كرهت ماما كرهتهاااااا وكرهتني فيها وليت منحملهاش من عمايلها

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2019
إنضم
19 أكتوبر 2013
المشاركات
677
النقاط
51
يا ربي لعزيز كرهت حياتي كرهتها وليت نتمنى ربي يجيبلي طيرة من هاذي الدار
مشكلتي مع امي ماتفهمني ابد
و دايمن تدعي علي و تدافع عن أختي بلا حتى حاجة واش درتلها ؟
حسيتها تغير مني بزااااف ساعات كي نعود نحكي معاها ودير روحها مسمعتش
كي نقول كاش حاجة تقولي عاودي عاودي ومنبعد الخطرا الجاية تقولي انا لي علمتهالك o_O نسكت ونخليها لا علينا
في العطلة فرزت دار نضفتها عوادت كلشي غير باش نفرحها ومنبعد أجي تتمهزا بيا وتقولي هذا فريزك بتمهزانية
ختي هاذي الله لا يقدر تكون عندكم أخت كيفها قلبها قاسي قاسي حجرة :( عجبك هيا لكبيرة ياخاااه كون جيت انا في بلاصتها ختي صغيرة نديرها في عينيا
صدقوني يا جماعة هيا كي تطلب مني حاجة والله نمدهالها ونسلفهالها وكي تشري حاجة تخبيها عليا
وانا كي نكسب حاجة نطيشها راهي ليا وليها وتجي تهزها بلا ماتشاو وانا اذا هزيت ولا مسيت حاجة من حواجيها تروح تشكي لبابا وبابا يجي يضربني والله كرهت :( يدافعو عليها منين تنفحلهم يضربنوي زرقوني كرهتهم كرهتتتتتتتتتتتتتتتتتتتتتتهم وشحال من خطرا يضربوني وننسى ونولي معاهم كي شغل مادرولي والو بالعة قلبي :( والله كون جا عبد واحدوخر يا حصرا من لي دار في روحو حاجة
انا اذا هدرت هدرة قدامهم وهي ستوتة من تحت لتحت والله يا جماعة كون جاو يعلمو واش في لقلوب تبانلهم شكون لمليحة هي متهدرش بصح مشرانية دير خدايمها من تحت لتحت وبيناتهم عاقلة ومفيهاش الشر وانا لي في قلبي على راس لساني ساعات نقول نقسح قلبي بلاك نولي مليحة معاهم والله قلبي حنين وعايشة حزينة
راهي غايضتني روحي بزااااااااف :cray02: :cray01:

 

حكيك

:: عضو شرفي ::
إنضم
22 مارس 2009
المشاركات
8,010
النقاط
351
رد: كرهت ماما كرهتهاااااا وكرهتني فيها وليت منحملهاش من عمايلها

تم الاعتماد
 

أم راضية ~_

:: عضو متألق ::
إنضم
4 جوان 2011
المشاركات
3,063
النقاط
191
رد: كرهت ماما كرهتهاااااا وكرهتني فيها وليت منحملهاش من عمايلها

السلام عليكم ورحمة الله وبركاته
يا اختي راني فاهماتك ملييييييح مليييييييييح وحاسة بيك
بصح في بالك واش رح نديرو معاهم ؟؟؟
هادو الوالدين مهما كان يبقاو والدين
والاخوة تانيت ,, الدم عمرو ما يولي ما
الواحد يساعفهم على قد ما يقدر
وهادا ابتلاء من عند ربي
نوصيك بحاجة وحدة علابالي مادام لحقت بيك لهاد الدرجة معناها راكي صابرة نزيد نوصيك بالصبر والمساعفة
و أهم حاجة الدعاء والاستغفار
استغفري بزاااااااف بزاااااااااااااف
اقراي على ثمار الاستغفار و جربيه وشوفي الفرق
مانقدر نقولك والو من غير سبحان الله دواء اعطاهولنا الرحمن
ربي يهنيك اختي ويفرحك ويعطيك ما تتمناي ان شاء الله
وديري في بالك الظالم ربي ياخدها فيه والمظلوم ربي يعطيه​
 
