سفنج من مطبخي

[كوثر الوهرانية]

السلا عليكم
اليم درت سفنج كانت حطت الوصفة نتاعه الاخت تسنيم55و جربته عدة مرات و يجيني هايل قلت نفكركم بيه
المقادير
500 غرام فرينة
3 ملاعق صغار خميرة الخبز
3 ملاعق كبار زيت
ملح
حليب دافي باش نلم العجينة
بيضة
طريقة التحضير
نضع الفرينة في صحن كبير نضيف الخميرة و الملح و الزيت نبسسها مليح بيدينا و نلمها بالحليب دافي نعجنها مليح مثل الخبز ثم نضيف البيضة و هنا خبطيها بيدك و تكون العجينة مرخوفة على الكسرة شوية غطيها و خليها تخمر
و من بعد لوزيها و هنا شمخي يديك بالزيت و ادهني السينية بالزيت مليح و حطي فيها هدوك اللوزات حطيها و خليه تخمر مرة اخرى غير شويا مدة ربع ساعة
حطي زوج مقلات فوق الغاز وحدة شمخيها برك بالزيت الثانية عوميها بالزيت
ناخد اللوزة تاع العجين و نتقبها في الوسط و نحطها في المقلة الي فيها غير شويا زيت و مين تحكم روحها نحطها في المقلة الثانية و نقلبها حتى تحما ر

ان شاء اله تجربوها راهي ساهلة و ناجحة جدا
في انتضار ردودكم المشجعة
:shiny::shiny::shiny::shiny::shiny:

 

[nawal1980]

حتى نجي الهنا باش انشوف معليش جاك هايل يا كوكو ما قدرتش نصبر وما نقرعجش وما حبيتش ما نخليلكش رد صغير
ميرسي عليك حنونة خرجلك روووووووووووعة

 

[كوثر الوهرانية]

يااااااااه شكون زارتني اليوم مرحبا بيك يا الغالية نوال
والله مروركي اسعدني كثيرا ربي يحفضك اختي

 

[روعة2005]

ممممممممم والله هايل فريدة بصحتك قوليلي يجي معلك?
بصح تعيشي فهميني في تاع 2 مقلات علاش مش من لول نلوحهم في مقلة معومة زينت ارجو التوضيح حبيبتي

 

[كوثر الوهرانية]

الله يسلمك فوفة زوج مقلات باش فالاولى تحم روحها و تبدى تطلع تلوحيها فالمقلة المعومة بالزيت
هنا لوكان تعوميها من الاول السفنج مينتفخش مليح و يجي معجن و ميجيكش خفيف جربيه هدي الطريقة و ردي عليا لخبر
حتى السفانجي كي يجي باش يقلي يميل المقلة و يحط السفنج من الفوق وين كاين غير شويا زيت و كي يبدا يطلع يلوحه من تحت وين كاين الزيت بزاف

 

[ibtesem]

يعطيك الصحة كوكو على السفنج
زعما حلفت على العجين راكي فكرتيني فيه

 

[M!ss D!or]

هاااااااااايل يا حبيبتي
ربي يباارك في هادوك اليدين
خموووس عليك
الف شكر على الوصفة و شكرا لتنسيم
​

 

[imane27]

اممممممممممم فريدة راكى شهتينى فيه جاك هايل يعطيك الصحة

 

[tasnim55]

اممممممممم مشاء الله بصحتك حبيبتي ام كوثر جاك روووووووعة سخفتيني فيه والف شكر على الثيقة غاليتي
​

 

[حكيك]

يعطيك الصحة عزيزتي جاك هايل دمتي متالقة
بصحتكم

 

[OMSAMI]

Ya3tik saha ya chatra

 

[الشاوية الحرة]

يعـــــــــــطيك الصحـــــــــة أختــــــــي ......سلآلآلآمي
​

 

[حاملـة المسك]

هاااااااااايل كوتر تبارك الله عليك
الخفاف قليل لينجح معاه...

ربي يحفظك و الشكر موصول لتسنيم​

 

[كوثر الوهرانية]

الف شكر لكم على المرور الطب بارك الله فيكم

 

[وفاء5]

يعطيك الصحة اختي جاك هاااااااااااايل.

 

[Djazaire-El-Ghalia]

choukrane laki

 

[كوثر الوهرانية]

الف شكر على المرور الطيب تحياتي لكم

 

[ام ايناس وفاروق]

شكرا كوثر راني نسيي فيه ان شاء الله ينجحلي لان فكرة 2 مقلات مانيس مسيتها

 

[oumsif]

يسلموا هالأيدين حبيبتي ام كوثر​

 

[أم نيفين]

بارك الله فيك فريدة ... جاك هاااااايل
و الف شكر لتسنيم
++ احلى تقييم