عندي طلب

[نور النايلية]

السلام عليكم واش راكم ..ممكن طلب للأخوات انا عندي وشحال ونحوس على الطمينة البيضة ..البيضة...شفتها في وحد العرس وعبتني ونحوس نديرها بصح حابة الي مجربتها الي تعرفها ممكن تقولي وجزاكم الله خير

 

[نور النايلية]

ماكنش الي ردت عليا ؟؟؟؟؟؟؟؟؟؟؟؟؟؟؟؟

 

[simou11]

اختي سمحيلي جامي شفتها :$​

 

[نور النايلية]

اختي سمحيلي جامي شفتها :$​

السماح اختي هيا تجي لونها بيضة يعني مجي كيما الي نعرفوها محمصا

 

[كاترين]

انا نعرف كاين اللي يحمصوها مي ما يتغيرش اللون نتاعها و الله اعلم

 

[ندى سكي]

بسم الله الرحمن الرحيم هده اول مشاركة لى فى هدا المنتدى و ارجو ان مشاركاتى موفقة شجعونى من فضلكم و الان اقدم للا
خت لطلبت الطمنة البيضة لان احنا موالفين نديرها فى المناسبات وخاصة ندوها تانى نهار لتكون لعروسة فى دارها
اولا :حمصي السميد الرقيق من النوع الجيد على نار هادئة واستمري في التقليب باه ميتحمرش بزاف يتبدل لونه شوية برك
ثانيا: خدي كيلة زبدة مع كيلة سكر رطب مغربل واضربيهم بالباثور حتي تصبح مثل الكريمة ابيض وخفيف ثم ضفي العسل حسب الدوق وعاودي اضربي ثم ضفي باكي خميرة الحلوى والفاني وشوية ماء الزهر واضيفي كمية من حلوة الترك مرحية جيدا ومقدورك تم شيحي بالسميد الي حمصتيه من قبل ومتشيحيهاش بزاف الشكل كيما تحبي ولا حطيها في صحن واحد مثل العادة وزينيها باللوز المنسل اومكسرات اخرى او ديدراجي
ملاحظة : لازم تخليها طرية ولكي تعرفي انك جاتك مليحة جربي شوية في الثلاجة لان العسل والسكر الرطب لما يبردوا ييبسوا

 

[أم عبد الله]

الحقيقة اختي مافهمتش كلمة الطمينة البيضة
قصدك كما في الصورة

 

[ندى سكي]

الطمينة البيضاء معناها كتحمصى السميد متحمريهش بزاف وايضا يقولولها بيضة لان مفيهاش الغرس وايضا لونا يجي ابيض انشاء الله نكون قد رت نفهمك

 

[نور النايلية]

بسم الله الرحمن الرحيم هده اول مشاركة لى فى هدا المنتدى و ارجو ان مشاركاتى موفقة شجعونى من فضلكم و الان اقدم للا
خت لطلبت الطمنة البيضة لان احنا موالفين نديرها فى المناسبات وخاصة ندوها تانى نهار لتكون لعروسة فى دارها
اولا :حمصي السميد الرقيق من النوع الجيد على نار هادئة واستمري في التقليب باه ميتحمرش بزاف يتبدل لونه شوية برك
ثانيا: خدي كيلة زبدة مع كيلة سكر رطب مغربل واضربيهم بالباثور حتي تصبح مثل الكريمة ابيض وخفيف ثم ضفي العسل حسب الدوق وعاودي اضربي ثم ضفي باكي خميرة الحلوى والفاني وشوية ماء الزهر واضيفي كمية من حلوة الترك مرحية جيدا ومقدورك تم شيحي بالسميد الي حمصتيه من قبل ومتشيحيهاش بزاف الشكل كيما تحبي ولا حطيها في صحن واحد مثل العادة وزينيها باللوز المنسل اومكسرات اخرى او ديدراجي
ملاحظة : لازم تخليها طرية ولكي تعرفي انك جاتك مليحة جربي شوية في الثلاجة لان العسل والسكر الرطب لما يبردوا ييبسوا

يعطيك الصحة أختي بصح باكي خميرة:s فيها عادي لانها مش رايحة طيب على العموم شكرا لكي

 

[نور النايلية]

الحقيقة اختي مافهمتش كلمة الطمينة البيضة
قصدك كما في الصورة

لا لا اختي مشي كيما هك تجي بيضة هذي ذهبي يعني محمص

 

[ندى سكي]

الله يسلمك اختي الباكي تاع الخميرة يعطيها خفة الطمينة البيضة تاع بلادي ندوها لعروسة يوم الفاتحة
وتجيبها ام لعروسة ثاني يوم لما تروح لدار راجلها ونقدموها في حفلات النجاح