العقلية رايحه و تزيد تخسر

[صانعة الافراح]

الحالة والله ماتعجب وين رايحة و هي تدهور
و خاصة حالة لبنات باسكو هوما لي راح يلقاو ضغط عليهم و الكلام و الاسهم كلها موجهة ليهم
و في رايي هادي الغلطة كلها تاع البنت لازمها تعرف كيفاه تمشي روحها
ماقلناش تبشع روحها
كل وحدة يهمها البها و الجمال
مي في حدود حتى لا نغضب الله

°°°°°°
مي كل مانحاولو نقصو نلقاو العكس
ربي يهدي برك

مرسي ختي و ان شاء الله تتوصلو الى حل مع انو ماكانش
​

عندك الحق اختي في كل اللي قلتيه
والله غير عجبتني هدرتك و عجبني ردك
وكيما قلتي ان شاء الله نتوصلو لحل مع انو ماكانش

شكرا على المرور

​

 

[صانعة الافراح]

الوقت تبدل و تبدلو معاه بزاف حوايج انت هدرتي على حاجة منهم .... وش نقدرو نقولو غير انو الاساس يولي للوالدين و الاسرة و التربية السليمة....ربي يجيب الي فيه الخير و شكرا على موضوعك​

العفو اختي الشكر ليك انتي اللي رديتي على موضوعي
فعلا اختي الوقت تبدل و تبدل معاه كلشي
التربيه ..... و زاد الحريه اللي اعطاوها الوالدين لبناتهم
ربي يستر برك
و يهدي ما خلق ........
​

اهلا اختي

عندكحق في كل كلمة قلتيها
بنات اليوم مش كما بنات زمان
والمكشة كل منزيدوا نقدموا في السنوات تزي د الافة اكثر

حاجة وحدة حبين نقلها للبنات كامل وديما نقلها

اخطيكم من العشق و الغرام والخرجات مع الجنس الخشن راه غير يعقب في وقت معاكم مهما يقلك اني نحبك وهو في قلبوا يقول نعقب بها وقت اي مهيش بنت فامليا ولازكان على الزواج راه كلش بالمكتوب مش لازم تخرجي مع واحد وتتعرفي بش تتجوزي كاين الف طريقة تتزوجي بها لاه والديك راح يخليوك بلا زواج في رايك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟وفي الاخير الزواج مكتوب
صنواانفسكم مكانش كما الوالدين الي لازم ترفعي راسك بهم وهما يرفعو راسهم بك

ربي يهدي ما خلق

وعليكم السلام​

اختي دايمن تسكتينا بردودك الرااااااااااائعه
والله غير عندك حق في كامل اللي قلتيه
لكن واش نديرو اللي من هاد النوع بداو يكترو
واللي متربيات بدار يقلو
ربي يستر برك
شكرا على مرورك
​

 

[صانعة الافراح]

lwkt li tbdallllllllllllllllllllllll

كي نشوف طفلة تهدر هكذا و الله يطلعلي المورال

sa veut dire مزال كاينين الي مدهم التيار العصرنة تع 2011 :closedeyes:

وش راح نقولك الوقت هذا يلتى بروحو برك و خلاص سينو راح تزيدي توجعي غير قلبك معهم

:re_gards:

اولا نشكرك بزااااااف على مرورك
عجبتني كلمة العصرنه لانها تعبر عن الوهم الذي يعيشه بنات اليوم
و هي الكلمه المناسبه جدااااااا
و فعلا غادي نوجع قلبي معاهم لكن رغم ذلك نتمنو نلقو حل لهاد الموضوع
​

لبنات هذو يشوفو هذي العقلية هي لي ماشية
يعني هي الحضارة والتحلاب وهي التكعاب
وهذي الظاهرة لاتعود فقط على التربية كاين بنات رباوهم اماليهم ماشاءالله مي هوما ماشدوش فالتربية وتبعو عقلية هذا الوقت وتبعو مالين التيكي
​

التربيه هي العامل الاساسي
ربي يستر من هاد الزمان برك
نتمنى يرجع بكري و يرجعو ناس بكري
و يرجعو بنااااات بكري
واش من تربيه و واش من اخلاق
لكن واش نديرو ما باليد حيله
​

 

[صانعة الافراح]

والله فكرتيني في وحدة الحكاية ياسيدي هدي مرة تمشي مع بنتها صغيرة يعني تكون تقرى 1.2 ابتدائي يخي تعرفو ا هدوك البنات الي يديرو لوحة زيتية في وجوهم مالا اهديك المرا قالت لبنتها عندك كي تكبري ديري كيما هدوك قالتلها مالا علاه رايحة نكبر ههههههههههههههههههههههههههههههههههههههههههههههههههههههههههه.اما بالنسبة للموضوع عندك الحق في كلشي قلتيه . علبالي طولت.شكرا على الموضوع

