راني حابتكم تجيو تتضيفو عندي SVP

nanoche

:: عضو بارز ::
أحباب اللمة
إنضم
19 مارس 2013
المشاركات
1,093
نقاط التفاعل
1,548
النقاط
71
nCA7k.gif
يا ضيفنـا لو زرتنـا لوجـدتنا *** نحـن الضيـوف وأنت رب المنـزل

حبيت نبدا الحكاية من هاد البيت الشعري واللي يدل على حب الضيوف

هادي المقدمة للحكاية اللي راني رايحة نحكيها و اللي هي

البارح كنت معروضة عند صديقة ليا في عرس اخوها مي هوما دارو في لاصال وانا ما نحبش الهيلولة اللي في الصالات دونك قلتلها كي تلحقو للدار بيpـــيلي انجي نهني ونرجع لداري كيما كان الحال عيطتلي كانت العشاء قريبة قلت نصلي ونروح نقعد ربع او نصف ساعة ونرجع

ايا رحت .... العروسة من نواحي العاصمة ماشي بزاف بعيدة اللي فاجأني انو مالــgغي فات الحال مي لقيت بزاف غاشي عندهم جات ليا صديقني دخلتني للصالون وقاتلي ريحي انجيبلك تتعشاي قلتلها والله والو تعشيت و جيت مجيتي في وجه لحباب ماشي على جال الماكلة ... العروسة كانت في لاشومبغ ديالها ويماها كانت قاعدة في الصالون تهدر بصوت عالي و تقهقه تعجبت من تصرفاتها وفي كل مرة تعاود واحد الجملة " أنا بنتي
PIC-712-1319804829.gif
جابت معاها الــــCCP" استغربت صدقوني لقيتها تحكي بلا ميزان شوية وجات العروسة
r349.gif
سلمت علينا كامل وقعدت ماكاش زوج دقايق و تجي واحدة اللي من بعد عرفت بليك هي زوجة أخو العروسة قاتلها
20100922100842509.gif
جيتي قعدتي و عاجبك الحال و خليتي لاشومبغ ديالك مفتوحة ما خفتي من والو؟؟
17.gif
يا خاااه واش بيها هادي راهي في دار الناس؟ نسات روحها وللا واشنو ... ؟؟؟ راحت تجري غلقت الباب بالمفتاح و جات قعدت والصالون مليان على الاخر وهي تقول
20100922100842509.gif
علاش راهو كاين لامان دوكا؟؟؟؟


كي جات صديقتي قلتلها واشنو كامل هاد الخالوطة وهاد الغاشي ؟ قاتلي راكي تشوفي
374084.gif
لالة مولاتي مادارتش العرس في دار باباها وعرضت غاشيها عندنا بلا ما تقولنا والمزية درنا حسابنا كل شي بالزيادة وهادوما كااامل اماليها وراهم من البايتين؟ أنا استغربت لأنو في عاداتنا من غير اللائق انو العروسة يباتو معاها غاشيها الا اذا كانو من ولاية بعيدة ما يقدروش يجيو بكري يصابحو بنتهم ..... صديقتي كانت مغزلة قاتلي
374084.gif
وراكي تشوفي في زوجة خوها لوكان ماشي استحيت لوكان راني طردتها


واش نحكيلكم يا خاوتي رجعو اصحاب الدار صح ضياف عند امالين هاد العروسة اللي جابت معاها الــCCP و طبقو البيت الشعري اللي دكرتو في البداية مي على حساب فهامتهم

اللي راهم رايحين يعرسو .......ربي يكون في عونكم مع نسبان كيمن هادو
120522162728Pmsi.gif

 
رد: راني حابتكم تجيو تتضيفو عندي SVP

السلام عليكم ورحمة الله وبركاته
صباح النور اختى
فى الاعراس لازم تتوقعى كل شئء ^^
وانا ما نحيرش كى تقولى اهل العروسة يباتو حتى كون يبقو اسبوع
عندنا هنا العرس راهو 3 جور ومن بعد تكون بعثات دبلوماسية كل يومين او اكثر ^^



 
رد: راني حابتكم تجيو تتضيفو عندي SVP

السلام عليكم ورحمة الله وبركاته
صباح النور اختى
فى الاعراس لازم تتوقعى كل شئء ^^
وانا ما نحيرش كى تقولى اهل العروسة يباتو حتى كون يبقو اسبوع
عندنا هنا العرس راهو 3 جور ومن بعد تكون بعثات دبلوماسية كل يومين او اكثر ^^



https://www.4algeria.com/vb/images/smilies/smile.gif
لك الشكر ..رانا نستفادو منكم ونعرفوا خدايم النساء ...:)
 
