عاجلـ البحث عن سكرتير(ة) و ممثلـ(ة) لشركة خاصة

[chemssou007]

بسم الله الرحمن الرحيم
وش راكم يا جماعة اللمة؟؟ هذيـ مدة ما دخلتشـ، ان شاء الله راكم بخير
بصح اشفاو عليها واحد ما صقصا عليا :cra_zy:
المهم


حابـ نهدر على واحد الموضوع ديجا كي نتفكرو يوجعني قلبي

انا بعد انتهاء دراستي و قبل ذلك بدافع البحث عن عمل و الوقوف على الجديد في هذاك الميدان
نقرا المواضيع تاع التوظيف
صافي وش نلقا
البحث عن سكرتيرة
Commerciale
Sauf Femmes
Hommes Non accepté

انا ما فهمت والو
و كي بديت نفهم
لقيت ان اصحاب المؤسسات يحبو يجيبو الفتيات الجميلات و يا له من جمال
يعني تكون من جماعة الميني و الجين و الماكياج و الابتسام المغرية و الحركات المدوية

ولو كان جاو يفهمو او يقراو معليش
لا علاقة بالخدمة
جي تتبسم للمدير و المسؤول يخدمها ديراكت


الحمد لله انا اعمل الأن و احوالي الحمد لله ربي يتم
لكن هذا ما شاهدته خاصة في سطيف ما ان تضع رجلك داخل مؤسسة الا و تجد البنات العاملات يضربن المثل في التبرج و المجون الا من رحم ربك بالطبع

لكنـ كون جيت انا مول شركة ندير هكذا علابالك علاه
ايماجيني عندي شركة نبيع فيها منتجات و نحط فيها راجل
يجي هذاك الزبون يشريـ يلاقيه هذاك الخدام اهلا وش تسحق خويا ؟؟؟
صافي يهرب و ما يوليش
اما دير طفلة ثم
اهلا ميسيو وشراك لاباسـ، كشما تحتاج؟؟؟؟
هي هي هي (زعما راهي تضحك)
يولي في بلاصة يشري حاجا يشريـ زوج
وهذي الظاهرة راهي متفشية بزاف في الجزائر


لذا نقولـ هذا هو التطور في الجزائر و نعم التطور



​

 

[نجاة40]

والله عندك الحق
هاذي هي الادارة خويا بارتو ماشي غيرفي سطيف
عليها تلقا الرجال مايحبوش نساهم يخدمو فالادارة
اني نخدم فيها ونشوف لعجب
الحمد لله يا ربي حاكمة قدري ومانخالطهمش بزاف
مرة جا واحد لابس بونتاكور ماخلاوهش يطلع قالهم كيفاه ربي مدلي رخصة نصلي بيه قدامو ونتوما ماتخليونيش نطلع
قالهم لوكان جات امراة لابسة الميني تخليوها
قالو رئيس القسم وي تطلع بيان سير ونزيدولها لي يطلعها الفوق
شاف شاف فيه
قالو ربي يهديكم
هاذي هي خويا ربي يسترنا دنيا وآخرة​

 

[radiaimene]

RABI YAHDI O YASLAH OMOUR DINA O DONYANA
certains habitudes sont à craindre dans une socité arabo-musulmane

mahkamna hata djiha

 

[هآجر]

السلامعليكم
مرسي شمسووووووووووو
عاش من شافك ادور في اللمة

موضوعك يقصني شخصيا

خاطرني من الفتيات الليست المتبرجات = مستحيل نلقى خدمة في شركة خاصة = نبقى هكة بلا خدمة = ربي يجيب الخير = الله يهدي الجميع

شكراااااااااااا
تقييم

 

[merouane87]

شكرا لك أخي على هذا الموضوع الحساس
لكن لاحظت شيء أنو هناك تناقض في كلامك
-عندما كنت تبحث عن عمل وتلقى انهم يحوسو على بنات فقط جاتك حاجة بيزار
-لو كان جيت انا مول شركة ندير هكذا علابالك علاه..........

 

[إيمان قلب]

السلام عليكم
بكري كان باش المرأة تخدم لازم تكون حسنة السير والسلوك
دوكا لمهم تلبس لميني وشعرها صفر وعينيها زرق حاجة خلاف ماتهمش
قالك باش يجيبو المشترية وقالك الجنس الناعم عندو اللسان حلو "هذا كلام تع مدير لواحد كان يحوس على خدمة"
واللي تغيضك اكثر بلاد تحكمها قوانين إسلامية
واش نقولك والله قلبي معمر منهم حتى خلاص هاذ العباد اللهم ربنا خلي البير بغطاه
والله يسترنا ويهدي ماخلق ويعطيك الصحة على الموضوع + تقييم

 

[ماكانش]

واش يديرو براجل حرش وماينظفش ويشم ...​

 

[ياقوتة الصحراء]

خسارة هدا واش وصلت ليه المراة

وسيلة باش تجلب الزبائن

​

 

[meriem150491]

انا منلومش مول الشركة اللي يحوس على وحدة باش تخدم عندو انا نلوم الطفلة اللي تروح تعرض روحها وتبيع في روحها على جال 10 دورو متدي متجيب

تبالي تحكم دارها وتموت بالشر ولا تخدم عند مرخس حاشاك كي هدوك

مي الله غالب الدراهم عماو الناس ربي يهدينا ويهدي امة محمد +

هداك اللي يحوس على وحدة تخدملو كون ما جاتو حتى وحدة تخدم دك او عاد يحوس على راجل مي الله غالب هو يحط برك الاعلان هوما يعودو يجاراو قول راح يخدمو في النازا

المهم موضوع مليح مشكور اخي شمس الدين بارك الله فيك

سلام
​

 

