وعلاش سموها "بايرة"؟.....

[ابتسامة أمل]

كيما انا ........... :re_gards:​

موضوعك يا الاخت واقعي ....​

انا ما نستعرفش بالمجتمع ... و معنديش هاذ الكلمة في المصطلح تاعي .......
هذا اللي مفروض يكون
و اللي مكتبلهاش ربي تتزوج .... راهي عبد هيا ثاني ... ماشي شرط تترمى عند رجلين اي واحد ...​

صح ...... و الله راهم يرمو بناتهم لأي راجل المهم يتهناو منها .... ما علاباليش كي شغل الطفلة اللي ما تتزوجش عبأ و لا عيب ؟
و دي فوا مام الطفلة تقبل باللي جا المهم تتزوج و تتهنا ..... و ما علابالهاش بلي بلاك تكون غلطة حياتها .....
واش نقولو ربي يهدي...​

من عقلية البايرة و زواج بنات في 17 .... اللي ولاة شحال من وحدة حاكمة قدرها وسابعها و ما تخالطش .. ولات تدير في حوايج بزاف ........ باش ما يفوتهاش التران ...زعما ​

تطيش un regard malice من هنا ... و تضحك ضحكة تاتيري من لهيه ... و راكي تعرفي العقلية .... و زيديها la suite في التكنولوجيا و العولمة .. skype و facebook و tel و مشتقاتهما ......... ​

هاذي كاينة مي هاذو من جماعة اللي يآمنو باللي الراجل لازم هي تجيبو عندها و الا ستناتو هو يجي ما تحكم والو.... ما نعرف الا ما علابالهاش بلي كل شي راه مكتوب عند ربي سبحانو ....بلا ك تعيا تخرج و دير عفايس :cra_zy: كاشما تلقط ...والو.. ربي ما حبش و ما كتبش ....و اللي راهي قاعدة في دارها و حتى واحد ما يعرفها يجيها مكتوبها حتى ليديها.....

alors dés le debut تروح لصاحب الأمر الي هو ربي و تدعيه بلا ما اطيح بروحها .....
اللي يكون فراجيل ... راه المجتمع كي القرش .. ياكلو حي . ... il va le dévorer tout cru ...​

أحسن شي الانسان ما يسمع كلام العباد اللي نيvوهم طايح ...​

الخيرة فيما اختاره الله لنا المهم الأخذ بالأسباب_الدعاء ’ الالتزام ......._ و ترك الأمر لصاحب الأمر ليقضي فيه..


يعطيك الصحة أخي الكريم على ردكم القيم و اثرائكم للمناقشة
احتراماتي :re_gards: ...​

يا خويا المشكل ماراهش ثم المشكل ضوك كي تلحق 25 سنة يقوللها راكي روطار لاخاطر راهم يتزوجو في 18-19
المهم ماكان لابايرة لا والو ربي كتبلها هكذاك ويجي نهار وين تتزوج
ياك الزواج قسمة ونصيب
واذا ما تزوجتش يخلفهالها ربي فالاخرة
وعلاه هي غرضها

هدرة زينة ....عندك الحق ختيتو ....
خير ربي اذا ما لحقناش ف الدنيا نصبرو و نحتسبوه عندو سبحانو باش نلقاوه في الآخرة....
يعطيك الصحة ختيتو على المرور الزوين
تحياتي....

.
هههههه اول مرة نسمع بيها هذي ههههه لأن البور نظن هو في الاساس جاي من سن اليأس في الانجاب عند المرأة و اللي يكون قبل الرجل بكثير و هو تشبيه بالأرض البور اللي ما تنبتش زرع ....
كل المشكل راه في المعنى لوكان جا مسقم وعلاش نزعفو؟ .... و كلمة بايرة راهي قديمة و كاين بزاف مرادفات مي ألعن....ربي يهدي..
يعني الراجل تقولوله باير كي يعود واش من سن؟؟ لانه كاين اللي تلقايه 60 سنة و قادر على الانجاب هههههه

لمراة اللي ما تتزوجش كي الأرض اللي ما تتزرعش_هذا واش قصدو بيها لأنو الطفلة زمان في عقليتهم مدايرة للزواج برك اذا ما جاهاش مكتوبها = ما تصلحش_ و ما عندهاش علاقة بالانجاب


و الضحكات راهم علقولك عليها _أخي الكريم _ بلا ما نزيد


و شكرا لكم أخي على المرور

 

[ابتسامة أمل]

.....