رد: راني حابتكم تجيو تتضيفو عندي SVP

السلام عليكم

مشكووووورة ختي على طرح الموضوع و بصحتك العرس و لا متهنيتيش فيه خخخخخ

المهم انا مشدنيش موضوع الاهل لي يباتو قد ما شدني تاع روحي اغلقي الباب و الوقاحة - عذرا على اللفظة -

لان قضية يباتو و لا لالا عادات و تقاليد و كل منطقة كيفاه حنا عندنا يباتو بصح مش كامل تقريبا من 5 الى 8 على الاكثر

اما التصرفات هي لي جاتني غريبة شوي لانها قلة نية

و

ما يقرأ السفيه إلا ما فيه
 
رد: راني حابتكم تجيو تتضيفو عندي SVP

السلام عليكم ورحمة الله وبركاته
صباح النور اختى
فى الاعراس لازم تتوقعى كل شئء ^^
وانا ما نحيرش كى تقولى اهل العروسة يباتو حتى كون يبقو اسبوع
عندنا هنا العرس راهو 3 جور ومن بعد تكون بعثات دبلوماسية كل يومين او اكثر ^^





ههههههههههههه


بعثات دبلوماسية حنى معدناش كامل هذا العادات

و اصلا وحدة كي تتزوج ميصمطوش عليها عيب
 
رد: راني حابتكم تجيو تتضيفو عندي SVP

قضية زواج هذي كلما تصعاب
كل مرة نسمعو حكاية
و هذا الي ذكرتيه ليوم تتشوكاي منو بلاما تحبي
لهذي الدرجة ولات الاخلاق عند الناس
نورمالمو في الامور كما هذي وين تبان العقلية
ووين لازم تبيني قيمتك
حتى ولاو يديرو العرس في دار لعروسة اه وين وصلنا بقا غير يجيبو لعريس و كملت
:d
 
رد: راني حابتكم تجيو تتضيفو عندي SVP

اهلين بنانوش شوفي اختي راكي نوغمالمو م آلجي كيفي اتسمى لهنـآ يروحو زوج مع لعروسة باش يباتو معاها ماشي كيما قلتي الصالو معمر لالا اصلا هذا فوق المحتمل
مي لي عجبتني طريقتهم ف الهدرة ولا غلق الباب مع انو البيت بيتـ الزوج وكيما نقولو بيتنـا والعروسة عروستنا والله راني نشوف ف الحكاية راح تخرج مال ع فاميلية صحبتك ( قبيحة عروستهم خخخ)
مي الله غالب الغاشي ولا مايقيمش خوه خلاص ويهدر واش جاه ربي يهدي بركـ
ني حشمة ني عـآر ني شوية هـآآآآآآكـ:down: خخخخخخخخخ
نحكيلكـ ع عروستنـآ عندها 7شهر كي قلنـآ نزوجو خويا الصغير ونعطولو لتحت قالتنا ( ياماما تديها وحدها لالا انا نهبط وهي تطلع للفوق اتسمى الطمع ياجدكـ وين يوصل بالناس:mad:)
سلامي
 
رد: راني حابتكم تجيو تتضيفو عندي SVP

السلام عليكم ورحمة الله وبركاته
هاذوك هما المخابرات والحراس الشخصيين والعرو مشي اقل شأن من بو تفليقة
ولكن اكثرهم اشهار باش تشوفهم كاش مرا وتخطبهم هههههه
 
رد: راني حابتكم تجيو تتضيفو عندي SVP

السلام عليكم ورحمة الله وبركاته
صباح النور اختى
فى الاعراس لازم تتوقعى كل شئء ^^
وانا ما نحيرش كى تقولى اهل العروسة يباتو حتى كون يبقو اسبوع
عندنا هنا العرس راهو 3 جور ومن بعد تكون بعثات دبلوماسية كل يومين او اكثر ^^



