لعلي اجد حل عندكم؟؟؟

فاطمة الزهراء86

:: عضو منتسِب ::
إنضم
15 أفريل 2010
المشاركات
35
النقاط
3
السلام عليكم ورحمة الله
ضاق صدري وجفت دموعي لما اصاب بيتنا من شتات
ابدا قصتي وكلي اسى وحزن علي اجد من يساعدني وردودكم راح تواسيني
دون اطالة
عندي خويا كبير عليا يبغي واحدة ويموت عليها وراه رايح هادو ليامات يخطبها تهدر معاه كل وقت دايرلها 61 اللي تقول عليها ماشية
وخويا الكبير هو اللي دايرنا الانترنت يخلصها وانا واختي شارينا ميكرو خصوصي غير انا واختي وهو عندو واحد
تحلبت صاحبتو وبغات تهدر معاه فالانترنت ضروك هو خويا هادا اللي عندو صاحبتو يحشم باه يروح قدام خويا الكبير ويهدر قدام صاحتو ماعليه غي كي تلحق 10 تاع الليل يجي يدخل عنا حنا التشيرات يقعد فالميكرو تاعنا يهدر مع صاحبتو حتى يهدر بالسكايب تاع اختي وهي بالسكايب تاعي يعني الاستعمار نورمال ماعليناش اختي هادي متزوجة في فرنسا وراهي ضيفة عنا قالتلو خلي السكايب تاعي اور لين وهدر قاتلو صااحبتو لالا مايحكمش اختي قاتلو هدرت مع راجلي وقتلو راني رايحة نرقد ادا صابني اون لين شا معنتها ازعف وشنف
لهداك اليوم خويا الكبيرشافو عنا واحنا راقدين كانت 2 تاع الصباح وخويا مازال مع هديك .... يهدر معاها
ماعليناش ماقالو والو
الصباح قالنا ماعندوش الحق باه يهدر معاها قدامكم وانا ما نقبلش الدنوب يتسجلو عليا والله تم والله ونزيد نصيبو قاعد في ميكروكم نكسرو ونقطع الانترنت انا واختي بدينا نخمو في حل كيفاه نديرو كيفاه نديرو قالتنا ماما انا نتصرف جابت التلفون عيطتلها قالتها كوني قانعة راه دايرلك 61 وما قلنا والوبصح باه يبات يهدر عند بناتي مكاش اللي راه قابلها لاخوه لا باباه اهدر معاه فالتلفون واخطيك من الانترنت وانت كوني دكية وشوفي كاش سبة على الانترنت
وبلاكي تقوليلو بلي هدرت معاك والله هدرت معاها بوحد الادب غير يا بنتي وغي بالسياسة وفهمتها هي قطعت والسيدة تعيط لخويا شوف امك شا قاتلي وباينة بلي خواتاتك هوما اللي زادولها فالسبك وخوك وباباك ماهمش قابليني ودارت روحها تبكي وتشتكي يجي خويا معمر كيما الساعة يهدر يزقي على ماما يداق في خويا الكبير ومبعد هدرةتجيب هدرة قاتلو ماما والله ماني رايحة نخطبهالك كنا معولين نخطبوها في هده العطلة ماك وليدي مانعرفك راه معادينا قاع فالدار يهدر معاها هي برك يعني فركتت عايلة قاتلو ماما هادا الشيء مازال ماجبتهاش راهي تدير قاع كيما هاكا خويا راه كيما المتشرد يروح الصباح للخدمة مايجي يفطر ماوالو حتى لليل يجي مكاش اللي راه يشوفو يدخل للدار كيما السراق كي هدرت البارح معاه قالي الحمد لله اللي عندي داري وحدي وغي هي اللي نديها قتلو ربي يهنيكم المهم دير في بالك حاجة واحدة الدار تاعنا والله ماتدخلها
بغيت نعيطلها فالتلفون ونهدر معاها والله ماني عارفة حلها وين راه
ادا بغيتو انتوما اللي قريتو مشكلتي تعطوني رايكم
 

مابقاش بزاف.Dz

:: عضو متألق ::
إنضم
6 جويلية 2011
المشاركات
3,242
النقاط
191
محل الإقامة
Algeries
الجنس
أنثى
ساعفي غير بالعقل ختيتو
الموضوع طويل لي عوده ان شاء الله
 

AWDIESL

:: عضو مُشارك ::
إنضم
17 جوان 2010
المشاركات
375
النقاط
7
حاولي تقنعيه و تزيدي تهدري معاه
خاطر هادي البداية و صراو مشاكل امالا ممبعد كيفاش ؟؟
هو دوك راهو ناويها و داير في بالو غير هي لي يديها
على هاديك ماراهش يشوف فيها غالطة
يشوفكم نتو لي غالطين
المهم حاولي تقنعيه .... والهدرة تكون معاه هو
خاطر هيا حتى و تعيطلها واش تحكي معاها ؟
راكي شفتي واش صرا
يماك لي راهي رايحة تولي في مقام امها و ماداراتلهاش قدر
و دارت بينها و بين خوك
فما بالك تعيطي نتي و تحكي معاها
اكيد تزيد تقول لخوك شوف ختك راهي معولة دير بيناتنا

الحل تاعها قاع في خوك
نورمالمون يفطن بلي هاد المرا لي خسرت بيناتكم ما فيهاش خير

ان شاء الله يفيق و يفطن

شكرا

 

