قولولي برك ، يصرا هدا الشي معاكم ولا انا برك ؟؟؟؟؟؟؟؟

[أم أُنٌَيسة]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

نعم أكيد أخت الكريمة الأمر راهو قلة الادب وعدم التربية، فقط قلت أن الأمر (راهو عادي) من باب
أنو من تكراره وانتشاره بزاف تحول إلى (عادي) لأنه معروف عند المجتمع، وممكن ماكانش بنت
ما تعرضتش للمعاكسة في حياتها وبمختلف الطرق، ولكن الي (مش) عادي معاكسة الفتاة للشباب
لأنو الأمر راهو نادر وقليل وين نسمعوه، وللأسف المعاكسة تحولت الى (عادة) في مجتمعنا الذي
أصبح مريض نفسيا، وربي يقدر الخير ان شاء الله

وأعتذر عن المداخلة أخت الكريمة والتعقيب على ردك، فقط أردت توضيح نقطة ربما أخطأت في
صياغتها.

الله يهنيكم، وربي يحفظكم ان شاء الله من كل شر

شكرا
​

اعرف ما قصدت يا اخي الكريم
و لا داعي للاعتذار فهدا موضوع للنقاش اكيد
و لكن ليس عاديا ، مجتمعنا ما يعتبر تلك الامور عادية و في الحقيقة هو كارثة
اللهم امين يارب نحن و انتم و كل المؤمنين
بارك الله فيك و جزاك خيرا
لا شكر على واجب ان شاء الله تعالى
تحياتي احترامي و تقديري لشخصكم الكريم الغالي
:regards01::regards01::regards01:
​

 

[أم منيــــــر]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

أهلا خالتي الغالية ، و انا نقول واش النور هدا اللي طاح على الموضوع
ايه يا خالتي والله ماتلقاي واش تقولي و واش تديري ، ربي يهديهم برك واينة مرة عمي عيطلها واحد هي تقلوا اني متزوجة و بيواني و هو يقللها نورمال نحبك و من بعد ولا يقللها مديلي بنتك
والله يا خالتي مانلقاو واش نقولوا غير ربي يهدينا و يثبتنا ان شاء الله يارب
بارك الله فيكي و جزاكي خيرا خالتي الغالية للمرور العطر و الكلام الطيب
الله يغليك و يعليك ويعافيك ان شاء الله يارب
تحياتي احترامي و تقديري لشخصكي الكريم الغالي الطيب
:$:$:regards01::regards01::regards01:
​

الموضوع منور بيك عزيزتي ربي ينور د****:regards02:
ايه شفتي كفاش
ما خلاو لا مزوجة و لا غيرها
فارغين شغل يحبو يفوتو الوقت باي حاجة و لي بونيس معاونيهم
فليكسي 100 دينار آكتيفيها و قصر على روحك هههههه
الله يهدي عبادو و يعطينا العقل و الصبر
آمين حبيبتي و لك بالمثل يا رب :love01:
شكرا لك على الكلام الطيب يا طيبة :regards01:
​

 

[عاشقة الكرة]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

السلام عليكم
شكرا لك على الموضوع
انا والله الحمد لله ميصراوليش هاذو المشاكل لاني مريبونديش خلاص ونومرويا حتى لبنات منمدولهمش واي نيمرو يدخلي جديد نمدو لخطيبي يعني منكسرش راسي خلاص سمانة لي فاتت جيت نعيط لخالتي غلطت في نمروها لخر مالا زربت كوبيت لغدوا عيطلي هذاك النمرو مديت لخالي يحكي معاه قلو غلطنا السيد دخلهالو تعارف شكون انت وين تسكن وش راك دير مالا كون ريبونديت انا خلات قلو خالي مانيش قاعدك واسمحلنا غلطنا الغدوا عيطلي انكوني 2 مرات مرييونديتش يعني الواحد غلط حصل مع شعبنا
تقبلي مروري

 

