السفر في الطائره مع رضيع

[oum BIBARS]

السلام عليكم

راح نهبط للجزائر لاول مرة مع ولدي عندو 7 اشهر
اللي عندها خبره تساعدني
في المطار واش قالولها علا لحليب و كيفاه تعاملت مع ولدها في الطائره
:re_gards:
​

 

[ام خديجة1]

السلام عليكم حبيبتي انا اول مرة ثاني نزلت فيها للبلاد في الطائرة كانت بنتي عمرها 35يوما ومستلزمات البيبي حطيتهم في كابة صغيرة وطلعتها معايا للطائرة والوقت ماهوش كبير ساعة ونصف وتكوني في البلاد انا نحكي على فرنسا وانت اختي من وين

 

[ibtesem]

اختي ام بيبرس انا سافرت يتوءم عمرهم عام وشهر
والله عادي اولا يعطوك المكان انت الاولى في الطائرة لانو لصقولي كاسرير للبنات باش انامو
لانو طريقنا طويلة
وتدي معاك الحليب والماء والحفضات كل مستلزمات البيبي
ربي امعاك اختي واسهلولك الامور

 

[oumniati]

السلام عليكم ورحمة الله وبركاته
ام بيبرس كي تريزارفي دوموندي بلاصة الباسينات باه يرقد وليدك
لحليب ماعلاباليش انا كنت نرضع
اذا ماصحتلكش الباسينات تشديه في يدك وخلاص، فيها تمرميدة خاصة كي يجيبو الماكلة
في المطار خليه في لابوسات ولا سياج اوتو اذا ديتيه، حتى تجي تطلعي للطيارة باه تدفعيه
ربي يقدرك 8 سوايع
اذا تفكرت حاجة نقولك

 

[oum BIBARS]

السلام عليكم حبيبتي انا اول مرة ثاني نزلت فيها للبلاد في الطائرة كانت بنتي عمرها 35يوما ومستلزمات البيبي حطيتهم في كابة صغيرة وطلعتها معايا للطائرة والوقت ماهوش كبير ساعة ونصف وتكوني في البلاد انا نحكي على فرنسا وانت اختي من وين

انا نسكن في quebec
و نركب من montreal​

 

[oum BIBARS]

اختي ام بيبرس انا سافرت يتوءم عمرهم عام وشهر
والله عادي اولا يعطوك المكان انت الاولى في الطائرة لانو لصقولي كاسرير للبنات باش انامو
لانو طريقنا طويلة
وتدي معاك الحليب والماء والحفضات كل مستلزمات البيبي
ربي امعاك اختي واسهلولك الامور

لبلاصة اللي فيها سرير كاينه في air algerie vol​

 

[oumniati]

لالا ابتسام احنا الماء ممنوع، لحليب غبرة عادي وباقي المستلزمات حفاظات لانجات، كريمzyncofax ولا واش تستعملي ماتنسايهش الطريق طويلة
وليدك لبسيه عادي وخلي لبسة شابة للغدوة كي قريب تهبطو بدليلو
لبسيلو مليح الطيارةباردة بزاف حتى اذا في الصيف اديلو جيلي

 

[oumniati]

آآآآآ ماشي مع آر ألجيري؟ امالا سقسيهم ولا شوفي سيت تاعهم، شكون روايال؟

 

[oum BIBARS]

باراك الله فيكن اخواتي​

 

[oum BIBARS]

آآآآآ ماشي مع آر ألجيري؟ امالا سقسيهم ولا شوفي سيت تاعهم، شكون روايال؟

لا انا رايحه مع ار الجيري ان شاء الله​

 

[oumniati]

امالا خلاص عندهم باسينات_ سرير_ بصح مانعرف اذا يصحلك ههههه خاوتك كامل يربيو هههه

 

[ibtesem]

لا انا رحت في تركية 14 ساعة
صح البرد بزاف

 

[oum BIBARS]

