طريقتي في عمل خبز السندويتش

nanoche

:: عضو بارز ::
أحباب اللمة
إنضم
19 مارس 2013
المشاركات
1,093
نقاط التفاعل
1,548
النقاط
71

السلام عليكم و رحمة الله وبركاته
اليوم على الغدا اعملت خبز السندويتش وهاذي طريقتي الخاصة في صنعه ما على باليش اذا كاين اللي يعملوه بنفس الطريقة مي هاكدا تعلمت نخدمو من عند يما الله يطول في عمرها
اسمحولي ما صورتش الطريقة من البداية
نبدابمقادير العجينة
01 كلغ فرينة - ملعقة أكل سكر -الملح على حسب الرغبة انا حطيت نصف ملعقة اكل- نصف فنجان صغير زيت- 02 مغارف كبار غبرة الحليب - ملعقة قهوة محسن الخبز- 02 ملاعق كبار خميرة الخبز - حبة بيض
ماء دافيء و سمسم للتزيين + صفار بيضة ممزوج بقليل من الحليب
الحشو
صدر دجاج - حبة بصل كبيرة - 02 حبات طماطم - 02 فصوص ثوم - زيتون مقطع رقيق - من 02 الى 03 حبات فلفل طرشي مشويين ومقطعين رقيق- ملح - فلفل اسود وزيت وفروماج مراpي وملح حسب الرغبة
طريقة التحضير
نخلطو كل المقادير مع بعض ونلمو بالماء الدافيء ، ندلكوها مليح حتى تتداخل المكونات مع بعضها ونحطوها في مكان دافيء ونغطوها حتى تختمر
ونروحو نوجدو الحشو
نقطعو البصل ونحطوه في مقلاة مع شوية زيت و ملح نزيدو معاه صدر الدجاج المقطع الى قطع صغيرة ونحركو مليح حتان يبداو قريب يطيبو نضيفولهم الفلفل الحلو المقطع و الطماطم والفلفل الاسود ونخلوهم على نار هادية حتان يطيبو و تنشف منهم لاصوص
بعد ما تخمر العجينة نعملوها كرات صغيرة كيما كرات المسمن ونرمدوها في الفرينة اومبعد نبداو نعمرو فيهم بالحشو ونزيدو الفرماج ونشكلو اما حرابيش كيما الخبز واما خبزات كيما خبز الدار ونصفوهم في صينية الفرن كي نكملو ندهنو بصفار البيض الممزوج مع الحليب ونرشوهم بالجلجلان و نخلوهم شوية يختامرو . بعدها ندخلوهم للفرن اللي يكون مسخن من قبل وهادوما بعض الصور مع شكلهم النهائي
attachment.php

attachment.php

attachment.php

ملاحظة: اللي يحب الحار يستعملو انا نفضل نحطو على الطاولة وحدو
يا ربي يكونو ساندويتشاتي عجبوكم;)

 
رد: طريقتي في عمل خبز السندويتش

مممممممم يشهي
يبان بنين من شكلو
يعطيك الصحة يا الفحلة و ربي يخليلك ميمتك
تحياتي اختي
 
رد: طريقتي في عمل خبز السندويتش

مممممممم يعطيك الصحة
يشهي
 
رد: طريقتي في عمل خبز السندويتش

مممممممم يعطيك الصحة
يشهي

 
رد: طريقتي في عمل خبز السندويتش

مممممممممممممممم يهبل يعطيك الصحة
 
رد: طريقتي في عمل خبز السندويتش

مرحبا بيكم وصدقوني والله الوصفة ناجحة وتجي بزاااف خفيفة و حلوة يعني تقدري ترافقيها بسلطة خفيفة ولاسوب ديال الخضرة و تغدي اولادك نتمنى تجربوها
 
رد: طريقتي في عمل خبز السندويتش

اممممم تسلم ايدك حبيبتي باين خفيف
 
رد: طريقتي في عمل خبز السندويتش

مممممممم
يعطيك الصحة
باين من شكلويشهي
بصحتك
 
رد: طريقتي في عمل خبز السندويتش

يعطيك الصحة
باين هايل
راكي شهيتينا
 
رد: طريقتي في عمل خبز السندويتش

شهاني نطبقه في اقرب فرصة
بصح تبان كيلو فرينة نخرج ياسر
قداه جاوك خبزة
 
رد: طريقتي في عمل خبز السندويتش

يعطيك الصحة
يشهي
 
رد: طريقتي في عمل خبز السندويتش

شهاني نطبقه في اقرب فرصة
بصح تبان كيلو فرينة نخرج ياسر
قداه جاوك خبزة
جربيه اختي ومش راح تندمي لأنو فعلا يحمر الوجه أنا نطيبو منين داك حتى في رمضان مي ما نعملش الكمية هادي كاملة نعمل ربع المقادير فقط و الفلفل تاني نعوضو بحاجات اخرى لأنو لا انا ولا زوجي نحبو ناكلوه في رمضان ونعملو لقيمات صغار بدل من خبزات كيما هاكدا
الكيلو صح راح يجيك بزاف تقدري تعملي نصف المقادير اما انا فنحب نعمل الكيلو كامل على جال نذوق جاراتي :$:$:$ اولادهم يحبوني كي نطيبولهم;)
 
رد: طريقتي في عمل خبز السندويتش

وعليكم السلام
خرجلك روعة ننوش يعطيك الصحة
نجربو ان شاء الله ونلحقك بالتطبيق ^^
 
رد: طريقتي في عمل خبز السندويتش

وعليكم السلام
خرجلك روعة ننوش يعطيك الصحة
نجربو ان شاء الله ونلحقك بالتطبيق ^^
تطبيق موفق اختي ساندي
والاكيد انك مش رايحة تندمي -_^
 
رد: طريقتي في عمل خبز السندويتش

يعطيك الصحة راهم يشهو اختي نجربو في اقرب فرصة شكرا على الوصفة:up::up::regards01:
 
رد: طريقتي في عمل خبز السندويتش

يعطيك الصحة حنونة
درك نطبقهم للاولاد
 
رد: طريقتي في عمل خبز السندويتش

يعطيك الصحة حنونة
درك نطبقهم للاولاد
بصحتكم أختي
وراني متأكدة أنهم رايحين يعجبوك و تعاوديهم اكتر من مرة و حتى اولادك رايحين يطلبوهم و الأكيد انهم خير من السندويتشات اللي يتباعو لبرا
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top