أرواح فهمنا واش راك تهدر في منتدى واش راك تهدر ....الملح

لاجودان شاف

:: عضو بارز ::
أحباب اللمة
إنضم
6 جويلية 2011
المشاركات
2,434
نقاط التفاعل
648
النقاط
91
السلام عليكم ورحمة الله وبركاته
أهلا بجميع ناس اللمة الناس الملاح وان شاء الله راكم ملاح
وراهي مازالت لشتا ولرياح مالا وربي
اليوم حبيت نحكيلكم على وحد الحكاية هك طقتلي في راسي
وحاب نستفسر عليها ونشوف كشما كاين وراها أسرار وأساطير وحكايات:santa_1:
انا ساعة ساعة نقعد نثتب مع اللهجة الجزائرية تاعنا لي نهدرو بيها
نلاحظ بزاف كلمات وتعابير غريبة ونحير كيف دخلت لهجتنا وواصبحنا نهدرو ونعبرو بيها
- المهم لفتني تعبير حرت فيه كيف الناس تهدر وتعبر بيه عن الحب والعشرة والصداقة-
الناس تعبر على الحب بالكلمات لمليحة الباهية والمشاعر ولي كادو لي الباهيين ولي جاست المؤثرين
وحنا نعبرو - بالملح - :scared:....نعم الملح وما أدراك ما الملح
والله البارح برك جاني واحد صاحبي قاعدين ندرورو ونفريو في امورنا
وقعدنا نقصرو حتى قالي - اييه نبيل خويا بينانا ملح وعشرة:scared: -
العشرة فهمناها :re_gards:اوقات مليحة وكذا و - الملح -علاه
ياخاوتي ناس بزاف تحكي بالملح ..علاه ...وشي هو الملح هذا
الناس تحلف بالملح ...الكيلو يديرو الف فرنك :eek:i-o:
ناس تقابضو ووصلت بيناتهم لكبيرة ..قالو والله لو مش الملح لي بيناتنا راني قتلتك ...يا وخذي:scared:
الوالدة تاعي تظال تسب في فلانة ...قلتها ياماما علاه ..قاتلي خانت الملح ..كيفاه خانت الملح ما عرضتنيش للعرس:sadwalk:

وعلاه الملح بالضبط ..علاه مش السكر ..علاه مش فلفل لكحل ولا الكمون
علاه مش الزيت ...علاه وعلاه

ولوجيكمون نهدرو بالسكر خير من الملح لأن السكر حلو وينعش الانسان ويطلعلو المورال والناس تتهدي غير السكر
زعما فال خير ولما تدخل دار يذوقوك السكر
يعني علاه جات غير في جد الملح هذا؟؟؟

وممكن راكم تعرفو تاريخيا كيف بلي الدولة العثمانية في البحر
كانت تفرض الضرائب على جميع السلع باستثناء سلعة واحدة وهي الملح
وعلاااااااااااااه ... عيييت نفهمها؟؟؟
واصبح كل ما يفوتو البحار على الجمارك العثمانية ويحبو
يتخلصو منهم يعيطو غير ..ملح ملح - بالتركية-
عليها طفرت فيه واصبحت كلمة ملح - بالتركية - سبة وكلمة غير لائقة
الى يومنا هذا
وبلا ما نحكيو على كي زعما يضربوك بعين يديولك شوي ملح في المقلة يترتق
والعروسة كي تجي تخرج يلوحو عليها شوي ملح كي لوملات
وكي تشري طاكسي جديدة لوح عليها شوي ملح

ياخوتي وش حكاية الملح هذا ...مع انو الملح راهو مالح:eek:_o:
وهاو الميكرو ليكم لي يعرف وش هي ميزة الملح
وعلاه الناس تهدر بيه هكذا يقوللنا
فهمووووونا وشي هو السر في الملح
رومارك :
- خايف لا يجي وقت نعودو نعبدو الملح ونروح نحجو في سبخة سيدي عبد الرحمن
اهداء:
حبيت نهدي هاذ الموضوع لكل الاحباب
بصح جاتني حشومة - كيما يقولو ناس العاصمة -نهديلهم
موضوع مالح ...المرة الجاية ونهدليكم موضوع حلو هههههه
:re_gards:شكرا لــــــــــــــ:re_gards:ـــــ:re_gards::re_gards:ــــــــــــــــــــــــكم:re_gards:
 
سلام
واش راك يالشاف
هههه عندك حق لهجتنا فيها كلمات غريبة ،بصح نورمال بحكم انو الملح هدا يستعمل في الطعام كله ولا يستغنى عليه واحنا الضيف كي توكلو ماكلتك ودخلو دارك يتسمى يحس هداك الشخص بالامان والاطمئنان وهادي هي علاه نستعملوها .
بارك الله فيك

 
رومارك :


أهلا بيك يا لاجودان
هههههههه
عجبتني رومارك هذي شبهتها للملاحظة هههههه
---
علابالك وعلاه الملح ؟؟؟
لاخاطر الملح حاجة لازمة في كل الماكلات
لعدس مايجيش فيه السكر ولفريت والعسل والدهان بصح لازملو الملح :shiny:
وقيس عليه الماكلات كامل
وزيد هذي هدرة قديمة موروثة
الملح راك عارفة من بكري وهوما يتعاملو بيه لاخاطر حاجة لازمة ...
 
