دارو فوضى وانا في النص ...

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
أيا عندها يومين خرجت كي العادة على صباح ربي ندير دورة
أيا جيت فايت على الدايرة، لقيت الغاشي ملموم ولابوليس والبيام بيجي وليبومبي والحالة حالة
ايا علابالي بلي وزعو السكانات لبارح ماعليهش قلت نفوت ونشوف تراه
لاخاطر حتى بابا مسكين ماعطاوهش رغم انو يستاهل
ايا كي وصلت لقيت 3 نسا قاعدين فلرض ووحدة مقعدة في حجرها ولدها قتلاتو الشمس مسكين
راح ضحية ههههه
أيا بدات تندب وحدة فيهم ويعطيوها في الما
ويعجبك الرجال دايرين بيهم وغير يتفرجو
اف واش نكره ألي يصفقو ويتفرجو برك ومايديرو والو ...
ايا دخلت في نصهم وبقيت نتفرج الله غالب جزايري هههه
ايا حتى بدا يكثر الغاشي وقالك نقفلو الطريق
ايا بدا الغاشي يتلم في الطريق وخرين راهم يدزو في الباب وخرين واقفين
ايا جاو لابوليس قالك اوقفو هذا طريق عمومي
خرين ذكورة وقفو والله ياخاوتي بقاو غير النسا قاعدين
نطقت وحدة قاتلي شوف هذوك الطحانين ، هذو رجال هذو ؟؟؟ هههههه على الي ناضو وماوقفوش
نطقت انا وواحد قلنالهم اقعدو وقعدنا في لرض ايا تقفلت الطريق
وبداو الدعاوي نطق شايب قالهم يعطيهم تزلزيلة _o: انا بدا يجيني الضحك ههههههه
ونطقت وحدة قالت لالا تزلزيلة يروح فيها غير الزوالي لالا يعطيهم ... وخسارة نسيت واش قالت ههههه
المهم دعوة تقتل بالضحك هههههههه
ونطقت وحدة يعطيهم غمة _o: هههههههه
وانا قاعد نضحك وزعما مانبينش هههه
ايا زادو جاو وقالونا اوقفو بقينا قاعدين
خرين قالولو نشوفو المير وخرين قالو يجينا الوالي وخرين قالو لاليست تتنحا المهم ماراهمش مفهمين رواحهم وانا غير ساكت
ايا نطقت عجوزة قالتنا حاشاكم وحاشا قدركم او انوضولهم طع طع طع، عطاتها بواحد الكلمات ياخي ضحكتلها في وجها ههههههههه
ايا وقف واحد بدا يعيط والدموع في عينيهم "جيش شعب معاك يا الإرهاب" _o: ياخي خطفناه قعدناهن قتلو اسكت يا بن عمي لاعود يعطيوك بسنة ضوئية حبس ههههههه
ايا زمان بدا لعياط ومرا في نصهم تعيط مانعرف واش ماتفاهموش
حتى وقفنا وقدمت ليها قلتلها ختي ماعليهش تجي ليهه مع النسا
علابالك في وسط الرجال وياخي كاين خرين يشتيو لبلايص هو ويستغلو الفرصة
ايا قاتلي لالا راني هنا وراني وليت راجل _o:
هههه جبت اللورا وخليتها
وهيا ربي بارك باين تاع قباحة سمرا وطويلة وصحيحة ههههههههه
زمان مانعرف شكون نطقت قالتلهم زعما المير حاج، نطقلها شاليب قالها الحجاج تاع الصح تاع ال45، هذاك الحج تاع الصح
الحجاج تاع ذرك ولاو تراباندو يجيبو الذهب ويبيعوه ...
المهم ياخاوتي واحد الشعب غلبان صح صح ههههههه
ووحدة مانعرف واش تقول على لقرايا _o:، المهم حكاية كبيرة
زمان صونالي التيليفون لقيتو صاحبي قالي وين راك قتلو راني قدام الدايرة
قالي راني جاي
كي جا لقاني واقف ايا تحركنا ورحنا ....​

الملاحظة:

في لاليست خرج واحد تونسي _o:
وواحد زايد في 89

أولا:
كنت راح ندير الموضوع في وقتو ولكن كانو محاوزيني ...
ثانيا:
ظهرو النسا خير من الذكورة
ثالثا:
الشعب تاعنا مسكين الله غالب عليه مايعرفش الحقوق تاعو ...
رابعا:
راني نسيت حوايج بزاااااااف​

 

[بنـ MaPa ـت]

ايا نطقت عجوزة قالتنا حاشاكم وحاشا قدركم او انوضولهم طع طع طع، عطاتها بواحد الكلمات ياخي ضحكتلها في وجها ههههههههه

ههههههه انا فهمتها الله يعطيكم بالرصاص كي قلت طع طع ههه
حنا الدعوة راهي هانية يخافو ربي من الدعاوي والgيرات لي هكدا
ونشالله ماتترونش الحالة....وايدا ترونت راني نعيطلك جي تتفرج وتضحك معايا وخلاص ههه
مرسي على الموضوع نحيتلي على قلبي بيه هههه
سلامو
​