نسكت خير
...... ​

:sad:

عندك الحق بصح هااد التخمام العيان ما يوصلش لبعيد
نحير فيهم في عمرو 40 سنة يديها 15 سنة و علاش ما يديش وحدة من جيلو هاادا اللي زاد
هي
ربي مازال ما ارزقهاش ماشي بايرة
خليهم يشرو الكوجاك لصحا 15 و 16 سنة

هاذي عقية جديدة و موضوع آخر مي حيروني.....كيفاش رايحين يعيشو مع بعض و بيناتهم أجياااال....هي تكون مازال ما نضجتش و ما شافت والو ف الدنيا و هو العكس....

يعطيك الصحة ختيتو على الرد
دمتي بود...​

يعطيك الصحة اختي راني معاك

الله يسلمك ختيتو
و الشكر لكي على المرور ....
تحياتي...​

c vrai هـــآآذي الظــآهرة كثرتـ بزآآفــ

يعني وحدة فــآتت سن الزوآج يقولو عليهـــآآ بـآيرة​

وهـآذي من بين أولى الأسبـآب اللي تخلي الفتيـآت
يتقلقو على الزوآج وهومــآآ صغـآر
كآرثة ...
وتخليهم يخرجو للبحث في الخـآرج ...
هاذي طامة ماشي برك كارثة...
لعلهن يحضون برجل قد يكون شريكـآ لحيـآتهن.
تحيري كيفاش يخممو احكمي ف ربي و هو اللي يبعثلك مكتوبك ....
نظن لمــآآ النـآس يلقـآو وحدة كبيرة ومـآهيش متزوجة
و يسقسوهــآآ آسكو تخطبت ولآ لآ
نظن هـآذي مـآ تعتبرش هدرة أو سؤآل موزون
إنمــآآ هدرة عيــآنة تقيس مولآهـآ
صح....اذا مخطوبة = مقيومة و اذا العكس فالعكس...:cra_zy:
لأنه الوحدة بهذآ السؤآل وأشبـآهه تحس وكأنهــآآ زيـآدة فقط أو عـآلة
أو نـآقصة في بعض الأشيـآء حتى ولو لم تكن كذلكـ ​

والمشكل أنه حتى لو كـآنت الوحدة عزبـآء وكبيرة في السن رآضية بمكتوبهــآ
لكن لمــآآ تخرج وتسمع هدرة النــآس تتعقد
النااااااس......يقولو ارضاء الناس غاية لا تدرك ....هوما وعلاه الا هي راهي راضية؟ سبحااان الله....​

الله يهدي مــآآ خلق
هذآ مـآ نقولو ​

مرسي أختي ​

+++ تقييم على الموضوع القيم ...​

ميرسي ليكي ختيتو على الرد و اثراء النقاش
و كل الشكر على التقييم
دمتي بود.....​

الزواج مكتوب ربي

وكاين الي متزوج و ماشي هاني
أرواحي نتي و فهميهم ل هذي لجماعة
و تصيب اوكونترار وحدة كيما راك تقول بايرة و عايشة لابال في و هي هاك عزبة
كاينة صح...
الله يهدينا هادي هي العقلية الي مزااااال ما تحلبها الدخلة الجديدة تاع 2011​

شكرا

واش اتحبي كل شي راه يتبدل غير العقلية العيانة قعدت و ما رضاتش ....
ميرسي ليك أختي الكريمة على الرد
تحياتي....​

و الله يا ختي عندك الحق

كاينة بزااف هاذ النظرة في مجتمعنا للأسف
يشوفوها بلي ناقصة و مسكينة
و الله نعرف وحدة يظالو يخطبو فيها و هي ماحبتش تتزوج
تخدم خدمتها و تروح لدار باباها
و هي لي ماحبتش تتزوج .. تقولهم راني هكا مليحة
مانحتاجش مسؤولية تاع الزواج
و كاينين بزااااف كيما هاذي مي الناس تحكي واش تشوف ...مي تحكي و ما راهيش تشوف
لازم ديراعلان بلي راهم يجوها خطابة و هي اللي ماراهيش حابة .....و بلاك يجبدولها عيب آخر.....المهم يهدرو برك...​

