جاتنا بنت فى الليل و ...........

[مسلمة وافتخر باسلامى]

اهلا بكل ناس اللمة واش راكم سافا بيان
الحمد لله
المهم اغلبكم راكم فى مرحلة امتحانات نشاالله تكونو خدمتو مليح
موضوعى اليوم معلاباليش ادا راهو صارى عندكم فى كامل المناطق ولا انا برك اللى رانى نشوف فيه
باش منطولش عليكم انا كى كنت ندرس فى الاساسى كى نطلب من يما نروح نقرا عند واحدة صاحبتى الرد دايما لالالالالا وممنوع
الرجوع للبيت بوقت
الخروج دون سبب ممنوع
تربيت هكدا وكبرت هكدا
وحتى الان كى وصلت للجامعة منروحش وحدى ومنرجعش وحدى
المهم خويا الاصغر راهو يجتاز الان شهادة التعليم الاساسى ربى يوفقو
كنت فى الدار كالعادة مشغولة بشغل البيت
ونشوف اخى داخل ومعاه ...............
كذبت روحى قلت جابلى ربى رانى نشوف فى طفلة هههههههه خزرت مليح اى وى
معاه زعمة زميلة دراسة _o:
دخل الاخ مساء الخير يما هادى زميلتى رايحين نقراو فى الصالون متديرونجيوناش هههههههه
البنت مساء الخير طاطا واش راكى
يما العزيزة ترد ايه تفضلو
انا خزرت فى الساعة وهنا الدهشة التى ادهشتنى وزادتنى حيرة احم احم الساعة 8 تاع الليل:scared::scared:
يعنى وقتاش يقراو ووقتاش يكملو
كملت شغلى ورحت زعما نقرعج طبطب
الاخ تفضلى
وسلمت عليهم
البنت فى شهادة الاساسى عمرها حوالى 14 سنة ادا مرانيش غالطة تضع كحل اسود مكياج خفيف وطلاء اظافر احمر:scared::scared::shay::shay:
المهم بديت نسالهم عن امور الدراسة واذا كان ساهل ووو
وقلت لاخى ادا تحتاجو اى مساعدة هههههههه
قالى لا درك يجى زميل اخر يشرحلنا
المهم قولتلهم بالتوفيق وخرجت قالى اقفلى الباب موراك _o:_o:
خرجت فى حيرة من امرى وصدمة مذهولة مما رايت وسمعت ههههههههه واذا بامى طالعة فى الدروج
فى يدها طبق به كل ما لذ وطاب كى شغل حسيت روحى رانى فى فلم مصرى
معلاباليش نفرح:sheer::sheer:
ولا نحزن:sadwalk::sadwalk:
ولا نندهش:scared::scared:
ولا كل شى راه نورمال وانا اللى موش نورمال:santa_1:
المهم هادى مش اول مرة كل يوم ماما هده زميلتى وهؤلاء زملائى
حبيت نفهم وين اولياء الامور وهل الراجل ولا ميسالش بنتو وين رايحة ومتتاخريش ووو
درك معلاباليش ادا تبات ولا تروح ولا .......
ادا واحد فيكم فهم الحكاية يفهمنى
قولولى يا ناس اللمة واش رايكم فى هادى الظاهرة
ويا شباب اللمة هل انت توافق اختك تروح تقرا فى دار زميلها فى هذا الوقت من الليل
وهل انتى يا بنت اللمة توافقى تروحى تقراى فى دار زميلك ومعندك حتى مشكل
واشكركم على المتابعة:re_gards:

 

[ماكانش]

يعطيك الصحة مسلمة
موضوعك مليح بزاااااف وهادف
بصح قتلتيني بالضحك صح صح ههههه
وألي بزاف كي قلتي مانعرف تبات ولا تروح هههههههههه
نتي تحكي وانا قتلتني الغيرة من خوك الصغير ربي نجحوههههههه
كون غير جيت في بلاصتو ، احم احم او باش نقريها برك رانا زملاء هههههههه
حيرة صح صح مسلمة
والحيرة الأكثر في والدين هاذ المموشة كيفاش خلاوها تروح عند ذكر وفي دارو ومانعرف شكون راح يجيب معاه ؟؟؟
بصح كي قلتي الماكياج عرفت كيفاش العقلية تاعها وتاع دارهم ومع دارهم ....
او خوك هذا ماشي ساهل ههههه
اذا مافهموش نجي نقريهم ههههههه
يعطيك الصحة راني غير نضحك ...
مام انا مرة شفت طفلة جات عند جارنا الصغير وخرجاتو من الدار وباباه يشوف وسلم عليها
خرجاتو وراحو يقراو كيف كيف
بصح تاع الدار وحدها هههههه​

