هلا أشفقت على أختك يا حواء .. لا للتعدد !!

[عالي الحمدي]

الله يعطيك الخير اخي عالي ...

و منكم نستفيد ....

ربي يحفظلي الوالدة ان شاء الله .... ما تركتني ... لما كل الناس تركتني ..

بالمناسبة اذا حبيت تطرح موضوع حول اسباب نفور الزوج من زوجته .. لدي في جعبتي الكثير i-o: .. رغم اني غير متزوج ......... و اللي ما هام ما عام ما يعرف شحال من ليلة في العام ...

اني نضحك برك .. راني مليح كي دخلت غلطة اليوم ههههههههه ...

نتلاقاو في مواضيع اخرى ان شاء الله

​

وفيك بارك .. وشكرا لك على المرور مرة اخرى ..

وبالنسبة لموضوع اسباب النفور .. اطرح انت الموضوع وانا انعاونك ..

راني هايب منو .. ولربما يصلح في قسم الاسرة والحياة الزوجية .. حيث المتزوجين والمتزوجات.

ان شاء الله يتجدد اللقاء .. بعافية ..

 

[Moha le sage]

وفيك بارك .. وشكرا لك على المرور مرة اخرى ..

وبالنسبة لموضوع اسباب النفور .. اطرح انت الموضوع وانا انعاونك ..

راني هايب منو .. ولربما يصلح في قسم الاسرة والحياة الزوجية .. حيث المتزوجين والمتزوجات.

ان شاء الله يتجدد اللقاء .. بعافية ..

قالو انا ما نقلك .. و نتا ما يخفى عليك .... راني فاهمك اولد اما ...
نص الاعضاء في 16 ... و راك تعرف la suite ...
لالا دير نتا و نا كشما نجغبل فيه .... :re_gards: و ما تهاب ما والو ...يخي راك داخل عليها بلا بارود :showoff: و ما تنساش بلي الهدف من المنتدى نستفادو الجميع منو ...

اني طولت و سامحني على الخروج عن الموضوع
​

 

[عفاف الجزائرية]

السلام عليكم
هاذا وين شاهدت موضوعك اخي
والصراحة كيما حسيتك عندك شحنات اتجاه هذا الموضوع
رديت انا عليه لانه عندي شحانت ضد هذه الفكرة
لماذا؟
انت قلت وتحدثت على العوانس وذو الاحتياجات الخاصة وكبيرات السن
لعلمك انه مثلما كاينة امراة كبيرة في السن كاين ايضا رجل كبير في السن
وكيما كيانة امراة من ذوي الاحتياجات كاين رجل تاني
وكيما كاينة امراة ممكن ما تجيبش اولاد كاين رجل اللي مثلها
يعني هذا الزواج رزق من عند الله تعالى
وكل واحدة ومكتوبها يعني كل واحدة واش كاتبهلها ربي وكتاه يلحقها رزقها وكيفاه يكون
على هذا انا ضد ضد فكرة تعدد الزوجات الا اذا كانت هناك اسباب لازمة لتعدد الزواج كمرض عضال عافانا الله او عقم او شي من هذا القبيل
اما اذا كانت الزوجة كاملة والكمال لله
اسفة انا ضدها حتى وتكون مجرد كلمة
​

 

[عالي الحمدي]

قالو انا ما نقلك .. و نتا ما يخفى عليك .... راني فاهمك اولد اما ...
نص الاعضاء في 16 ... و راك تعرف la suite ...
لالا دير نتا و نا كشما نجغبل فيه .... :re_gards: و ما تهاب ما والو ...يخي راك داخل عليها بلا بارود :showoff: و ما تنساش بلي الهدف من المنتدى نستفادو الجميع منو ...

اني طولت و سامحني على الخروج عن الموضوع
​

اهلا ومرحبا بالاخ محمد مرات ومرات .. :re_gards:

يا خو راك حاب اتحطني في فوهة المدفع .. وين كان حجرة اتجي على راسي .._o:

شوف خوك راه اكبير اشوي في السن .. خلاص ما بقاش عندي التنقاز .. الارض ثم الارض في كلش

موضوع العلاقات الشخصية بين الزوجين موضوع حساس للغاية .. و خوك خواف..وحشام.

خلي البير بغطاه ..

وخلينا غير مع التعدد........والعونسة فيها براكه ..