[أم أُنٌَيسة]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

الموضوع منور بيك عزيزتي ربي ينور د****:regards02:
ايه شفتي كفاش
ما خلاو لا مزوجة و لا غيرها
فارغين شغل يحبو يفوتو الوقت باي حاجة و لي بونيس معاونيهم
فليكسي 100 دينار آكتيفيها و قصر على روحك هههههه
الله يهدي عبادو و يعطينا العقل و الصبر
آمين حبيبتي و لك بالمثل يا رب :love01:
شكرا لك على الكلام الطيب يا طيبة :regards01:
​

:$:$:$:$ النور نورك والله يا خالتي
ايه والله ماتلقي ماتديري معاهم ، كنت نبلع التيليفون و نظن انو البيس هديك كانت عند وحدة اسمها نوال لانو عيطولي زوج و قالولي نفس الاسم وليت نبلعوا و نخليه لكن الان الحمد لله
امين يارب خالتي الكريمة ، نحن و هم و كل المؤمنين ان شاء الله يارب
لا شكر على واجب خالتي ، و انتم كل الطيبة و الله و لم اقل سوى الحقيقة
تحياتي احترامي و تقديري خالتي الكريمة
:regards01::regards01::regards01::love01:
​

 

[أم أُنٌَيسة]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

السلام عليكم
شكرا لك على الموضوع
انا والله الحمد لله ميصراوليش هاذو المشاكل لاني مريبونديش خلاص ونومرويا حتى لبنات منمدولهمش واي نيمرو يدخلي جديد نمدو لخطيبي يعني منكسرش راسي خلاص سمانة لي فاتت جيت نعيط لخالتي غلطت في نمروها لخر مالا زربت كوبيت لغدوا عيطلي هذاك النمرو مديت لخالي يحكي معاه قلو غلطنا السيد دخلهالو تعارف شكون انت وين تسكن وش راك دير مالا كون ريبونديت انا خلات قلو خالي مانيش قاعدك واسمحلنا غلطنا الغدوا عيطلي انكوني 2 مرات مرييونديتش يعني الواحد غلط حصل مع شعبنا
تقبلي مروري

و عليكم السلام و رحمة الله تعالى و بركاته
لا شكر على واجب ان شاء الله تعالى و كل الشكر لكم و لتواجدكم الطيب الغالي
ايه يا اختي والله تغلطي تحصلي ، و مرة صراتلي انا تانيك عاودلي و لما لقاني طفلة كان حب يحكي معي و من بعد قلتلوا اسمحلي لما عيطت لراجلي غلطت
قاللي نورمال و كوبا
ربي يهدينا و يهدي كل المؤمنين ، و اكيد ماشي الكل كاينين الله يبارك تبارك الله
بارك الله فيكي لمروركي العطر الغالي و كلامكي الطيب اختي الكريمو
تحياتي احترامي و تقديري لشخصكي الكريم الغالي
:regards01::regards01::regards01::love01:
​

 

[Salam Fleur]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

اني زدت وليت نبالتك هنا ههه ما تزاودينيش برك خخخخ

كيان تاني حاجة فكرني فيها خويا ديسق ....

كاين بعض الاتصالات مقصودة و لي يصوني راه يعرفك و راه يا اما حاب يجربك ...و هاذي المخطوبين يديروها لبعضاهم بزاااف .... لعب تاع ذراري الصغار .......يا اما حاب يوقع بينك و بين واحد اخر وخصوصا المتزوجات .....

و نحكي حكاية صرات مع الام و الاب تاعي

مرة صونالها واحد كي ردت عليه قاللها ياك انتي فلانة قالتله وي هي حسبالها تاع العائلة و من بعد كي قالتله شكون انت قالها بلي انا واحد ماتعرفيهش و حبيت نصونيلك باه نقولك بلي راجلك راه يخون فيك مع واحدة .... ماما لهدلته و كوبات و حكات للاب تاعي ...بعدها بيومين صونات واحدة للاب تاعي و نفس الحكاية على اساس انه امي راهي تخون في الاب تاعي ....