 

[السوفي]

السلام عليكم ورحمة الله وبركاته

ما عسايا ان اقول حسبي الله ونعم الوكيل
انا لله وانا اليه راجعون اللهم اخلفني في بلدي من يصلح اخلاق اهله
الطامة هنا من الصغر
لاحول ولا قوة الا بالله
سلام قولا من رب رحيم
​

 

[adelskikda]

يا اختي الوقت هدا نتاعكم خلي برك رجع لي مايحبش على الامور هدي يصبح معقد وانا نقولك هدي عندكم بلاك برك عندنا مكانش واله اعلم وشكرا على الموضوع

 

[DARINE05]

مسلخير ختي ومرسي على طرح الموضوع

و انا تبالي نورمال psk راهم يقراو مافيها والو ومذام جا وقال لماماك واذا مفهمش حاجة لوخر يفهمهالو و يراجعو كيفكيف انا جاتني لحكياية مافيها والو وكل واحد وعندو رايو

 

[يوسےفے]

موضوع قيم ....قتلتيني بالضحك....ما تقلقيش ما نظنش تبات...واش عليه
رانا فل 2011 .....زعما زملاء دراسه ....فهمني و نفهمك ....كيما قال ماكانش ...من الكحل والماكياج باينه كيفاه طالعه التربيه في دارهم......... لاغالب وصلنا لهذا الزمان ,,,,,,,,,,,,,,,,,,كنت نتوقع تقوليلي بلي قالتلك هذاboy friend تاعي.....هههههههه​

شكرا​

 

[la_safa]

°°هادى زميلتى رايحين نقراو فى الصالون متديرونجيوناش هههههههه °°
هادي السع يا ختي والله غير فور تاع ماتديرينجيناش هههه

°°°°°
مممم انا اصلا كون نقول لماما حاجة هاكا مستحيل تقبل
بلا مانوصلها لخويا و .. و ..
صح ممكن ساعات يجيوني ولاد مي اقل مني صغار كاشما نشرحلهم حاجة
مي باه نروح لدار واحد و زيد قدي نقرى معاه { هادي جديدة هههه }
ربي يهديهم الوالدين لي راهم يحلو في عينين لبنات
ايــــــــــه يقلك نورمال رانا في 2011 مالا مانعرف واش يصرى في 2020 ... !!!

طولت عليك بالرد تاعي مي فاجئتيني صح
الله يهدي + ربي ينجح خوك و بمعدل فور ان شاء الله

​

 

[هآجر]

السلامعليكم

اولا موضوعك هايل
ثانيا ربي وفقك خوك وخويا ثاني خاطر هو ثاني عندو الامتحان نتع شهادةالتعليم المتوسط وراه قال بلي فيزيا واعرة خدم من كل تمرين شويا شويا في طريقك صقصيلي خوك على الفيزيا اوكي ؟؟؟؟؟

ثالثا
بخصوص العفسة الي دارها خوك والله عجب العجاب يعني عادي الامور هذي وامك ثاني جاتها عادي

خويا كان يريفيزي ولكن مع صحابوا ومش في منزل بل في المكتبة المسجد نتع كارتينا

والله راسي حبس معرفتش وش نقول الا

الله يهدي

وعليكم السلام​

 

[rima29]

والله الوقت اللي وصلنالوا يا لطيف غيرربي يهدي ما خلق هذا ما قدرت نقول​

 

[ماكانش]

مسلخير ختي ومرسي على طرح الموضوع

و انا تبالي نورمال psk راهم يقراو مافيها والو ومذام جا وقال لماماك واذا مفهمش حاجة لوخر يفهمهالو و يراجعو كيفكيف انا جاتني لحكياية مافيها والو وكل واحد وعندو رايو

اواه يا جارتي مارانيش معاك في هذي ...
يفهمو بعضاهم ووو صح ولكن ماشي من لعوايد تاعنا ...
بلاك تبقى غير في القسم والمدرسة برك
اما انو تجيه للدار هذي شويا كبيرة
وزيدي الجيل تاع ذرك جيل واعر تلقايه 14 ولا 15 سنة وهوا يعرف كلش وفاهم كلش وقاري كلش وهيا كيف كيف ... وان شاء الله فهمتيني ...​

