واش حوالكم يالمنكوبين مع النت لي تقطعت في الجزاير

[لؤلؤة قسنطينة]

رد: واش حوالكم يالمنكوبين مع النت لي تقطعت في الجزاير

الناجون من ضحايا انقطاع الكابل :d:p:p


ولازالت عملية الانقاذ متواصلة :p
نامل بالوصول الى الاغلبية في اقرب الآجال ان شاء الله :d

ههههههههههه ضحكتني تاع الناجون من ضحايا انقطاع الكابل
انا كنت من المنكوبين حتى البارح باه جا فريق الانقاذ :d قريب رحت فيها وغرقت ههههه
​

 

[ضيوف وسـنغادر]

رد: واش حوالكم يالمنكوبين مع النت لي تقطعت في الجزاير

بالنسبة لي ماهمتميتش بيها خلاص ...ياو وجوه خاوتي فالدار نسيت كيفاه تيجي من الطابلة تع البقسم للطابلة تع الثانوية هههه
هههه مي بعد ما سمعت ما فهمتش كيفاه الكونيكسبو تاع دارنا تمشي فور احنا ماتبعينش للدزاير ولا كيف هههه؟
ايه صح تقعد حاير شعب معلق راسو غير بالفايسبوك علاه ؟ لا افادة ولا استفادة
تقولهم السلام عليكم يقولولك واش خدمو لكابل ؟
....في الفكر الكثير لكن لنكتفي بالقليل

 

[ĂÝǾΰb]

رد: واش حوالكم يالمنكوبين مع النت لي تقطعت في الجزاير

رح يديرو لجنة يشوفو المنكوبين يديرولهم تعويضات

سلال دار سياسة تقشف اسبوع بدون انترنت هههه
​

 

[Skor m@k]

رد: واش حوالكم يالمنكوبين مع النت لي تقطعت في الجزاير

لاأنترنات لا 3 جي لاجد ماليهم
المشكل الشعب يكونيكتي بضمير مرتاح ههه
لان المشكل جماعي
تفكرتني مين ماتديرش تمرين و تسقسي صحابك ايا مين ماتلقاهمش حلوه تسمآ ترتاح نفسيا
الله غالب جزائري في العقلية

لكان غير راحتلي النت
حتى خفت وحدي فاللمة بقيت نسمع غير فصوت الأشباح خخخخخ​

 

[لؤلؤة قسنطينة]

رد: واش حوالكم يالمنكوبين مع النت لي تقطعت في الجزاير

لاأنترنات لا 3 جي لاجد ماليهم
المشكل الشعب يكونيكتي بضمير مرتاح ههه
لان المشكل جماعي
تفكرتني مين ماتديرش تمرين و تسقسي صحابك ايا مين ماتلقاهمش حلوه تسمآ ترتاح نفسيا
الله غالب جزائري في العقلية

لكان غير راحتلي النت
حتى خفت وحدي فاللمة بقيت نسمع غير فصوت الأشباح خخخخخ​

هههههههههه هاديك هيا
ياو المشكل, رايحة نقرا بضمير مهني لأنو كل الواجبات ماقدرتش نديرها خاطر ماكانش النت
حتى نلقى الجماعة هادوك لي يفسدو الفرحة -_- موجدين كلشي وجايين , ياك ماعندكمش النت كيفاه خدمتو؟؟ :-o
وفي النهاية تطفر غير فيا :d
وزيد الاستاذ يقولك الخدمة مديتهالك نهار الاثنين والنت راحت بالخميس يعني ماعندكش حجة هههه
وانا نحب نخدم غير بالويكاند هههه هادي هي الحجة الضعيفة تاعي :$
المهم الحمد لله لي ولات النت وراحو مشاكلنا حتى انا عندي بحث الاثنين الجاية ولا كن توخدت ههه
درك ماكانش اشباح رانا ولينا وعدات الأزمة الاقتصادية :d
ماديرش عليا خويا
تحياتي ^^
​

 

[Salam Fleur]

رد: واش حوالكم يالمنكوبين مع النت لي تقطعت في الجزاير

السلام عليكم

الحمد لله .. فوت ايامات رحمة ربي هههه .... ديجا مش من نوع لي تلقاني مدمنة على النت .... صح كاين حوايج حتجتوا فيهم بصح مش لدرجة نتاع هاذيك لي قالتلهم قطعوا شراييني و ماتقطعوش النت :-o:scared01::scared01:

تحياتي

​

 

[Ľă Mîšš HîBă]

رد: واش حوالكم يالمنكوبين مع النت لي تقطعت في الجزاير

والله نوورمماال كي راحت كي لعسل خخخخخخخخخ

 

[@R@ZIK]

رد: واش حوالكم يالمنكوبين مع النت لي تقطعت في الجزاير

السلام عليكم
شكرا ساندي على الموضوع
صح ولينا نسمعو في الدار النت والكابل وفي الخدمة في الشارع
كامل الناس تهدر غير عليهم قالك هذي داخلة في سياسة التقشف
انا فرحت نقصت عليا الخدمة شوية ريحت يومين بلا تكسار الراس
ربي يجيب الخير
هنا نعرفوا بلي الناس راهم مهوسين بالانترنت بزاف
شكرا​

 

[NASRO DZ]

رد: واش حوالكم يالمنكوبين مع النت لي تقطعت في الجزاير

النت كارثة في الجزائر
والمشكل يقلك 1 ميغا وفي الحقيقة كي 1 ميغا كي 2 ميغا
وزيد تنقطع
دول منا ماتروحش النت وكاين دول ماعندهمش قيمة لنت
احنا نخلصوها فيها اكثر من الغاز والكهرباء ههه

 

[Hakan]

رد: واش حوالكم يالمنكوبين مع النت لي تقطعت في الجزاير

قالهم واحد جزائري شكيت همي للحوت قطع الكابل نتاع النت
والله ما نكذب عليك انا شخصياا حسيت بالديقوطااج لانو مانيش موالف تروحلي النت هكاك على حين غفلة
وموالف كي نعول نحبس النت ندير النية اولاا ومن بعد نصحر خخخخ ومن بعد نصوم على النت لاياام معدودات
مي كي تروحلي على قيلة نتعب مورالمون بزااف والحمد له دركا راهي في التيليفون سلاام..​