قاتلك لازم نطمن على مستوى ولدي!!

[nina bonoise]

اممم 1990 مازلت مخلقتش ههههه
ايه راكي كي حالتي واحد مكان يديني و يجيبني
نروح وحدي نجي وحدي
بصح نحير في النساوين كنت نشوفهم وحد ال 10 خطرات
و المشكل يجيو بكري منعرف علاه
يموتوا على التقصار و الهدرة
انا جانتي همهم غير الخرجة
كيما جارتنا نلقاها تشوف مع الساعة
ادا الكل باه تخرج برك
​

 

[مابقاش بزاف.Dz]

السلام عليكم نعم ما خطته يدكي اختي انسانة ما
موضوع كان شاغل بالي تاني
انا تاني قريت جامي درت كور و ان شاء الله مانيش رايحة ندير ماكانش قد الانسان توجور يتاستي روحو ادا يقدر يعول على دراعو ماما فالقراية انا نحير فيهم يديروا 4 و لا 5 من ليكور و ما يفهموا والو ؟؟؟؟؟؟
اما عن جانب مراقبة الاولياء للابناء و الامهات كي يروحوا يقراوا هادي معليش انا تاني كي كنت فالpريمار كانوا ديفوا يدوني و لا يجيبوني و كذلك يسقسوا عليا
مشكورة على الطرح المميز

 

[دعاء الحق]

ههههههههـ،، حنا ثابت مزال ملحقتش عندنا هاذي الظاهرة ^^

 

[العاطفي]

صح راه واقع اليوم
بالنسبة الى لي كور رانا قاع كيف كيف
وبالنسبة للسيزيام نتاع دروك هاذيك ولت عادة بين الامهات
يحبو ولادهم يكونو خير من لخرين باش يفتخرو بيهم في الاجتماعات بيناتهم.
هذا لي نقدر نقوله

 

[إنسانة ما]

هههههههههههههه عجبتني هاذي حتى انا نعود نريزارفي ^^
​

أهلااا بيك سيمو
هيه قالك البلايص رح يطيرو لازم تريزيرفي

​

نرجع للموضوع
كاين لي يخرجو من الخوف على ولادهم
كيما قاتلك الحالمة بالجنة الاعتدائات كثرت و الناس ولات تخاف
مي كاين اوسي لي يحبو يحوسو
تلقا المدرسة بعيدة على الدار ب2 ميترات برك كان يعيط الطفل يسمعوه في الدار مي نو تلقاها تدي و تجيب
و نهار طول و هما يندبوا :scared:
هاذيك ماتعرفش تقري ( الف و باء فيها لي يعرف و لي مايعرفش تسمعيهم يحكيو تقول يقريو في ولادهم في المصفوفات مش في الحروف :laugh: )
و هاذك حقرلي وليدي !
و هاذيك يهودية ماتمدش لي نوت ! :thumb_down:
و لي كور حدث ولا حرج
تلقاه سنة اولى يدير لي كور في المواد كامل !
و تقولك لازم يقرى ولدي !
وش من قراية يهديهم ربي 1 + 1 يديرو عليها ليكور ولا كيفاه ؟!
صعيبة عليها يعني ! متقدرش تقريه هي في الدار ؟!
كيما قلتي حنا قرينا و نجحنا و محلمناش بليكور هاذو
طولت حتى انا ^^
سلآآآآمو
Miss Simou​

يعطيك الصحة ميس سيمو :re_gards:
هيه معليش كاين لي تخاف على ولدها صح خصوصًا إذا كان سنة أولى وإلا تحضيري بصح هاذوك تع ثالثة ورابعة نشوفها تعيف. بالأخص كيما قلتي أن المدرسة تكون قريييبة من الدار، وذرك نظن أغلب الأحياء فيهم مدارس قريبة.
+
تبانلي بلي الجيل تع هاذ الوقت فايق أكثر منا حنا بكري، حنا كنا زواولة صح :cra_zy: ما نعرفو والو غير الكوميك واللعب وفرات. حنا نورمالمو لي يخافو علينا مش هاذ الجيل المفلاشي.
+
حكيتي على نقطة مليحة تع لي كور، نحير في الأمهات وش راهم يديرو باه ما يقروش أولادهم ويبعثوهم يديرو لي كور؟؟
المهم شكرًا ليك سيمو وعندك نهار آخر لا تولي أنتِ ثاني تدي وتجيبي :shiny:
هيا ربي يحفظك
(ما تنسيش تريزيفي المرة الجاية)
:re_gards:
​

