فــــــوبيَا البكآالوريَا وش دير..آرجوكم كلمتكم

16اماني16

:: عضو بارز ::
أحباب اللمة
إنضم
30 أكتوبر 2010
المشاركات
1,110
نقاط التفاعل
627
النقاط
51
الجنس
أنثى
آلسّلآم عليكُمْ ،،

كي الآحوالْ؟ إن شآاء الله من ربّي ملآح..!
حبّيت نطرح هذا آلموضوع psk موراه قصّة
كي يجي في بالكم واحد الطفلة جارتنا من يومين جآابوهافي الاسعاف لدارها مصروعة
،،هذا هاد العام تفوّتْ الباك ان شاء الله..
الطفلة جارتي ونعرفها رحت درتلها زيارة..و كي سقسيت آش كاين؟؟
قالتلنا امها..راحت من الصّباح تقرى لاباس عليها من بعد ساعتين رجعت محملة الطفلة ودايخة !!
صابتها وحد الخلعة ( الله لا يقيسها واحد فكم ) جاها الف شك في راسها واش للي صاري لبنتها ؟؟؟
قالولها ديناها من المدرسة مكرزة في حالة ربي
جاتها حالة في la classe .سقسو صحاباتها قالو في لوّل طبست راسها برك،، مبعد ولت تخرّج في صوت البكاء،،و حبّو يسكتوها تفلقت بالبكاء بدات تقول ماما (زعمة جاها كاش sms من دارهم قلّقها) لآ،، و حاولت الميس تاعهم تحكي معاها وااااالو قالتلها من غير وعي راني خايفة.خايفة .خايفة (منااااش؟؟؟) ومباعد طاحت في يدها وخرجوها اسعفوها ومباعد دّوها لدارها..
جاتها حالة (كريز)،علاه؟؟ خايفة من الباك، تخاف تجاها صعيبة،،وتخاف ما تنجحش؟؟
باتت في حالة مباعد ولّت تقرى..ونصحوها الاساتذة مليح..

ملا يآ آصحاب البكالوريا و خاصصّة للّي خايفين منها، ليه عليكم ديرو هكا فأرواحكم ???
راهو الخوف والله يطيّر ليكم كلّ شئ..و الخوف من الباك راهي بحدّ ذاتها مشكل..راهو برك مجرد exame كي غيرو للي تفتوه في l'école و راهي الباك موراااااااال.مـآ تخافوش بالله عليكم.

لو كان انتم من دوكا هكّا ملا وش تعملو نهارات البكالوريا وتشوفو العباد تطح قدّام عينيكم..
انا فوّتتها العام للي فات بروح حماسيّة و بلا خوف مي ما ربحتهاش( ومن ربي لعلّه خير)،و صح من ربّي فيها خير..ياسر حوايج كانو فايتيني العام للي فات و استوعبتهم غير هاد العام.. واني هذا العام نعاود فيها ليه هيّا نهاية العالم ؟؟،،والتّوفيق من عند ربي وللّي قرا يلقى
وعلاه القلقة الزّايدة..?

من فضلكم أصحاب الخبرة
كلمتكم ليهم ...

تهلآو
..

:regards01:
 
رد: فــــــوبيَا البكآالوريَا وش دير..آرجوكم كلمتكم

السلام عليكم ورحمة الله

ربى يشفي هاد المخلوقة وربى ينجحها

البكالوريا تحتاج الا ثقة ودراسة فقط

وادا عندك ثقة ما راحش تخاف او توسوس من اى شئء

فقط وفرى الاسباب بالدارسة والتعب وادعى ربى وان شاء الله ربي ينجحك وما يعكسكش

ربى يوفقك وشكرااا على موضوعك المميز والنسق


 
رد: فــــــوبيَا البكآالوريَا وش دير..آرجوكم كلمتكم



وعليكم السلام أختي

بآآآك قبل شوي كنت نخاف من كلمة لباك سيرتو فترة لولى بعدها تعودت وقنعت نفسي بلي مجرد امتحان لا اكثر ولا اقل مي تبقى هديك توسويسة مرة على مرة تجي
شا نقولك ربي يكون في عونا ونجحنا
شكرا ليك اختي
 