إنضم
9 أفريل 2009
المشاركات
5,472
النقاط
351
العمر
30
محل الإقامة
بسكرة
الجنس
ذكر
رد: كرهت ماما كرهتهاااااا وكرهتني فيها وليت منحملهاش من عمايلها

ربي يقدرلك الخير اختي

وربي يهدينا لما فيه الخير
 

JAWHARA25

:: عضو مُشارك ::
إنضم
4 أفريل 2010
المشاركات
478
النقاط
31
رد: كرهت ماما كرهتهاااااا وكرهتني فيها وليت منحملهاش من عمايلها

واش راحة نقولك اختي ، والله حنا الجزايريين نعرفو غير الضرب ، سبحان الله ،تقولشي قطعولنا الصرة عليه ،ههه كيما تقول اما ،الضرب اختي رانا كامل تضربنا ومن ما ، نخافو منها بزاف ، انا نشفى على روحي كي كان عندي 8 سنين ابتداءي ،كون منديرش شغل الدار تخلى عليا ، ،اييييه ،واش نحكيلك ، بصح هاد الشي كامل في مصلحتنا تخرجي فحلة منبعد ، وتكبري وتنساي نورمال ، بصح ختك ،خاصك تهدري معاها ، وتفهمي عﻻة راي ادير هكا ، يمكن مهيش متولها بلي قاعدة تضر فيك ، ﻻنو مستحيل اﻻخت تكره ختها وﻻتضرها ،لغيره كاينة صح ، بصح ماتوصلش للكره ،ان واش غرت من خواتاي زعمة كي تعاملهم ماشي زيي ،ودرك كبرنا وزوجنا ،والله نتوحشو بعضانة وايام الصغر مايتعوضوش ،يجي يوم تقولي كون غير راني في دار والديا مع ماما وختي ،ﻻشتا غوال ،هههه ، ربي يصلح حوالك ياختي ،علبك بالاستغفار ،راو يبل من حال الى حال ،انةشاء الله ،
 

MISS ROSE

:: عضو مُتميز ::
إنضم
7 جوان 2013
المشاركات
920
النقاط
71
رد: كرهت ماما كرهتهاااااا وكرهتني فيها وليت منحملهاش من عمايلها

السلام عليكم
يا غالية فعلاااا غضتيني بزااااف مي وش راح نقول لختي راكي تحكي على عيلتك كون جا حبيب نقولك خليه كون جا راجل نقولك اصبري ولا بطلي عليه راكي تهدري على ام اب واخت للاسف لا حل الا الصبر وادعي ربي يفرج عليك انا دايما نشوف الحل في التسبيح والحمدلله ربي ما يخيبنيش كيما نسبح مام المشكل كبير يعطيني ربي طمأنينة وراحة بال اذن قولي يا غالية لا اله الا انت سبحانك اني كنت من الضالمين و قولي تكرارا اليس اله بكاف عبده وايضا سبحان اله وبحمده واستغفر الله واتوب اليه
سامحيني مالقيتش وش نقول ماعدا ربي يفرج على اختي واذا راكي كبيرة روحي زوجي خير اذا خطبوك روحي بالاك تلقاي الراحة عند الزوج والله اعلم
 

سحابة جايزة

:: عضو منتسِب ::
إنضم
21 أوت 2013
المشاركات
3
النقاط
2
رد: كرهت ماما كرهتهاااااا وكرهتني فيها وليت منحملهاش من عمايلها

ربي يهدي لوالدين لي يكما هاك ’’
 

hadda0425

:: عضو شرفي ::
إنضم
12 أفريل 2009
المشاركات
5,657
النقاط
351
رد: كرهت ماما كرهتهاااااا وكرهتني فيها وليت منحملهاش من عمايلها