 

[إنسانة ما]

كاينة منها هدى الظاهرة شفتها عندنا وراها غير تزيد
المهم هوما جابلي ربي ماشي همهم الاول يشوفو ولادهم لايقراو قد ما همهم الخروج من الدار

​

أهلا بيك أختي ملكة الجليد
أنا ثاني نشوف مثلك، بيهم الخرجة وفرات وحتى إن كان همهم دراسة أولادهم فهذا أمر مبالغ فيه.
يعطيك الصحة
:re_gards:
​

 

[simou11]

أهلااا بيك سيمو
هيه قالك البلايص رح يطيرو لازم تريزيرفي





يعطيك الصحة ميس سيمو :re_gards:
هيه معليش كاين لي تخاف على ولدها صح خصوصًا إذا كان سنة أولى وإلا تحضيري بصح هاذوك تع ثالثة ورابعة نشوفها تعيف. بالأخص كيما قلتي أن المدرسة تكون قريييبة من الدار، وذرك نظن أغلب الأحياء فيهم مدارس قريبة.
+
تبانلي بلي الجيل تع هاذ الوقت فايق أكثر منا حنا بكري، حنا كنا زواولة صح :cra_zy: ما نعرفو والو غير الكوميك واللعب وفرات. حنا نورمالمو لي يخافو علينا مش هاذ الجيل المفلاشي.
+
حكيتي على نقطة مليحة تع لي كور، نحير في الأمهات وش راهم يديرو باه ما يقروش أولادهم ويبعثوهم يديرو لي كور؟؟
المهم شكرًا ليك سيمو وعندك نهار آخر لا تولي أنتِ ثاني تدي وتجيبي :shiny:
هيا ربي يحفظك
(ما تنسيش تريزيفي المرة الجاية)
:re_gards:
​

كوني هانية
مي قوليلي قبل ما تحطي الموضوع باه نكون في الموعد
​

 

[إنسانة ما]

السلام عليكم أختي انسانة ما
نظن انو هاد الشي نورمال فهاد الوقت باسك الزمان واعر و التحرش الجنسي بالاطفال و الاعتداءات كثروا ربي يعافينا و يحفظ ولادنا وخاوتنا
انا واحدة من الناس كنت ندي خاوتي يقراو و نولي نجيبهم واحد صغير مايعرفش يقطع الطريق و التاني المحفظة نتاعو تقيلة انا نهزهالو و زيد هوما بعد يقولو الناس كامل تدي ولادها غير نتوما حتى نضطرو نوصلوهم
بصح الماكياج و الحطة ماش علاجال المدرسة باينة على جال النسا اللي يلقاوهم ثما هههه لازم كامل يبانو حطة هههه و راكي تعرفي الحكايات نتاع النسا كيفاه
​

وعليكم السلام ورحمة الله
أهلا بيك أختي بشبوشة .. ربي يحفظلك خاوتك
كي يكون الولد صغير معليش تديه وتجيبيه في حدود كيما يقولو
أنا نحير برك في لقطة المكياج وفي الحكايات لي تكون قدام المدرسة، تقولي حمام ماشي مدرسة
+
ذكرتي نقطة أنو خاوتك قالولكم الناس كامل يجيبوهم غير أنتم، يعني في أغلبها ولات معاندة كيما قال الأخ عادل.
إما الأولاد يحبو يعاندو أصحابهم وإما الأمهات يحبو يعاندو جاراتهم وووو
يعطيك الصحة بشبشوشة وربي يرزقك ذرية صالحة تديهم وتجيبيهم أنتِ ثاني :shiny:
شكرًا
:re_gards:
​