ليسونسيال
ربي يهدي مجتمعنا هذا ماكان​

مارسي بزااف ختي ع الموضوع​

آمين ياااا رب

كل الشكر لكي أختي على مرورك الطيب

تحياتي....
​

 

[nawal 88]

سي كاينة منها هذي في مجتمعنا سورتو كي يشوفو وحدة ماشي متزوجة يبداو يسقسيو فيها كاش خطاب ترد هي ماكاش وكلشي بالمكتوب ترد عليها وحده لاه هذا وراحو رجال ياو لاه راني نصنع فيهم ولا .......
والله كل شي بالمكتوب تلقاها قعدت وصبرت وتدي واحد بنت 20 ماداتوش
ربي ينوب على البنات كامل
+
خونا مكانش​

 

[ابتسامة أمل]

i-o:

الله غــآلبـ هـدآ هــو,,,

آلمجــتمـعـ ديـآلنـآ,,,
يعـرفـو غـير يعســو,,,
لآخـريـنـ وكـيمـآ,,,
قـآلـو آلمجتمـع مزآل تقليـديـ,,,
وبـدآئـيـ ويـآك,,,
ta raison
كـلـ وحـدة والمكتـوب ديـآلهـآ,,,
وكآنـ آنـا منـهآ مـآعلآبآليـ,,,
بحـتـى وآحــد PSK,,,
لوكـآن ديـر عـلى نـآسـ,,,,
تـآع صـحـ فـآرغينـ شغـلـ,,,,
الله غالب.... و صح "ارضاء الناس غاية لا تدرك" مي المصيبة كيما قالت واحدة ف الأهل اللي يشوفو بنتهم بهذيك النظرة ....
وزعمـآ هـديكـ صحـ دعـوة,,,
ليحبـ لخـوه لخيـر يدعـيـ فيـ,,
قلبـو ,,,
صح كي شغل حبو يذلوها كي يدعيولها.... و الله ما فهمت
حـآبـيـنـ يـزوجهـآ بسيـفـ ,,,PFF
شكـــــرآ علـى الموضوعـ,,,
ســــــلآمـــ .:re_gards:​

كل الشكر ليكي ختيتو على مرورك
تحياتي...

السلام عليكم

هاكي أختي انا باغي نقولك سي كو لي ديباسي 24 وماتزوجتش سي بون فاتها التران ولا كلاها جاك بتعبير أحسن ونت راه في عمرك 23 سنة يا غي جري على روحك سي تو يسموك البايرة هههههههه
راني غي نضحك مع أختي
:sad:
أيا أملالا نخرج كاشما نلقط و لا ندير des annoncesf les journaux من ظرك كشما يصحلي...
واقيل أمنتي ؟؟؟
راهم على راسهم ما تخافيش عليا :shay:..
و مقبولة منك ختيتو
على قلبي كي لعسل...


هاكي سي فري غي مجتمعنا الجاهل هادا لي تصراله كاش جاست ولي هي قبل كل شيء مكتوب ربي يبدو يشوفو فيه مسكين وماعلابايش وينسو بلي هاداك هو مكتوب ربي وبالخصوص الزواج
اما على هدرة الناس فيا أختي هاداك شيء مفروغ منه تعرفي هاداك المتل تاع بكري لي يقولك
لي تشوفه راكب فوق حجرة قوله مبروك العود سي تادير الفرس هههههههه بالفصحى
ومعليهش نحكيو غي شوية خير ما نقطعو بزاف
ايا أحتي مرسي على السيجي وربي يرزقك بزوج صالح ان شاء الله

سلام​

آمين يعطيك الصحة ختيتو على مرورك لخفيف الظريف و كلام الناس كاين كاين درت ولا ما درتش alors il vaut mieux نشوفو واش نديرو في حياتنا و نرضاو بالقسمة تاع ربي

شكرا على طرح الموضوع

العفووو ختيتو ​

انا بالنسبة ليا نكره في العباد هادي العقلية يعني هي بلا راجل ماشي انسان معندها لا شعوور ولا احاسيس

و ماكانش اللي يحبهم حتى هوما أصلا ماراهمش رايحين يحبو واحد يهدر فيهم ......علابيها الرسول صلى الله عليه و سلم وصانا نحبو لاخرين واش نحبو لعمرنا هكا كل واحد يحاسب روحو قبل ما يهدر و لا يدير حاجة.....​