يا اختي وش نقولك كيما قالو لي قبلي هادي عايلتك معندنا حتى حل غير اصبري واتقربي الى الله بالدعاء لصلح الحال
حاولي انك تتكلمي مع اختك علاه هذا النفور والكره ممكن انت درتي اخطاء بدون ما تحسي ممكن انكما متقاربات في العمر ومجرد غيرة فقط فيما يخص امك مستحيل الام تكره ابنتها ممكن راهي غير تزير عليك برك بالاحرى حبت تنعتلك صلاحك لكن ما عرفتش طريقة توصلك الفكرة وهادي طريقتها كاينين بزاف امهات ما يعرفوش الطريقة الصحيحة
ان شاء الله تهدأ الامور بينكم ودوام الحال من المحال
 

هآلة

:: عضو متألق ::
إنضم
3 جويلية 2011
المشاركات
3,170
النقاط
191
رد: كرهت ماما كرهتهاااااا وكرهتني فيها وليت منحملهاش من عمايلها

أهلين أختــــآه

أمممم والله حاسة بييييكــ ونقولكــ غير أصبري هادو والدييكــ ! وباين بلي اختكــ هي الكبيرة ويحبو يتلعولها في شانها قدامكــ باه أنت تحتارميها .. ! !
دركــ من رايي انا انكــ تحاولي تتقربي من الاخت الفاضــلة و ماتقوليش عليها بلي انانية و ستوتة
ارواحيلها غير بالسياسة صحا هي التحت التحت كوني مام انت كيفها معاها .. ماعليش كي تشري حاجة خليها تلبس معاكــ ! و كي تجي تتعشاي و لا تتغداي و لا تتفرجي كاش حاجة عيطيلها يا فلانة ارواحي ديري معايا هكــ .. و ايسيي تلعبي و تضحكي معاها
معليش نفرضو انها مش مليحة وماتصلحش يكون انت منكــــ العقل اختي ! شاوريها في الصغيرة وفي الكبيرة مام ولا حاجة تافهة كامل روحي اهدري معاها وحاولي تبينيلها بلي هي الكل في الكل و عندها حساسية منكــ ماتحبكش تلبسيلها حوايجها ع الراس و العين ا سيدي ... ماتلبسيهمش و مام ولا زعفت منكــ اطلبي منها السماح ! و خليها تهدى و قوليلها والله عجبتني هاديك اللبسة تاعكــ اعطيني نلبسها يوم . ادا ماحبتش قوليلها اوكـــــ و عادي ماصرى والو ... وهاكــ مام باباك ويماك يعرفو بلي كبرتي و راكي تحتارمي في اختكــ الكبيرة وهاك مام هوما يفهموكــ وما يوليوش يحقروكــ حنونة !
.......

و مام كي تتقابضو صوتكــ لازم مايطلعش ع صوتها و ماتزاقزيهاش .. تقولكـــ الحليب اكحل قوليلها وي اكحل شفتيه !!!!!!! انت تناقشيها تحقركــ عاوديلها قوليلها كيفاه هادا ماسمعتينيش و ماتزعفيش جيبيها مام انت بالبارد و ا ضحكيلها ! ويماكــ تقولكتـ تخمالك ماشي ملييح قوليلها هاكا نعرف لمرة الجاية دوكــ نحاول يكووون خيييييييير .... مام انت واقيل تكوني تشنفي و تردي الهدرة سي بور سا يزعفو منكـــ ...
وكيما قالو اصدقائي قبلي .. ماتنسايش تدعي ربي يهديهم و يصفي قلوبهم
و ربي خلقك وسواكـــ هاكا تجازييه تعملي في روحك حاجة .. والله هادي دنيا و حياتك وروحكــ اعز من كل شئ ماتفكريييش تمسيها بحتى سوءء هوما يزيدو يستحقروك و ربي يزعف منكــ و العياذ بالله .... اقراي مليييح و سوي وضعيتك مع الاخت و هكا تتحل كل مشاكلكــ مع والديييك مهما يكون هادي اختكــ وتحبكــ وتحبيها و مهما وش دارت ماتنجميش تكرهيها كيما قلتي
والله حاولت اني نعاونكـــ و ان شاءء الله تلقاي طرييق يعاونكـــ ..