 

[˜•ȘħåŨŋä βřįťŤ•˜]

هذا هو حديث الساعة؛ الإمتحانات ولي كور
(هاذي مليحة من جهة أنهم ينقصو شوي من الغيبة والنميمة :shiny

هاذي 44444444444444444


انا ما نعرفش نتفلسف اسمحيلي

 

[prncess fifi]

احنا عندنا قانون لوكان ما يشفوش الام ولا الاب ما يخلوش الطفل يروح وحدو للدار بصح عداب هد البلاد كرهتها
غير على هكدا وزيد الا عندك ولد صغير مايروحش للمسيد تديه معاك وتجبيه معاك والله غير مليت خاصة كي تكون 20 درجة تحت الصفر يا لطيييييييف

 

[زهرة الجنوب9]

السلام عليكم
صح هده ظاهرة كثرت عندنا ياسر بصح لي محيرني عندها وقت باش تقضي دارها وعندها وقت باش تخرج
عندي جارتي دائما كي تفوت على داري باش توصل ولدها ريقل عليها ساعة كي تكون ساعتي حابسة ههههه انا تباني رايحين غير باش وارو رواحهم برك

 

[إنسانة ما]

السلام عليكم

ايه خيتو راهي بارتو هذي الظاهرة

وعليكم السلام ورحمة الله
أهلا بيك أختي
يعطيك الصحة على المرور
:re_gards:
​

 

[إنسانة ما]

والله عجبني تواجدك في هاد المنتدى
ريي يديييمك تنوري و تفيدينا
وي خالتي موسوسة و تضل تحوس على سوجيات تاع القراية والله انا نشوفها قلق و خوف زايد هاي ماما ماكانتش تدينا للمسيد ولا كانت تدير هكدا ; صح تخاف علينا من الطريق بصح كانت تقولنا : ردو بالكم و كي تخرجو ارواحو قبالة للدار ماشي تمشو بالعقل و تدورو و تاني على القراية تحرص علينا بصح ماشي كيما خالتي كل ما يلعبو ولا يحبو يخرجوا برا تقولهم والقراية؟
في رايي هادي طبيعة ماشي مليحة راهم يعودوهم على الفشوش و الاتكالية ربي يصلحهم برك

أهلا بيك من جديد يلديز
حنا ثاني والله بكري كانوا يقولولنا هاذ الكلمتين وخلاص وحنا نسمعو الهدرة ونطبقوها، كنا عاقلين بسلامتنا :shiny:
ممكن لأن الجيل تع ذرك واعر لذلك يخافو عليهم :santa_1:
هي صح تعلمهم الدلال برك
ربي يوفقك سوسو
:re_gards:
​

 

[أشرقت]