وانا وحدة من الناس حتى راني درك صغيرة مامنة بلي لوكان نكون نضفر في الشيب معلاباليش كيفاه يهدرو الاخرين اناوش تخرجني نعيش
مليحة هاذي العقلية ...سيرتو كي نكونو مامنين بلي ماناش غالطين ....
وانا نفضل نبور ونشبع بوار ولا نردم روحي مع عبد ميستاهلنيش زعما المهم راجل ههههه ياو هدي العقلية مع الجيل هدا اللي جاي متكونش

راكي تشوفي و الله عندك الحق و بلاك ما تسوفريش وحدك تكوني مع ولادك .... و عموما كلشي بالمكتوب....
الأهم يكون الرضى بواش قسملنا ربي....
يعطيك الصحة ختيتو
تحياتي​

 

[*Sarah*]

الله غالب المجتمع حابس لازم يديماري شوي بينا ان شاء الله
انا نشوف لمش مزوجة حرة بعد ادا كانت تخدم و ممكن حتى يتقدم لها خطابة و متقبلش مش طايحين على الـgوسطو عادي كاين مجتمعات تدخمها و كانها جريمة و مش شايفين لمزوجين و كانهم في سجن درب سبان تبهديل واش تحبي مجتمع لا يرضى بما قسمه الله له
سلام
+​

 

[ألاء الرحمـــن]

عسى أن تكرهو شيء وهو خير لكم وعسى أن تحبو شيء وهو شر لكم

كيما سبق ورديت في موضوع أخر يشبه لهذا عانس نظيفة ولا زواج التمرميد

حتى العوانس رجعو ميحبوش هذي الكلمة تقولك أنا نفضل كلمة مش متزوجة ولا عانس تجرح

وتقيس ولا مزال ما كتب ربي وجاها نصيب لعلى فيها خير وبشرا والي مكتبو ربي نرضاو بيه

فهو الامر والناهي والمسبب فكل حاجة وربي يغفر للناس الجاهلة والي يحبو يغيرو القدر

حتى توصل بيهم لدرجة الشعوذة وربي يعافينا فهذا شرك بالله وكل يوم رانا نسمعو بقصص تبقا

حال فمك ربي يقدر الخير


​

 

[مابقاش بزاف.Dz]

السلام عليكم
شكرا على الموضوع ختي
و الله مازال كيما قلتي ناس كيما هادو مي نظ رانا كامل نقولوها ماشي عيب

 

[لاجودان شاف]

السلام عليكم
صحيح هاذ الامر كاين لي تتاخر في الزواج يسموها بايرة
وانا عييت نفهم منين جا هاذ اللقب وشكون لي خرجو يخرج ربي قلبو
فتشت شوي قلت يعني زعما جابوه من اللغة العربية من كلمة بار
يعني يقولك بار الشيء معنا زال كيما قال ربي وأحلو قومهم دار البوار يعني الزوال
يعني لي ماتزوجتش سماوها زايلة
يعني ممكن يكون يقصدو بانها شغل كي ما تزوجش راح تزول من الارض لانها ما ولدتش
منعرف ممكن
المهم ربي يقطعهم كيما قطعوها​

 

[═♥.ЈŪšť_ màn.♥═]

..
خــــــــتو ... انا اصلا ما نعرفكشــ كامل هادا المصطلحــ
كاين وااااااحد احسن منــو .. و الي هو العاااانســ
انا نظن بلي حاجــة عاديــة
و هادا مكتووووووووب ربي .. و الناســ الي دزيد في الهدرة
ربي يهديهمــ ... و ربي يعطي لكل واحد واشــ يتمنــى
تحياتي ليكـــ ختي
و انــــــــــــ شاء الله تلقاي وليد لحلال
من كلامكــ باينــة خاااااايفة يعود يجوز عليكــ الترا هههههههههه
تقسر معاااااكــ بركــ
:shay:​

 

[bicha bibi]

بارك الله فيك ........ موضوع قمة
هادا هو المجتمع الجزائري ...... وماش غير في هادي حنونة كاين بزاف عفايس
تخلي الواحد يكره حياتو
mais الوحدة كي تكون عندها شخصية ما تهتمش بالغاشي
و merrrciiiiiiiiiiiii​