بعده الاب تاعي كي شاف الحكاية راهي فيها ان ...هدر مع واحد صاحبه في لابوليس ..... قالوا ماكانش مشكل من بعد تحرياته بان بلي

لي كان يهدر مع الام تاعي هو وليد عمي و المراة لي هدرت مع الاب تاعي واحدة وليد عمي يعرفها

و السبب ..... انه كان حاب يصراو مشاكل بين الاب تاعي و الام تاعي حتى يخلاولهم الجو و يلهفوا الورثة تاع الاب تاعي من جدي ...

بون بابا ماحبش يرفع عليه قضية لانه جدي طلب منه ذلك ...بصح قالوا لو يزيد يصرا شي هذا او خلافه او مجرد نسمع كلمة من ولا من طول نبلغ بيك و الادلة راهي كاينة .....

​

 

[أم أُنٌَيسة]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

اني زدت وليت نبالتك هنا ههه ما تزاودينيش برك خخخخ

كيان تاني حاجة فكرني فيها خويا ديسق ....

كاين بعض الاتصالات مقصودة و لي يصوني راه يعرفك و راه يا اما حاب يجربك ...و هاذي المخطوبين يديروها لبعضاهم بزاااف .... لعب تاع ذراري الصغار .......يا اما حاب يوقع بينك و بين واحد اخر وخصوصا المتزوجات .....

و نحكي حكاية صرات مع الام و الاب تاعي

مرة صونالها واحد كي ردت عليه قاللها ياك انتي فلانة قالتله وي هي حسبالها تاع العائلة و من بعد كي قالتله شكون انت قالها بلي انا واحد ماتعرفيهش و حبيت نصونيلك باه نقولك بلي راجلك راه يخون فيك مع واحدة .... ماما لهدلته و كوبات و حكات للاب تاعي ...بعدها بيومين صونات واحدة للاب تاعي و نفس الحكاية على اساس انه امي راهي تخون في الاب تاعي ....

بعده الاب تاعي كي شاف الحكاية راهي فيها ان ...هدر مع واحد صاحبه في لابوليس ..... قالوا ماكانش مشكل من بعد تحرياته بان بلي

لي كان يهدر مع الام تاعي هو وليد عمي و المراة لي هدرت مع الاب تاعي واحدة وليد عمي يعرفها

و السبب ..... انه كان حاب يصراو مشاكل بين الاب تاعي و الام تاعي حتى يخلاولهم الجو و يلهفوا الورثة تاع الاب تاعي من جدي ...

بون بابا ماحبش يرفع عليه قضية لانه جدي طلب منه ذلك ...بصح قالوا لو يزيد يصرا شي هذا او خلافه او مجرد نسمع كلمة من ولا من طول نبلغ بيك و الادلة راهي كاينة .....

​

مرحبا بيكي حبيبتي الغالية ، بالعكس تنوري والله الموضوع راهو موضوعك حبيبة
ايه ، بنات خالي يديروها لازواجهم شحال من مرة
و مرة انا تاني كان يعيطلي واحد يا اختي الله لا يسمعك واش كان يحكي استغفر الله و لا حول ولا قوة الا بالله العلي العظيم
و كان يخلي حتى يحرج ابي من الدار، و باين بلي يعرفني و مرة مديت لاختي قالتلي هاتي نجرب نحكي معاه هي تشوكات
لما مالقيتش حل معاه و ابي كان يحتاجني و كون نبلعوا يقتلني مديت لابي التيليفون و هو دبر راسو
اسبوع و هو عندو و نظن شكى بيه للابوليس و الله اعلم لاني سمعتوا مرة قالوا نجيبك نجيبك وين ماتكون يا وحد الخامج حاشاكم
و الله يا اختي ماتلقاي واش تقولي ، نطلبوا الهداية برك لينا و لكل المؤمنين
تحياتي غاليتي
:regards01::regards01::regards01::thumb_up02::thumb_up02:
​

 

[بنت الـ25]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

السلام عليكم اختي شيماء
والله ضحكتيني ههههههههههههههههههه
مي انا في بالي هاد العقلية تع الديرونجمون فالتلفون راحت بكري ورجعت قديمة
كانت بكري كي خرج التلفون والناس مخلوعين فيه مي دركا ما كانش

