طاجين القرنون من مطبخــــــي....

shahrazad

:: عضو بارز ::
أحباب اللمة
إنضم
10 مارس 2009
المشاركات
4,089
نقاط التفاعل
10,989
النقاط
191
العمر
32
محل الإقامة
تيبازة
الجنس
أنثى
سلام عليكم
جبتلكم طبق شفتو فقناة سميرة دايما غير نشوفو برك حاجة مانطبقوها :p امالا
درت القلب وجربتو
طاجين قرنون بطريقة مختلفة للتغيير
يبان فيه بزاف مراحل لكن يستاهل التجربة
ان شاء الله يعجبكم

المقادير
اطراف دجاج
شوية لحم مرحي
2جزر رابي +حبة مقطعة دوائر
1كورجات رابي+حبة مقطعة دوائر
بصلة رابي+حبة مقطعة دوائر
ثوم
جلبانة
روز مغلي
حبة بيض
قرنون
معدنوس وجبن مبشور
بالنسبة للتوابل
فلفل اكحل+زنجبيل+قصبر مرحي+راس الحانوت+كركم+قرفة

do.php


do.php


هاد الطبق فيه مراحل
المرحلة الاولى
ناخد الخضر الي رابيناها الا البصلة نحطو نصف الكمية والكمية الاخرى للحشو+ثوم فلفل اكحل+قصبر مرحي+زنجبيل+ملح نخلوهم يتقلاو في الزيت حتى تذبال الخضر.
من جهة في مقلة اخرى نحمر اطراف الدجاج زيت+فلفل اكحل+قصبر مرحي+زنجبيل+كركم

do.php


المرحلة الثانية
في كوكوت نحطو الخضر الي قطعناها دوائر نبداو فالقاعدة بالبصل ثم الجزر ثم القرعة +جلبانة ونحطو فوقهم الجاج الي قليناه

do.php


do.php


المرحلة الثالثة فيها الحشو
الخضر المقلية +نصف الباقي للبصل الرابي نضيفولها شوية روز مغلي+جلبانة +لحم مرحي+جبن مبشور+معدنوس+فلفل اكحل+ملح+قرفة+قصبر مرحي+زنجبيل+راس الحانوت ونلمو الحشو بحبة بيض او اقل يعني حسب حجم الحشو نتاعك

do.php


ثم نحشو حبات القرنون الي نكونو نقيناه من قبل ثم نمسحو الحبات ببياض البيض باش ماتنحلش الحبة كي طيب
ونستفوهم فالكوكوت

do.php


do.php


المرحلة الاخيرة هي المرقة
في صحن نحطو الماء+ملح+ثوم+كركم+فلفل اكحل+زيت الي قلينا فيها الجاج نضيفولها شوية ماء نخلطو كلشي ونمرقو بيها الكوكوت مارحش تغطي جميع المكونات غير شوية برك قيس مايطيبو ونغلقوها مدة حوالي 25د حاولي انو القعر نتاع حبات القرنون يمس المرقة هكدا باش يطيب

do.php


do.php


 
رد: طاجين القرنون من مطبخــــــي....

امممممممممممممم شهرا ربي يعطيك ماتتمناي طبق احمر الوجه والبنة اكيد اممممممممممممممممم من يديك هايلة يعطيك الصحة يا لفحلة انتي تبعي سميرة وجربي واحنا نتطبق ههههه تجينا ساهلة
 
رد: طاجين القرنون من مطبخــــــي....

يعطيك الصحة على طولت بالك،، انا منحملش نطيب كياب فيه هاذ المراحل كامل، نشتي نقفل لاكوكوت ونتهنى لول،
برافوو عليك طبق وعليه الكلام
 
رد: طاجين القرنون من مطبخــــــي....

السلام عليكم

من أحسن الأطباق لدى
بــارك الله فيك شهيتينا ^^
مشكورة ومع أكلات قرنونية اخرى ان شاء الله
 
رد: طاجين القرنون من مطبخــــــي....

يعطيك الصحة على التطبيق باين بنين
 
رد: طاجين القرنون من مطبخــــــي....

يم شهيتني مع الصبح

الله ابارك على ذوك اليدين

يعطيك الصحة

 
رد: طاجين القرنون من مطبخــــــي....

يعطيك الصحة شهرورة باين بنين راح نجربو ونردك الخبر
شكرا وشكرا على الا هتمـــــــــــام
 
رد: طاجين القرنون من مطبخــــــي....

اممممممممم يعطيك الصحة ختيتي انا مداري نديرو بصح نحشيه بالفيوند اشي برك فكرة مليحة نزيد الكورجات او الزودية بارك الله فيك​
 
رد: طاجين القرنون من مطبخــــــي....

اممممممم والله باين يشهي درتيلي القلب باه نجربو .مشكورة حبيبتي
 
رد: طاجين القرنون من مطبخــــــي....

روعة بالصحة وربي يدومها نعمة
 
رد: طاجين القرنون من مطبخــــــي....

يعطيك الصحة هجورة كل صبع بصنعة كنت حابة نجربو بصح ما كتبتش المقادير مزية يا الفححلة درتيه موضوع نجربو ونحاسبك بالتطبيق:up::up:
 
رد: طاجين القرنون من مطبخــــــي....

يعطيك الصحة هاجر تطبيق هايل الله يبارك بصحتكم
 
رد: طاجين القرنون من مطبخــــــي....

امممم جديدة الطريقة ان شاء الله نجربها نهار نكون رايقة هههههههههههه
 
رد: طاجين القرنون من مطبخــــــي....

امممممممممممممم شهرا ربي يعطيك ماتتمناي طبق احمر الوجه والبنة اكيد اممممممممممممممممم من يديك هايلة يعطيك الصحة يا لفحلة انتي تبعي سميرة وجربي واحنا نتطبق ههههه تجينا ساهلة

ربي يخليك ياالحبوبة تاعنا خسارة عليك باينة هادي الي نطبقها نجيبهالكم ديراكت
مرسي بزاف على كلامك
:regards01:​
 
رد: طاجين القرنون من مطبخــــــي....

اممممممم باين بنين يعطيك الصحة يالفحلة اكيد نجربها ان شاء الله

ان شاء الله جربيها وتعجبكم سمووورة
مرسي بزاف حبيبتي :regards01:​
 
رد: طاجين القرنون من مطبخــــــي....

الله يبارك شهرا مانسيتي حتى خطوة ..انا لحقت غير على النص اللخر
جاك يهبللللللل مممممممممممم تسلم الايادي الحلوة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top