الخمار والكيتمان والهدرة بلا حسااب ياليجان الخمار والكيتمان والهدرة بلا حسااب ياليجان منتديات نقاو

[Adel Sereir]

​

الخمار والكيتمان والهدرة بلا حسااب ياليجان

السلام عليكم ورحمة الله تعالى وبركاته
ان شاء الله الجميع بخير
موضوعي اليوم كامل رانا نطيحو فيه وتقريبا الجميع
ومانحبش تاع كلمة جامي نديرها انا الا من رحم الله
المهم العام الي فات وحد الموقف غريب جدا بنت كانت
حبا تقطع الطريق وكانت دايرة الكيتمان
يعني كيما يقولوا ناس بكري تمشي بلا عقل
والله ياجماعة الخير كاميون من الكبار والله هو يكلاكسوني عليها
وهي لاخبر يعني كانت في عالم الرومانسية

كي كلاكسونيت كي حبست
عقلها في عالم آخر ماشي هكا وهاذي ماشي حالة

وكي حكى معاها قالت ليه ماسمعتكش
وقالت له كلام غريب

ربي كيفاش تسمعيه وأنت ماعلاباليش دايرة موسيقى ولاحاجة أخرى خلاتك ماسمعتيش كلاسون تاع كاميون كبير؟؟؟
مزية ماجاتش سيارة صغيرة وكان راهي في سيدي أمعمر يعني مقبرة!!!!
المهم كان معايا وحد الراجل كبير والله قالي جيل اليوم هبل راني نشوف فيهم يهدرو غير وحدهم
قلت له انت اللي مرضت ياو هذاك العلم من تحت الخمار
وليجان توب باك وجماعته وتعرف الجديد تاع الجيل.
-اللي عنده موقف طريف في هذا المجال يخبرنا باه نستفيدو من غرائبنا
وزيد حاجة انا تبانلي كاين اللي عنده ديدجي ماشي موبيل
والله غير كارثة في وذنيك وأنت ماعندك خبر
ماشي عقلية وحاجة تخصك وتخص حياتك
مالا خلونا اميgو وحبة حبة نجيبوها في الفيلي
بالتوفيق للجميع وبالشوية على الشعب

أهداء الى جماعة الخمار والكيتمان وليجان بلاحسااااااب​

http://forum.ngaous.net/showthread.php/42552-الخمار-والكيتمان-والهدرة-بلا-حسااب-ياليجان?

​

​

​

منقوووووووووووووووووووووووووووووووووووول

 

[nina bonoise]

نظن قريتوا الموضوع هذا قبل

 

[Jagwar]

موضوع مكرر بصح مليح بالستيل تاعك :shiny:
يا خويا و الله غير حالة صح
أنا واحد من الناس من الجماعة هادو لى تحكى عليهم :shiny:
بصح ماشى نسمع لغنا و لا تو Pــاك كيما قلت انت :laugh:
أنا رانى نعلق السيروم فى الليل برك سى بور سا نحط الكيت

بصح جماعة الخيمار هاذوك حالة خاصة
هاو قالك يسايرو فى التطور :lol:
يعطيك الصحة خويا لارتيستو :re_gards:

​

 

[DARINE05]

ربي يهدي ما خلققققققققققققققق

 

[مرام التيبازية]

صح هدا الموضوع قريناه من قبل ولكن فكرتنا بيه صحيت ربي يفكر في الشهادة باذن الله
انا اول مرة درتها البارح كنت نسمع مي نقصتله باه نسمع واحد يهدر معايا ولا وزيد نديرها كي نكون في البيس ولا التوموبيل باه منكرهش
صحيت ربي يجازيك خيرا

 

[AWDIESL]

mawdo3 ta3 BARCA232

lkitméne mlih ki tkon wahdak tasma3 ok

mi bara ydir lmachakil

déja fiha قلة أدب

merci 3la lmawdo3

 

[الخيزران]

جامي نديرها انا انا من من رحم الله

 

[sabrina17]

رانا نشوفوها بلبزاااف وناس الكل تقريبا
شكرااااااااااا

 

[rihem22]

شكرااااااااااااااااااااا لك عادل

 

[NeيRسNe]

اهلا خويا عادل
بصح الموضوع راه تاع موح
هههههههههههههههههههههههه

مووووووووووووووح BARCA232
​

الموضوع تاعك راه متنقل من متدى لمنتدى هههه
راه ولا مشهوووووووووووووور

مشكور اخي على الموضوع على العموم
​

 

[rima barcaouia]

machkour akhi lkarim wlah ghir had dahira rzat lmojtama3 hata walina nchoufo bnat dayrin lkitman mn taht lkhimar nahasbohom yahadro wahadhom hna hirna w les vieux ???!!!!!! lmohim khoya adilo ya3tik saha

 

[Adel Sereir]

اسعدني مروركم اخواتي مشكوريييييين

 

[kojak]

موضوع معاود مي بستيلك اشيخ
ياودي التكنولوجيا واتحلاب:shiny:
صحيت:re_gards:
​

 

[Adel Sereir]

merci 3lik khayou

 

[بيكهام]

شكرا لك والله موضوعك في القمة
وحبيت برك نقول لجماعة لقالو مكرر
سيد قالهم صراتلى اليوم ماشي دارلها نسخ ولصق
اقراو موضوع مليح
ههههههههههههههه
تحياتي ليك لعزيز​

 

[Adel Sereir]

ياخي نتا واه لعاب اه تحلبتلك مي مشكور على الرد

 

[NeيRسNe]

شكرااا على العموم
​

 

[Adel Sereir]

مممممممممممممم


ياو قلتلكم منقوووووووووووول شوفوها في نهاية الموضوع

 

[loula1]

والله صح هاد الظاهرة انتشرة بزاف
نحكيلك: وحد الخطرا كنا فلاكلاس نقراو رياضيات و كان الدرس ممل جدااااااااااااااا علابالك لبنات قاع لي دايرين زعما خيمار حاطين كيتمان بصح الشي لي حيرني هو انو الدراري الجايحين جامي داروها فلاكلاس تاعنا؟؟؟؟؟؟؟
merciiiiiiiii pr le sujet

 

[zidane+10]

ربي يبقي الستر
​