 

[beren saat]

مشكورة أختي على الموضوع المميز ...والله راني في حيرة من أمري ...هي صح نورمال الا جات قرات مع زميلها مي في ليل وعلى 8 ...هدي دارهم ميحوسوش عليها ...بصح هدي تكون قالت لدارهو رحت لعند صحبتي هاد شي أكيد والله أعلم ..مشكورة مرة ثانية

 

[DARINE05]

اواه يا جارتي مارانيش معاك في هذي ...
يفهمو بعضاهم ووو صح ولكن ماشي من لعوايد تاعنا ...
بلاك تبقى غير في القسم والمدرسة برك
اما انو تجيه للدار هذي شويا كبيرة
وزيدي الجيل تاع ذرك جيل واعر تلقايه 14 ولا 15 سنة وهوا يعرف كلش وفاهم كلش وقاري كلش وهيا كيف كيف ... وان شاء الله فهمتيني ...​

هيه صح كيعاد لحكاية جديدة عليها جت شوي بيزاار مع الوقت تولي نورمااال انا بالنسبة ليا نقرا وحدي pskيزيد عبد معاك را:blink::blink:ح تبقى تشيخ برك

والطفلة كي والديها خلاوها معندنا ماراح نقولو

 

[chemssou007]

أنا ما نيش راح نافقـ اخوانيـ
Soi في البـاك و البيام أو السيسيامـ
دايما نريـvـــيزو في الدار مع بعض بناتـ و ذراريـ
فيـ الباك 2007 كنا نسهرو مع بعض بنات و ذراريـ 1 تاع صباح نقراو و نقصرو
و الحمد الله بديناها خاوة خاوة خلصنا خاوة خاوة
و كلـ واحد يقادر لوخر و ما كانش Les Arriers Pensé
Parceque متربيينـ و نقادرو بعضنا
و الحمد لله نجحنا كاملـ و خلصنا ضرك الجامعة
و كلـ واحد ربي كتبلو طريقـ و بقاولنا غير الذكرياتـ
+
اللقطة المخيرة كي نديرو قرعة شكونـ يروح يطيب حليب و قهوة و يجيبنا كاسكروطات
ياماتـ و الله​

 

[السوفي]

مسلخير ختي ومرسي على طرح الموضوع
و انا تبالي نورمال psk راهم يقراو مافيها والو ومذام جا وقال لماماك واذا مفهمش حاجة لوخر يفهمهالو و يراجعو كيفكيف انا جاتني لحكياية مافيها والو وكل واحد وعندو رايو

السلام عليكم ورحمة الله وبركاته
يا اختي انا لا اريد ان ارد على قناعتك او رايك ولكن اريد منك فقط ان تحكم الواقع والظاهر وتعرضها على المفاسد ثم شرع رب العالمين فالصحابة كانوا لا يقدمون ولا ياخروف في موضوع ما حتى يعلموا حكم الشرع فيه ام نحن وبحجة حرية الراي والتعبير وهلم جره فاننا نفعل ونفعل وقليل منا يسعل عن حكم الشرع في ما فعل وحتى لا اطيل عليك يرحمك الله وبلغة العصر لنفرض انهم لم يفعلوا شيء معدى الدراسة ونتهى الامر فهل تستطيع ان تظمن لي هذا في باقي الايام او عند شباب اخر ام هو يصلح هما من دون الغير اذن نحن نتحدث عن ظاهرة لا عن فعل شاذ يحكم عليه ولا يقاس عليه لهذا احذر فالاخطاء الكبرى تبداء بالصغرى وما حقرة من الذنب وقد صح انه قال الفضيل بن عياض رضي الله عنه بقدر ما يصغر الذنب عندك يعظم عند الله وبقدر ما يعظم عندك يصغر عند الله تعالى }وقد حذرنا نبينا من صغائرالذنوب إذ يقول: ((إياكم ومُحَقّرات الذنوب، فإنما مثل محقّرات الذنوب كمثل قوم نزلوا بطن واد، فجاء ذا بعود وذا بعود، حتى حملوا ما أنضجوا به خبزهم، وإن محقّرات الذنوب متى يُؤخذ بها صاحبها تهلكه)).ومن رحمة الله تعالى بنا أنه من اجتنب الكبائر غفر له الصغائر، يقول الله تعالى: إِنْ تَجْتَنِبُوا كَبَائِرَ مَا تُنْهَوْنَ عَنْهُ نُكَفِّرْ عَنْكُمْ سَيِّئَاتِكُمْ [النساء:31].
الله اعلم
اتمنى اني افدتكي
السلام عليكم
​

