نديرو ان شاء الله....مي مازال شوي........

[ابتسامة أمل]

السلام عليكم
واش راكم ؟ ان شاء الله قاع ملاح ......

الصيف راه دخل .............و السخانة بدات............. و الناموس......

المهم الواحد ديجا دخل يشكي...:shay:

هذا أول موضوع نكتبو في هاذ القسم ...... و نتمنى ينال الاعجاب و القبول........

المهم اليوم حكايتنا مع لبنات اللي مش دايرين حجاب......
تلقاها لاباس عليها .....مربية قارية و مثقفة.........تلحق للحجاب تقوللك .....نديرو مي مازال شوي......
و تبدى تجبد ف السبايب .......مازالني صغيرة.... حتى نتزوج...و لمليحة قاع كي تقول مازال حتى نقتنع بيه؟؟؟؟.......و الصلاة لازم تقتنعي بيها باش تصلي؟......
ولا راني هكذا مستورة خير من اللي دايرينو .......يا بنتي ربي يحاسبك وحدك ما يقيسش par rapport الغاشي.....
سؤالي لهاذو لبنات
واشنو هي الحاجة اللي تخليك ت hesité باش اديريه......
واش لازملك باه تقتنعي بيه؟ ؟؟

و لوكان واحدة فيكم عندها صحبتها خاصها غير الحجاب واش أدير باش تقنعها بيه؟


و للاخوة

اذا عندك أختك ماشي دايرة حجاب نورمال؟ و لا تحاول تهدر معاها باش أديرو؟
و الا تعتبرو الحجاب حرية شخصية؟
و الأهم الزواج ....بزاف بنات يقولولك حتى نتزوج باه نديرو....أنت اللي رح تخيرها باه تكون مرتك تخيرها دايرة حجاب؟ و لا من جماعة يدوها بلا حجاب و من بعد يلبسوهولها؟؟؟


طولت عليكم بزاااف أسمحولي......
في انتظار تفاعلكم.........
​

 

[المتفائلة_91]

ممم انا راني خارج النطاق
لازمني واحد يقنعني بالحجاب

شكرا

 

[AnGeL*dZ]

مش حكاية اقتناع ولاحكاية صغر
......................
مزالي برك القدرة اني نحطو
وانا عارفة بللي رايحة نديرو تاع الصح
​

 

[dina la rose]

الحمد لله هداني ربي و عندي 6 شهور وين درتو شوية روتار مي الحمد لله

 

[sahiko hamza]

صار يحاولوكم باه ديرو الحجاب ؟؟
​

 

[dina la rose]

الحجاي نعمة ايتها الاخت فهو يحميك من نجاسات الشارع

 

[AnGeL*dZ]

صار يحاولوكم باه ديرو الحجاب ؟؟
​

بصـح الطفلة اللي يطلبو منها اهلها تتحجب
وهي ماشي حآبـة رايحـة تشوه من لحجاب
يـعـني هاذي حاجة بينها وبيـن ربـي ماتحتاجش لعبـد يتدخل فيها
بالنصـح يمكن لانو الديـن نصيحة وعلبالنا الحجاب خط أحمـر فرض مش حريـة شخصيـة
mais مش بالقوة

​

 

[AnGeL*dZ]

الحجاي نعمة ايتها الاخت فهو يحميك من نجاسات الشارع

علبالي بهذا كآمــــــــــل لحمـدو لله
ومقـتنعة بالحجآب مليار بالميـة
وحنديرو قريبا خآطر هذا وقـتو ووصلت لمرحلـة نقدر نميـز بين الصح والغالط
يعني عدت رآشدة ونتعآقب على كل حاجة نديرها
والنهار اللي تنفـح في رآسي نحطو مش محددة ليوم برك
والحجآب اللي يحمي من نجاسات الشآرع او الحجىب الشرعي مش الخمآر!
​

 

[sahiko hamza]

بصـح الطفلة اللي يطلبو منها اهلها تتحجب
وهي ماشي حآبـة رايحـة تشوه من لحجاب
يـعـني هاذي حاجة بينها وبيـن ربـي ماتحتاجش لعبـد يتدخل فيها
بالنصـح يمكن لانو الديـن نصيحة وعلبالنا الحجاب خط أحمـر فرض مش حريـة شخصيـة
mais مش بالقوة

​

يا خيتو انا كاكنت عارف بلي يحاولوكم على الحجاب
احنا عدنا يعني في سوف
غي توصل ل 3 متوسط سيبون تدير في بالها الحجاب
حاجة لازمة ماشي يقولولها
اما انتم ؟؟؟ والله حاجة مليحة خلي يتمتعو الشباب :lol:
​

 

[FØùfà Bïô]

لآلآ خويآ Sahiko ^^

آنآ من وآد سوف .. ودرت الحجآب غير في 1 ثآنوي ..