شوفي يا العزيزة ديالي
يعطيك الصحة على الموضوع هذه الظاهرة راهي بارتو ؟؟؟
كل المدن الجزائرية كبف كبف ؟؟؟؟:scared:
من جهة الأم عندها الحق الله غالب المنظومة الدراسية الجديدة دوخت أولادنا :sad:رجع الولد لازم تروح معاه يماه باش ولا عيا من هذيك المحفظة عفوا الكابة تهزها عليه ؟؟؟؟:cra_zy:
راه الوزن ديالها اكثر من وزنه مسكين :cra_zy:
و زيد لشارج طرو على الأولاد في الدراسة قولشي راهم يقراو في علم الجن و العالم الآخر ؟؟؟؟:cra_zy:
شوية ؟؟:scared::scared:
احنا ماذا بينا المستوى يتحسن مي ماشي فرنسية السادسة تحطهالو في السنة أولى ؟؟؟؟؟:schmoll:
و زيد المراقبة راهي ضرورية ؟؟؟
احنا في وقتنا يا الحنونة ما كان كاين أنتارنات ما كاين ألعاب إلكترونية ؟؟
ما كاين سبايستون ؟؟؟؟؟:sad::sad:
عندنا ميكي واحد انشوفوه على الخامسة و نصف ؟؟؟؟:sadwalk:
في هذا الوقت 100 قناة خاصة غير بالأطفال ؟؟؟؟؟؟؟:sheer:
كيفاش الولد يقرا و يركز لوكان ما تلعبيش دور 1000 أم في مرة ؟؟؟؟؟:scared:
زيد احنا في وقتنا كنا انخافو و نحشموا على عرضنا الجار و نديرولو قيمة ؟؟؟
وقت المسيد مافيهش لعب ؟؟؟:re_gards:
ضرك يخرج من الدار إروح لصال دوجو ؟؟؟؟؟:shiny:
راني معاك في حاجة و هي مالازمش الأم في كل وقت الثم تعمل نهار في الأسبوع تروح تشوف ولدها ؟؟؟
و كي تروح تروح بمظهر محترم ؟؟؟؟؟؟i-o:
و زيد الله غالب الوقت راه ما يرحمش كثرو أولاد الحرام
الله يحفظنا منهم ؟؟؟
سورتو في أماكن معينة ؟؟
يعني الأم حليلها ؟؟؟؟
نقولك حاجة مرة كنت صغيرة عمري 08 سنوات تغيبت على المسيد مرضت شوية من راسي و ما رحتش عند الطبيب أملا المعلمة طلبت ندي بابا باش تفهم منه سبب التغيب ؟؟؟؟
بابا كان مسافر ؟؟؟
قالت لي جيبي ماماك ؟؟؟؟:scared:
أملا أنا أقمت الدنيا على راسها و قلتلها ماما ما تخرجش من الدار بدون بابا ؟؟؟؟؟؟:cra_zy:
و ما روحتش للمسيد حتى جاء جدي و أخذني ؟؟؟؟:santa_1:
في الوقت الحالي الأولاد ماذا بيهم تروح ماماهم ماشي باباهم هههههه؟؟؟
كذلك حبيبتي كاين بزااااف رجال يترك هذه المسؤولية للأم ؟؟؟:sheer:
ما علباليش على واش ؟؟؟؟:showoff:
الله إجيب الخير
و يوفق أبناءنا
راق لي موضوعك
شكرا جزيلا لك
​

 

[simou11]

في الوقت الحالي الأولاد ماذا بيهم تروح ماماهم ماشي باباهم هههههه
​

هاذي لانو الام متساهلة اكثر من الاب
امك كي تديري كارثة تهبطيلها زوز دمعات و تقوليلها مانزيدش نعاود تصدقك و ماتقولش لباباك
مي باباك يقعد حاكمهالك حياتو كاملة
كل واحد يحب يدي امو لانها تخمم بقلبها و يغيضها وليدها
مي الاب كل زلـgـة بفلـgـة ^^
سلآآآآآآامو
Miss Simou​

 

[nawal 88]

هههههههه عجبتني تاع الماكياج والحطة
يا ختي نسا هذا الوقت اعطيهم الخرجات وخلي عليهم
اما الظاهرة هذي مازال مالحقتناش بزاف يعني قلييييييييلة وقليل وين تلقا وحدة رايحة للمدرسة تاع ولدها ولا بنتها

شكرا لطرح الموضوع
+
تقييم​

 

[إنسانة ما]

اممم 1990 مازلت مخلقتش ههههه
إيه راكي تشوفي، راني قد الأرض :sheer:
ايه راكي كي حالتي واحد مكان يديني و يجيبني
نروح وحدي نجي وحدي
بصح نحير في النساوين كنت نشوفهم وحد ال 10 خطرات
و المشكل يجيو بكري منعرف علاه
يموتوا على التقصار و الهدرة
انا جانتي همهم غير الخرجة
كيما جارتنا نلقاها تشوف مع الساعة
ادا الكل باه تخرج برك
​