 

[ماكانش]

هيه صح كيعاد لحكاية جديدة عليها جت شوي بيزاار مع الوقت تولي نورمااال انا بالنسبة ليا نقرا وحدي pskيزيد عبد معاك را:blink::blink:ح تبقى تشيخ برك

والطفلة كي والديها خلاوها معندنا ماراح نقولو

يعطيك الصحة جارتي
والديها خلاوها صح ولكن نقدرو نقولو بلي والديها غالطين ...
ماكانش قد الواحد يقرا وحدو، واذا احتاج واحد يفهمو راهي تجي مليحة ...

 

[ISMA.dz]

ههههههه خلاص الدنيا خلات


ربي يسلكنا على خير انشاء الله
طفلة على 8 تاع اللليل تقرا
انا السؤال اللي جا في بالي الأهل وينهم؟انا كان جات ختي نحشلها رجليها ههههه

شكرا أختي

 

[MAN1850]

ماشي كامل الناس عندهم عقلية وحدة
كـايــن لــيـ المـهم بـنتــــو تجـيب معدل مليح
و انتي علاه تقراي النقص ..
لولاد لو كان جاو ناووين الشر ما يجيوش للدار !!
بالعكس مليح كـيـ يـقراو في الــدار .. قدامكم
و ممكن بابات الطفلة دار فيكم لامان و خلى بنتو عندهم

ماشي لازم تقطعي في عرضها !!!

تحياتي :re_gards:​

 

[DARINE05]

ماشي كامل الناس عندهم عقلية وحدة
كـايــن لــيـ المـهم بـنتــــو تجـيب معدل مليح
و انتي علاه تقراي النقص ..
لولاد لو كان جاو ناووين الشر ما يجيوش للدار !!
بالعكس مليح كـيـ يـقراو في الــدار .. قدامكم
و ممكن بابات الطفلة دار فيكم لامان و خلى بنتو عندهم

ماشي لازم تقطعي في عرضها !!!

تحياتي :re_gards:​

هاذي هي لحاجة ليحبيت نقولها
مرسي خويا :shiny:

 

[ماكانش]

ماشي كامل الناس عندهم عقلية وحدة​

كـايــن لــيـ المـهم بـنتــــو تجـيب معدل مليح
و انتي علاه تقراي النقص ..
لولاد لو كان جاو ناووين الشر ما يجيوش للدار !!
بالعكس مليح كـيـ يـقراو في الــدار .. قدامكم
و ممكن بابات الطفلة دار فيكم لامان و خلى بنتو عندهم​

ماشي لازم تقطعي في عرضها !!! ​

تحياتي :re_gards: ​

واشي هاذ الأسلوب التهجمي ...
تعرف ميكياvيلي وتعرف النظرية تاعو و لالا
حنا ماعندناش في الإسلام نظرية ميكيافيلي "الغاية تبرر الوسيلة" حنا عندنا عكس قاعدة ونظرية ميكيافيلي "الغاية لا تبرر الوسيلة "
الغاية تاعها الدراسة ، فلا تبرر لها الوسيلة وهيا الذهاب والخلوة مع الذكورة ...
الغاية تاعك تنصح، ماتبررلكش الوسيلة انك تدخل للمخمرة وتنصح
وهكذا
تقرى على الراس والعين ولكن هل اخو مسلمة عالم حتى ماعندهاش البديل بلاه
هل الوقت ضيق للدرجة انها تتلاقا معاه في الليل
ثم قولك لوكان حاب الشر مايجيبهاش للدار
نقلك راك غالط
بل أهل الفسق المشكل العظيم تاعهم ماعندهمش وين يديرو الفسق تاعهم ودعتنا من هذ الباب ...
​

 

[نهى28]

يااختي والله عجب انا لوكان تصرا في دارنا والله ما نسكت عليها يا ختي والله عجب ما لقيت ما نقول
ربي يكون في عونك برك ​