 

[Orodent]

والله غير حالة تع الصح
راها خلات في نgاوس كثر
كل يوم يكتبو عليها في الجرائد
ربي يستر
من بكري النسا يجيبو حقهم خير من رجال آخر زمن ههههه
مزية كي جبت خبر
(شكون كان محاوزك )​

 

[هآجر]

السلام عليكم

ياااااااااااااه وش هذا يا مكانش وشاداك لتم قريب قتلوك النسا
يعني ملقتيش وحدة لتم لبتي يدها للزواج ههههههههههه
ربي يهدي الحكومة المظاهرات قدام الدائرة راهي دوبارتوا
ربي يجيب الخير
وحقة عدل في هذه الجملةاوعيب الكلمة الي بالاحمر

نطقت وحدة قاتلي شوف هذوك الطحانين[/font] ،

وعليكم السلام ​

 

[ماكانش]

شكرا لقبول الموضوع ...

 

[ماكانش]

ايا نطقت عجوزة قالتنا حاشاكم وحاشا قدركم او انوضولهم طع طع طع، عطاتها بواحد الكلمات ياخي ضحكتلها في وجها ههههههههه​

ههههههه انا فهمتها الله يعطيكم بالرصاص كي قلت طع طع ههه
حنا الدعوة راهي هانية يخافو ربي من الدعاوي والgيرات لي هكدا
ونشالله ماتترونش الحالة....وايدا ترونت راني نعيطلك جي تتفرج وتضحك معايا وخلاص ههه
مرسي على الموضوع نحيتلي على قلبي بيه هههه
سلامو​

هههههههههه
اهلا سندرين
ربي يحفظك
ياي كون غير جات الرصاص
قالت كلام واعر هههههههه
ياخي تعرفي لعجايز يهدرو برك
بصح فيها الظلم بزاف
حنا في لاليست خرج واحد جنسية تونسية ...​

 

[بنـ MaPa ـت]

هههههههههه
اهلا سندرين
ربي يحفظك
ياي كون غير جات الرصاص
قالت كلام واعر هههههههه
ياخي تعرفي لعجايز يهدرو برك
بصح فيها الظلم بزاف
حنا في لاليست خرج واحد جنسية تونسية ...​

ههههه علابالي العقلية كيفاش راهم عندنا منهم هههه
والتونسي هاداك واش دخل جدو نورمالمون يمدو لولاد بلادهم الزواولة
ياو والله غير كلشي مرنك في الدزاير ربي يهدي
صحيت
​

 

[ماكانش]

والله غير حالة تع الصح

راها خلات في نgاوس كثر
كل يوم يكتبو عليها في الجرائد
ربي يستر
من بكري النسا يجيبو حقهم خير من رجال آخر زمن ههههه
مزية كي جبت خبر

(شكون كان محاوزك )​

اهلا سالي
ههههههه
نقاوس والشمرة حرقو البلدية هههههه
والله غير النسا غير من الرجال
شفتها بعيني
يعطيك الصحة سالي
حضروني من المنتدى وهذه نوع من الطرد الغير مباشر ...​

 

[shosho.21]

مرة خلاف متنساش جيبلنا كلشي من طقطق ل السلام عليكم هههههههه
كيما قلتي عادو النساء خير من الرجالة
هده هي حالة الجزائر و خواتاتها
مرسي علييييييييييك

 

[Imane7713]

السلـــآم عليكم ، ،
يــَآآخي حالهـ . . .!!!
زمن الح ـgــره و التَخريبــْ
حتى حنــَآآ راهي الدنيا مقلوبهـ عندنَــآ في الشرق
ليJوون كسرو و خربو كلش . .
حرقوـآ الدائرة و البلديهـ ..قفلوـآ الطرق
ربي يُسْترنــآَ . .
شُكرـآ ع الموضوع

 

[═♥.ЈŪšť_ màn.♥═]

te3ayi 5o
:sad:​

 

[بلادي نبغيك]

هههههههههههههههههههههههههههههههههههههههههههه يا حوجي كتلتني بالضحك هههههههههههههههههههههههههههههه حسيتك راك في فيلم والله هذا وين عرفت علاه مولاوش يدو سكاني راك قلتها ظهرو النسا خير من الذكورة كفيت وفيت يعطيك الصحة

 

[Orodent]

اهلا سالي​

ههههههه
نقاوس والشمرة حرقو البلدية هههههه
والله غير النسا غير من الرجال
شفتها بعيني
يعطيك الصحة سالي​

حضروني من المنتدى وهذه نوع من الطرد الغير مباشر ...​

اهلا بيك يعشيك خويا سفيان
هيه دارو حالة وصلت حتى كل عرش دار على خوه
الله يهدي الدولة وعبادها
مالا ما تقباحش بزاف واعقال شوي
هههههه​

 

[الورد الأحمر]

