هل لديكم هذه الظاهرة في الصيف

[زوالية و فحلة]

هههههههههه والله ختي هدي كاينة حتى عدنا في الشرق ودرك وانا نكتب وعرس قدامنا اعرفيها ليلة بيضاء اليوم

 

[تاج الجزائر]

وعليكم السلاام

نتوما ناس الغرب عراسكم كامل تبدى من المغرب للهيك سي بور صا يخلاصو في نص الليل الغاشي يولي يتفرغ ويفرغ ههه......حنا ديفوا ليجان يجو يسكرو قدام وحد لاميزون تع التريسيتي لي يولي يسب ولي يولي يغني على حبيبتو جميلة راني نمووووووووت علييييييك ههه ولي تسمعيه مضارب مع صاحبو التاني.....يظهري نتوما ولا حنا كي تسمعي الجو عندنا تقولي يا انا نرحل ولا نقاوسهم بالبطاطا هههه.....
الله يهديهم هادا واش نقولو

مرسي على الموضوع
​

قتلتيني بالضحك مين قلتيلي يغني على حبيبته

سيرتو مين يكون ضارب فيها زوج قرع ولا 3نتاع شراب ويقلع فيها راي :lol:

شتا نقولك يا ختي الهبال عنا في الغرب وكيما قلتي عنا

حتى مور المغرب يشعلو الديدجي ايا وباتي راقدة هانية :schmoll:

شوفي لو كان يطفوه بكري والله نورمال بصح كي يوصلوها للفجر تقول مشي نقايسهم

بالبطاطا قولي بقجر تشينمو اذا تعرفيه i-o:

صحيتي ختي على حضورك ربي يحفظك :shay:
​

 

[تاج الجزائر]

HHHHHHHHHHHHHHHHHHHHHHHHHHHHHHH
rahi kayna fi kol blsaaaaaaaaaaaaaaa

ايا مزية لي راهي منتشرة انا قلت غير عنا i-o:

صحيتي ختي على حضورك ربي يكرمك :shay:
​

حنا في فخونسا معندناش الـpـوليتيكـ هذا ــــــــــــهههههههههههه​

وين جاية هادي المنطقة اول مرة نسمع بيها _o:

راكم تسما هانيين الله يدومها عليكم :shiny:

مشكور خويا على حضورك ربي يحفظك :shay:

​

كــــــــــــاينه يجي صيف يجي هــــــبالهم
والمشكل دورك راهم بالجمله هههههههأع خايفين
ل يجيهم رمضان
​

ملي بدا رمضان يجي في الصيف ولو يديرو لعراس بالجملة:schmoll:

تلقي في زنقة شحال من عرس وفي كل عرس ديدجي _o:

ايا خبريني في هاد الخويض شكون لي غادي يجيه الرقاد :sad:

قولي يجينا الهبال من تخربيش نتاع الغنا :sadwalk:

مشكورة اختي على تواصلك ربي يحفظك :shay:
​

يا اختى انا فى شومبرتى ما نسمع والو غير ادان ومرى على مرى نسمعه

تهنيت والله خير لك

شتا دير بالهبال

الله يدوم هناك :shiny:

شكرا على حضورك ربي يحفظك :shay:​

هههههههه وي كاينة منها ختي
انا مع نرقد و نبدى نحلم يخلعوني بهاداك البارود تقول الحرب بدات
نولي نحل الطاقة و نولي نتفرج من بعيد برك نخاف على روحي ههههههه
مرسي اختي
​

راه عندك الكوراج يا ختي مخلوعة من الحس ونضتي تتفرجي :scared:

انا هداك وين نحط المخدة على راسي باه يجيني لو كان غير شويا نتاع رقاد :no_no:

شكرا على حضورك ربي يحفظك :shay:
​

 

[تاج الجزائر]

نهار السبت نكمل الرد على خاوتي :shay:

غدوة عندي عرس ولد خالي :music_whistling:

ايا تصبحو بخير
​

 

[hiba14]

قاع شوي شوي بصح تاع الغرب شكلوها السهرة حتى للصباح و عجوز عنها 4 دراري جايبة كابتها تتبرز و غي صغير و عزبة تتبرز و الله تقول غي هوما اللي يعرسو ربي يهدينا
هههههههه قاع هكاك و نبغي عراسنا

 

[*ايمان*]

دار تاع جارنا اللي لاصقة في دارنا يكريها للاعراس واسكتي برك

ديما نصبح هكذا ليل

كامل الديسك جوكي ميحبسش

​

 

[Ranosa]

هههههه هذي نورمال يختي هنا كل يوم هكدا خطراش قرب رمضان عليها لازم يزربو ولاو يحشرو في الاعراس ههه مرسي ختي

 

[تاج الجزائر]

هادي كاينة بارتو
وين تروحي تلقايها

سوغتو تمنشير تع لعراس
..................................................

