ساعدوني: كيفاش نصنع الكعك

[@نور البيضية@]

السلام عليكم ورحمة الله وبركاته
واش راكم انشاء الله لباس
ربي يجازيكم كل خير بغيت تخبروني طريقة ومقادير صنع الكعك
ربي يخليكم لي تعرف تورني كيفاش ندير
وشكرا
:re_gards:​

 

[أسية24]

السلام عليكم ورحمة الله وبركاته اختي احنا نعملوه بهذه الطريقة
6 حبات بيض
كأس ونصف سكر عادي
كأس زيت
2كأس حليب
نصف كاس ماء الزهر
ملعقة كبيرة خميرة الخبز
1 خميرة الحلويات
1 فانيليا
قشور برتقال
الحبة الطيبة أو حبة الحلاوة
الفرينة
قرصة ملح
علبة ياوورت
تلمي كل المكونات مع بعض بالخلاط ثم تضيفي الفرينة بإستعمال اليد تتحصلي على عجينة طرية ما لازمش تكون يابسة تخليها ترتاح ولما يتضاعف حجمها تبرميها على شكل حبات كعك وتحطيها في سينسة مدهونة بالزيت وتعاودي تخليها ترتاح ولما تطلع وتنتفخ أدهنيها بصفار البيض وأضيفي له قليل من الماء باش ما يتقشرلكش وكذلك قطرات من الفانيليا السائلة أو كراميل أو قهوة ثقيلة باش تروح ريحة البيض القوية وتديريه في فرن ولازم يكون ناقص وتكون الصينية بعيدة على النار طلعي الشباك تاع الفرن الفوق وكي يطيب من التحت عاودي طيبيه من الفوق حتى يتحمر تنحيه وتخليه يبرد مليح وما تحطيش فوق بعضه وهو سخون راه يتعجن وممكن تصنعي كمية كبيرة وتحطيها في المجمد يقعد كيما هو لكن إذا حبيتي تنزعيه من المجمد لازم يذوب طبيعيا ما تحطيهش في الفرن راح ييبسلك نتمنى نكون أفدتك واي إستفسار راني في الخدمة
وهذي صورته

 

[@نور البيضية@]

السلام عليكم
شكرا لكي اختي اسية بلبزاااااف

وراني رايحة نجبره في اقرب وقت ممكن ونردلك لخبر
ربي يحفضك اختي
تقبلي تحياتي ​

 

[حكيك]

تفضلي الرابط
https://www.4algeria.com/vb/showthread.php?p=2511686#post2511686
بالتوفيق

 

[@نور البيضية@]

ربي يحفضك اختي حكيك ​

 

[أشرقت]