رد: فــــــوبيَا البكآالوريَا وش دير..آرجوكم كلمتكم

السلام عليكم

كلامك راهو كافي وشافي
انا والله مانحب هذا النوع من العباد
الخوف يكون من ربي
تبانلي يبالغو بزااااااااااف
مام انا الباك1 ماقريتلوش وماخفتش والباك الثاني كيف كيف وكيما قلتي
اللي يقرا يلقا وماكاين حتى خوف
تفكرت في الباك نتاعي الضحك مداير حالة انا وصحاباتي جاتنا هستيريا
سيرتو نهار شفنا صاحبتي المسكينة رجلها كامل بالبلاط مسكينة تحرقت
هههههههههه ضحكنا عليها حتان شبعنا مام هي تضحك المسكينة
وديما نتفكرو مع بعض هذا الموقف
هيا ان شاء الله تربحي هذا العام
 
رد: فــــــوبيَا البكآالوريَا وش دير..آرجوكم كلمتكم

النجاح في البكالوريا لا يعني النجاح في الحياة
وييين راهم صحاب 16 و 17 تاع الباك
 
رد: فــــــوبيَا البكآالوريَا وش دير..آرجوكم كلمتكم

سلآم

آلبآك كآين إلي حضر آلعآم آلكل ومآجبهآش وكآين
إلي يحضر في آخر آلسمآنة ويديهآ
يعني حبيت نقول في شويآ زهر ,,

وآلنآس إلي تخمم كيمآ آلبنآدم هذه صعيبة بآش يجيبو آلبآك
على خآطر يبقآو مخلوعين بلآك حتى من إسمو
وهنآ تدخل فيهآ إنت ونفسيتك
من لخر توكل على ربي وإمشي آلقدآم

 
رد: فــــــوبيَا البكآالوريَا وش دير..آرجوكم كلمتكم

السلام عليكم ورحمة الله
وعليكُم آلسّلآم ،،،
ربى يشفي هاد المخلوقة وربى ينجحها
' آميييييييين يآا ربّْ آلعَالمينْ..
البكالوريا تحتاج الا ثقة ودراسة فقط
:up:
وادا عندك ثقة ما راحش تخاف او توسوس من اى شئء
راهي مشكلتها أعطت وذنهآ للغاشي وذاك للّي زاد خوفها.
فقط وفرى الاسباب بالدارسة والتعب وادعى ربى وان شاء الله ربي ينجحك وما يعكسكش
شئ آكيد الأخذ باأسبابْ والتوكُّل على المولى تعالى ,
يآا ربّْ يفرَّح كلّ واحد ولآ يحرمهم إن شآء آلله،،

ربى يوفقك وشكرااا على موضوعك المميز والنسق
آميييين يا ربّي و آجمعِينْ..*
و عفــــــــوًا


سرّنِي توآجُدكْ
آلشُّكرُ لكَ على مشآاركتك آلطيّبهْ
و جميل الرّد |~ :)
تحيّآاتِي
~
:regards01:
 
رد: فــــــوبيَا البكآالوريَا وش دير..آرجوكم كلمتكم



وعليكم السلام أختي
:)
بآآآك قبل شوي كنت نخاف من كلمة لباك سيرتو فترة لولى بعدها تعودت وقنعت نفسي بلي مجرد امتحان لا اكثر ولا اقل مي تبقى هديك توسويسة مرة على مرة تجي
وي si sur مجرّد امتحان تطلع تكمّل بيه مستقبلك
و يحدّدو تاني...و توسوين الزّايد هو يروَّح للّي راك محضرو طووول..