صراتلي كي كنت نقرا فالجامعة مرة عيطلي واحد قبايلي ، ما فهمت منو حتى كلمة غير انا حنونك
ايا كي روحت مديت لبابا هدر معاه من تم مزادش غلط:thumb_up02:
ومرة تاني كنت انا وصحبتي في خطبة تع صحبتنا اخرى مالا كي جينا مروحين قاتلي ام خلاصولي ليزينيتي هاتي نعيط لبابا يجي يدينا نروحو
مالا كي فورمات نيمرو غلطت هزت عليها وحدة تاني قباليلية (دعوتي مع القبايل تحية ليهم خخخخخخخخخخ)
كي هزت عليها صحبتي قاتلها راني غلطت سامحيني
من هداك النهار وهديك القبايلية تعيط وتهدر بالغش باينة شبعت فيا سبان:d، وانا مفهمتش عليها ههههههههه حتى حطيتها فالروجوتي

انا هبلوني وحد الوقت بالماسكي ، قالي خطيبي كون يزيدو يعيطولك قوليلي برك نجبدهم شكون
ايا لمرة لجاية كي عيطولي بالماسكي هددتهم ههههههه قتلهم معلاباليش شكون نتوما مي قادرة نجبدكم شكون وما يعياو لابوليس قدام باب داركم
من تما ملي كويتك لا ريتك:bravo01:

ازعاجات التلفون هادي ما يليقلها غير تبدلي النيمرو وما تمديهش لمن هب ودب هادا هو الحل
انا من نهار بدلت نيمرو تعي ارتحت من بزاف مشاكل بوغطون رقمي الاول 7 سنين وهو عندي
​

 

[أم أُنٌَيسة]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

السلام عليكم اختي شيماء

و عليكم السلام و رحمة الله تعالى و بركاته
هلا و سهلا فيكي اختي الكريمة نورتي

والله ضحكتيني ههههههههههههههههههه

الحمد لله ، أحسن من تضربوني هههههههههههههههههههههههه
ربي يدوم و يزيد ان شاء الله يارب

مي انا في بالي هاد العقلية تع الديرونجمون فالتلفون راحت بكري ورجعت قديمة

ايه عندك الحق ، راحت بكري تاع واحد يديرونجي طفلة درك الموضة الجديدة لبنات يعيطوا للدكور

كانت بكري كي خرج التلفن والناس مخلوعين فيه مي دركا ما كانش
صراتلي كي كنت نقرا فالجامعة مرة عيطلي واحد قبايلي ، ما فهمت منو حتى كلمة غير حنونك
ايا كي روحت مديت لبابا هدر معاه من تم
ومرة تاني كنت انا وصحبتي في خطبة تع صحبتنا اخرى مالا كي جينا مروحين قاتلي ام خلاصولي ليزينيتي هاتي نعيط لبابا يجي يدينا نروحو
مالا كي فورمات نيمرو غلطت هزت عليها وحدة تاني قباليلية (دعوتي مع القبايل تحية ليهم خخخخخخخخخخ)
كي هزت عليها ميما صحبتي قاتلها راني غلطت سامحيني
من هداك النهار وهديك القبايلية تعيط وتهدر بالغش باينة شبعت فيا سبان ، وانا مفهمتش عليها ههههههههه حتى حطيتها فالروجوتي

انا هبلوني وحد الوقت بالماسكي ، قالي خطيبي كون يزيدو يعيطولك قليلي برك نجبدهم شكون
ايا لمرة لجاية كي عيطولي بالماسكي هددتهم ههههههه قتلهم معلاباليش شكون نتوما مي قادرة نجبكم شكون وما يعياو لابليس قدام باب داركم
من تما ملي كويتك لا ريتك

ازعاجات التلفون هادي ما يليقلها غير تبدلي النيمرو وما تمديهش لمن هب ودب هاد هو الحل
انا من نهار بدلت نيمرو تعي ارتحت من بزاف مشاكل بوغطون رقمي الاول 7 سنين وهو عندي
​