 

[سيموني]

قالك ران في 2011 هههههههههههههههه مزالنا مع هادي العقلية

 

[ابتسامة أمل]

الزواج مقدر ومكتوب

وكل واحدة كان ربي مكتبلها باه تتزوج راح تتزوج
مهما طال العمر او قصر
واذا ربي ماهوش مكتبلها باه تتزوج يالوكان واش دير
وقضية الزواج ماكان حتى طفلة (عانس)مصيرها بيديها
ولوكان جاء الزواج بيديها لوكان زوجت
ماتبقاش تستنى في دعوات المجتمع ونظرتهم المستفزة
وشكرا لكي اختي على الموضوع الهايل+تقييم​

كل الشكر ليكي أختي الكريمة على مرورك الطيب و ما عندي ما نزيد على هدرتك الزوينة ....و الخلاصة أنو كل شي بالمكتوب و بيدين ربي ماشي العباد .....مي واش نقولو ربي يهدي ......

وللاسف هاد العقلية كاينة في كل بلاصة ماشي غير عندنا

للأسف ....عندك الحق.... مي وعلاه؟؟؟ الناس ولات فارغة شغل تعس في بعضاها؟؟
شي يحير
كل التحية لك على مرورك الطيب....

السـلآمـ عليكمـ ^^
و عليكم السلام و الرحمة و الاكرام​

يع’ـطيـك الصح’ـه خيتوو
مـوضوع قيمـ & هـآادف ,,
الله يعافيك ختيتو ....يعيشك ...
//
هآد العقلية تلقيهآا فـ كل بلآصة
و هآاد الافكآار " السلبية " مآ غآديش تروح و مآ غآديش تتبدل ,,
مع انو النآس راهي عارفة باللي " كلشي بالمكتوب " ​

التناقض الصارخ في تفكير الناس واش نقولو نتمناو الناس تترفع و تشوف للقدام ما تتلهاش و تعس بعضاها....

و انا شخصيآا نكرهـ هآد الكلمة " بآيرة " ​

//​

الله يهدي مآ خلق ^^

آمين يا ربي و يعطيك الصحة أختي الكريمة على مرورك الطيب ...
دمتي بود

الســــلآم عليـــكم
و عليكم السلااام....

والله هاذي الظاهرة صح كاينة و اون + تجرح
يعني ماش مليح تهدر في الوجه و تجرح ذاك العبد هو ديجا راه فاهمها
و قليل وين نلقاو الناس تراعي مشاعر بعضاها ....
و انا نظن وحدة بايرة ماكان حتى مشكل
خلوها تعيش حياتها علاه حتى توسوسوها و توليلها عقدة
راكي قلتي كلمة عجبتني بزااف هي ماشي عيب مي الناس بالتخمام ديالهم رجعوها عقدة ....
{ الله غالب متخلفين نعرفو غير الحرزة }​

+
مرسي اختي على الموضوع ​

​

كل الشكر لكي أختي صفاء على الرد القيم
كل التقدير
تحياتي...

موضوع شباب مي حبيت نقولك على حسب راي كلمة بايرة جاية من البور وهي الارض القاحلة ماهي نتاع والو و يعني عيب الواحد يقتبس كلمات ويسمي بيها عباد ربي مثل ما قلتي في موضوعك
مام لوكان يبدلو مصطلح آخر لاك يكون اقسى و أمر

ولكن كاينا حاجة شوية c pas ca وهي كيما ذكرتي في الموضوع بلي العقلية كاينة في الدشر و انا نقولك الحقرة بالعين كاينة في الدشرة ولا الريف ولا المدينة. اختي الفاضلة.

أولا يعطيك الصحة أخي الكريم على الملاحظة.....مي هدرتي ماشي تقليل من قيمة أهالي الريف ...مي الواقع يقول أنو ف المدينة الطفلة ما تتزوجش راهي تخدم و لا تقرا مي ف الريف شوية صعيبة لأنو عموما تكون قاعدة ف الدار...و المجتمع يكون صغير donc الغاشي يعرف بعضاه كثر من لمدينة و الزيارات و لعراس .... يعني هاذي الطفلة دايما تتلاقا بالغاشي ....و عندك الحق انو الحقرة بالعين ف لمدينة و لا ف الريف .....مي تكون بنسبة أكبر في الريف للأسباب السابق ذكرها...
ما علاباليش الا عرفت أنلحق الفكرة ؟.....