شا نقولك ربي يكون في عونا ونجحنا
'آمييييييييييييييين آجمعِينْ بالتّوفيق إن شآاء آلله ^ــ^
شكرا ليك اختي
آلعفـــــــــــو"..
آلشّكر ليك كي شاركتينا رأيك..غاليتِي
شكرُا لتوآجدكْ ^.^
تحيّآاتِي

:regards01:
 
رد: فــــــوبيَا البكآالوريَا وش دير..آرجوكم كلمتكم

و الله البكلوريا ولات تسبب الجنون للبعض كي شغل إذا ما جابهاش نهاية العالم
 
رد: فــــــوبيَا البكآالوريَا وش دير..آرجوكم كلمتكم

السلام عليكم
وعليكم السّلآم ...
كلامك راهو كافي وشافي
انا والله مانحب هذا النوع من العباد
الله غالب راهم كثااار ..
الخوف يكون من ربي
تبانلي يبالغو بزااااااااااف
ايه بزااااااااااااف بزايد
مام انا الباك1 ماقريتلوش وماخفتش والباك الثاني كيف كيف وكيما قلتي
اللي يقرا يلقا وماكاين حتى خوف
ههههههه راكي كي حالتي واقيلا..ياو الخوف مانيش حاسّة بيه ويسقسوني
كيفاه حتى ما تخااافيش .ههههه يعطيك الصحّة

تفكرت في الباك نتاعي الضحك مداير حالة انا وصحاباتي جاتنا هستيريا
سيرتو نهار شفنا صاحبتي المسكينة رجلها كامل بالبلاط مسكينة تحرقت
هههههههههه ضحكنا عليها حتان شبعنا مام هي تضحك المسكينة
ههههههههههههههه ديما كاين مواقف ومقالب تحرّك الجّو
هكّا رانا توجور خيتي
لازمنا ولا نهبلو كي الغاشي
ههههه الله يعافينا....

وديما نتفكرو مع بعض هذا الموقف
اييييييييييييه تبقى في البال سييير
هيا ان شاء الله تربحي هذا العام
يــــــــــآ ربّي إن شاء الله مرسي ربّي يخليك

تعيشي خيتي وتعش امات الضّحكة في ايامك يا ربّي
شكـــــــــــــرًا لمرورك وردّك..نوّرتني
تحيّاتي

:regards01:
 
رد: فــــــوبيَا البكآالوريَا وش دير..آرجوكم كلمتكم

النجاح في البكالوريا لا يعني النجاح في الحياة
وييين راهم صحاب 16 و 17 تاع الباك
صحييييييييح خويا.. لكن يعن مستقبل للبعض..
وكل واحد على قدر علمو،،ومكتوب ربي ما تعرف وين يديك
ووش يعطيك ?
و اصحاب 16 و17 كاين للي طلعت عليهم وكاين لا
لا تاخد على العموم
نسأل التّوفيق للكُل وبس
على العموم شكرًا على إبداء رأيك
ومرورك الطّيب
تحيآتي ~|
:regards01:

 
رد: فــــــوبيَا البكآالوريَا وش دير..آرجوكم كلمتكم

سلآم
وعليكم السّلآم والرّحمة ...
آلبآك كآين إلي حضر آلعآم آلكل ومآجبهآش
كااااان
وكآين
إلي يحضر في آخر آلسمآنة ويديهآ
كااااين تاني
يعني حبيت نقول في شويآ زهر ,,
ايه فيها شويّا زهر..مي اوّلها قراية..
وآلنآس إلي تخمم كيمآ آلبنآدم هذه صعيبة بآش يجيبو آلبآك
الله غالب تعبت نفسيًّا..
على خآطر يبقآو مخلوعين بلآك حتى من إسمو
وهنآ تدخل فيهآ إنت ونفسيتك
وي جبتها
من لخر توكل على ربي وإمشي آلقدآم


هذاك هو المفيد خويا :up:
صحّييييييييت جبتها في الصّحيح
أفدتنا برأيك
بارك الله فيك على مشاركتك
تحيّآتي
~|
:regards01:
 