سلام :regards01:
 

يونس الصديق

:: عضو شرفي ::
إنضم
7 أكتوبر 2009
المشاركات
5,921
النقاط
851
محل الإقامة
غليزان
رد: كرهت ماما كرهتهاااااا وكرهتني فيها وليت منحملهاش من عمايلها

السلام علىكم
أرى ان بعض ردود الزملاء هنا لا اقول قاسية وانما تنقس من قدر الأم قليلا


المهم اختى ستكبرين وستكون لديك عائلة ، وستكونين أما فتعرفين مهنتها عن تجربة وتدركين صعوبتها وفضلها وتعبها
وكل أسرارها ، فنحن نمدح أمهاتنا بما تفعلهن ولكننا لم نقل الا القليل وما رايناه فقط

عليك اختى أولا التحلى بالهدوء ومجالسة نفسك واعادة النظر في قضية الأم وفضلها فى كونك شابة الان
فضل لن تردى جميله ما حييتي
ثم عليك بالصبر فى الشدة فوالله ان طعم التربية مر المذاق وحلو المذاق فى نفس الوقت
والأم التى ولدت من بطنها صغارا لن تهمل احدهم مهما فعلت والى الممات فهو الرابط الموصول بينها وبين وليدها
باذن الله ، لذلك أعلمى انها تحبك حبا جما واقتنعى بذلك ولا يغرنك الشيطان بالعكس

وعن قضيتك واحساسك انك مظلومة وانها تقسو عليك ، فكوني ذكية وادرسي أماكن الضعف والأخطاء التى تقعين فيها
او الأخطاء التى تقع فيها امك فلسنا معصومين من الخطايا وحاولي اصلاحها مع الدعاء بالمساعدة الربانية
واكضمي غيضك فهو شيطان لعين يريد الفصل وقطع صلة الرحم
أقول لك هذا اختاه لانها ومهما كانت صفاتها فهي عظيمة بفضل تربيتها حتى ان الله وكي يبلغنا اهميتها أمرنا بمصاحبتهما وان كان يأمراننا بعكس الديني الاسلامي

أعود الان الى قضيتك مع الام والاخت
مشاكل البيت كثيرة وحتي ان كنت تظنين انك تحسنين التوضيب ، حاولي كيما نقولو كبري قلبك وارضيهم
وهذا ليس بالضعف او الهزيمة انما الأخلاق بعينها وسيرفع الله مقامك
حاولي مراضاة امك تدريجيا ولا تقولي انها قاسية كل الساعات ، فكل ام تحن الى أبناءها فاغتنمي الفرصة
وجالسيها اوقات هدوئها وحاولي محادثتها فى امر لطيف واكسبي ثقتها وجددي علاقتك بها لعل الخير يحل ان شاء الله

بالتوفيق لك
 

حاملـة المسك

:: عضو متألق ::
إنضم
15 ماي 2010
المشاركات
3,994
النقاط
191
رد: كرهت ماما كرهتهاااااا وكرهتني فيها وليت منحملهاش من عمايلها

السلام عليكم
ماذكرتي ما هو والووووو لما يتقارن بطريقة كلامك..!!
***
من المفروض والديك اقول والديك خلينا من //الاخت //يشوفو لصغرك و يتمشاو معاك على قدر عقلك بصح مفطنوش .. دوووماج
كلامك يدل بلي راكي صغيرة :)
و فوقها باينة انك تتكلمي مع داركم هكدا و لا كتر:(
تقلي روحك شويا و ركزي في طريقة حديثك;)
بالتركيز يكبر عقلك و يعقال وبيه تعرفي تتصرفي مع العائلة بذكاء و تجلبيهم ليك;)
بالتوفيق حبوووبة.
 