كل الشكر لكم أخي الفاضل على مروركم و ردكم القيمين
احتراماتي....

​

 

[ابتسامة أمل]

سي كاينة منها هذي في مجتمعنا سورتو كي يشوفو وحدة ماشي متزوجة يبداو يسقسيو فيها كاش خطاب ترد هي ماكاش وكلشي بالمكتوب ترد عليها وحده لاه هذا وراحو رجال ياو لاه راني نصنع فيهم ولا .......
راكي تشوفي يحبو يزيدو عليها و يحسسوها بلي ناقصة....

والله كل شي بالمكتوب تلقاها قعدت وصبرت وتدي واحد بنت 20 ماداتوش
ربي ينوب على البنات كامل
آمين .... و كل واحدة يعطيلها ربي على حسابها و اذا ما عطاهاش تعرف بلي خير ليها ....
+​

خونا مكانش
هاذي ما فهمتهاش ؟؟؟؟

الله غالب المجتمع حابس لازم يديماري شوي بينا ان شاء الله
ان شاء الله ياااا رب هذا واش رانا حابين...

انا نشوف لمش مزوجة حرة بعد ادا كانت تخدم و ممكن حتى يتقدم لها خطابة و متقبلش مش طايحين على الـgوسطو عادي كاين مجتمعات تدخمها و كانها جريمة و مش شايفين لمزوجين و كانهم في سجن درب سبان تبهديل واش تحبي مجتمع لا يرضى بما قسمه الله له
سلام​

+

هاذي كاينة بلاك هي اللي ماراهيش حابة ....مي واش نقولو ربي يهدينا جميعا ...​

عسى أن تكرهو شيء وهو خير لكم وعسى أن تحبو شيء وهو شر لكم

كيما سبق ورديت في موضوع أخر يشبه لهذا عانس نظيفة ولا زواج التمرميد​

حتى العوانس رجعو ميحبوش هذي الكلمة تقولك أنا نفضل كلمة مش متزوجة ولا عانس تجرح
​

وتقيس ولا مزال ما كتب ربي وجاها نصيب لعلى فيها خير وبشرا والي مكتبو ربي نرضاو بيه ​

فهو الامر والناهي والمسبب فكل حاجة وربي يغفر للناس الجاهلة والي يحبو يغيرو القدر ​

حتى توصل بيهم لدرجة الشعوذة وربي يعافينا فهذا شرك بالله وكل يوم رانا نسمعو بقصص تبقا ​

حال فمك ربي يقدر الخير ​

​

آمين يا رب و ما عندي ما نزيد على هدرتك و لا عندي أي تعقيب
يعطيك الصحة على الرد القيم...
كل الشكر لك ختيتو مها..
دمتي بود
​

 

[ابتسامة أمل]

السلام عليكم
و عليكم السلام و الرحمة و الاكرام ..
شكرا على الموضوع ختي
الله يسلمك خونا...
و الله مازال كيما قلتي ناس كيما هادو مي نظ رانا كامل نقولوها ماشي عيب

الا راك تشوف خويا بلي ماشي عيب راك حر ....أنت راك تقول مي شوف اللي راه يسمع كيفاه.... نظن فهمتني خويا الكريم...
و كل الشكر لكم على المرور الطيب​

السلام عليكم
و عليكم السلام و الرحمة و الاكرام

صحيح هاذ الامر كاين لي تتاخر في الزواج يسموها بايرة
وانا عييت نفهم منين جا هاذ اللقب وشكون لي خرجو يخرج ربي قلبو
هههه يا لطيف...
فتشت شوي قلت يعني زعما جابوه من اللغة العربية من كلمة بار
يعني يقولك بار الشيء معنا زال كيما قال ربي وأحلو قومهم دار البوار يعني الزوال
يعني لي ماتزوجتش سماوها زايلة _o:
يعني ممكن يكون يقصدو بانها شغل كي ما تزوجش راح تزول من الارض لانها ما ولدتش
منعرف ممكن​

المهم ربي يقطعهم كيما قطعوها

راك داخل فيها غير دعاوي الشر خونا:scared: ....غير بلعقل ....
يعطيك الصخة خونا على الرد القيم و سواء بار و لا بور بين زوج معناهم عيان...
ربي يهديهم هذا ماكان
دمتم
تحياتي....