أهلاك بيك نينا العنابية
شفتي، تحيري فيهم يروحو قبل الوقت علااااااااه
باينة بصح، يروحو باه يحكيو شوي قدام الباب ويفوخو شوي على بعضاهم :sheer:
يعطيك الصحة نينا
:re_gards:
​

 

[إنسانة ما]

السلام عليكم نعم ما خطته يدكي اختي انسانة ما
موضوع كان شاغل بالي تاني
انا تاني قريت جامي درت كور و ان شاء الله مانيش رايحة ندير ماكانش قد الانسان توجور يتاستي روحو ادا يقدر يعول على دراعو ماما فالقراية انا نحير فيهم يديروا 4 و لا 5 من ليكور و ما يفهموا والو ؟؟؟؟؟؟
اما عن جانب مراقبة الاولياء للابناء و الامهات كي يروحوا يقراوا هادي معليش انا تاني كي كنت فالpريمار كانوا ديفوا يدوني و لا يجيبوني و كذلك يسقسوا عليا
مشكورة على الطرح المميز

وعليكم السلام ورحمة الله
أهلا بيك أختي، نورتي الموضوع
تهنيتي من لي كور وربي يوفقك وينجحك، صدقيني ماكانش كيما طعم الباك كي تجيبيه بقرايتك وحدك.
وثاني معليش الواحد كي يكون ناقص في مادة يدعم فيها روحو بصح مش بالصفة لي رانا نشوفو فيها ذرك. ذرك حتى الفلسفة ولاو يديرو فيها لي كور :cra_zy:
ولي يحير أكثر هوما تع الإبتدائي، سنة أولى وثانية يديرو لي كور _o:
بالنسبة للمراقبة، أكيد المراقبة حاجة مليحة مي لي مش مليح هو المبالغة لي رانا نشوفو فيها حاليا، مليح الواحد كل شهرين ثلاثة يطل على المدرسة تع ولدو ويسقسي عليه وعلى مستواه مش كل يوم.
يعطيك الصحة أختي وربي يوفقك في قرايتك
:re_gards:
​

 

[إنسانة ما]

ههههههههـ،، حنا ثابت مزال ملحقتش عندنا هاذي الظاهرة ^^

ملييييييييييييييح
تهنيتو منها
يعطيك الصحة أختي دعاء
:re_gards:
​

 

[AWDIESL]

شوفي ختي انا واحدة ما نوافقكش الراي في قاع واش قلتي
خاطر كاين فئة من النساء مهوووووووووووسة بالدراسة صراحة
و هاد الحالة شفتها
يعني ما تحتاجش تجبد العدر هادا باش تخرج من الدار
و انما صح تحب القراية بزااف و تظل تبع في ولادها و تسقسي عليهم كيفاش
و كاين لي ولادها قباح و تخاف عليهم من طريق عيانة الور مليح تسويفيهم..... دوك تاع الابتدائي و راهم طايرين و هوما اكثر الناس عرضة للمشاكل و التأثر بالمحيط الخارجي ان صح القول
و كاين لي تخاف على وليدها بحكم ظواهر الاعتداء لي رانا نسمعوا بيهم
من حقها تخاف على وليدها و تروح جيبو في كل وقت
------------
أنا نشوف بلي المرا اللي تحب تخرج ....ماتحتاجش هاد السبب غير المقنع باش تخرج من الدار
كل دقيقة
-------------
مانعرف انا هاد الظاهرة ماشفتهاش بهاد المنظور
بالعكس شفتها بلي هاد النسا خايفين على ولادهم و حابين يربوهم احسن تربية
خير من هادوك النسا لي ماعلابالهاش وليدها مازال يقرا و لا بطل
--------------
مهما يكون اكيد المراة المتتبعة لأمر اولادها احسن من المراة الماكثة في البيت امام المسلسلات و التي لا تدري ادنى امر عن اولادها

و لكن حبدا الاعتدال في الامر

مشكورة
​