هههههه .. حيرني العنوان
انا قلت كشما صرا في قسم واش راك تهدر هههههه
عليها راك داير هاذ العنوان
ليسونسيال خلينا من العنوان .. نرجعو للموضوع
وي الملح كناية ع الماكلة و العشرة
باسكو الملح حاضر في كل ماكلة
و كيما نقولو ما ذقناش ملح يديها معناها ما كليناش ماكلتها
و لا ماذقناش ملح دارو يعني جامي عرضنا ههههه
و ثاني نقولو فلان كلا ملح فلانة
معناها دا طبايعها من معاشرتها ههههههه
و خلي و خلي .....
ايه و على فكرة .. حنا الشاوية نحلبو الملح و نقولولو الربح ههههه
....
مارسي خويا على موضوعك
و منا و جاي قول الربح خير من الملح هههه
شكرا مرة اخرى و بارك الله فيك
احترامي أخي
تقبل مروري
سلام
+ تقييم
:re_gards:
 
اولا اخي السلام
ثانيا والله عندك الحق في كلامك كامل وانا كنت نشوف جداتي زعما كي نكون مريضة ولا كاش حاجة تجيبلي الملح وتسبع زعما عليا ههههههههه
وتقولي الملح ملييح واي حاجة تجيبلي الملح
وصح كيما قال الاخ سفيان الملح عندو فايدة تقدر تاكبل حاجة مافيهاش سكر مي متقدرش تاكل ماكلة مافيهاش ملح
وانا عندي الملح اساس المايدة
وتبقى هاذو الحاجات كامل موروثين من عند جدادنا
تقبل مروري المتواضع

محبة الورد
 
هههه معرف كاشما تلقى اجابة هنا ابعتلي خبر خخخ
او نرجع نضرب دورة ... وزيد نديرلنا موضوع على نضرب دورة
نحبو العنف احنا خخخ ... سلامو
 
وعليكم السلآم

ههههه الملح نسبة الى الملاحة تعرف ناس بكري حرف هنا وحرف لهيك ماعرفوش ينسقوها ههه
((حق العاهد)) النساء يحلفو بيها بزاااف + لهجة الاشارات لي العقون ومايفهمهاش
تقول صح يقول هاه ويخبط بيدو على كتفو
وياما كلايم يقيسوهم ومايعرفوش معانيهم

الشعب الجزائري ولا قييييس
ماكانش لي كيفنا حااااااااالة ههه

مرسي عمو نبيل

تحياتي
 
السلام عليكم
صح والله حاجة تحير
لكن رغم انو الملح ماهوش مليح لما تاكلو وحدو...لكنا ما نستغنوش عليه
يمكن بهاد المعنى ..كما قال اخي سفيان
اما حاجة اخرى ..راك حرت وحيرتني معاك هههه
ولا لما تطول حاجة تملاح زعما؟
ولا واقيلا زعما العشرة بلا الملح تولي سامطة ههه
والله راني نتفلسف وحدي
المهم نقولوها كيما قالوها جدودنا وخلاص
شكرا على الموضوع =)
ربي يهنيك
 
ارتيست شريكي بموضوعك
سمحلي مغاديش نكتب بزاف
كيفهموك فهمني يآك تفاهمنا ــ
+ تقييم مالح


 
على الموضوع هذا الله لا تربح العديان
تستاهل تولي مشرف تاع الصح
بصح على روحك
انت كذذذذذذاآآآآآآآآآآآآآآآآآآآآآآآآآآآآآآآآبه بصح كني امل تولي مشرف











قيو
 
الملح كناية عن العشرة و كي يقولك فلان اكل ملح فلان يعني تقاسم معه الطعام نتاعوا و بكري كان الفقر يعني واحد كي يتقاسم معاك طعام نتاعوا يعني راك جزء منوا يخي زيد يقولوا الملح يشكل ويعكل كي تخون واحد كليت معه الطعام و الرزق وجرب كول مسوس سمانة وردلي لخبر
 