أها نوغمالمو الديار يوزعوهم على الشبيبة
من بعد يروحو لتاع جيل بكري لي قد بابا
وباباكم ، واش هذا لا خدمة لا دار لا دوّار ؟
خليو الشبيبة تزوّج يااااه ...
مالا ولد بلادي ما داش دار وداها تونسي ؟
زغرتو زغرتو يا لبنات بلادي تعرف
تتحكم في لوليدات ...
الله لا يربحهم الـgـومية هذو
جيبولي المير درك
...
مغسي سفيان ... سلامو

ملاحظة: أنا عندي مدة من لي استنتجت أنو الرجال ما بقاوش رجال
ولي ما عجبوش الحال يخبط راسو للحيط ...................
​

 

[ماكانش]

السلام عليكم ​

ياااااااااااااه وش هذا يا مكانش وشاداك لتم قريب قتلوك النسا
يعني ملقتيش وحدة لتم لبتي يدها للزواج ههههههههههه
ربي يهدي الحكومة المظاهرات قدام الدائرة راهي دوبارتوا
ربي يجيب الخير
وحقة عدل في هذه الجملةاوعيب الكلمة الي بالاحمر ​

وعليكم السلام

أهلا بيك راجية
الكلمة هذيك نقولوها حنا عادي ههههههه
شفت وحدة لثم بصح تبان كثر مني بزافق ههههههه
ربي ينحيهم مايهديهمش يا راجية ...​

ههههه علابالي العقلية كيفاش راهم عندنا منهم هههه

والتونسي هاداك واش دخل جدو نورمالمون يمدو لولاد بلادهم الزواولة
ياو والله غير كلشي مرنك في الدزاير ربي يهدي
صحيت​

والله حيرة يا سندرين
رانا غير نسمعو
كاشما توقع عندكم غير اعرضيني نجي ههههههه
يعطيك الخير

مرة خلاف متنساش جيبلنا كلشي من طقطق ل السلام عليكم هههههههه
كيما قلتي عادو النساء خير من الرجالة
هده هي حالة الجزائر و خواتاتها
مرسي علييييييييييك

ههههههههه
نشاء الله ماننساش برك
والله شفتها بعيني
النسا خير من الرجال
عيب ...

السلـــآم عليكم ، ،
يــَآآخي حالهـ . . .!!!
زمن الح ـgــره و التَخريبــْ
حتى حنــَآآ راهي الدنيا مقلوبهـ عندنَــآ في الشرق
ليjوون كسرو و خربو كلش . .
حرقوـآ الدائرة و البلديهـ ..قفلوـآ الطرق
ربي يُسْترنــآَ . .
شُكرـآ ع الموضوع

أهلا ذكرى ...
المشكل ماينفع والو
تكسري تخربي يجيبولك البوليسي الزوالي كيفك يحاربك
والمير والجماعة ماراهوش سامع بيك
كولو بعضاكم
يعطيك الصحة ...

​

 

[صانعة الافراح]

هاهاهاهاهاهااااااااااي

والله مواضيعك وحدهم خويا
اممممم انا عجبتني هاذيك السمره و الطويله و الصحيحه
لوكان غير ديت عنوانها و تيليفونها نخطبوهالك ههه تجي عليك
نقصر برك(نتمسخر)
المهم اليوم اللي اعطاو فيه السكاني
ما كناش نروح في هاديك الطريق خلااص
حتى لوكان تقول لطاكسي يديك من هاديك الجيهه يرفض
حتى هداو الامور ولاو يروحولها نورمال
مي حرام عليهم الحقره عيني عينك ما يحشمو ما والو


على العموم انت درت حاجه مليحه كي ساندتهم
ور شكرا على الموضوع
​

 

[Ice Queen]

في المواقف كيما هدو صح تلقا النسا خير من الرجال
​

 

[خفيف الروح]

راني فت من تم ولو كان عرفت بلي راك

في اللمة راني جبتلك قهوة وايلا تاي

واعيطنا مع بعض .... هيا جماعة اللمة اظهروا

كاس ما نلقاو وحده من هذا البنات في هذيك الزحمه .. لارقاز

عمبالي بلي ماكانوش

هيا المرة الجاي تدي سكنه ومعاها المرا

سلامات خويا ماكانوس

راك ما ذكرت والو على القانون متاع المرور اللي حرقتو حتى ان حرموك من اللمة

ايامات خفيفات اشكون اللي ديرونجاك راني في الحقوق ونسلكها ونرفع بيه قضية

ونعرف بزاف المحامين والمحاميات .

 

[ماكانش]

لي عودة للرد عليكم
راني بديت ننعس ههههه

 

[نسيم الربيع]

راحتلييييييييييييييييييييييييي وتالي راني جيت نتمهبل شويه ونتفرج فالتمهبيل
والله الغاشي يشفو
قبيل كنت نقرا على واحد الشايب حاوزو ولدو وهو واقيلا من الستينات تبالي وهو يحط فالدوسي تاع السكنه
الله غالب هذي هي بلاد .............
مارسي عليك​