طلب مساعدة

[ام تقى الدىن]

السلام عليكم

حابه نعرف طريقة نزع العظام من الدجاج بلاما ما نقصها

تبقى دجاجه كيما راهي

اللي تعرف توريلي ولها جزيل الشكر:regards01:

 

[شجـ الروح ـون]

رد: طلب مساعدة

السلام عليكم
اقلبي الدجاجة على صدرها وابداي اخدمي من جيهة الظهر
لانو مافيهاش لحم ياسر وتحكم الوقت
هزي سكين ولازم يكون ماضي وعندوا راس حاد
وحاولي تدخليه بين اللحم والعظم
وافصليهم
حتى تكملي ويصير الهيكل مفصول على اللحم
اقلبي الدجاجة وكملي من جيهة الصدر بنفس الطريقة
حتى تقدري تخرجي الهيكل الكل
عظام الفخذ ابدي من الجيهة الخارجية افصلي طرف العظم وحاولي تعريه من اللحم
احكمي الفخذ من المفصل ودوري العظم دورة كاملة حتى تسمعيه انفصل
وبالنسبة لعظم الفخذ العلوي
خرجيه بنفس الطريقة لكن اجبديه من الجيهة الداخلية
واستعملي الموس باش تفصليه نهائيا
وهكدا تكون الدجاجة جاهزة للحشو
كي تكملي تحشيها خيطيها حتى تحكم شكل باهي
احتفظي بعظام الفخذ اذا حبيتي يكون شكلها اجمل
كيما تقدري تبداي بعظام الفخذ بدال القفص الصدري
ان شاء الله تكوني فهمتي عليا شوية ..
​

 

[ام تقى الدىن]

رد: طلب مساعدة

شكرا على الرد وعلى الشرح المفصل


ان شاء الله نجربها