ماكانش

:: عضو شرفي ::
إنضم
15 جوان 2010
المشاركات
7,696
النقاط
351
أهلا بيك فاطمة
ديما الراجل يظهر ماهوش راجل في المواقف هذو
وعييت نلقى راجل يتبع والديه ويوقف كونتر مرتو ولا خطيبتو عييييييييييت ...
هذ الطفلة ألي ماخطبتوها ماوالو وبدات توسوس وتخرج في الجنحين باين واعرة
وواعرة ثاني ماتخطبوهاش لخوكم ؟؟؟
 

امل2823

:: عضو مُشارك ::
إنضم
18 أوت 2010
المشاركات
123
النقاط
7
3labalek ya okhet hadi aye mazel ma jatekoumche w rahi wwwwwwwwwwwwwwwwwwwwwwwwwwwwwwwwwwww
kima tijikoum kifeh mela
gouli l khouk ali yadi waheda belama yardaw alih waledihe rahou mayebahche heyatou kamel
am darouha ali kabelou nessa w rajela w am nademou


aw hadi 3aytetalha mamek mal lamlaha welat tgoulo am w am w am
hadi matekhafeche rabi wela wache
rabi yahedina
 

*sara*

:: عضو مُشارك ::
إنضم
30 نوفمبر 2011
المشاركات
231
النقاط
7
العمر
28
الصبر مفتاح الفرج
*
*
انشاء الله خير لكي
 

***سوسن الجزائرية

:: عضو مُتميز ::
إنضم
17 أوت 2010
المشاركات
1,244
النقاط
39
هدي مزالها ماجاتش لداركم وعندها النيف تعمل هد لخدايم , نتوما نقلكم أنصحو خوكم باه يبعد على الحرام لي راه فيه وايدا اصر ومعول صح يجيبها واش نقلكم يعمل دارو وحدو ومتهدروش معاها هادي ماشي آفار بويسك هو رايح يزعف عليكم . أملا غير مايجيبهاش أحسن ليه لأنو مادام يماك مراهيش راضية عليه يجيبها معنتها مافيهاش البركة بالاضافة الى دلك هدي الطفلة ماراهيش دكية لوكان تخمم شوية ماديرهاش.
وربي يفرج عليكم و علينا
السلام.
 

crazykhadija

:: عضو مُتميز ::
إنضم
14 جوان 2011
المشاركات
1,023
النقاط
37
ya 7asrah hhhhh ana 5aya dayir 061 w tani tiliphon ta3 2 milyo . microu bourtabil w tani nat wach rayik hhhhhhhh
haka w takol fi roh7a
w iwidak rah 5tabha w 3kad 3liha hhhhhhhh
w tani bit wahadh wach rayik
ki tsibi 7al
9olili !
mrc
 

مابقاش بزاف.Dz

:: عضو متألق ::
إنضم
6 جويلية 2011
المشاركات
3,242
النقاط
191
محل الإقامة
Algeries
الجنس
أنثى
هدي باينة واعرة من تصرفاتها مي ادا كان صح باغيها يخطبها و يتهنى
المهم انتم ادرى بيه و بحالتو
ربي يهدي
 

★ ميمي dz ★

:: عضو مُشارك ::
إنضم
6 سبتمبر 2011
المشاركات
310
النقاط
7
ايييه ياختي واش تحبي نقولك والله هادي باينة ماراح يجي من موراها غير وجع الرااس والمشاكل
ادا تحبو خوكم صح اهدرو معاه بشوية وسييو كيفاش تنحوها من بالو شوي شوي
صح ربي عطانا قلب باش نحبو بصح في نفس الوقت عطانا عقل باش نخمو
وادا كان يحبها صح ماشي ساهل باش تقلولو و الله ما تدخلها للدار
ولازملو واحد يهدر معاه بالسياسة وهدرة لازم تكون تقنع وتخليه يشووف للبعيد ماشي عند نيفو
وربي يجيب لي فيه الخير
تحياتي
 

أم نعمة

:: عضو مُشارك ::
إنضم
19 ماي 2009
المشاركات
107
النقاط
7
غادي نقولك حاجة و ما تزعفيش ملول غلطتو نورمالمو قاع ما تقيموهاش وزدتي قلتي لماماك تهدر معاها لا غلطتي ماماك خليها بعيدة باش تقعد دايما هايبتها كون هدرتو معاه ملول هي كون قاع مادخلتوهاش في المشاكل تاوعكم كون بلعتو عليه الباب وخليتوه يطبطب حتى يشبع ويروح .و الشيرة لا خوك راه باغيها الله يسهل عليه تاكله ولا ياكلها ما ديروش بيناتهم حرام بالاك هو راه شايف فيها حوايج ملاح بالاك هادي لي راهي تبان واعرة هي المليحة ةو في الاخير ربي يهدينا و يهدي امة محمد عليه الصلاة و السلام
 

═♥.ЈŪšť_ màn.♥═

:: عضو بارز ::
إنضم
3 ماي 2009
المشاركات
5,377
النقاط
317
العمر
27
..
عااااااااااايلـــــــة هايلــة
و مشااااااكل معقـــدة .. اممم
و الله غير حالــة تبااانلي تروحــو تخطبوهاا و خلاص
:shiny:
 
Top