اوملات جلبانة من مطبخي

[كوثر الوهرانية]

السلام عليكم و رحمة الله
هدي مدة طويلة محطيتش مواضيع هنا
شفت لبنات سقسوا على اوملات الجلبانة
طيبتها اليوم و صورت المراحل وقلت نفيد بيها خوتاتي اللي ميعرفوش هدي الوصفة
نبدا على بركة الله
المقادير
كمية من الجلبانة نفوروها

[/url][/IMG]
حبة بصل كبيرة نقطعوها قطع صغيرة و نقلوها في شويا زيت

[/url][/IMG]
نخلط الجلبانة الللي فورناها مع البصلة المدبلة و ملح فلفل اسود ثوم انا ستعملت نتاع الغبرة

[/url][/IMG]
نحط عليهم اربعة بيضات

[/url][/IMG]
نخلط مليح

[/url][/IMG]
نسخن مقلات تكون متلسقش نحط فيها شوية نتاع زيت و نكب فيها الخليط نقس عليه النار و نخليه يطيب

[/url][/IMG]
مين يحمار من تحت نقلبه على الجهة الثانية و نخليه يطب مليح

[/url][/IMG]
وهنا كي طاب

[/url][/IMG]
اتمنى ان تنال الوصفة اعجابكم
تقدروا تحطوا معاها فرماج و الا كانت كمية الجلبانة قليلة عندكم تزكوها بالبطاطة مقلية مكعبات
تحياتي للجميع

 

[shahrazad]

اممممم اوملات هايلة فريدة وسهلة تاني
يعطيك الصحة ربي يسلم دوك اليدين

​

 

[ibtesem]

والله هايلة كوكو شهتيني فيها غدوا بادن الله تشوفي تطبيقي كاين كل عندي
بصحتك ربي اشافيك

 

[كوثر الوهرانية]

مروركم هو الهايل شهرورتي و ابتيسوا غير جربوها راهي ساهلة و بنينة

 

[imane27]

اممممممممم فريدة شهتينا فيها نجربها إنشاء الله

 

[حكيك]

هايلة فريدة بصحتكم

 

[prncess fifi]

يعطيك الصحة فريدة خرجتلك روعة

انا موالفة نعملها نقلي صدر تاع الجاج مع البصل ونقلي بطاطا ونخلطهم مع بعض وندير الفرماج تخرج هايلة

 

[nada242008]

امممممممممممممم هايلة فريدة والله تشهي يعطيك الصحة وربي يشفيك ان شاء الله

 

[زائــــــــرة حلوة]

الأوملات جاتك تسخفففف ربي يبارك..... ساااهلة وخفيفة اممممممممممممم
ربي يحفظلك هذوك اليدين الساجيين وبالشفاء لأختي
​

 

[أم أمين23]

اعطيك الصحة حنونة انا نموت على الاوملاتات كيما جات وزيد مع الجلبانة خير وخير ان شاء الله نجربها

 

[كوثر الوهرانية]

اسعدتني ردودكم اخواتي
لويزة ندوشة حكيك فيفي ام امين زوزو بارك الله فيكم
انش اء الله تجربوها و تعجيبكم راهي بنينة بزاف و هدا وقت الجلبانة املا بروفيتوا مدام راه كاين الفري:-r

 

[samah06]

يعطيك الصحة فرريدة انا دايما نديرها لكن نديرها بصوص طوماط ولا مرة فكرت نديرها بيضاء راني نجربها ونحطها تشوفيها
ربي يحفضك

 

[عفاف الجزائرية]

يعطيك الصحة فريدة خرجتلك تضهي تقول تصويرة ربي يبارك في وفي صحتك يا لعزيزة كل شي من يدياتك تحفة
​

 

[بنت الجسور المعلقة]

أممممم هدا واش يليق مع سخانة
غير غديوة خفيفة
يعطيك الصحة نجربها ان شاء الله

 

[سمو الذات]

يعطيك الصحة ♫

 

[ЯǾᵯẫḭṧşẰ]

بارك الله فيك تبان هايلة شهاتني
مي الله غالب منقدرش ناكل البيض
شكرا
​

 

[روعة2005]

ماشاء الله جاتك تشهي بزاااف فريدة نجربها ونردلك خبرمممممممم

 

[كوثر الوهرانية]

الف شكر على المرور
عفوفتي سموحة رقية سمو الذات روعتي رميساء الله يخليكم ليا خوتاتي اسعدتني ردودكم و ان شاء الله تجربوها و تعجبكم
سموحة في انتضار طريقتكي غاليتي

 

[ندى الورود]

امممممممم اومليت تشهي يا ام كوثر ان شاءالله نجربها
يعطيك الصحة

​

 

[كوثر الوهرانية]

الهايل هو مروركي في صفحتي يا ندودتي ان شاء الله تجربها و ترجعيلي لخبر