حواء والخيرات هههه

[إيمان قلب]

فحللللل

و الله و نلقا واحد اللي يصرفلي علا كلش ماذابيا نقعد فالدار
علاه نعذب روحي أنا ؟؟
ماذابيا نستراح في داري


يعطيك الصحة :re_gards:​

ياااااااو باش تبدلي رايك قاع يقولوها هاك في الأول ههههههههههه حملة للتحريض
نزعق معاكم برك ...

 

[**نجلاء**]

شفتي أختي إيمان ؟؟
اليوم تفاهمو على راسنا و السي بلال راه يتحلف


صح عندك الحق إيمان كامل يقولو هكذا فاللول

الحل نخيرو غير ليريش و خلاص i-o:​

 

[إيمان قلب]

شفتي أختي إيمان ؟؟
اليوم تفاهمو على راسنا و السي بلال راه يتحلف


صح عندك الحق إيمان كامل يقولو هكذا فاللول

الحل نخيرو غير ليريش و خلاص i-o:​

كيمهاااك بلاكي تبدلي رايك الخدمة ثم الخدمة ثم الخدمة
ههههه

 

[latendresse]

حواء تحب تصرف لما يكون الدراهم مش ديالها , يعني باباها و الا زوجها الي تعب و جابهم اعطاهملها في يديها ,,,,

بصح مع دخول المراة لعالم الشغل , ولات تشد الشهرية تاعها الي جابتها بعرقها و تعبها , حواء ولات اقتصادية مائة بالمائة ,,,,

و ما تنساش حاجة اخرى , حواء لما تحب تشري بيت و الا سيارة و الا ثلاجة ,,, الخ الراجل ما يلقاش خير منها باش تحكم المالية تاع الدار , تصرف و تخبي ,,,

و في اخر الشهر , يلقاها جمعت المال الي محتاجين ليه بطريقة دكية جدا

اصلا لازم كل البلدان تحط امراة على الميزانية تاع الدولة

ما كانش مسير كيما حواء :showoff:

 

[املي]

عندك ألف حق خويا

احنا البنات نحبو المصروف على هاذي نحبو نخدمو
باش نصرفو مدراهمنا و منطلبوكومش
و كي يعودو دراهمنا (اللي صورناهم بعرقنا)
رايحين نسايسوهم شوية ماشي كيما يعودو تاع الله( اللي تمدوهملنا)
لذا أحسن حل خليو المرا تخدم و صاي​

سلام و الله ميضوع قمة​

عندك الحق ختي
كي يكونو دراهمنا و لي جبناهم بعرقنا نرحمو عليهم شويا
مي الا كانوا من عند آدم اشري برك مي ماتوريلوش واش شريتي
و كيما قالت ختي ايمان القلب غير الخدمة لي نخدمو

مشكور ع الموضوع اخي بلال
و تحياتي للجميع​

 

[**نجلاء**]

حواء تحب تصرف لما يكون الدراهم مش ديالها , يعني باباها و الا زوجها الي تعب و جابهم اعطاهملها في يديها ,,,,

بصح مع دخول المراة لعالم الشغل , ولات تشد الشهرية تاعها الي جابتها بعرقها و تعبها , حواء ولات اقتصادية مائة بالمائة ,,,,

و ما تنساش حاجة اخرى , حواء لما تحب تشري بيت و الا سيارة و الا ثلاجة ,,, الخ الراجل ما يلقاش خير منها باش تحكم المالية تاع الدار , تصرف و تخبي ,,,

و في اخر الشهر , يلقاها جمعت المال الي محتاجين ليه بطريقة دكية جدا

اصلا لازم كل البلدان تحط امراة على الميزانية تاع الدولة

ما كانش مسير كيما حواء :showoff:

و الله أختي عندك الحق
قنعتيني صح

مالا vive الخدمة:shiny:


إيمان شعارنا الخدمة ثم الخدمة ثم الخدمة
بسلامتك الله الله عليك تخممي

 

[إيمان قلب]

كيمهاااك بنات يعطيكم الصحة مستعدة نخوض الحملة بشرط توقفو ورايا ماشي كي نتلفت ورايا مانلقى حتى واحد
تما نبدل الشعار ونقو الدار الدار الدار هههههه

 

[**نجلاء**]

عندك الحق ختي
كي يكونو دراهمنا و لي جبناهم بعرقنا نرحمو عليهم شويا
مي الا كانوا من عند آدم اشري برك مي ماتوريلوش واش شريتي
و كيما قالت ختي ايمان القلب غير الخدمة لي نخدمو

مشكور ع الموضوع اخي بلال
و تحياتي للجميع​

صح أختي نرحمو عليهم شوية هههههه

بصح مادام راهم يقولو مايخليوناش نخدمو + المصروف بالقطرة (كيما قال الأخ بلال):scared:

نوليو نقبلو غير بالمرفهين (ليريش) و صاي
​

 

[**نجلاء**]

أختي إيمان الحملة راهي بدات تحت الإشراف تاعك
و راني فرحانة اللي كاين أعضاء جدد فيها

