم اني كاين هههههه
يعطيك الصحة على مرورمك لخفيف الظريف الهايل​

 

[ماكانش]

جيت جيت بعدو من الطريق

شكون هنا ؟؟

ههه
أهلا بيك صفصوفة ...

ايا بيان خونا ماكانش مي راني نشوف فيك حاضر :shiny: هههه

الله يخليك صفصوفة هههه
ماكانش الزوجة نقصد ههههه​

ايا مانطولوش و نفوتو للاسئلة راني نشوف فيهم قتلوك ربي يصبرك برك هههه

اهلا بيك ...​

1- قالك الصين تحتفل بافتتاح اطول جسر بحري في العالم :sheer:
واش تقولهم i-o: ؟ ووعلاه ماش حنا في بلاصتها :sad: ؟

والله ماعلابالي غير من عندك ظرك
اي باينة كلشي مبروك يبعثونا صبابط باروك ههههههه
وعلاه ماشي حنا لأنو حنا عندنا شكيب خليل وخليدة تومي واويحيى ...
​

2- حبيت نعرف علاه سميت روحك ماكانش مي سرقتو مني هاديك المزعوقة
مالا نقلك كيفاه جا في خاطرك اسم ماكانش :scared: و ماجاش مثلا اسم ديما هنا :showoff: ؟

ههههه
والله واحد الوقت كنت مسجل في منتدى ايا زمان غلقولي العضوية رحت باش نحل اخرى مالقيتش اسم يصلح جاني في بالي ماكانش سجلت بيه هههههه
وكي عرفت اللمة قلت نسجل بيه وخلاص ...
حبيت نغيرو بصح كي عرفوني الأعضاء بيه خلاص راني بيه ...
​

3- واش رأيك في هادو لحوايج :​

الام :shay:
أغلى حاجة لازم نتهلاو فيها قبل مانندمو ....
البحر :shiny:
حاجة راني ساخف عليها هاذ ليامات راح نموت هههههه
مليح الإنسان يقابلو ويفرغ لهموم ...
القذافي :cra_zy:

القائد الأممي وملك ملوكم افريقيا ههههههه
انسان باص ...

النجوم :re_gards:

عظمة الخالق ...

كوكب المريخ

ههههههههه
ام قالو فيه الما ​

4- كي يزعف خونا ماكانش وين يحب يروح :cra_zy: ؟

والله يا صفصوفة كي نزعف نحب نتخلوة ،يعني نروح لبلاصة خالية ومافيهاش الغاشي ونقعد براسي
ومعايا كاس تاي، لايفارقني ههههه​

5- واش قريت :re_gards: ؟ وواش هو المستوى الدراسي تاعك i-o: ؟

مستواي الدراسي ليسانس ...
زعما واش قريت ماشفتهاش هههههههه​

6- اقل نقطة تحصلت عليها كي كنت تقرى ؟

أظن 0.5 في مادة الأنجليزية ههههههه
وأقل معدل 8 السنة الثامنة اساسي ...​

7- شكون هو قدوتك العليا :sheer: ؟

ماعنديش قدوة شخصيتي نبنيها لنفسي ...​

8- واش هي اهدافك في الحياة :shay: ؟

هدفي نعيش راجل ومستغني عن كل الناس
هكذا نتمنى نعيش كريم وعزيز ولا احد يشير عليا بالأصابع ...
​

اعتراف خطير تقولهولنا ؟

مالقيتش واحد خطير ههه​

و اخيرا و ليس آ خرا واش رايك في العضوة la_safa

والله ومن دون مجاملة من أفضل العضوات عندي
مرحة ذات اخلاق، طيبة النفس ...
واعية جدا
وراني قلت في جوابي السابق وقد عددتك من افضل العضوات التي تعجبني طريقة طرحها وحتى تفكيرك ...
ايا بزايد هههههههه​

هيا بزايد عليك

​

الله يحفظك صفصوفة ويخليك على المرور الطيب ...