اداراتنا اللي ما تكملش الهدرة عليهم

hiba14

:: عضو بارز ::
أحباب اللمة
إنضم
3 نوفمبر 2010
المشاركات
1,479
نقاط التفاعل
15
النقاط
37
السلام عليكم
كيراكم لاباس غاية اواه المنتدى هادو ليمات راه عيان شوي علابالي بلي الناس راها مع القراية ماشي كيما قرايني وجهت الى الحياة العملية
اليوم جيت نزعق شوي على الادارات تاعنا و بصح ماشي على الخدمة العوجة اللي فيها راني على الناس العوجة اللي تخدم فيها كاين نوعين و النوع التالت قليل بصح هو المطلوب انا ما رايحاش نهدر على المطلوب راني نهدرعلى النوعين الاخرين
النوع اللول هادوك اللي تحسبهم ناضو من بلايصهم و جاو نيشان للخدمة شعرو مشعطط وجهو مغبر معمش و حاشاكم و السماح ما تنجمش حتى تهدر معاه و النسا تاني الغوب مونتو و البيجاما من تحت و لا الجلابة و لا الملاية يعني ناس الوسط و سيرتو الشرق ماعندهمش هاد النوع تاع النسا باسكو ما عندهمش الجلاليب تاع المغرب و التبرقيش اللي فيهم و لي كولوغ ما نحكيلكمش
يا سيدي انت راك الواجهة تاع هاد الادارة ستف روحك مادابيك لاخاطر هاد الادارة راه يجيها الناس من كل الانواع فيها اللي يفهم و فيها اللي مبلع حتى النظرة تاع الناس تختلف ما قلناش لي كوستيم الله الله بصح نقي منظم بززززززززززاف على اللي بعقلو
اما النوع التاني هادوك اللي العرس قايم عندهم كل يوم و هادو الاغلبية تاعهم نسا في الحقيقة
الماكياج ما نحكيش و اللي تعجبك اكتر
قدام الناس تسقم في شعرها و تشوف في المرايا و دير في الغوج عادي في ادارتي و الصح الصح و كيما قلتلكم الادارات راها يجيها الناس الوان و ما نكدبوش اصلا مرا كي هادي و بيناتنا كيفاش يعاملوها كي شغل في الشارع سيرتو الرجال بصح محترمة روحها و الله غي يحترموها
لا و التالية و اللي تعجبك
و اللي قتلتني كنت عند البيجوتري و زوج شيرات تاني تم قاتلو وريلي هاد الخاتم و قالت لصاحبتها هادا تاع الستيلو ايا انا قلت الموديل سموه هاك ايا شافو واحد اخر قالتها هادا تاني تاع الستيلو اواه كلاني قلبي و سقسيتهم ضحكو قالولي هادي في البلديات مشهورة لاخاطر هادو الخواتم كبار بزاف و كي نعمرو الوراقي يبانو في صباعنا ايا مسمينهم خاتم تاع الستيلو ها ما ضحكت ما لعبت قلتلها انتوما تعرفو
و سي فري تاع البلديات قاع دايرين خواتم فيهم محنة
و النوع التالت رانا عارفينو اللي عاطي قدر لعمرو و للبلاصة اللي راه فيها و هو اللي نحوسو عليه و المتال نلقاوه في البنوك سيرتو باسكو يلزم عليهم و مفروضة
ايا نخليكم انتوما دروك تهدرو و تخبروني كاش ما شفتو
في لامان
 
أهلا بيك هيبة
ههههههههههه
ضحكتني حكاية تاع الستيلو ههههههههه
صح النوع الثاني ألي قاتل روحو هوا الكاثر وخاصة في الخدمات الشعبية البلديات ولامجيات ووو ...
مرة ماعندهاش بزاف دخلت لواحد البيرو فتشغيل الشباب ولا مانعرف وين لقيت 5 خدامات ووحدة أدير في الماكياج لوحدة لا حشمة لاوالو ...
تبالي ماكانش جزايري راضي على الخدامات تاع البلدية هههه
 
آخر تعديل:
اهلا بنت بلادي
وشكرا على الموضوع عندك الحق نورمالمو مكان العمل يحتاج لياقة خاصة بيه يعني الواحد يلبس شيئ محترم
وكدلك يحكي باسلوب راقي وللاسف قليل وين تلقى ناس هكدا
وبالنسبة للبنات نورمالمو المكياج تديرو في دارهم وتدير حاجة خفيفة فقط وتلبس شيئ مستور

 
أهلا بيك هيبة

ههههههههههه
ضحكتني حكاية تاع الستيلو ههههههههه
صح النوع الثاني ألي قاتل روحو هوا الكاثر وخاصة في الخدمات الشعبية البلديات ولامجيات ووو ...
مرة ماعندهاش بزاف دخلت لواحد البيرو فتشغيل الشباب ولا مانعرف وين لقيت 5 خدامات ووحدة أدير في الماكياج لوحدة لا حشمة لاوالو ...

تبالي ماكانش جزايري راضي على الخدامات تاع البلدية هههه
يا هلا و الله هلا بالمشرف تاعنا النشيط
وي و شاني نقولك واحد الادارت حدت و لا حرج

اهلا بنت بلادي
وشكرا على الموضوع عندك الحق نورمالمو مكان العمل يحتاج لياقة خاصة بيه يعني الواحد يلبس شيئ محترم
وكدلك يحكي باسلوب راقي وللاسف قليل وين تلقى ناس هكدا
وبالنسبة للبنات نورمالمو المكياج تديرو في دارهم وتدير حاجة خفيفة فقط وتلبس شيئ مستور​


اهلا بيك انت يا العزيزة
معاك الحق ولا يخلطو برك اصلا احنا الجزايريين نلبسو برك الا من رحم ربي
 
الله يعطيك الصحة والله غير عندك الحق كترو هاد الناس الله يستر لا حشمة لا قدر يديرو كيلو تاع ماكياج ويروحو للخدمة بلا ما نهدرو على هادوك الجلاليب كيما قلتي surtt لي راهم يخرجو دروك ما عندي ما نقول فضفاض الى حد كبير ههههه اسال الله العفو و العافية وصلنا وحد الوقت لا حيا لا بولحية ههههه
 
ايا مليح وحدة من وهران رايحة تفهمني و تحس بيا لاخاطر راها شايفة الوضع مع دوك الجلاليب
 
سلام
وي عندك الحق الاخت ،مابقى في الدنيا والو كي المرا ة كي التراس بعض الاخلاق والاصول بدات تنقرض والساتر ربي
بارك الله فيك​
 
ما تقولش كي المرا كي التراس التراس راه راجل فحل و عمرو ما يتحط في مقارنة مع المرا رغم انو المرا تاع الصح تاني فحلة
قول كي الدكر كي الانتى المعنى بالاك يبدا صحيح اكتر
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top