سلام
الملح قصتو انو ضروري لجميع الاطعمة وماكانش ماكلة تستغنى على الملح وبما انو ضروري دارو بيه الشبه على يسمى العشرة والماكلة الي كلاها معاه هذا واش في بالي
ونقولك الي خاطيك يعييك ونتمنى نكون فدتك
 
ساهلة، الملح يطلع لاطونسيو والشعب الجزائري دائما قالق ومنرفي وطالعتلو لاطونسيو .. تحليل علمي :showoff:
(ربي يقطع الملح مع لي pــوطو)
 
آخر تعديل:
سلام

واش راك يالشاف
هههه عندك حق لهجتنا فيها كلمات غريبة ،بصح نورمال بحكم انو الملح هدا يستعمل في الطعام كله ولا يستغنى عليه واحنا الضيف كي توكلو ماكلتك ودخلو دارك يتسمى يحس هداك الشخص بالامان والاطمئنان وهادي هي علاه نستعملوها .
بارك الله فيك
وعليكم السلام ورحمة الله وبركاته
أهلا بيك خويا عادل
شفت يا خويا شفت
تسما مشكل غير البنة كيعاد الملح يدير البنة نعودو نهدرو وبيه
يعني كيفاه ندخل لدارك نشرب قازوز نقولك بيناتنا ملح
وينو الملح في القازوز
خويا انا رح لي نعود نشتيه نقولو بيناتنا سكر تاع الحجرة
شكرا عادل
:re_gards:​
 
أهلا بيك يا لاجودان
هههههههه
عجبتني رومارك هذي شبهتها للملاحظة هههههه
---
علابالك وعلاه الملح ؟؟؟
لاخاطر الملح حاجة لازمة في كل الماكلات
لعدس مايجيش فيه السكر ولفريت والعسل والدهان بصح لازملو الملح :shiny:
وقيس عليه الماكلات كامل
وزيد هذي هدرة قديمة موروثة
الملح راك عارفة من بكري وهوما يتعاملو بيه لاخاطر حاجة لازمة ...
أهلا سفيان
جيت راح نكتب ملاحظة تفكرت بلي راهي تاعك بطلت ...قلت رزق الناس:eek:i-o:
+
تسما كيعاد الملح يدير البنة خلاص نعودو نحلفو بيه
تسما غدوة يجيني واحد يقولي احشم بيناتنا جومبو وعشرة:sheer:
المهم شكرا لك
 
يبارك في سلامتك
مي هذا في القسم مش في الموضوع
هههههههه

هههههههههههههه علابالك حكمتني الغمة قلت هذا لاجودان راهو شخصية العدد هذا في الموضوع
 
وعليكم السلام
شكرا اخي بلبل على الموضوع الطيب
بالفعل هناك مصطلحات نستعملها في لهجتنا تكون جد غريبة
نسيت على الركن بلي تاع دارجة الور نبدل اللهجة
بون هدرتنا بزاف كوكتال
وهادي تاع الملح معرف شكون شيعها في الشعب تاعنا دارت شهرة كبيرة ههه
معناها واش ؟
ههه الله اعلم
تقبل مروري
 
هههههه .. حيرني العنوان

انا قلت كشما صرا في قسم واش راك تهدر هههههه
عليها راك داير هاذ العنوان
ليسونسيال خلينا من العنوان .. نرجعو للموضوع
وي الملح كناية ع الماكلة و العشرة
باسكو الملح حاضر في كل ماكلة
و كيما نقولو ما ذقناش ملح يديها معناها ما كليناش ماكلتها
و لا ماذقناش ملح دارو يعني جامي عرضنا ههههه
و ثاني نقولو فلان كلا ملح فلانة
معناها دا طبايعها من معاشرتها ههههههه
و خلي و خلي .....
ايه و على فكرة .. حنا الشاوية نحلبو الملح و نقولولو الربح ههههه
....
مارسي خويا على موضوعك
و منا و جاي قول الربح خير من الملح هههه
شكرا مرة اخرى و بارك الله فيك
احترامي أخي
تقبل مروري
سلام
+ تقييم

:re_gards:
بارك الله فيك ختي
صحيحة يهدرو بالملح بزاااف
بصح هاو الما ثاني حاضر في كل ماكلة وفي كل وجبة
علاه ما يهدروش بيه
والماء نعمة كثر من الملح
علاه منقولوش بيني وبينك الماء ......يوكوس :scared:
+
وكيما قلتي ماحبستش هنا
راهم بزاف يعتقدو بلي الملح فيع الربح
تسما من وراه حاجة سر
المهم ربي يربحنا اجمعين
شكرا لك
:re_gards:
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top