[aYyÖub aDaM]

هي سياسة ادارية تقوم به معظم المؤسسات التجارية والمحلات والفنادق

تستعمل فيها المرأة (كسلعة ) وادات للترويج عن سلعة اخرى تابعة لتلك المؤسسة

طبعا ليست كل النساء اقصد هنا صحابات الميني والماكياج والشقة والبودي والسروال ووو

اذن من تفضل هذا فيه تظهر لعرض نفسها فهي سلعة معروضة لجذب الزبائن

روح لجيزي نجمة موبيليس ياو حتى الكوردوني عاد يدير المرأة باه يروج خدمة السباط

ربي يستر حالك كي حالي وشني انت راك خدام وانا شمار مزال العقود وما قلناش بسم الله

والرزق على الله ولا اله الا الله محمد رسول الله
​

 

[Orodent]

السلآم عليكم
يعطيك الصحة خويآ شمسو على الظآهرة لي منتآشرة بزآف
مين ذآك الوآحد قلبو يخرج كي يسمع ولآ يشوف أمور كيمآ هكآ
كــــآرثة تع الصح ورآهآ partout مآشي غير عندكم
على جآلت هآد الشي نلقآو بنآت لي دآرين حجآب
شآدين الدآر بلآ خدمة المنآصب قفزو بيهم الأنآنيش لي حكيت عليهم
وهآدوك الوحدة فيهم كل مآ قصرت في الجوبآ تآعهآ بعد مآ كانت ميدي
ولآت ميني وفي وقتنآ ظهر الميكرو جوب
تلقى لخلآص تآعهآ طآلع في السمآ
ولآزم الزين واللسآن لحلو
مدآم الفرجة رح تكون مضمونة وles clients يوليو يتقآطرو
بآسكو الوحدة منهم في حآلة كيمآ هآدي رح تكون عآمل جذب
eh oui هآدو هومآ المعآيير تع التشغيل في المؤسسآت
والله grave الدنيآ بالوجوه والآخرة بالأفعآل
ربي يسقم لبلآد ولعبآد
ويصلح لحآل ولحوآل
°°°
سآمحنآ كي مسقسينآش على غيبتك
i-o:​

 

[missa_1]

اممممممممممممممممممممممممممم
موضوع في في القمة شمسو عندك الصح
المرا راهي تصلح في كل الاحوال
يدير مرا باش تجيبلو ليكليو والله كي تشوف شي حوايج هك راسك يحبس
لا دين لا خلق لا.................. حاشة لله
الله يهدي الجميع
سلام
​

 

[سلفي والحمد لله]

واش يديرو براجل حرش وماينظفش ويشم ...​

ومن فوق بو لحية​

 

[القطة الزهرية]

سلالالام
شمسو 1 طول نسقسي على خويا لعزيز والله :shay:جامي ننساو ناس سطيف كامل
2 ياو ضك نقولك حاجة جديدة نبدهالك بشوي شوف لاحظت انا كما انو متاكدة بلي لاحظت انت وكامل الناس بلي المرا تمثل 90 بالمئة ملي يخرجو بزاف يعني هما لكليو ضك عادو يديرو ليجان الزينين والانانيش يخدمو وطبعا يعلمهم برك ضرافة ولبنات كي يشوفو ليجان بوgوصين راح يهبلو ويوليو طووووول يشريو من انتم وهكا مول هد الشركة ولا حانوت ولا اي بلاصة يربح في لافار كتر ملي يحط طفلة زينة مناه راه عادو لبنات اكل زينات وبوجه واحد يعني وحدة ماتخرج متشردة ....سلالالالامi-o:

 

[اسماء16]

لله غااااااااااااالب دنيا ولات با المقلوب عيش تشوف العجب

​

 

[ماكانش]

سلالالام
شمسو 1 طول نسقسي على خويا لعزيز والله :shay:جامي ننساو ناس سطيف كامل
2 ياو ضك نقولك حاجة جديدة نبدهالك بشوي شوف لاحظت انا كما انو متاكدة بلي لاحظت انت وكامل الناس بلي المرا تمثل 90 بالمئة ملي يخرجو بزاف يعني هما لكليو ضك عادو يديرو ليجان الزينين والانانيش يخدمو وطبعا يعلمهم برك ضرافة ولبنات كي يشوفو ليجان بوgوصين راح يهبلو ويوليو طووووول يشريو من انتم وهكا مول هد الشركة ولا حانوت ولا اي بلاصة يربح في لافار كتر ملي يحط طفلة زينة مناه راه عادو لبنات اكل زينات وبوجه واحد يعني وحدة ماتخرج متشردة ....سلالالالامi-o:

بوقوص ومالقيتش خدمة :shiny:

 

[القطة الزهرية]

بوقوص ومالقيتش خدمة :shiny:

ارواح لشلغوم تلقاها تطااايش i-o:i-o:

 

[adel-mz]

صح كاينة
مي زعمة حاجة مليحة تستغل المراة لي هي اخت وام وزوجة لاغراض ومصالح دنيوية !!!!!!

​

 

[مسلمة وافتخر باسلامى]

...................

 

[ISMA.dz]

السلام عليكم أخي

والله صدقت في كل حرف قلته

انا شخصيا صادفني هذا الموقف الخدمة في الادارة صفر الا من رحم ربي

تلقاه مدير بولحية يقولك لازم تضحكي مع الزبائن و...و... باش نكسبوهم خاصة اللي يتصلو هاتفيا بعبارة

اخرى نغازلهم

امالا يشبعو بخدمتهم يريحو فيها غير هوما خير:schmoll:

الرزق على ربي مش على العبد:showoff:


سلام:sheer:​