samah06

:: عضوية محظورة ::
إنضم
12 أكتوبر 2012
المشاركات
4,727
النقاط
191
محل الإقامة
الجزاير
الجنس
أنثى
samah06، تم حظره "حظر دائم". السبب: تم تنبيهك فيما سبق عن الاشهار لقناتك واحترمناك لكونك عضوة قديمة وكبيرة لكن تعودين الان بنفس الاشهار لقناتك نتأسف تتعاملين مثل بقية الاعضاء حظر دائم
رد: كرهت ماما كرهتهاااااا وكرهتني فيها وليت منحملهاش من عمايلها

حبيبتي او بالاحرى بنيتي
اولا مكانش ام تكره بنتها مستحيل
ثانيا مكانش ام تتكره متعاوديهاش وتقولي نكره ماما
حسيتك من كلامك راكي صغيرة في العمر وصغيرة في الدار
ووالديك حبوك تكبري وترزاني وترجعي مرا لهذا امك تعقب على خدمتك باه تتقني اكثر
واختك مجرد غيرة اخوات وكبرت معاكم بقيتو تتناقرو
وانا ننصحك باه تسمعي اكثر ما تتكلمي ويعني انت ما اديري والو ملاك وهما ضالمينك ديما ديما راكي تقسيهم والا تتنرفزي عليهم
ربي يوفق وننصحك بلي الحس في الدار مش مليح وكوني اكبر عقلا منهم وبدلي الطريقة اللي راكي متخذتها في المعاملة معاهم وحوسي على طريقة تكسبي بيها يماك وتدي دعوة الخير واسمعيها وطعيها
ربي يخليهخا فوق راسكم يا رب
 

مينا وبس

:: عضو منتسِب ::
إنضم
10 جويلية 2013
المشاركات
12
النقاط
3
رد: كرهت ماما كرهتهاااااا وكرهتني فيها وليت منحملهاش من عمايلها

تحية ليك و امبعد انا تاني نعاني من مشاكل عائلية بزاف بصح ماشي


مع امي واختي انا نعطيك نصيحة كيما الدير لك ديريلها علاقاش عاملتيها بضرافه ماحبتش


باي
 

راضية حامدة

*أستاذة* عضو شرفي
إنضم
30 أفريل 2010
المشاركات
1,281
النقاط
71
رد: كرهت ماما كرهتهاااااا وكرهتني فيها وليت منحملهاش من عمايلها

السلام عليكم
اختي الكريمة خليتي بزاف تفاصيل ما تكلمتيش عليها
يا ريت تقولينا عمرك و عمر اختك؟ وضعيتكم الاجتماعية؟
يعني شوي تفاصيل عليكما باش نقدرو نوجهوك بطريقة صحيحة بلا ما نظلمو اي واحد
اكيد هناك اسباب لهذه الحالة
و انت ما ذكرتيش بزاف امور
يا ريت تعاودي موضوع تذكري فيه التفاصيل المهمة في اي مشكلة
 

العروة الوثقى

:: عضو مُتميز ::
إنضم
28 ماي 2014
المشاركات
1,208
النقاط
71
رد: كرهت ماما كرهتهاااااا وكرهتني فيها وليت منحملهاش من عمايلها

اختي مهما كل شىء والداكي هما كل شيء في حياتك
وكيف تكرهين امك
مع كل ذلك امكي امكي حملتكي 9 اشهر وربتكي وسهرت عليكي
وربي يقدرك
ويهدي من خلق
 

Mr mino

:: عضو شرفي ::
إنضم
20 ديسمبر 2007
المشاركات
4,789
النقاط
351
رد: كرهت ماما كرهتهاااااا وكرهتني فيها وليت منحملهاش من عمايلها

آُمَكْ تَبْقَىْ آُمَكْ وَ عَلِيْكِ تَقْدِرِيْهَآَ وْ تَطْيِعِيْهَآَ وَ تْبَرِيْ بِيْهَآَ كِيْمَآَ تْقُوْلَ آَلْشَرِيْعَةٌ وْ بِآَلْسَيْفَ عْلِيْكِ