رد: فــــــوبيَا البكآالوريَا وش دير..آرجوكم كلمتكم

ايه ماتفكرينيش

نعرف واحد والله تمرمد ياسر بصح نجح بمعدل هايل تاع الصح ,,
الله يباركلوا
 
رد: فــــــوبيَا البكآالوريَا وش دير..آرجوكم كلمتكم

اممم ايام امتحان الباكالوريا رائعة لو كان نلقى ديما تتعاود عليا
كنت نعرف غير نضحك والله ما ندير في بالي والو واعتبرتو اكثر من امتحان عادي
قوليلها ضرك تطلعي للجامعة وتشوفي السوسبانس تاع الامتحانات ثما تعرفي ان الباك واااالو
 
رد: فــــــوبيَا البكآالوريَا وش دير..آرجوكم كلمتكم

و الله البكلوريا ولات تسبب الجنون للبعض كي شغل إذا ما جابهاش نهاية العالم
هاذوك للّي ايمانهم بالله ضعيييف
وماعندهمش ثقة في قدراتهم..
و كاينين منهم بزاااف
mais en méme temp
كاين للي عكسهم
شكرا على رأيكْ
نوّووّووّورتْ..
تحييَّاآتي ~|
:regards01:

 
رد: فــــــوبيَا البكآالوريَا وش دير..آرجوكم كلمتكم

ايه ماتفكرينيش

نعرف واحد والله تمرمد ياسر بصح نجح بمعدل هايل تاع الصح ,,
الله يباركلوا
الله غالب كان لازم نتفكروا psk كاين ناس تعاني
اييييييييه عزيمتوا قوية وبربي متوكّل...
ربي يزيد يتفوّق كثر وكثر انشاء الله
شكرًا على مروركْ
و مشاركتك الطيّبة
تحيّآاتي

~|
:regards01:
 
رد: فــــــوبيَا البكآالوريَا وش دير..آرجوكم كلمتكم

اممم ايام امتحان الباكالوريا رائعة لو كان نلقى ديما تتعاود عليا
كنت نعرف غير نضحك والله ما ندير في بالي والو واعتبرتو اكثر من امتحان عادي
قوليلها ضرك تطلعي للجامعة وتشوفي السوسبانس تاع الامتحانات ثما تعرفي ان الباك واااالو
...
ههه حتى هم داروها مرة وقابل للتعدّد بالحريّة الشخصيّة اذا تحبْ
تترشّح
هكّاك لآزمها غير الضحك به تنحّي على بالك
يعطيك الصّحة كي درتو ماهو شئ كبير
مي الله غالب غير نفوس ضعيفة برك ..~
نزيد نقولها على واش يصرى ف الجامعة نخاف نقولها تموت بين يدّيا
خلّيها تطلع ان شاء الله و تشوف وحدها هههه
بارك الله فيك على مرورك و رأيك
تحيّاتي
:regards01:

 
رد: فــــــوبيَا البكآالوريَا وش دير..آرجوكم كلمتكم

ربي يشافيها ويسهل علينا كامل
صراحة كي نتفكر بلي ماي وجوان قربو قلبي يبدا يخبط من الخوف وهاذا شي طبيعي خاصة انه يحدد مستقبلك وزيد كي يتفكرو عام لي فات نهار الامتحان يا ما تغشاو ناس وطاحو ناس وصرافيلم ولا الجميع يتخوف منو ...
بصح لآزم نتوكلو على ربي وربي يجيب التسهيل
ربي يوفق كل واحد ويسهل على كل ممتحن
مشكورة اختي

:regards01: :regards01:
 
رد: فــــــوبيَا البكآالوريَا وش دير..آرجوكم كلمتكم


السلام عليكم ورحمة الله تعالى وبركاته

البكالوريا مجرد امتحان ككل الامتحانات التي تم اجرائها من قبل
إلا ان امتحان البكالوريا يعتبر كجسر بين نهاية مرحلة تعليم سابقة
و الولوج في مرحلة جديدة و هي كما يسمى التعليم العالي..