لا لا اختي ما طولتي ماوالو
ههههههههه رد البنت شباب بزااااااف هههه
بردتيلي قلبي
شكرا على المرور اختي
نورتيي

اولا شكرااااا على الطرح
ثانيا انا نقلك الصح هاد العقلية ماشي شابة قاع عندك الحق بصح انا نقلك حاجة الطفلة لي تحب تكون مستقيمة هادي قادرة عليها
ربي يهديهم برك

العفو و الشكر ليك لانك رديتي
ربي يهديهم و يهدينا
اميييييييييين
​

 

[صانعة الافراح]

oui c vrais عندك حق في كل كلمة قلتيها
دركا تجي تنصحيها اطفلة اخطيك هادي الطريق ما عندها وين توصلك
تخسر عليك كلمة الله غالب اي المراهقة
يهبلوووني كي يقولولي هكدا يشوفو فيا انا عجوزة في وسطهم و قاعدة ننصح فيهم و انا هي الصغيرة فيهم
و الصغار صحاب 14 و 13 ما نحكيش ليكم
كي نشوف وحدة فيه كيفمااه تحكي نشوف روحي انا صايي فاتني القطاااااااااار

هههههه فعلا احنا اللي فاتنا القطار
على العموم شكرا على مرورك و ردك المميز حنونه
تحياتي
​

والله حقيقة يا اختي كي نجي نهدر مع بعض صحاباتي عل واش راهو صاري في العالم سياسة رياضة ثقافة تاريخ جغرافيا والو مكان والو قلتلهم واش بيكم ياربي كما مات بن لادن الله يرحمه قلتلهم سمعتو بلي بن لادن مات شكون هدا بن لادن انا مالقيتش روحي ياربي الله يهدي بناتنا ويحفظهم

امييييييييييييييييييييين
ربي يهديهم و يهدينا معاهم اميييييييين

شكرا على مرورك اختي
​

 

[صانعة الافراح]

وعليكم السلام ورحمة الله

الف مرحبا بيك من جديد اختي الكريمة
تقول طالة وش كاين في قلبي :cra_zy:
هكدا وأحنا الشعب السوفي مزالت عدنا شويا احترام اني قلت شويا لأنو من قبل كانت كاين الاحترام مئة بالمئة اما ذرك ؟؟؟؟؟؟؟؟ سالي عليه كي تلقيه ...


عندي رجعة i-o:
​

مرحبا بيك في كل وقت اخي
فعلا ماكان لا احترام لا حشمه
ربي يستر
شكرا على مرورك العطر
​

هاد النوع من لبنات غاويتهم الدنيا بزاف بزاف لردجة انهم نساو ربي
حاشا الي مايستاهلوش ...
ربي يهديهم و يصلح الاحوال
شكرا ليك ختي ...تحياتي ​

اميييييييييييييين
العفو اختي انا اللي نشكرك على مرورك
​

اييه الله غالب
،،،

شكرا

العفو اختي
نورتي الموضوع
​

 

[خولة 01]

اولا اختي نشكرك على الموضوع الهادف و الحساس جدا و اللي راه مثير الجدل في وقتنا الحالي



الله غالب هادي ولات عقلية 2011 و في رايي الوقت ولى يفرض هكاك يا حصراه قليل اللي مانشوفهاش دايرة صاحب و يقولولك انا ادا ماكانش عندي واحد رايح المجتمع ما يرحمنيش و يقولو هادي وحدة معقدة ولا اي حاجة المهم مايرحموش ايا تدير واحد في بالها يكون يحبها مسكينة مي هو راه يفوت بيها الوقت قليل اللي يكون الصح سيريو و يحبها للزواج قليل ايا هي تديرو و غير هي اللي تطفر فيها الولد ماعلاباهومش بيه مي البنت يقولو شوف بنت فلان شا راهي تدير و بالتالي يولو يهدرو عليها

و انا نشوف المسؤول الاول قبل ماتكون لافامي نشوف البنت هي المسؤولة على شخصيتها و على روحها و كيما قلتي يقولو رانا ** مراهقين ** ايا و يبرروا بها الحالة و سامارش هكا مراهق قال مراهق
و في المرتبة الثانية نحط مسؤولية الوالدين و الخاوة لازم يراقبوها و مايخلوهاش على هواها
الله غالب قد ماحكيت مانكملش

موفقة حبيبتي

 

[الصراحة راحة]

السلام عليكم ورحمة الله تعالى وبركاته أما بعد :
المسلسلات المدبلجة هي السبب
وحاجة ما تربوش عليها خلاص
أنا من وقت وليت نعقل وبابا يقولي
وليدي ما تمشيش مع الشينين
يا وليدي خطينا من المشاكل
والحمد لله ​

 

[nina bonoise]

الحق الوقت هو لي تبدل

 

[rima barcaouia]

el morahaka l age wyfoute wmn na7iate li y7abek yjikmn beb eddar machi y7chem ytlaka bak . W la khrig w les histoires d amour ma menhoum fayda