علابالك من وقتاه وانا نحوس نكتب هدا الموضوع ؟
عندي تقريبا سيع شهور
ماقدرتش و قلت للؤلؤة تكتبوا و ماقعدتش و اللي نلقاه نقلوا ، لكن كتب ربي نكتبوا انا
:d:d:d:d:d:d:d
بارك الله فيكي و جزاكي خيرا لمروركي العطر و كلامكي الطيب الغالي
تحياتي احترامي و تقديري لشخصكم الكريم الغالي
:regards01::regards01::love01::love01:
​

 

[¬Đỉaмơŋđ ✿]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

وعليكم السلآم ورحمة الله وبركآته

صرآتلي مرتين هكذآك بصح كي نسمع صوت تاع راجل حاب يحكي ويتمسخر نفوّت التلفون لأي واحد يكون قدآمي بابا ولآ خويآ يكوبي السيد مآيزيدش يعآود أبداً .. درك الحمد لله متهنيّة من هاذي الناحيّة ..
الرقم اللي مانعرفوش مانهزش وفي حآلات كي يتكرر الإتصال أكثر من 3 مرآت نهز نسمع الصوت إذا عرفتو نرد وإذا لالا نكوبي وندير بلوك للرقم،نيميرو بريفي كون يطير للسما مانريبونديش عليه ..
كآين نآس بسبب هاذي الإتصآلات لحقو لمشآكل كبآر .. ربي يسترنا ويعافينا
نآس مرضى مآيخآفوش ربي بآطلين شغل ..


ربي يهديهم ويبعد علينآ بلآهم
صحيتِ أختي على الموضوع

​

 

[السلطانة]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

وعليكم السلام انا نفشل كي نشوف ناس مازالت بهاد المستوى

رانا في 2016 ارتقوا قليلا

تبا ههههههههههههه مازالو برك بعقلية يتعرفو على طفلة في البورتابل

وانا لي حبستلي راسي مرة عيط واحد في الفيكس هزيت قالي صونيا تم

العفسة تاع عام الروز شكون مازال يحكي بالفيكس خخخخخخخخخخخخخ

ناس مهما في بالها اطورت مازالها بزاف بعيدة

انا رقم منعرفوش منهزش عليه ولي تعود وحدة تعرفني تبعث ميساج

يعطيك الصحة اختي على الموضوع

مرحبا بيك في واش راك تهدر

 

[الرومنسي الجاد]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

مام بنات كاين لي مقودين في ريوسهم يبهدلوووو تاني ههههه
كاينة لي تعط وتقولي انا خياطة ونتا عطيتلي نمروك !! مالغري لا علاقة انا بموضوع الخياطة نهائيا
وانا جارتك فلانة وووو شفتك مع فلان وفلانة وووووو يعني ...مش غي لولاد لي يدراقيو ف تلفون
مرسي شيما هههه موضوع في بلاصتو

 

[نقاء الورد]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

مرحبا غاليتي
موضوع في الصميم يفش شوي الغل لي فينا ههه بيناتنا كنت نقرا ونضحك تشوفي لعجب تع الصح
للصراحة انا اكثر بني ادم في الكرة الارضية نكره نحكي في التلفون على هك كان تليفوني بلا شريحة تسمى نستعملو غير برامج لعب قراية هك ...
وبعد صبت خواتاتي يسكنو بعاد مكسرين لي راسي ديري ديري وحنا كي نحتاجوك:s ولا كي نخرج من الدار تحب ماما تطمن عليا قنعووني فوق من قلبي هههه
جربتو ايامات وكرهت حياتي اولا انا منرفدش على رقم منعرفوش هه عاودو لبنات هبلوني ونتي ونتي مترفديش ساعات وحدة تدير رقم جديد ولا رقم راجلها تعيط بيه
متعرضتش لمعاكسات هك صراحة :down: بصح لبنات صحاباتي وخواتي هوما لي مزعجات بعض الشي تبا يا ناس انا منحبش نحكي في التليفون هه:smile02:
درك برطابلي سيلونس باه منرفدش (شريرة انا)
للعلم بالاك اطول مكالمة درتها في حياتي 10 دقايق ههههه:yahoo01:
تحيااااااتي
نقاء..:love01:
​

 