لكل تلميذ نفسية خاصة و عقلية خاصة في رؤية الأمور في الحياة
ومن بينها على سبيل المثال الموضوع الذي تطرقت اليه و هو امتحان
شهادة البكالوريا و مايتعلق به من حالة نفسية و صحية و غير ذلك..

حسب مايروى قديما ان قصة البكالوريا بدأت منذ القديم
حيث كان هنالك امتحان يمر به الطلاب و كان هذا الامتحان صعيب
يحدد من بعده مستوى الطالب و غير ذلك...وحسب مايروى فإن كلمة البكالوريا
تتكون من جزئين بــكا و الشطر الثاني لوريا
بكا واضحة من الفعل بكى
و اما عن لوريا فهو اسم تلميذ كان مجتهدا قديما ورسب في اول اجتياز له لهذا الاختبار
فقالوا بكا لوريا


عن نفسي و انطلاقا من تجربتي لم أتوتر بصفة كبيرة في امتحان البكالوريا
ومرت الايام...الحمد لله عملت ما يجب علي عمله و اجتهدت وراجعت
وحصلت على شهادة البكالوريا من أول مرة...أما في مايخص التوتر فأنا أنصح
التلاميذ أن يقوموا بمجهوداتهم و يسعوا ولا يتكاسلوا وأن يدعوا الله التوفيق
وباذن الله سوف تمر الامور على خير ما يرام ولا داعي للتوتر او للضغط النفسي
الزائد الذي لا محال سوف يأثر سلبا على مكتسباتكم..فالبكالوريا مجرد اختبار لا اكثر
يعني كيما سبق و ذكرتي البكالوريا ليس اخر عقبة سوف نواجهها في حياتنا او اخر
امتحان لنا...سنفشل كثيرا و سننجح كثيرا و سنلاقي الخير و الشر في حياتها
فلا سعادة ابدية و لا تعاسة ابدية فسبحان مقلب الأحوال....

وكذلك نصيحة للتلاميذ مايكثروش من الدعم يولوا كل مرة في بلاصة
وكل وين يسمعوا استاذ مليح يروحوا ليه..لانو كل استاذ يتعامل بطريقة
وعنده اسلوب شرح قد يتوافق معك او لا من اول مرة اختر استاذة باينين
وماتبقوش تخلطوا وماتقروش في مجموعات كبيرة ايضا..
راكي قريتي العام الي فات وجربتي الباك و ممكن جربتي الاساتذة الي يقروا
في الدعم بما اننا نتمني الى نفس الولاية راكي تعرفيهم و تعرفي من من الاساتذة
تفهمي عليه و ممكن كاين الي ماتفهميش عليهم...

أشكرك على الموضوع القيم
بارك الله فيك..وربي ينجحك ان شاء الله العام هذا وتفرحي و تفرحي عايلتك
بالتوفيق لك وللجميع


 
رد: فــــــوبيَا البكآالوريَا وش دير..آرجوكم كلمتكم

ربي يشافيها ويسهل علينا كامل
آمييييييييييييييين يآ ربّي~
صراحة كي نتفكر بلي ماي وجوان قربو قلبي يبدا يخبط من الخوف وهاذا شي طبيعي خاصة انه يحدد مستقبلك وزيد كي يتفكرو عام لي فات نهار الامتحان يا ما تغشاو ناس وطاحو ناس وصرافيلم ولا الجميع يتخوف منو ...
ايه حالات دايمًا تصرا ومالازمش الخوف ابدًا ~|
بصح لآزم نتوكلو على ربي وربي يجيب التسهيل
صحيتي خيتي أميرة هذا المفيد التةكّل على ربّي من بعد مجهود الشّخص..
ربي يوفق كل واحد ويسهل على كل ممتحن
آمييين يآ ربّ آلعالمين~
مشكورة اختي
آلعفو المهم ان تعمّ الفايدة

:regards01: :regards01:
نورتيني بمرورك وردّك المفيد..
شكرا..~
تحيَّآاتِي
:regards01:

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top