مرحبا بيك خويا في الحقيقة ما عندناش هاد الطبايع عندنا يجيو مع العروسة ناسها قبسما يرتبلولها قشها في بيتها اومبعد يتعشاو و يعطيو الريح لرجليهم حتان الصباح باش تجي يماها و تجيب غاشيها يشوفو بنتهم يطمنو عليها او زعمة زعمة يوصيو العجوزة على كنتها راك تعرف .... الطفيلة صغيرة ساعفيها و غلميها ههههههههه راها كي بنتك...الخ
شكرا أخي على الاعتماد+ على الرد​
 
رد: راني حابتكم تجيو تتضيفو عندي SVP

السلام عليكم

مشكووووورة ختي على طرح الموضوع و بصحتك العرس و لا متهنيتيش فيه خخخخخ

المهم انا مشدنيش موضوع الاهل لي يباتو قد ما شدني تاع روحي اغلقي الباب و الوقاحة - عذرا على اللفظة -

لان قضية يباتو و لا لالا عادات و تقاليد و كل منطقة كيفاه حنا عندنا يباتو بصح مش كامل تقريبا من 5 الى 8 على الاكثر

اما التصرفات هي لي جاتني غريبة شوي لانها قلة نية

و

ما يقرأ السفيه إلا ما فيه

عندكي الصح اختي هي تبقى عادات و تقاليد و كل منطقة وكيفاش
صح زوجة خوها كانت وقحة لأقضى درجة حتى انا كنت مغزلة منها لأنو مهما كان كانت ضيفة تفيلة بزاف على المعدة و صعبة الهضم
مرورك اسعدني أختي
 
رد: راني حابتكم تجيو تتضيفو عندي SVP

قضية زواج هذي كلما تصعاب
كل مرة نسمعو حكاية
و هذا الي ذكرتيه ليوم تتشوكاي منو بلاما تحبي
لهذي الدرجة ولات الاخلاق عند الناس
نورمالمو في الامور كما هذي وين تبان العقلية
ووين لازم تبيني قيمتك
حتى ولاو يديرو العرس في دار لعروسة اه وين وصلنا بقا غير يجيبو لعريس و كملت
:d
اي وي كل مرة حكاية والاتي أسوأ ربي يسترنا
في قلبي رجعت نقول يا يما على المزعوقة واش راهي تواسي لوكان غير شابة الله الله و حطة نقول خايفة السحور هههههههه ربي يغفرلي لأني منشرت فيها مي بيني و بين روحي
شكرا أختي على المرور وآطونسيون تروحي تديري عرسك في بيت راجلك ههههه:p
 
رد: راني حابتكم تجيو تتضيفو عندي SVP

اهلين بنانوش شوفي اختي راكي نوغمالمو م آلجي كيفي اتسمى لهنـآ يروحو زوج مع لعروسة باش يباتو معاها ماشي كيما قلتي الصالو معمر لالا اصلا هذا فوق المحتمل
مي لي عجبتني طريقتهم ف الهدرة ولا غلق الباب مع انو البيت بيتـ الزوج وكيما نقولو بيتنـا والعروسة عروستنا والله راني نشوف ف الحكاية راح تخرج مال ع فاميلية صحبتك ( قبيحة عروستهم خخخ)
مي الله غالب الغاشي ولا مايقيمش خوه خلاص ويهدر واش جاه ربي يهدي بركـ
ني حشمة ني عـآر ني شوية هـآآآآآآكـ:down: خخخخخخخخخ
نحكيلكـ ع عروستنـآ عندها 7شهر كي قلنـآ نزوجو خويا الصغير ونعطولو لتحت قالتنا ( ياماما تديها وحدها لالا انا نهبط وهي تطلع للفوق اتسمى الطمع ياجدكـ وين يوصل بالناس:mad:)
سلامي
مرحبا بيك أختي
ايه كاين دي فوا وين يباتو زوج من أهل العروسة تكون أختها وواحدة من المقربين و ديفوا لالا ما يبات معاها حتى واحد لأنو في فاميلتنا يروحو زعما للوتال أنا الوحيييييدة اللي ما حبيتش
والعروسة ياك جايبة الـــCCP يحميها ههههههههه عايلة عجب جايين يقابحو من النهار اللول
انا جابلي ربيجابت العين الحمرة ماشي الــccp و المشكل أنهم بانيين 2 زيتاج مي التحت كامل حوانيت والفوق برك اللي ساكنين و هو مخو طاير ماهوش من النوع اللي ممكن يبني وحدو
ربي يهديهم ان شاء الله
 