[secret de coeur]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

عانيت من هاد المشكلة وقت فات وحتى واحد غلط قصدي انا غلطت فالنيميرو وعيطتلو لصقني ولا يقولي حتى عيدك مبروك هههه ما امنتش واش تفاهة هادي قريب رجعني ملافامي
والي تقتلني كي كانو يبيبيولي بالماسكي هديك عفسة تنذر بانو راهم يشوفو فيك وراهم يدرونجيو ويوفو لا غياكسيون
والله تفاهات
مهم رحمة ربي درك تيليفون ساكت اش 24
يصوني غي رافاي
دك يجي نهار ويسكت بورتابلك اي فترة برك تاع ديرونجمون وتفووووووت

 

[أم أُنٌَيسة]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

وعليكم السلآم ورحمة الله وبركآته

صرآتلي مرتين هكذآك بصح كي نسمع صوت تاع راجل حاب يحكي ويتمسخر نفوّت التلفون لأي واحد يكون قدآمي بابا ولآ خويآ يكوبي السيد مآيزيدش يعآود أبداً .. درك الحمد لله متهنيّة من هاذي الناحيّة ..
الرقم اللي مانعرفوش مانهزش وفي حآلات كي يتكرر الإتصال أكثر من 3 مرآت نهز نسمع الصوت إذا عرفتو نرد وإذا لالا نكوبي وندير بلوك للرقم،نيميرو بريفي كون يطير للسما مانريبونديش عليه ..
كآين نآس بسبب هاذي الإتصآلات لحقو لمشآكل كبآر .. ربي يسترنا ويعافينا
نآس مرضى مآيخآفوش ربي بآطلين شغل ..


ربي يهديهم ويبعد علينآ بلآهم
صحيتِ أختي على الموضوع

​

ايه يا اختي و الله تتشوكاي
و الحاجة اللي تقتلك صح انو لما نقللهم اتقو مولاكم يقولولي علاه رانا نديرو في حاجة حرام و لا غالط ؟
صدقيني نولي مانضويش
مرحبا بيكي اختي الغالية نورتي
بارك الله فيكي و جزاكي خيرا لمروركي العطر و كلامكي الطيب الغالي
تحياتي احترامي و تقديري لشخصكم الكريم الغالي
:regards01::regards01::love01::love01:
​

 

[mà_dikrà]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

سـلآمّ ..

منقدروا نقولوا غي هدي صوالح تصرآ لـنآس كآمل
مي لي يتمسخر ولي ورآ لحكآية شكون ؟؟
ربي يهدي ما خلق
ويعطيكّ الصحة حنونة ^^​

​

 

[آمِيْرَتُه]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

السلام عليكم ورحمة الله تعالى و بركاته
آهلا بملك له ( يعجبني اسمك هه)
والله يا اختي طليتي على قلبي
وحد النهار عيط واحد رديت قتله الو قالي كمال سكت شوية قتله راك غالط قلت واقيلا صوتي كيما صوت الراجل خخخ
عاود رديت آلو قالي آختي نحوس على كمال هنا الشك راح تماما من راسي و رجتلي الروح أن صوتي آنثوي ههه قتله راك غالط خويا و كوبيت منبعد بدا يعيط و يعيط و يعيط كي عيطلي المسيو قتله هاك هذا من صباح راه كمال كمال و كل ساعة يجيب نيميرو جديد و أنا هبلت المهم عيطله قاله سامحني و حكاله قصة حياته بالتفصيل و حلو المشكلة أن ميزيدش يعيط راه نيميرو نتاع وحدة متزوجة راكم عارفين بالحكايات هذو لمهم عشت في سعادة و هناء و لكن بعد شهور يتعاود نفس السيناريو كمال و صاحبه و راه يحس عليه تفارقوا عندهم مدة و طيريطي وووو و عاودنا فهمناه و قال سمحونا منعاودش و لكن تعاودت نفس الهدرة و هنا كنا الهجوم الصارم ني سلام ني خويا راك غالط تزيد تعيط إذ لقيت روحك تشرع نورمال ' دخلنا المخابرات و الشرطة أسلوب التخويف هه ' و تهنينا منه و لدرك نسى الحكاية
مش ارف هذي المخلوقات كي تفهم أنت تقولي غالط و هو يلصق سيرتو لسمع صوت شيرة آهي آهي يفرح يبغي يطير و مرة ثاني صراتلي في تلفون دارنا رديت قالي فلان قتله غالط قالي صوتك يهبل كوبيت عليه قعد شوية و عاود مبغيتش نرد آنا ملا رد خويا قاله آلوووووووو كوبا هههه كي سمع صوت راجل
تبان ليا لي كيما هاك معندهمش ذرة تربية و تبان ليا كيما تقولو جبورة مازال ميرتاقو للمستوى المطلوب شعب تافه نتاع الصح
سمحيلي طولت عليك ههه يعطيك الصحة و هذا الشعب يستاهل غير التخويف و العياط ميبغوش نتاع راك غالط خويا