قَلْبَ آَلآَمْ مَآَيْمَيَزْشَ آَنْتِ آَلْلِيْ تْبَآَلَكْ هَكَآَ

آَخْتَكْ فِيْ بْلآَصِتْهَآَ وْ آَنْتِ فِيْ بَلآَصْتَكْ وَكَآَمَلْ عْزَآًَزَآَتْ عِنْدَ مَآَمِتْكُمْ

مَآَلآَ آَ آَلْحَآَجَةٌ نَحِيْ كُلْشِيً مِنْ رَآَسَكْ وَ آَبْغِيْ مَآَمَآَكْ وْ جَآَمِيْ تَقُوْلِيْ كَرَهَتْهَآَ

.........

الله يَعْطِيْكَ آَلْعَقَلْ

شُكْرًآَ زَنْجَبِيْلآً




 

amina-amina

:: عضو مُتميز ::
إنضم
21 جوان 2013
المشاركات
650
النقاط
51
رد: كرهت ماما كرهتهاااااا وكرهتني فيها وليت منحملهاش من عمايلها

choufi khti kanet wa7da na3rafha kifek nichan mais doka bdat tt7asen ls condition tawa3ha pk??
dok ngoulek comment kanet mm hiya ghir hagrinha haka mais kanet hiya li mate7kich w matbeyench wach raha haba wacha marahach haba tema welet ta3ti l'avie ta3ha te7ki m3a baha w yemaha aussi et apré grat bien w dat le bac et apré raha 1anné université donc welit andha solta
 

سارة السوفية

:: عضو منتسِب ::
إنضم
31 ماي 2014
المشاركات
20
النقاط
3
رد: كرهت ماما كرهتهاااااا وكرهتني فيها وليت منحملهاش من عمايلها

لا حول ولا قوة الا بالله
مانيش عارفة واش نقلك
المهم لا تكرهى امك ابدا مهما عملت لا تكرهيها
لانها الماء الذي نشربه والهواء الذي نستنشقه
قال رسول الله صلى الله عليه وسلم
امك ثم امك ثم اامك
ارجو ان اكون قد افدتك اختى
 

nanoche

:: عضو مُتميز ::
إنضم
19 مارس 2013
المشاركات
1,093
النقاط
71
رد: كرهت ماما كرهتهاااااا وكرهتني فيها وليت منحملهاش من عمايلها

اولا يا اختي انا ضد العنوان اللي حطيتيه و الام عمرها ما تتكره حتى ويلا علقاتك كنتي قادرة تحطي عنوان خير من هذا وصدقيني يجي يوم رايحة تندمي عليه و تتمناي تمسحيه و شوفي شحال من واحد قراه حتى ويلا ما يعرفكش
و بخصوص مشكلتك ما راكيش الوحيدة اللي تعاني من هاد المشكل ربما صغر سنك و راني حاساتك في سن المراهقة اللي هو سن خطير و يخلي البعض يتوهمو انو عايلاتهم يكرهوهم و الحقيقة بعيدة بزاف على واش راكي حاسة
وهاد الاخت اللي راكي تشوفيها ستوتة و أنانية و هي تغير منك كاين ناس راهم متمنيين لوكان ربي رزقهم الأخت مهما كان قلبها قاسي يجي يوم و تلين و ترجعو حنان على بعضاكم أنا واحدة نتمنى لوكان عندي أخت نفرغلها قلبي
استغفري ربي يا اختي و غيري الفكرة اللي راها في راسك انو اهلك ما يحبوكش و ماكانش دخان بلا نار احمدي ربي اللي اعطالك والدين و اخوة و اخوات لأنو غيرك راهو يحلم تكون عندو عايلة كيما عايلتك و كل ما تكبري كل ما رايحة عايلتك تتبدل من جيهتك و حتى افكارك انتي راهي رايحة تتبدل و يجي يوم تضحكي على روحك و تقولي كيفاش انا كنت نشوف بليك ماما تكرهني
ربي يعدل الاحوال

 
الحالة
مغلق ولا يسمح بالمزيد من الردود.
Top