تارت بالشكولا والميرانغ اممممم من مطبخــي...

shahrazad

:: عضو بارز ::
أحباب اللمة
إنضم
10 مارس 2009
المشاركات
4,089
نقاط التفاعل
10,989
النقاط
191
العمر
32
محل الإقامة
تيبازة
الجنس
أنثى
سلام عليكم
تقريبا وصفات les tartes au chocolat كامل فيهم كرام فراش والي غالبا ماتكونش متواجدة دايما فالمنزل ...
مالا جبتلكم وصفة مقاديرها متواجدة فكل منزل وسهلة والاهم من ذلك ذوقها امممم
راني كثرت شوية هدرة ههه لكن نحب نشرح كلشي لانو كاين الي مايعرفش

العجينة
250غ مارغارين
150غ سكر قلاصي
1 خمارة
فاني
حبة بيض كاملة+صفار بيضة
مغرفة كبيرة مايزينة
450غ فرينة
طريقة
نخدمو المارغارين +سكر مليح حتى تولي كريمة ثم نضيف الفرينة+مايزينة+خمارة ونبسس الخليط بالايدي حتى يولي مرمل هكدا

8fel3.jpg


U5gUZ.jpg


ثم نلموها فقط بالبيض لانو هاد لعجينة مالزمش تتعجن وراح نتحصلو على عجينة طرية هايلة

wimxs.jpg


بهاد المقادير راح جيكم كمية عجينة لاباس بيها نصف تخدمو بيها التارت وتفظل ممكن بيها تعملي دي galette -كروكي -صابلي

FYNIs.jpg


على سطح مرشوش بالفرينة نحلوها بالحلال ونحطوها على المول ونثقبوها بالفرشيطة ونحطوها فالثلاجة مدة ساعة
نطيبوها نص طياب انا طيبتها حوالي 20 دقيقة وكل وحدة والفور تاعها المهم راقبيها متحمارش
على درجة حرارة 170د (نشعلها شوية من الفوق )

QXRhe.jpg


dRcdL.jpg


rclQF.jpg
[/IMG]

لما نحطوها تطيب نوجدو لافارص تع الشكولاطة
المقادير
200غ شكولا انا استعملت 1طابلات شكولا نوار والاخرى شكولا بالحليب
4 مغارف كبار مارغارين او زبدة
كاس حليب
مغرفة كبيرة كاكاو
3 حبات كبار بيض
الطريقة
بالباتور نطلع البيض +مغرفة سكر
في كسرونة على النار نضع الشكولا+الحليب+المارغارين+كاكاو ونحرك حتى تذوب ...نحيها من النار ونخليها تبرد غير شوي قيس 5 دقائق
ثم نفرغها على البيض مع الخفق المستمر
نخرج تارت من الفور ونفرغ عليها هاد الخليط السائل ونعاود ندخلها تزيد حوالي نصف ساعة يعني حتى تحكم روحها وتارت تحمار

xsNDP.jpg


drXuM.jpg
[/IMG]

Z0UBn.jpg


eLmDZ.jpg


AKtzv.jpg


fKrX7.jpg


الميرانغ
نحتاجو 4 بياض بيض+قرصة ملح نطلعوهم ملييح بالباتور

S4tcf.jpg


وسيرو (شاربات) فيها 140غ سكر +فنجال ماء(قيس مايتغطى السكر فقط )+مغرفة كبيرة عصير قارص
نخليه يغلي حوالي 10د ثم نفرغوه وهو سخووون بالشوية على البياض الي طلعناه والباتور يمشي ونخلطو مليح حتى تولي متماسكة وكأنها كريمة اممممم
والصور تبين

tHqfb.jpg


fO5wv.jpg


yZUvK.jpg


وتزينيها بالميرانغ حسب الرغبة
و ممكن تزينيها بكريمة ولا حتى تخليها هكداك راهي بنيينة

38Wgx.jpg


eOJtU.jpg


OZCho.jpg


oV2tB.jpg


nHBo4.jpg


ان شاء الله جربوها وتعجبكم
:regards01:​
 
رد: تارت بالشكولا والميرانغ اممممم من مطبخــي...

يمي يمي
من شكلها تشهي
جاتك روووووووووووووعة
يعطيك الصحة
بصحتك
 
رد: تارت بالشكولا والميرانغ اممممم من مطبخــي...

امممممممممممم يعطيك الصحة تشهي عندي المقادير نجربها الله يعطيك ما تتمناي:up::up:
 
رد: تارت بالشكولا والميرانغ اممممم من مطبخــي...

سلام اخية
يعطيك الصحة تشهي جاتك روعة
 
رد: تارت بالشكولا والميرانغ اممممم من مطبخــي...

السلام عليكم

كما عودتنا يالغالية مميزة كعادتكي

خرجتلك هايلة يعطيك الصحة

ان شاء الله وقت نكونوحدي فالدار نجربها

بارك الله فيكي
 
رد: تارت بالشكولا والميرانغ اممممم من مطبخــي...

يم يم يم يم بآآآآينة بنيييييينة مرسي بزااااف اختي ربي يجازيك كل خير على الوصفة
 
رد: تارت بالشكولا والميرانغ اممممم من مطبخــي...

يعطيك الصحة يسلمو اديكي ان شاء الله نجربها
 
رد: تارت بالشكولا والميرانغ اممممم من مطبخــي...

ممممممممممممم
روعة يا شهرا
يعطيك الصحة
 
رد: تارت بالشكولا والميرانغ اممممم من مطبخــي...

الله الله عليك يا اختي شهرزاد ربي يعطيك واش تتمناي
الف شكر على الوصفة و الطريقة هايلة
و لي قلات جاوك فور بصحتكم
 
رد: تارت بالشكولا والميرانغ اممممم من مطبخــي...

و الله روعة
 
رد: تارت بالشكولا والميرانغ اممممم من مطبخــي...

يممم تفتح النفس،، غدوا باذن الله نجربها، يعطيك الصحة الشاطرة
 
رد: تارت بالشكولا والميرانغ اممممم من مطبخــي...

يعطيك الصحة من شكلها ن راهي تبان 4444444444444444444444

بارك الله فيك على وصفاتك الرائعة دوماااا
 
رد: تارت بالشكولا والميرانغ اممممم من مطبخــي...

شهراااااااااااااااااااااااااااااااااااااا توب توب توب يعطيك الصحة يالزينة كلشي من يدين يشهي تسلم ايدك والله يعطيك الصحة
 
رد: تارت بالشكولا والميرانغ اممممم من مطبخــي...

رووووووووووووعة يا شهرا عودتينا على وصفاتك الجميلة والمضمونة
 
رد: تارت بالشكولا والميرانغ اممممم من مطبخــي...

ربي يحفظكم لبنااااات على ردودكم الحلوة
شكراااااا كل وحدة باسمها
 
رد: تارت بالشكولا والميرانغ اممممم من مطبخــي...

اممممممم يا شهرا
هايلة هايلة
يعطيك الصحة اختي
 
رد: تارت بالشكولا والميرانغ اممممم من مطبخــي...

روووعة يعطيك الصحة وشكرا على الشرح
 
رد: تارت بالشكولا والميرانغ اممممم من مطبخــي...

يعطيك الصحة هاجر اطباقك دايما في القمة الشكل روعة و اكيد الدوق اروع شكرا على الوصفة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top