بصصح ندمت لأني مدرتآهش قبل ..

و نصيحتي للي تقول مزآل الوقت على الحجآب وتو نديرهـ حجآب تآع الصصح ..

ربي كي يجي يآخذ آمآنته يآخذهآ في آي وقت مآشي يستنآك حتى ديري الحجآب وهآذآك الوقت مآ ينفعش الندم
​

 

[sahiko hamza]

لآلآ خويآ Sahiko ^^

آنآ من وآد سوف .. ودرت الحجآب غير في 1 ثآنوي ..

بصصح ندمت لأني مدرتآهش قبل ..

و نصيحتي للي تقول مزآل الوقت على الحجآب وتو نديرهـ حجآب تآع الصصح ..

ربي كي يجي يآخذ آمآنته يآخذهآ في آي وقت مآشي يستنآك حتى ديري الحجآب وهآذآك الوقت مآ ينفعش الندم
​

اهلا بنت عمي :shiny:
حكمتك تو وش يمنعك
مليح عرفتك وش من بلاصة تسكني
ماتخلينيش نتحدث خطراكش ......
تو ندزلك ميساج

( الجماعة لي مافهمتش تسمحلي )

​

 

[blida09]

الحمد الله ياربي على نعمة الحجاب انا درتو من صغري والحمد الله ياربي

 

[M!ss_f@ti]

السلام عليكم

أنا عندي بنت عمي وبنت خالتي مداروش الحجاب حتى وصلو للتارمينال طلعو للجامعة دارو الجلبابات وضرك راهم متزوجات وماشاء الله عليهم

أنا يا أخي درت الخمار في الأولى متوسط والحمد لله ودرت الحجاب في الأولى ثانوي

ربي يوفق لي مزال مادارتوش باش اديرو

 

[ندوشة]

انا نقولكم حاجة لي ما ديرش الحجاب ما تشمش ريحة الجنة ماشي ختى حتى ما تدخلهاش ما تشمش ريحتها
وانا الحمد لله مدايرة الحجان عندي 4سنين
الطفلة لي ماهيش مقتانعة بالحجاب معناتها ماهيش مقتانعا بالاسلام والله والرسول صلى الله عليه وسلم ولي يكون عندو ختو ما هيش متحجبة وهو لا علاقة معناها ماهوش راجل

 

[khasoft]

هاي باينة أختي مايديروش الحجاب باه يحلبوهم برك ويستمتعووو ب لحياة ولبعدا آي دير الحجاب كي تتزوج إن شاء الله ههه ,,,

​

 

[عاشقة الوحدة]

انا مشني متحجبة مي الله يهدينا

 

[روعة الأخلاق]

الحمد لله متحجبين من زماااااااان

مي و الله من لي سجلت في اللمة و انا نقرا في نفس الموضوع و نفس الردود
نتمنى تتنوع المواضيع المطروحة و أتمنى ان لا يأخذ ردي منحى آخر
شكرآ
​

 

[هآجر]

السلام عليكم

ربي يحفظك اختي على الموضوع الهايل والمهم

راني درتلك تقييم

راح نجابو على اسئلتك

واشنو هي الحاجة اللي تخليك ت hesité باش اديريه......
واش لازملك باه تقتنعي بيه؟ ؟؟
نحكي على روحي كما كنت في ليسي تحجبت والحاجةالي قنعتني به هي انه اولا فرض على وحدة فينا+ الصحبة الصالحة خارط طانت عندي صحبتي متحجبة وتبعتها
و لوكان واحدة فيكم عندها صحبتها خاصها غير الحجاب واش أدير باش تقنعها بيه؟

هدي مشكلتي انا عندي صحبتي وحدةاخرى مهيش متحجبة وعييت نقنعها به تقولي او يجني باشع

ربي يهديها كبيرةوادير هكة ​

 

[hiba14]

السلام
واه عندك الصح
انا تاني كنت نقولهم ما نجمش نديرو بصح كس لحقت 21 عام صحاباتي هبلوني دروك راني دايراتو و الحمد و الله غي راني حاسة روحي خير ملي كنت

 

[AnGeL*dZ]

يا خيتو انا كاكنت عارف بلي يحاولوكم على الحجاب
احنا عدنا يعني في سوف
غي توصل ل 3 متوسط سيبون تدير في بالها الحجاب
حاجة لازمة ماشي يقولولها
اما انتم ؟؟؟ والله حاجة مليحة خلي يتمتعو الشباب :lol:
​

مافهمتش ردي خلاص الله غالــــب
والحجاب علبالنا وقتاش يلزم على الطفلة مكان لاه نحكيو فيها
وحنايا مناين نسكنو بلاصـة محآفـظة زينا زيكم
مي كي تحطلي الخيمار وشعرها نص على برا وتقولي عليها متحجبة ؟
​