..

خــــــــتو ... انا اصلا ما نعرفكشــ كامل هادا المصطلحــ
كاين وااااااحد احسن منــو .. و الي هو العاااانســ
انا نظن بلي حاجــة عاديــة
هي صح حاجة عادية مي الناس هي اللي رجعتها ماشي عادية...
و هادا مكتووووووووب ربي .. و الناســ الي دزيد في الهدرة
ربي يهديهمــ ... و ربي يعطي لكل واحد واشــ يتمنــى
تحياتي ليكـــ ختي
و انــــــــــــ شاء الله تلقاي وليد لحلال
من كلامكــ باينــة خاااااايفة يعود يجوز عليكــ الترا هههههههههه
تقسر معاااااكــ بركــ​

:shay:
هههههههههههههه مقبولة منك خونا ....ايه راني نوجد من ظرك au cas ou
متخافش عليا خونا ....على راسهم....
يعطيك الصحة على الرد الطيب
تحياتي...

​

بارك الله فيك ........ موضوع قمة
الله يبارك فيك....يعيشك حنونة

هادا هو المجتمع الجزائري ...... وماش غير في هادي حنونة كاين بزاف عفايس
تخلي الواحد يكره حياتو
ايه رانا نسييو نمينيميزيو les déga
mais الوحدة كي تكون عندها شخصية ما تهتمش بالغاشي

و merrrciiiiiiiiiiiii
​

العفو حنونة ...هاذي هي ...مي دي فوا قد ما تسيي راهي بنادم و تحس بالخزرات العيانات
واش نقولو ربي يهدي...​

 

[ابتسامة أمل]

قالك ران في 2011 هههههههههههههههه مزالنا مع هادي العقلية

راكي تشوفي الناس راهي تتقدم و احنا رانا حابسين نتفرجو فيهم...
يعطيك الصحة ختيتو على المرور الطيب .....​

 

[أم عبد الله]

صح اختي لدينا نظرة متخلفة جدا من هذا السياق فمثلا انا عندي 25 ويقولولي وعلاه ماقبلتيش بفلان ياك مليح المهم راجل
نحس بلي راني قاعدة على قلبهم مي انا الحمد لله مازال ماجا لي نرضى بيه الزواج رضى ولا لالا
المهم احناا هنا التخلف يحسابو بلي لازم الطفلة تتزوج والا ....................لااعرف ماذا
ربي يهدي برك ..............................ويخطونا

 

[jokonda]

و الله انا وحده منى كى نشوف واحده فايتها قطار الزواج تغيضنى بزاف و تقسم قلبي

 

[kariim]

بدون تعليق
؟
​

 

[نور الانوار]

اي والله ، لاه لازم الوحدة تزوج؟ ههه حابة تكمل حياتها وتبينها وحدها .. شكون يسالها؟

المجتمع تاعنا مايخلي حتى فئة وحتى صنف .. يكريتيكيو لعباد كل في ظهورهم مي كي يكونو فاس آ فاس تلقايهم متحابين حابين الخير لبعضاهم و ماكانش ماخير منهم
​

 

[ابتسامة أمل]

صح اختي لدينا نظرة متخلفة جدا من هذا السياق فمثلا انا عندي 25 ويقولولي وعلاه ماقبلتيش بفلان ياك مليح المهم راجل
نحس بلي راني قاعدة على قلبهم مي انا الحمد لله مازال ماجا لي نرضى بيه الزواج رضى ولا لالا
المهم احناا هنا التخلف يحسابو بلي لازم الطفلة تتزوج والا ....................لااعرف ماذا
ربي يهدي برك ..............................ويخطونا

آمين يا رب العالمين هاذي هي أختي حياة نظرة المجتمع لهذه الفئة تبقى جد قاسية ..... أنثى=زواج هذي هي المعادلة كي شغل نساو بلي الزواج قسمة و نصيب....ربي يهدينا و يهديهم...و كيما قلتي ماشي هات و تزوجي برك باش تسكتي الناس....كي تسوفري واحد ما راح يحس بيك و اذا وحدة كرهت و اطلقت تولي وخذة واح أخرى.....