عجبتني (( داخل اعليها بلا بارود ... راهي اصعيبه بزاف :shiny: ))

بسلامة وعافية ..

 

[عالي الحمدي]

السلام عليكم

وعليكم السلام ورحمة الله ..
..................

هاذا وين شاهدت موضوعك اخي

معليهش ماتدري الخير وين كل عطلة فيها خير ..

..............................................
والصراحة كيما حسيتك عندك شحنات اتجاه هذا الموضوع
رديت انا عليه لانه عندي شحانت ضد هذه الفكرة
لماذا؟

بالعقل راني انخاف من التريستي والرعد والبرق .. الشحنات راهم صعاب

لو كان يزيدو بزاف تطرطق الحالة ..يا لطيف. (وراني انقول كلش بوقتو )
..:scared:
..................

انت قلت وتحدثت على العوانس وذو الاحتياجات الخاصة وكبيرات السن
لعلمك انه مثلما كاينة امراة كبيرة في السن كاين ايضا رجل كبير في السن
وكيما كيانة امراة من ذوي الاحتياجات كاين رجل تاني
وكيما كاينة امراة ممكن ما تجيبش اولاد كاين رجل اللي مثلها
يعني هذا الزواج رزق من عند الله تعالى
وكل واحدة ومكتوبها يعني كل واحدة واش كاتبهلها ربي وكتاه يلحقها رزقها وكيفاه يكون.

عندك الحق المكتوب مفروغ منه ، والرزق على الله .. والاسباب اعلينا .
يعني اليوم عدد النساء اكثر من عدد الرجال وهو امر مؤكد وما زال مازال .. الاحصائيات الاخيرة
اتقول عدد المواليد الاناث اكثر من الذكور ..
اذا كان كل راجل يدي امراة وحده .. الباقي وين يروح ؟؟
يستنى حتى يموتوا المتزوجات .. او يتمنولهم الطلاق ؟؟
فلا موازنة بين التعدد والطلاق فهو ابغض الحلال عند الله ..اما التعدد فانه مشروع ومبغوض
عند النساء فقط :schmoll:......ومحبوب عند الرجال :shay:

ياتي يوم ويصبح التعدد حل اجباري .. وتنمنى الدولة تعطي منحة وسكن للمعددين للقضاء
على العنوسة.. واش رايك ؟؟
....................................

على هذا انا ضد ضد فكرة تعدد الزوجات الا اذا كانت هناك اسباب لازمة لتعدد الزواج كمرض
عضال عافانا الله او عقم او شي من هذا القبيل..

التعدد هنا بلا مزية .. تقبل اذراع اعليها .. مكره اخاك لا بطل ..
التعدد جاء بلا شروط الا العدل والقدرة على النفقة .. وحتى المرا الثانية اذا باغت اتعيش
معاه التمرميد ..وتتعشى بالحليب والخبز ، الله ايسهل ..هم احرار في انفسهم ..


اما اذا كانت الزوجة كاملة والكمال لله ، اسفة انا ضدها حتى وتكون مجرد كلمة.
.......................
راك غيارة بزاف .. وعندك ما شي شحنة .. شحنات مضاعفه ، يالطيف ياحفيظ
اللي خاف وبعد اسلم ..
راني عارف بلي كاين صنفين متقابلين من الجنسين وهما :
مرأة شديدة الغيرة .. ولسان اطويل .. حادة وجادة ومتسلطة .. وبالتالي ترفض التعددجملة وتفصيلا.
ورجل جبل على حب التعدد .. ويكره القيود ولا يريد احد ان يتملكه ..وهمة عاليه ..
هذين الصنفين لا يلتقيان ... والا حصل انفجار _o: .._o:
والخير لهذين ان يلتقي كل منهما بنقيضه وعكسه تماما ..

ربي يصلح الاحوال وييسر الامور .. واللي يقدرو ربي ايكون ..
​

اهلا بالاخت عفاف .. وين رحتي .. الجماعة اتعشاو ورقدو ... راكي اتشوفي في الموضوع

عندو ذيل اطويل بزااااااف ...

معليهش نسمعولك ونتفهموك .. ونحترموك .. ونناقشك بالحسنى .. باالجد والهزل معا

نبداو على بركة الله :

التعليق هناك داخل الرد .

وشكرا لك .. ويعطيك العافية ..​