شا نقولك غير الله يعطينا الصبر وصاي :sadwalk:
شكرا على مرورك ربي يحفطك:shay:
​

هههههههههههه
ديري قطنات في وذنك

لوكان تبني قاع وذنك بالبيطون وما تشلكش معاهم_o:

شكرا على حضورك ربي يكرمك :shay:
​

هاذي p-بارتو .. حنا gـدامنا صالة تاع عراس...
تقريب يومي كلون تاع نسا يعديو
لبسين الذهب و يطحكو و يديرو ي النش
لو كان يطيحو في ولاد لحرام يخليوهم

تسما نتوما راكم كثر منا i-o:
لالا لالالالاغير خلينا هاكا ولا يديرو حدانا صالة :scared:
وما هداك النش كيما قلتي غير خليها على جهة:schmoll:
شكرا على تواجد
ربي يكرمك:shay:
​

ههههههههههه ســر يكون الحس هلكم حنا الحمد الله على فجر مكان ني حس ني والو gـاع راقدين اون + حومتنا فيها كالم ربي يكون في عونكم حنونة
​

الله هنيكم دايما تسمى نجي نسكن حداكم ما فيها والوi-o:
ربي يحفطك :shay:
​

وعليكم السلام
ايه راهم يديروها ديما
عقلية الجيريان
تقول رايحة تكومبي تدي معاها vاليزا
شكرا على الموضوع
تحياتي​

هادا لي يكومبي ومشي كيفهم ولو كان طلي على واش فيها تلقي عباية نتاع عام جدي وجداتي :lol:
مشكرة اختي على تواصلك ربي يحفظك:shay:
​

كاين وكاين وبزاف

راني عجلانة وينتا يكمل الصيف باه الواحد يهنى في راسه :sad:
مشكورة اختي على تواجدك ربي يحفظك:shay:
​

 

[تاج الجزائر]

هههههههههه والله ختي هدي كاينة حتى عدنا في الشرق ودرك وانا نكتب وعرس قدامنا اعرفيها ليلة بيضاء اليوم

مين يقلع فيها الديدجي ما تعرفيها لا بيضة ولا كحلة كل شي يتخلطلك :schmoll:
ايا عرسي بصحتك بصح غير في داركم :shiny:

مشكورة على تواصلك ربي يكرمك:shay:
​

قاع شوي شوي بصح تاع الغرب شكلوها السهرة حتى للصباح و عجوز عنها 4 دراري جايبة كابتها تتبرز و غي صغير و عزبة تتبرز و الله تقول غي هوما اللي يعرسو ربي يهدينا
هههههههه قاع هكاك و نبغي عراسنا

ضرك ماراه فيها لا كبير ولا صغير تلقي المكياج مطلس في كل جهة ويتعجبولك في الكسوة _o:
بصح كيما قلتي عراسنا شابين i-o:
شكرا ختي على ردك ربي يحفظك :shay:
​

دار تاع جارنا اللي لاصقة في دارنا يكريها للاعراس واسكتي برك

ديما نصبح هكذا ليل

كامل الديسك جوكي ميحبسش

​

وياااااااااااه _o:
انا تساعفيني كي يجي صيف روحو كرو في البحر وصاي حتى يكملو لعراسi-o:
شكرا على تواجدك ربي يبارك فيك :shay:
​

هههههه هذي نورمال يختي هنا كل يوم هكدا خطراش قرب رمضان عليها لازم يزربو ولاو يحشرو في الاعراس ههه مرسي ختي

هادو قاع ما ينفعش معاهم رمضان يجيبوها حتى مين تبقى يومين وما يفرطوش _o:
ونزيدك جاحة لعراس لي مور رمضان ضعف لي قبله الله يجيب الخير:sad:
شكرا على تواصلك ربي يبارك فيك :shay:
​

 

[الخيزران]

قدامنا صال دو فات كل يوم عرس
زمان كانوا الاعراس بالويك أند برك ظرك كل يوم اعراس وبارود ويجيبلي ربي راهم يستعملو التي ان تي
كارثة ,الناس اشتكاو والامام في خطب الجمعة شحال من مرة يقول نقصو شويا البارود. والو
المهم ربي يكمل ويصلح الاحوال وخلاص

 

[دنيا البسمة]

صباح الخير عليكم تولموند
يا اختي احنا رانا في رحمة ربي
العرس فالنهار وقليييييييييييييييل اللي يدير فالليل
ماكان لا vاليزات لا والو التمنشير هاداك لااااااااااااااازم
والعراس نتاع الليل غير للعريس برك هاديك هي نزهاو معاه هوما برا زاهيين وانا داخل الدار نعاون فيهم

 

[تاج الجزائر]