 

[Hakan]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

السلاام عليكم
اهلا بالاخت الكريمة والله يااختي ما يحدث لك يحدث مع الكثيرات
ونااس فاارغة شغل مي ملااحظة بكري ماشي كيما ضركاا بكري كان غير التيليفون
لكن منين جات 3g هاذي خلااص النااس رجعت تحكي بالفايسبووك
ويضيع وقتو لتم
انا كانو شي بنات يعيطولي في التيليفون ويحكيو معاياا
سااعات انا نبهدلهم حتى يروحو يعفوني لكن لا حيااة لمن تنادي
دركا تجيني حااجة عادية تعيطلي طفلة نحكي مع المخلووقة نورماال نخليها تفرغ قلبها ومن بعد لاليست بلوكي وانتهى كل شيء
تعاود تعيطلي من بعد نفهمها بكل ادب بلي هاداك مااشي مليح
وخلاااص ومنين بدلت لابوس نتاعي والنيميرو نتااعي تهنيت كنت نستعمل دجيزي يعرفوه خلق ربي كاامل
وعندو تقريبا من 2011 وقديم دركاا عندي عاام شريت موبيليس تهنيت من وجع الرااس
وجاامي خممت نغلط ونحكي مع وحدة
ربي يعفو علينا وانت ساعفي هادو العبااد كي يعيطلك فهميه بالعقل بلي اللشي عيب
ومتاكد رايح يقنع واذا ماكانش عيطي لولي امرك ولا زوجك او خطيبك ولا خوك بااش يحكيو معااه وتفر ان شااء الله
سلاام وشكراا على الموضوع ..​

 

[fifty shades]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

السلام عليكم و رحمة الله و بركاته ....
اختي واش نقولك ؟ موضوع متميز و شائع جدا ... و ربي عالم اذا يديروها بلعاني و لا غلطات انا بالنسبة لي هادوك كلهم بهاليل و تافهين ... يقعدوا يفوتوا الوقت بالناس ( حاشا لي مايستاهلش )
بالنسبة لسؤالك : اجل ، انا وحدة من بزااف الغاشي اللي يصرالهمم هاكا
و نعطيك خدعة فعالة شوفي كي يعطواك بنيميرو غالط و يقعدوا فير يعاودوا ارفدي بصح غطي التيليفون بمخدة و لا كاش حاجة .... تعرفي علاه ؟ باه تاكليلهم لي زونيتي و تاني باش ما يعاودوش يدوروا بيك ... مجربة من قبلي
عاد لوكان نقولك ... خالتي تقولي هادوك لي يغلطو و كي ترفدي عليهم يعرفوا بلي انت بنت ... راحت عليك اللعبة يقعدوا غير يعاودوا بدون كلل و لا ملل
المهم_ في الاخير الله يهديهم و يهدي امثالهم
شكرا لك يا اختاه للموضوع المتالق ...في امان الله

 

[ام جمانة]

رد: قولولي برك ، يصرا هدا الشي معاكم ولا انا برك ؟؟؟؟؟؟؟؟

أنا شحال مرة صراتلي ،كي نلقى نيمرو غالط تعرفو واش نديرنرفد و نخليه يتكلم وحده حتى يقطع وإدا عاود ندير كيما المرة الاولى حتى يكره وما يعاودش .