امالا خلاص عندهم باسينات_ سرير_ بصح مانعرف اذا يصحلك ههههه خاوتك كامل يربيو هههه

لبلاصه هدي نسلك عليها و لا كيفاه نطلبها​

 

[anissa 13]

عادي تقدري تهبطيه معاك حتى لو كان عندو شهر
انا صديقتي هبطت وليدها عندو غير 3 اشهر
وبالنسبة للحليب عندك حق تحملي معاك كل مستلزمات البيبي
من حليب ودواء و ملابس ...... الخ
​

 

[oumniati]

لبلاصه هدي نسلك عليها و لا كيفاه نطلبها​

النهار اللي تشري ليبيي يعني كي تريزارفي دومونديها من لاجونس باه يعطيولك هذوك لبلايص, كا تخلصي والو زيادة, قوليلها حبيت لاباسينات وهي تشوف البلايص اللي عندها
اعتقد كاين 6 والله ماني متأكدة , المهم هي عبارة عن بلاصة نورمال يعني المقاعد الامامية اللي تكون مقابلها حيط, وحتى تطلع الطيارة زمان يجيبو هذوك الاسرة يلصقوهم في الحيط عاملين تقريبا كيما هذوك اللي نبدلو عليهم ليكوش في صونتر كومارسيال, يعني ماشي كبيرة بزاف

 

[oum BIBARS]

النهار اللي تشري ليبيي يعني كي تريزارفي دومونديها من لاجونس باه يعطيولك هذوك لبلايص, كا تخلصي والو زيادة, قوليلها حبيت لاباسينات وهي تشوف البلايص اللي عندها
اعتقد كاين 6 والله ماني متأكدة , المهم هي عبارة عن بلاصة نورمال يعني المقاعد الامامية اللي تكون مقابلها حيط, وحتى تطلع الطيارة زمان يجيبو هذوك الاسرة يلصقوهم في الحيط عاملين تقريبا كيما هذوك اللي نبدلو عليهم ليكوش في صونتر كومارسيال, يعني ماشي كبيرة بزاف

شكرا ليك اختي​

 

[oumniati]

بلا مزية, كاش ما تحتاجي قولي, نفيدك بللي نعرف

 

[hadda0425]

شوفي ختي انا رحت رحلة للصين وديت وليدي كان عندوعام واربعة اشهر
يعني بالنسبة ليا شيطني ولدي كان كثير الحركة وما يهدنش خلاص وكنت نرضع من صدري الوقت كان بزاف 12 ساعةوحنا في السماء
بصح كندا مش بعيدة بزاف
بصح انت عندك الحق تدي معاك مستلزمات البيبي
من الحليب الغبرة الحفاضات والملابس الادوية تاع الحمى والاستفراغ
ممنوع السوائل الماء الياؤورت ....
في الطائرة كاين مكان امامي مخصص للبيبي طبعا مع امو
لان انا زوجي حجز بالانترنت باه يخير المكان المناسب
في المطار توجد غرفة خاصة للرضاعة وتغيير للبيبي
​

 

[imane27]

ام بيبرس انا هبطت ولادى صغار الماء ولحليب فالقرعة بسف ولا جوزوهولى حتا قلتلهم عندى بيبي يرضع ولدك اديه فلبوسات باش تقدرى دبلاي بسهولة وفى طيارة مدلهالهم ونتى لازم هنا دومندى على بلاصة تاع ولدك سينو تشديه عندك غير ولا لقتى ولاد لحلال يعطوك بلاصة والله يوفقك

 

[oum BIBARS]

ام بيبرس انا هبطت ولادى صغار الماء ولحليب فالقرعة بسف ولا جوزوهولى حتا قلتلهم عندى بيبي يرضع ولدك اديه فلبوسات باش تقدرى دبلاي بسهولة وفى طيارة مدلهالهم ونتى لازم هنا دومندى على بلاصة تاع ولدك سينو تشديه عندك غير ولا لقتى ولاد لحلال يعطوك بلاصة والله يوفقك

عيشك كي قولتيلي علا البوسات كنت راح نديرها bagage
باراك الله فيك​