رد: راني حابتكم تجيو تتضيفو عندي SVP

السلام عليكم ورحمة الله وبركاته
هاذوك هما المخابرات والحراس الشخصيين والعرو مشي اقل شأن من بو تفليقة
ولكن اكثرهم اشهار باش تشوفهم كاش مرا وتخطبهم هههههه
شكون تجني على روحها و تجيب الجادارميا لدارها يا خويا ههههههههه لازين لا ضرافة تقولشي كي راح يخطب خلى عينيه في الدار ههههه
مرحبا بيك خويا و شكرا للمرور الطيب
 
رد: راني حابتكم تجيو تتضيفو عندي SVP

السلام عليكم
فرصة سانحة متتعوضش خليهم يبروفيتو..
الواحد كون يبدا يحكي وش راه صاير في لعراس ميحبسش
ديفوا نحضر عراس من الغاشي ينساوني اما في قهوة و لا عشا..
نولي لدار بلا ما نقول حتى كلمة.. ديجا كعرضوني راهم قيموني وش نزيد
ربي يهدي...
شكرا لك ننوشا...
 
رد: راني حابتكم تجيو تتضيفو عندي SVP

السلام عليكم
فرصة سانحة متتعوضش خليهم يبروفيتو..
الواحد كون يبدا يحكي وش راه صاير في لعراس ميحبسش
ديفوا نحضر عراس من الغاشي ينساوني اما في قهوة و لا عشا..
نولي لدار بلا ما نقول حتى كلمة.. ديجا كعرضوني راهم قيموني وش نزيد
ربي يهدي...
شكرا لك ننوشا...
مرحبا بيك أختي
وكيما قلتي كااااينة منها دي فوا ينساونا في القهوة وحتى في الحلوى
دي فوا ليساغvوز يسربيو بالنفحة و تلقايهم يتشنفو تقولشي جيتيهم وقت العشا ههههههه
مرشي على المرور أختي
 
غني عن التعريف، تم حظره "حظر دائم". السبب: مخالفة القوانين
رد: راني حابتكم تجيو تتضيفو عندي SVP

gــــــــــراااااv
 
رد: راني حابتكم تجيو تتضيفو عندي SVP

وماذا عساي أن أقول بعد لي تقال
على العموم شكراا على طرحك هذا الموضوع
 
رد: راني حابتكم تجيو تتضيفو عندي SVP

gــــــــــراااااv
رانا عايشين في نفس المجتمع دونك نفس الشي نلقاوه في 48 ولاية مي يكونو درجات
 
رد: راني حابتكم تجيو تتضيفو عندي SVP

وماذا عساي أن أقول بعد لي تقال
على العموم شكراا على طرحك هذا الموضوع
لا شكر على واجب
شكرا ليك على المرور خويا

 
رد: راني حابتكم تجيو تتضيفو عندي SVP

العادة تاع يبات عندها غاشي بزاف احنا عندنا مبقاتش تقريبا انقطعت الا فيي بعض المناطق ممكن مازال تبات عندها اختها وخالتها ولا منعرف شكون بخلاف..وهادي غير خرطي وتصرفات غير حضارية البتة البتة خخخ
عادات بالية مازلنا محتفضين بيها ممكن سنة نبينا مراناش متمسكين بيها هاكذا..
اما بخصوص ماكاش لامان كاين الي رجعلهم وسواس قهري وخوف زااااااااااااايد اتفكرت حكاية في هاذ الدوسي (وحدة عروسة كانت دايرة شورتها في غرفة وطوووووووووووووول فترة التشوار والطاقة تاع الغرفة مغلوقة علاش؟تفتكرو مشان شوووو؟؟حزرتو؟؟نو؟خلاص خلاص رايحة نقول واش هاذ لعياط ههههه كانت مرات عمها تسكن قريبة منهم وكانو حاسبينها سحارة مالا خافت تفتح النافذة خاطر خافت تعملها معمول)وسبحان الله المراة نعرفها شخصيا خاطيييييييييييييييها حسبنا الله السفيه يقرى مافيه..المخلوقة حتى اتنفس البيت لما اتزوجت وخرجت من دار باباها حتى حسيت الدار كاملة نطقت اوووووووووووووووووووف
الامور هاذو نتجنبوهم بالتحصين ونكونو متفطنين صح مي ماشي لدرجة الوسواس وزيد قدام الناااااس يابابا على بابا ...سمحولي طولت ااااااااااااسفة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top