معناها راني واقفة موراك عندكي نتي تبدلي الشعار
(هاي عيني)
​

 

[hannsg]

هههههه واش ايمان تحرضي في البنات هههههه المرأة الفروض تخدم غير اذا كانت محتاجة

 

[إيمان قلب]

هههههه واش ايمان تحرضي في البنات هههههه المرأة الفروض تخدم غير اذا كانت محتاجة

ههههههه ... معاك في هذه وانا راني على هاذ الشئ يعني في حالة ما الزوج ماقدرش تعاونو المرأة في الخدمة
على فكرة بنات باش ماتلومونيش ...
أنا مع الخدمة تاع المرأة قبل الإنجاب .. أما كي يكون عندها ولادها أولى بيها
ملاحظة: مابدلتش رأيي ههههه

 

[hannsg]

ياااااااو باش تبدلي رايك قاع يقولوها هاك في الأول ههههههههههه حملة للتحريض
نزعق معاكم برك ...

هههههههه لا أنا مني صح ماش في الاول برك
و حتى لو كانت تخدم ياو أنا لي نصرف عليها

 

[**نجلاء**]

و الله ماهي أفار تاع حوج أخي
hannsg

مي المرا تحب تدير طونوبيل
تحب دورة تبدل قش الدار
علاه هاد الراجل بونكة ؟؟؟

مالا كي تخدم تدير واش حبت بيهم و ماتضلش هات هات
هههههه
صح ؟؟؟

​

 

[hannsg]

ياو كون ما تجيش مرتي تطلب مني مصروف ما تفراش ههههههه

 

[**نجلاء**]

ههههههه ... معاك في هذه وانا راني على هاذ الشئ يعني في حالة ما الزوج ماقدرش تعاونو المرأة في الخدمة
على فكرة بنات باش ماتلومونيش ...
أنا مع الخدمة تاع المرأة قبل الإنجاب .. أما كي يكون عندها ولادها أولى بيها
ملاحظة: مابدلتش رأيي ههههه

أكييييد إيمان مام أنا قصدت قبل الإنجاب
كي يولو عندها ولاد الأولوية لولادها

رانا كيف كيف :shiny:
​

 

[نرجس هبةالرحمان]

الله غالب هكذا دارييين

وانا منجمش نخلي 1دينار عندي

 

[إيمان قلب]

يعطيك الصحة خويا hannsg يعني حتى ماشكيتش المرأة اذا لقات راجلها قايمها وكل شئ رايحة تطلب الخدمة بالصح يتحمل عواقبها لخاطر راهي تظل هات هات وهو اللي هدر عليها خونا بلال
نجلاء مدام رانى كيف كيف فالراي خلي يجي بلال اللي ماعلباليش واش راه باغي​

 

[hannsg]

يعطيك الصحة خويا hannsg يعني حتى ماشكيتش المرأة اذا لقات راجلها قايمها وكل شئ رايحة تطلب الخدمة بالصح يتحمل عواقبها لخاطر راهي تظل هات هات وهو اللي هدر عليها خونا بلال
نجلاء مدام رانى كيف كيف فالراي خلي يجي بلال اللي ماعلباليش واش راه باغي​

انا في الحقيقة ما نحبش نوقف عائق قدام طموحات مرتي مثلا تقرا او تخدم لكن بشروط طبعا
اولها طبعا لو حبت تخدم فالخدمة يلزم تكون محترمة طبعا في مكان محترم و نشوفه بنفسي ههههه و نعرف اوقات خدمتها و نكون على اطلاع بيومياتها هههههه يعني ما تخبي عليا والو نحب تحكيلي و نسمعلها ههههههه
ثانيا شرط انه ما يأثرش هذا على واجبها خاصة كأم و ثاني كزوجة و اذا ما قدرتش توفق بين هذا و ذاك مالا عايلتها أولى من كل شيء
و أخيرا تخدم ولا ما تخدمش دورو تاعي تذوقه بسيف ماشي نخليها تخدم باش تصرف عليا!! لكن باش برك ما تقولش بلي وقفت في وجه طموحها يعني نحب ندعمها مي كلشي بظوابط طبعا
كاين نوع من الناس يحب العطاء و انا هكذا ههههه نستمتع كي نحس روحي نتعب على عائلتي هههههه و اذا ما تعبتش على جالهم علاش نتعب مالا

 

[**نجلاء**]

وي راني نستنا

 

[املي]

صح أختي نرحمو عليهم شوية هههههه​

بصح مادام راهم يقولو مايخليوناش نخدمو + المصروف بالقطرة (كيما قال الأخ بلال):scared:​

نوليو نقبلو غير بالمرفهين (ليريش) و صاي ​

ههههههههههه..........صح غير لمرفهين لي يوالمو لطلباتنا
مي مرفه و الخدمة كاين كاين لازم تخرجي م الدار
و لا تقراي و جيبي الديبلوم اتاعك و تقابلي لحيوط
و كي يجي بلال يفهمنا شحال المصروف بالقطرة ههههههههه​