قدامنا صال دو فات كل يوم عرس
زمان كانوا الاعراس بالويك أند برك ظرك كل يوم اعراس وبارود ويجيبلي ربي راهم يستعملو التي ان تي
كارثة ,الناس اشتكاو والامام في خطب الجمعة شحال من مرة يقول نقصو شويا البارود. والو
المهم ربي يكمل ويصلح الاحوال وخلاص

هدا حنا غير عراس في ديارهم وما سلكناش وين تحالة يديروا قاع صالة حدانا يجيني الهبال رسمي_o:


هاداك البارود غير خليه على جنب مين يخلو عليها تلصقي في البلافو من الخلعة:scared:

ماراهم يخافو ربي ما يتصنتو لخطبة الجمعة:sad:

الله يهدي ما خلق :sadwalk:

ربي يبارك فيك على تواجد :shay:
​

 

[تاج الجزائر]

صباح الخير عليكم تولموند
يا اختي احنا رانا في رحمة ربي
العرس فالنهار وقليييييييييييييييل اللي يدير فالليل
ماكان لا vاليزات لا والو التمنشير هاداك لااااااااااااااازم
والعراس نتاع الليل غير للعريس برك هاديك هي نزهاو معاه هوما برا زاهيين وانا داخل الدار نعاون فيهم

صباح الورد :ax_flw:

الله يدومها عليكم رحمة عطونا شويا منها:sad: حنا رانا في الشردة من لعراس صاي راهي

تحكمني الدوخة من الديدجي وراسي تقول الماص راه يضرب فيه:du_nno:

شكرا على تواصلك ختي ربي يحفظك :shay:
​

 

[D@rk Angel]

هههه وش انقلك الغرب أغرب بلاصة في الدزاير في كل شيىء .. ربي امعاكم

 

[rima barcaouia]

walah yakhti rir 3ndak sah kima ygoulo nass zman mol l3ars yt3aras wlahmaa yatharass merciti okhti lkarima rabi yahafdak

 

[_AissA]

حنا عدنا مايزوجوش ماكاش المشكل هذا.......ههههه ربي يكون معاكم

 

[ملكة جمال اللمة]

هادي راهي كاينة بارتو

 

[nina bonoise]

في لاشومبر تيعي منسمع والوا ههههههه
حتى الكارطي كالم

 

[رقيقة المشاعر]

هههههههههههه
بالاك عندكم برك مشي فالغرب كامل هك
انا من الغرب...~
ماتصراش عندنا هاذي تاع النسآ يخرجو الصباح و نص الليالي يجرو في فاليزهم
يعني ممكن يمشو الفجر في سياراتهم
صوت السيارات واه نسمعوه بصح نسآ ولا هدرة لالا ​

 

[تاج الجزائر]

هههه وش انقلك الغرب أغرب بلاصة في الدزاير في كل شيىء .. ربي امعاكم

مين داك اغرب بلاصة جاية في الغرب :shiny:

بصح قاع هاكا ونموت عليها

مشكور اخي على تواصلك ربي يحفظك :shay:
​

walah yakhti rir 3ndak sah kima ygoulo nass zman mol l3ars yt3aras wlahmaa yatharass merciti okhti lkarima rabi yahafdak

عجبني المثل بزاف مكانش كي كلام ناس بكري:lol:

مشكورة على تواجدك ختي ربي يكرمك :shay:

​

حنا عدنا مايزوجوش ماكاش المشكل هذا.......ههههه ربي يكون معاكم

ارواحي عنا وتشوفي كثر من هاكا :scared:

ناس الغرب مرضا بزاف وكملهالهم الديدجي والراي :sad:

شكرا ختي على مرورك الطيب ربي يحفظك:shay:

​

هادي راهي كاينة بارتو

الله يسترنا غير من الهبال صاي راني نشوف الضباب من الحس نتاع الديدجي:crying_1:

مشكورة ختي على تواصلك ربي يحفظك :shay:
​

في لاشومبر تيعي منسمع والوا ههههههه
حتى الكارطي كالم

الله يدوم هناك وراحة البال شوفولنا كاش سكنة حداكم نجو تما :music_whistling:
شكرا على تواجدك ربي يكرمك :shay:
​

هههههههههههه
بالاك عندكم برك مشي فالغرب كامل هك
انا من الغرب...~
ماتصراش عندنا هاذي تاع النسآ يخرجو الصباح و نص الليالي يجرو في فاليزهم
يعني ممكن يمشو الفجر في سياراتهم
صوت السيارات واه نسمعوه بصح نسآ ولا هدرة لالا ​

كاين لي يشورو في لواطاهم وكاين لي يدوها كراع حتى لديارهم وجراري قالبين ارض في زنقات _o:
وديك الهدرة نتاعهم راني قلتها مختسرة خلي البير بغطاه خير :music_whistling:

مشكورة ختي على حضورك ربي يحفظك :shay:
​